لومكنتش تشتغل شغلتك-كنت تتمنى تشتغل اية؟

[حسام يوسف]

طبعا العنوان واضح

منا اللى مش راضى عن شغلة

ومنا اللى راضى عنة

لو مش راضى عن شغلك

كنت تتمنى تشتغل اية؟

ولية؟

ولوكنت بتحب شغلك

لو كنت تشتغل غيرة نشنغل اية؟

ولية؟

طلع احلامك

وفضفض

هيبقى

لاكلام ؟

ولا فعل؟

اتفضل

قول طلباتك

تم تعديل 22 سبتمبر 2008 بواسطة حسام يوسف

[حسام يوسف]

أيام الدراسة ما قبل الجامعة

كنت شاطر

بس مش الأوائل

أفهم بسرعة اه

أحرت

وأدح

وأستموس

لأ

كان نفسى اشتغل مرشد سياحى

اتكلم لغات

وأشوف جنسيات

وناس من كل بلد

حضارات مختلفة

أفكار مختلفة

فسح

خروج

معابد

فلوكة فى النيل

سفر

جينزطول النهار

مفيش بقى حضور وانصراف

ولا قعدة على مكتب

وفجأة

اتدمرت أحلامى

كنت بذاكر عادى فى ثانوية عامة

بس من غير ما أقصد

تا تا تا طن :lol:

المجموع جة عالى :lol:

مكنتش متوقع أبدا

مذاكرتى كانت تخاطيف

وكانت فية بنت جارتى بلكونتها قصاد بلكونتنا

يااااااااااااااااة

البنت دى سبب نكدى لفترة طويلة فى فترة يفترض أنها من أجمل فترات عمرى

انا أحب حاجتين القراية

فى أى حاجة

وعن أى حاجة

والكورة

دى بقى كانت هوايتها

تقعد تذاكر

ياقوة الله

كانت منازل

ومع هذا لا تكل ولاتمل

قاعدة ع الكتاب ليل نهار

والعبد لله من 11 نايم فى السرير

ما أنا ماسك الاذاعة المدرسية

ولازم أنام بدرى عشان بنعمل بروفة قبل ما نبدأ

ييجى ابويا فى عز الحلم التانى أو التالت تقريبا

ويصحينى

(شايف

البنت

اللى كدة كدة مسيرها للجواز

سهرانة

هية بتذاكر وانت نايملى من 11؟

ياللى هتبقى راجل وتفتح بيت)

يا بنت ال------------

المهم بعد فترة من المناهدة بينى وبين الحاج

أيقن انى مش هعمل الا اللى فى دماغى

وان دماغى ناشفة

ومابجيش بالضغط

ودى أسوأ عيوبى حتى الان

وتقريبا استعوض الله فية

ويفاجأ ابويا يوم نتيجة الثانوية العامة

ويفاجأ معاه أمى

وأكتر منهم مفاجأة كاتب السطور

بمجموع عالى والحمدلله

قبل ما يقولى مبروك

قلتلة

صاحبتك جابت كام بقى؟

دة تلاقيها جابت 200%

اذا كنت انا جبت المجموع دة

وبالليل عرفت انها جابت أقل منى وبكتير

المهم

بفرحة النتيجة بقى

اشتغل الضغط علية من ناحية الوالدين

عايزين دكتور

ابننا يبقى دكتور

قلتلهم خلاص

صيدلة

قالوا لأ

دكتووووووووووووووووور

وأبويا يقولى وأنا هسيب شغلى وأمسكلك العيادة

وأقعد ع( الكيس)

مرضيتش أشلهم وأدخل سياحة وفنادق

واكتفيت بصيدلة

لما استلمت جواب التنسيق

مسكت الطوابع

ولزقتهم و

همة نايمين ومقيلين شوية الضهر فى حر أسوان الهجير

وتراك

تراك

تراك

صيدلات

تراك

تراك

تراك

تراك

هندسات

تراك

تراك

تراك

سياحات

صحى ابويا

شاف المنظر

قاللى يا ابن ال----------

ماعلينا

اللى بيشتم بيشتم نفسة :lol:

وهكذا ضاع منى حلمى كمرشد

وبقيت صيدلى

بس على فكرة

ماكانش نفسى بس انى اشتغل صيدلى

كان نفسى فى مهن كتير

يتبع لاحقا

تم تعديل 23 سبتمبر 2008 بواسطة حسام يوسف

[iloveegypt]

لومكنتش مهندس

كان نفسى ابقى مراسل حربى

او مترجم لغة كورية ليه بقى دى قصة طويلة

[Alrefaey]

