برافو وزارة القوى العاملة .. أعلنت قائمة بشركات التسفير الوهمية

[se_ Elsyed]

زي ما هاجمنا عيشة لما الشيطان وزها في موضوع الخادمات الله لا يرجعه ... لازم نحييها لم تعمل حاجه صح ..

هي مش حاجه واحده بيني وبينكم بل حاجتين

فمن إسبوعين أعلنت وزارة القوى العاملة أسماء شركات سعودية موضوعة على القائمة السوداء وغير مسموح لها التعامل مع مصر لإن في ضدها شكاوى عمالية كثيرة من مصريين يعملون لديها ومعظمها كانت مراكز تجميل ومستوصفات وباتلاي الوزارة حمت أي مصر جديد من إنه ينخدع منهم تاني ..

واليوم ها هي الوزارة تُعلن أسماء شركات التسفير المشبوهة في مصر والتي يجب الإبتعاد عنها

"القوى العاملة" تصدر قائمة بـ شركات التسفير الوهمية

22/09/2008

حذرت وزارة القوى العاملة والهجرة المصرية الشباب والعمالة الراغبة في السفر للعمل بالخارج من التعامل مع الشركات الوهمية أو التي تعمل دون ترخيص أو التي تم إيقاف التعامل معها بشكل مؤقت أو دائم.

وأصدرت الوزارة في بيان لها الشركات المخالفة لأحكام القانون فى هذا الشأن، حيث أوضحت أنه تم إيقاف التعامل مع 12 شركة منذ منتصف شهر فبراير/شباط 2007 حتى اليوم لمخالفتها أحكام قانون العمل رقم 12 لسنة 2003 والقرار الوزاري رقم 135 لسنة 2003 باللائحة المنظمة لمزاولة عمليات إلحاق المصريين بالعمل في الخارج والداخل.

وتضمنت قائمة الشركات المخالفة شركة مصر الأردن لإلحاق العمالة المصرية وشركة الحسن لإلحاق العمالة المصرية بالخارج وشركة المنياوي لإلحاق العمالة بالخارج وشركة أوليفيا لإلحاق العمالة وشركة الشنديدي للعمالة بالخارج وشركة الساحل الغربي لإلحاق العمالة.

كما ضمت القائمة شركة المبارك لإلحاق العمالة بالخارج وشركة الميرلاند لإلحاق العمالة وشركة السلام لإلحاق العمالة بالخارج وشركة المصرية الخليجية لإلحاق العمالة وشركة عبر العالم لإلحاق العمالة المصرية وشركة الرحمة لإلحاق العمالة المصرية.

وأشار البيان أن الوزارة تلفت أنظار الراغبين للعمل بدولة الكويت- بصفة خاصة - إلى أهمية اتباع إرشادات معينة قبل السفر، وهي الحصول على جواز سفر ساري المفعول ومعتمد من السلطات المصرية والحصول على سمة الدخول من إحدى القنصليات الكويتية بالخارج، ودخول الكويت من خلال الأماكن المخصصة لذلك وحددتها في (مطار الكويت الدولي ـ العبدلي ـ السالمي ـ النويصيب ـ ميناء الأحمدي الشمالي والجنوبي ـ ميناء الشعيبة ـ ميناء عبد الله ـ ميناء الزور ـ ميناء الشويخ ـ ميناء الدوحة فيلكا).

وحذرت وزارة القوى العاملة والهجرة من أنه فى حالة عدم اتباع القنوات الشرعية سوف تتعرض العمالة المخالفة لعقوبات تتراوح بين الحبس والغرامة.

[الباشمهندس ياسر]

الى مزيد من الاصلاحات ان شاء الله

[Diab]

أغلب المكاتب دي موجودة في شارع القصر العيني لاني شفت منها كتير هناك

بس بجد برافو

اخيرا عملت حاجة عدلة

[النجم الثاقب]

"القوى العاملة" تصدر قائمة بـ شركات التسفير الوهمية

22/09/2008

كما ضمت القائمة شركة المبارك لإلحاق العمالة بالخارج وشركة الميرلاند لإلحاق العمالة وشركة السلام لإلحاق العمالة بالخارج وشركة المصرية الخليجية لإلحاق العمالة وشركة عبر العالم لإلحاق العمالة المصرية وشركة الرحمة لإلحاق العمالة المصرية.

