خدعة الديموقراطيه

[الرئيس]

ماذا يعني بتغير الرئيس كل مدتين علي الاكثر

هل حالنا بعد الثوره احسن ام قبل الثوره؟

ان تغير الرئيس كل مدتين هيعمل مجال خصب للغير في التدخل في شئوننا الداخليه

وهتتغير احوالنا وحالتنا كل مدتين مش زي ما احنا عايزين زي ما هما عايزين

صح ولا غلط

[الرئيس]

هل الرئيس لو كان عايز نجله يكمل بعديه كان وضع قانون المدتين هذا

في شيئ غريب في كده

ومن الواضح ان هذا مطلب امريكي

عايزنا نعيش الديموقراطيه زيهم نغير الرئيس كل مدتين

وكل شويه واحد يجرب فينا افكاره وخططه وافكار حزبه

ولو فشل مش هننتخبه المده التانيه

ونجيب واحد تاني بفكر جديد يجرب فينا

واه لو عرفو يجيبو واحد من المنتخبين منهم

هيعمل فينا كل الي هما عايزينه

ومش هتكلم علي الي عايزينه دلوقتي

[عصام]

حضرتك ليك معانا 45 مشاركة ..

منهم حوالى 30 فى موضوع سابق إسمه لماذا يجب مبايعة الرئيس والباقى فى موضوع إسمه حزب واحد أمة واحدة إتجاه واحد

يعنى الموضوع مكرر .. دا أولا

أما ثانيا فهو سؤال :

ليه حضرتك ما بتكتبش غير فى الموضوع دا ..

ثالثا بقى معلومة :

إن الموضوع نال 52 مشاهدة وماحدش اهتم انه يرد .. مش برضه دا ممكن يعطيك مؤشر ما؟

عاش الرئيس يا سيدى .. وربنا يمد فى عمره 500 سنة كمان ويجعل يومنا قبل يومه .. ومش عايزين غير الحزب الوطنى والديموقراطية حرام ... كويس كدا؟

[الرئيس]

حضرتك ليك معانا 45 مشاركة ..

منهم حوالى 30 فى موضوع سابق إسمه لماذا يجب مبايعة الرئيس والباقى فى موضوع إسمه حزب واحد أمة واحدة إتجاه واحد

يعنى الموضوع مكرر .. دا أولا

أما ثانيا فهو سؤال :

ليه حضرتك ما بتكتبش غير فى الموضوع دا ..

ثالثا بقى معلومة :

إن الموضوع نال 52 مشاهدة وماحدش اهتم انه يرد .. مش برضه دا ممكن يعطيك مؤشر ما؟

عاش الرئيس يا سيدى .. وربنا يمد فى عمره 500 سنة كمان ويجعل يومنا قبل يومه .. ومش عايزين غير الحزب الوطنى والديموقراطية حرام ... كويس كدا؟

الموضوع ليس مكرر

وبكتب في هذا الموضوعات لدرجه خطورتها علينا

ولان الكل بيتكلم فيها بس في الاتجاه الغلط

والعدد ده شاهد الموضوع ولم يرد لاني لسه ما بينتش وجه النظر

ولا انت تعلم الناس بتقراء ايه ويتفهم ايه

ولا الناس فوضتك عنهم في شرح وجه نظرهم

عاش الرئيس تمام

ويمد في عمره تمام

ومش عايزين غير الحزب الوطني غلط

والديموقراطيه حرام تمام صح 100%

وكده كويس

وبعدين انا عايز المعارضين زيك عشان احاورهم

عشان هو ده المطلوب

وهنشوف مين الي كلامه تمام

تمام

[عصام]

ولا انت تعلم الناس بتقراء ايه ويتفهم ايه

ولا الناس فوضتك عنهم في شرح وجه نظرهم

إنت عصبى ليه؟ دا حتى الموضوعات اللى من النوع دا بتبقى محتاجة أعصاب باردة :lol:

والعدد ده شاهد الموضوع ولم يرد لاني لسه ما بينتش وجه النظر

أشك !!

وهنشوف مين الي كلامه تمام

اللى شفته من الموضوعين السابقين ان حضرتك ما وصلتش لحاجة ولم تثبت ان كلامك كان تمام ولا حاجة !!

[حسام يوسف]

ياصباح اللى بتغنى :lol:

[الرئيس]

ولا انت تعلم الناس بتقراء ايه ويتفهم ايه

ولا الناس فوضتك عنهم في شرح وجه نظرهم

إنت عصبى ليه؟ دا حتى الموضوعات اللى من النوع دا بتبقى محتاجة أعصاب باردة

كتبتلك كده عشان تكتبلي كده عشان انت عايز ترد كده

كان واضح من ردك............................ تمام

اللى شفته من الموضوعين السابقين ان حضرتك ما وصلتش لحاجة ولم تثبت ان كلامك كان تمام ولا حاجة !!