موضوعك حلو اخى الكريم بس الواحد يخاف يقول رأية ليقال عدم رضا بالنصيب وعموما هقولك

مبدئيا انا صيدلى واتجوزنا بعض عن حب ههه يعنى دخلتها بأختيارى وهى مهنه جميلة وتجعلك تشعر بالرضا عن نفسك لكن

للأسف كانت امنيتى لما دخلت الكلية انى اكمل بعدها فى مجال البحث العلمى واشتغل فى األابحاث على drug design او اعمل فى التدريس فى الجامعه او اشتغل كلينيكال فى المستشفيات زى اوروبا وامريكا

ينتابنى احساس بالضيق لما انظر الى حالنا فى الوطن العربى من تحول المهنه كتجارة بحته فأنا لم ادخل المهنه كى اكون تاجرا او بائعا

من عيوب مهنتنا ايضا انك بعد التخرج تصبح صيدلى وبعد عشرة سنوات ايضا صيدلى وبعد 40 سنة نفس الشىء وانا بطبعى بمل بسرعه من الثبات على وضع واحد

وبحب التغير وعدم النمطية

اما بخصوص سؤالك ماذا كنت تتمنى ؟ اتمنى اى مهنه فيها ابتكار وتجديد ورقى وتعمتد على القدرة الذهنية اكثر من القدرة البدنيه

[yassir]

و الله يادكتورنا كان نفسى أبقى صاحب و مدير أكبر مجمع خدمات اسلامى فى مصر بس الحلم ضاع من زمان , و انا صغير كنت كنت أقعد أرسم مكان الجامع و مكان بيت المغتربات و المستوصف و كل مره أحط الباركنج فى مكان غلط ...و أعيد من الأول ...و كا ن أبويا يقولى ....عاملى فيها مصلح أجتماعى .... طب الجامع و قلنا ماشى و أساعدك ...مالك أنت بوجع الدماغ ....و الأيام جريت و من رئيس المشروع لمتطوع صغير فى جامع و لا مؤسسه صغيره فى تورنتو ....بس لسه الحلم ماأتنساش ....ياترى لسه فاضله وقت .... :lol:

[حسام يوسف]

أشكر الزميل د.الرفاعى على تشريفة لموضوعنا

وأهو موضوع ان الواحد صيدلى

وبعد 90 سنة برضة صيدلى دة اللى ضايقنى فى المهنة دى

وكلام فى سرك أنا بدأت اولى خطوات تغيير المهنة المملة دى

بس ماتقولش لحد :lol:

بس ياريت تقولنا كان نفسك تشتغل اية؟

[حسام يوسف]

الفاضل ياسر

اللى أسرنا بجمايلة فى باب كندا

شرفتنا

وان شاء الله ربنايديك العمر وتوصل لحلمك

وواضح انك ع الطريق

ممكن تكون فى البداية

بس ع الطريق

ربناينولك اللى فى بالك

وأتمنى لو الظروف تساعدنى

وتضمنى ليك فى أعمال الخير

ونشوف حل لمشكلة الباركنج :lol:

[جويرية]

واحدة قريبتي بتقولي لما انا كنت طفلة كنت بقول اني عايزة أطلع مضيفة طيران

سبحان الله

أدي شكلي الحالي

يا تري لو مضيفة طيران كانت بالشكل ده حيحصل أيه ؟ الركاب حيتخضوا حيقولوا ده فيه أرهابي في الطيارة

[HDarwish]

طيار مدني

[محمد عبدالعزيز]

اتسألت السؤال ده قبل كده من زميل فى العمل, وكانت إجابتى وقتها أختار مهنة البحث عن المتاعب, صحفى يعنى.

[حسام يوسف]

أنا بشكر الزملاء على مشاركاتهم

بس ممكن نوضح سبب اختيار المهنة الحلم

[Alrefaey]

أشكر الزميل د.الرفاعى على تشريفة لموضوعنا

وأهو موضوع ان الواحد صيدلى

وبعد 90 سنة برضة صيدلى دة اللى ضايقنى فى المهنة دى

وكلام فى سرك أنا بدأت اولى خطوات تغيير المهنة المملة دى

بس ماتقولش لحد :blush2:

بس ياريت تقولنا كان نفسك تشتغل اية؟

ياباشا انا اللى لى الشرف وشكرا على تعقيبك

اما بخصوص كان نفسى اطلع اية انا بحب الدبلوماسية تقدر تقول كان نفسى اكون دبلوماسى

[Virus]

أيوه كده خلي الواحد يفضفض..الله ينور يا حس

شوف ..مع إني بحترم جداً الهندسة والمهندسين والكل كليلة..