.

غريبة قوى .. الشركة دى انا اتعاملت معاهم و المعاملة كانت جيدة .. اينعم انا مكملتش معاهم لظروف خاصة .. لكن كان واضح انهم محترمين .. و تقريبا دى الشركة الوحيدة اللى عملت انترفيو بجد .. الا اذا كانت نوع من انواع جر الرجل :lol:

[webmaster]

حقيقا شركات السفريات عايزه اسلوب للتعامل معاهم , اسلوب البايع الوظيفة , و فى نفس الوقت تتكلم بعزه نفس اوى , و اوعى تحسسهم انك محتاج ليهم , ده هما العايزين خبراتك برة , و تفاصل معاهم فى السعر , مثلا فاصل للنصف ,

لان معظمهم اعوذ بالله

[عمرعمرعمر]

مشكور يا باشا

بس انا اعرف واحد صاحبي جه علي شركة الساحل الغربي و بيشكر فيها

ده للعلم

[قديم]

سمح لي استاذ سيــد باقتباس جزء من الخبــر وهــو ::

وأشار البيان أن الوزارة تلفت أنظار الراغبين للعمل بدولة الكويت- بصفة خاصة - إلى أهمية اتباع إرشادات معينة قبل السفر، وهي الحصول على جواز سفر ساري المفعول ومعتمد من السلطات المصرية والحصول على سمة الدخول من إحدى القنصليات الكويتية بالخارج، ودخول الكويت من خلال الأماكن المخصصة لذلك وحددتها في (مطار الكويت الدولي ـ العبدلي ـ السالمي ـ النويصيب ـ ميناء الأحمدي الشمالي والجنوبي ـ ميناء الشعيبة ـ ميناء عبد الله ـ ميناء الزور ـ ميناء الشويخ ـ ميناء الدوحة فيلكا).

.

بصفــه خاصــه يعني ايـه بصراحــه يعني ممكن تسافر لغير الكويت بجوزار سفر منتهي الصلاحــيه ... ومن غير تاشيــره ..؟

الموضوع غريب شويه .؟؟؟

وحذرت وزارة القوى العاملة والهجرة من أنه فى حالة عدم اتباع القنوات الشرعية سوف تتعرض العمالة المخالفة لعقوبات تتراوح بين الحبس والغرامة.

هنا مربط الفرس زي ما بيقول المثل العربي

السم في العسل زي ما بيقولو .. احنا حذرناكم لو حد ضحك عليكم هنحاسبكم انتم مش هنحاسب مكاتب الترحيل . وا عجبي؟؟؟ علامات استفهام كبيــره ..؟

تم تعديل 23 سبتمبر 2008 بواسطة قديم

[محمد عبدالعزيز]

مكتوب إنه تم إيقاف التعامل مع هذه الشركات حتى اليوم لمخالفتها قانون العمل, يعنى الشركات دى شغالة بس مخالفة؟

ومين اللى أوقف التعامل معاهم الوزارة ولا المواطنين؟

أعتقد المفروض غلق هذه الشركات حتى تصحح أوضاعها وليس إيقاف التعامل معها فقط, صح ولا إيه؟

[AboAsem]

السلام عليكم

عايز أعرف بالتحديد ما هى أسباب وضع هذة الشركات على القائمه السوداء أو إيقافها عن العمل؟

يعنى بسبب نصب على المواطنين ، و لا أسباب إداريه بحته لا علاقه لها بمصالح الناس

يا ريت الناس تعرف المخالفات المرتكبه إيه ، على الأقل نعطى للموضوع حجمه و نحذر الناس عديمى الخبرة بالتعامل مع شركات السفريات

بالتوفيق

أبو عاصم