يبدو انك نسيت الموضوع القديم كان ماشي ازاي راجعه يمكن تفتكر

لاني في الموضوع القديم الحمد لله غيرت وجه نظر كثير من الناس

لكن المعارضين للموضوع لازم يكون لهم معارضتهم عشان احنا بنكتب للناس

والناس هي الي بتحكم مش حضرتك برده او اداره المنتدي الي بتحكموا

الاداره التي منعتني من الكتابه في موضوعات انتخابات الرياسه

بدون ما اعرف ليه

ويبدو ان محاورات المصريين اصبحت متبنيه لافكار هدامه ونشر الغلط بتاعنا فقط

ولكن اين البناء اين النصيحه اين الامل اين الافكار الي تساعدنا علي الوقوف مش علي الاحباط

هنقعد نقول ده وحش وده وحش لغايه ما نضيع مع الوحشين

انا الي اشك

لان هناك كلام تاني لسه ما طلعش ممكن يضايق سعادتكم

واود ان اشكر حضرتك علي تعريفي بمكان موضوعي القديم لاني ما كنتش لاقيه

شكرا لكم

[حسام يوسف]

والله مش دفاعا عن المحاورات

المحاورات فيها من هم أقدم منى

وأقدر منى على الرد على هجومك واسلوبك المغرض

ومفيش حد قال انة معاك أو مقتنع باللى بتقولة

وأفكار هدامة اية اللى المحاورات تبنتها؟

بالعكس

المحاورات هى الاعتدال

والاتزان

والبعد عن التطرف

ومساعدة البعض للبعض

وناس مهمومة بحب بلدها

ولو انت شايف ان المكان دة مش عاجبك

متجيهوش

انا مارضاهاش ليك انك تيجى مكان مش ولابد

بيووووووووووووووووتيفول

تم تعديل 26 سبتمبر 2008 بواسطة حسام يوسف

[عصام]

بيووووووووووووووووتيفول

نسيت دى يا عم حسام ..

:lol:

باعتذر يا اخوانا للخروج عن الموضوع ..

وباعتذر لحضرتك كمان للخروج عن الموضوع ..

والموضوع لا زال مطروح للمناقشة ..

(كلمة أخيرة .. أنا قاصد أجيب روابط الموضوعات .. كى تساعد من أراد المشاركة .. قبل المشاركة)

خالص تحياتى ..

تم تعديل 26 سبتمبر 2008 بواسطة عصام شوقى

[حسام يوسف]

ومين قال انة خروج عن الموضوع؟

أنا قاصد كلامى والله

[Alshiekh]

ماذا يعني بتغير الرئيس كل مدتين علي الاكثر

هل حالنا بعد الثوره احسن ام قبل الثوره؟

ان تغير الرئيس كل مدتين هيعمل مجال خصب للغير في التدخل في شئوننا الداخليه

وهتتغير احوالنا وحالتنا كل مدتين مش زي ما احنا عايزين زي ما هما عايزين

صح ولا غلط

غلــــــــــــــــــــــــــــــــــــــــــــــط

[أحمد سيف]

أفضل حل للتعامل مع مثل هذه الأفكار والعقليات هي تجاهلها تماما.

الحوار مع الخزي الوطني لا يصح لأنه لن يؤدي الى نتيجه، وأيضا لأنه لا يجوز الحوار مع الإرهابيين والقتلة والمجرمين واللصوص والمفسدين في الأرض.

عموما أنا مش هادخل على هذه النوعية من المواضيع بعذ ذلك علشان ما أحرقش دمي على الصبح.

تحياتي للجميع ما عدا صاحب الموضوع.

[وليد أهلاوى مصراوى]

أيه الموضوع الغريب ده ؟!!!! أنت عايش فى مصر ؟؟؟؟؟؟؟؟؟؟؟؟؟؟؟؟؟ :)

[الرئيس]

طبعا احنا او انا بكتب هنا لله ولديني ولبلدي ولا اري امامي اشخاص

ولكن للاسف النيه السيئه متوفره عند اغلب الناس

عموما ربنا يهدينا ويبصرنا بالحق امين يا رب

انا شايف جدال بين الكتاب حتي في اني اسكت ولا اتكلم في الموضوع ده

ولكن هقول لكم عن النتيجه النهائيه لهذا التفكير في مصيبه الديموقراطيه

وذلك لشعوري بالاحباط من المعارضين

لو طبق هذا النظام الديموقراطي في بلدنا سوف يكون هناك احتمالين لا اري ثالث لهم

اولا :ان يحكمنا راسمالي كبير تابع لهم

يعني تفريغ ثروات البلاد في جيوب اصحابه منهم

الثاني : ان يحكمنا واحد من المتدينين السخنين

وندخل في حرب احنا كافراد غير مستعدين لها

ولا اقول مستعدين عسكريا ولكن اقول غير مستعدين دينيا

لاننا كمسلمين لنا ميزه اننا سنهزمهم حتي لو كانو ضعفنا في العدد والعده

بس الاول نكون مسلمين مؤمنين

ونكمل تاني بعد شويه

[عصام]

انا شايف جدال بين الكتاب حتي في اني اسكت ولا اتكلم في الموضوع ده

فين دا حضرتك؟

كل اللى انكتب فى الموضوع بيصب فى اتجاه واحد wst::

[الرئيس]

خلاص ما تزعلش خلص الكلام
وخليكم في الي انتم فيه
ومش عارف هنكون موجودين عشان نشوف النتيجه ولا لا wst:: :D
ربنا يستر علي المسلمين والعرب والمصريين