لكن لو لم أكن مهندساً لوددت أن أكون مصمماً لأفكار الإعلانات ..بصراحة عندي أفكارتفتح وكالة إعلانية كلها محشورة في دماغي وبتنقح علي قوي لما بأشوف إعلانات غبية

وفي مهنة كمان بتلح علي كل ما أحضر أو أشوف حفلة لعمنا سليم سحاب..بتمنى قوي أكون عواد في الفرقة اللي معاه وأمارس شوية الطاقات الموسيقية اللي عندي

يلا مهنتين أهو ياعم وإن شا الله ماحد حوش

المفروض في المستقبل مع التقدم الرهيب في التعليم وفي إمكانيات البشر العقلية يكون لكل واحد على الأقل مهنتين يتقنهم تماما ويشتغلهم الاتنين

[قائد المدفعيه الهولنديه]

الحمد لله انا راضى عن مهنتى كمهندس و انا اللى سعيت ليها من ايام الثانويه و لو لم اكن مهندس لوددت ان اكون مهندس بردو

[حسام يوسف]

واحدة قريبتي بتقولي لما انا كنت طفلة كنت بقول اني عايزة أطلع مضيفة طيران

سبحان الله

أدي شكلي الحالي

يا تري لو مضيفة طيران كانت بالشكل ده حيحصل أيه ؟ الركاب حيتخضوا حيقولوا ده فيه أرهابي في الطيارة

طبعا دى حرية شخصية يا أخت جويرية

كل واحدحر فى المظهر اللى بيظهر بية قدام الناس

بس حتة مضيفة دى وبالشكل دة مش صعبة شوية؟

[جويرية]

واحدة قريبتي بتقولي لما انا كنت طفلة كنت بقول اني عايزة أطلع مضيفة طيران

سبحان الله

أدي شكلي الحالي

يا تري لو مضيفة طيران كانت بالشكل ده حيحصل أيه ؟ الركاب حيتخضوا حيقولوا ده فيه أرهابي في الطيارة

طبعا دى حرية شخصية يا أخت جويرية

كل واحدحر فى المظهر اللى بيظهر بية قدام الناس

بس حتة مضيفة دى وبالشكل دة مش صعبة شوية؟

ما أنا مكنتش أعرف اني كنت عايزة أبقي مضيفة غير لما قريبتي قالتللي الكلام ده

و أقولها انتي متأكدة أن أنا قلت عايزة أطلع مضيفة قالتللي أيوة متأكدة

مضيفة بالشكل ده طبعا صعبة خالص ، مظهر غير حضاري

[حسام يوسف]

لأ العفو يا أختى جويرية طبعا

مش انة مش مظهر حضارى

لأ

لكنة غير مناسب لمجال العمل فى السياحة والسفر

[حسام يوسف]

أول شغلانة كان نفسى اشتغلها

كان عمرى 6 سنين

كنت نفسى اشتغل (ابن عم محمد بتاع الجرايد)

ايوة

كان نفسة مش بس اشتغل بتاع جرايد

كنت اتمنى ابقى ابن الراجل الطيب دة

لانة انسان طيب

ولأنى هعيش بقى قراية جرايد وكتيب ومجلات

وواضح ان دى كانت أمنية مشتركة مع الزميل والصديق العزيز د.تهامى

ربنايرد غيبتة

ويكرمة

وينجح فى كورساتة

أو يروح فرنسا :blink:

[شاب مصري]

كان نفسي اطلع طيار مدني

كان نفسي جدا جدا جدااااااااا

لكن الموضوع مكلف والأهل رفضوا ولان المجموع كان كبير دخلت كلية قمة من باب (( انا وجدنا آبائنا على هذا)) يعني زي اي مجموع كبير كدا يبقى لازم تخش كلية كذا

لما اتخرج من الكلية لو توفر معايا فلوس مناسبة هدرس الطيران المدني و يارب يسهل واقدر اشتغل فيه ان شاء الله .

[حسام يوسف]

كان نفسي اطلع طيار مدني

كان نفسي جدا جدا جدااااااااا

لكن الموضوع مكلف والأهل رفضوا ولان المجموع كان كبير دخلت كلية قمة من باب (( انا وجدنا آبائنا على هذا)) يعني زي اي مجموع كبير كدا يبقى لازم تخش كلية كذا

لما اتخرج من الكلية لو توفر معايا فلوس مناسبة هدرس الطيران المدني و يارب يسهل واقدر اشتغل فيه ان شاء الله .

عزيزى شاب مصرى

قواعد اللعبة

تقول انت كنت بتحلم باية؟

ولية؟

ياريت تقولنا لية كنت عايز تشتغل طيار مدنى؟