لومكنتش تشتغل شغلتك-كنت تتمنى تشتغل اية؟

[otaka]

طبعا واحد عامل ابو العريف زى حلاتى ملوش الا شغلانه واحده

استشارى طبعا فى امور المال و الاعمال

انا طبعا درست فى الجامعه حوالى سنه و نص و دى لما كنت نشيط على المنتدى

بس بقالى 10 شهور شغال استشارى فى شركه استشارات علشان لما احاول ارجع اى بلد عربى يكون عندى فرص متعدده

انا كان نفسى اطلع اقتصادى من و انا فى المدرسه

بس حاليا بقول لو كنت فتحت كشك و لا دكان كان زمانى بانى العماره و مخلف ست سبع اولاد و الاشيه رضا

تم تعديل 29 سبتمبر 2008 بواسطة otaka

[أحمد سيف]

كان نفسي أشتغل ((أرباب))

ودي باللغة الهندو-خليجية لمن لا يعرفها تعني صاحب عمل

بس مش أي عمل ... كل شغلتك إنك تطلع سجل تجاري وتاخذ عليه 20 فيزا ... وتجيب بواحده منهم هندي تقعده في المحل يعمل أي حاجه ... وبالتسعتاشر الباقيين تجيب هنود - برضو - وتسرحهم وتاخذ من كل واحد 300 ريال في الشهر، وكل واحد يشتغل بمعرفته، وأنا أعيش ملك

بذمتكم فيه حياه أحلى من كدا

هوا ده أكل عيش عدد كبير من الخليجيين ... ولله في خلقه شؤون

[الباشمهندس ياسر]

طبعا واحد عامل ابو العريف زى حلاتى ملوش الا شغلانه واحده

استشارى طبعا فى امور المال و الاعمال

انا طبعا درست فى الجامعه حوالى سنه و نص و دى لما كنت نشيط على المنتدى

بس بقالى 10 شهور شغال استشارى فى شركه استشارات علشان لما احاول ارجع اى بلد عربى يكون عندى فرص متعدده

انا كان نفسى اطلع اقتصادى من و انا فى المدرسه

بس حاليا بقول لو كنت فتحت كشك و لا دكان كان زمانى بانى العماره و مخلف ست سبع اولاد و الاشيه رضا

مبدئيا كل سنة وانت طيب

وانا متخيل انك بتهزر بس ايه اللى خلاك تقول كده

[otaka]

طبعا واحد عامل ابو العريف زى حلاتى ملوش الا شغلانه واحده

استشارى طبعا فى امور المال و الاعمال

انا طبعا درست فى الجامعه حوالى سنه و نص و دى لما كنت نشيط على المنتدى

بس بقالى 10 شهور شغال استشارى فى شركه استشارات علشان لما احاول ارجع اى بلد عربى يكون عندى فرص متعدده

انا كان نفسى اطلع اقتصادى من و انا فى المدرسه

بس حاليا بقول لو كنت فتحت كشك و لا دكان كان زمانى بانى العماره و مخلف ست سبع اولاد و الاشيه رضا

مبدئيا كل سنة وانت طيب

وانا متخيل انك بتهزر بس ايه اللى خلاك تقول كده

و انت بالصحة و السلامه

بصراحه كتر التعليم مضر

كان الواحد بقى من عامه الناس وخلاص

لا طالبه مذاكره و لا بتخليك تفهم فتتعقد فتشيل هم الناس

يعنى اسلوب بسيط للهروب من تعقيدات الحياه فى القرن ال21

[ايهاب سالم]

أدي شكلي الحالي

مضيفة بالشكل ده طبعا صعبة خالص ، مظهر غير حضاري :closedeyes:

هو ليس فقط غير حضاري

غير حضاري

غير انساني

غير امني

غير اسلامي

غير عقلي

ضار نفسيا

يسبب الكثير من الكلاكيع

[الباشمهندس ياسر]

و انت بالصحة و السلامه

بصراحه كتر التعليم مضر

كان الواحد بقى من عامه الناس وخلاص

لا طالبه مذاكره و لا بتخليك تفهم فتتعقد فتشيل هم الناس

يعنى اسلوب بسيط للهروب من تعقيدات الحياه فى القرن ال21

فكرتنى بالبيت اللى بيقول

ذو العقل يشقى فى الجحيم بعقله و اخو الجهاله يرتع فى النعيم بجهله

عموما ربنا يوفقنا واياك

ولا تنسانى من دعائك

أدي شكلي الحالي

مضيفة بالشكل ده طبعا صعبة خالص ، مظهر غير حضاري :ninja:

هو ليس فقط غير حضاري

غير حضاري

غير انساني

غير امني

غير اسلامي

غير عقلي

ضار نفسيا

يسبب الكثير من الكلاكيع

طيب يا باشمهندس ايهاب

يحصل ايه لو افترضنا ان المنظر ده شىء من الحرية الشخصية

زى اى حد تانى غاوى يلبس خمار اة حجاب عادى او بوديهات او فوق الركبة او تحت الركبة

اعتقد انه من منظور الحرية الشخصية يبقى ده من الناس كلها

و عموما

كل سنة وانت طيب

[حسام يوسف]

الموضوع عن شغلة كان نفسك تشتغلها

والحرية ليها احترامها

لكننا ضد التطرف

وضد العرى

[فــيــروز]

أحيانا باحسد الناس اللىّ بيشتغلوا فى الراديو ..

بياخدوا فلوس على إنّهم يتكلّموا .. و كل ما يكون الكلام فارغ كل ما يكون أحسن ..

نفسى جدّا أمسك الميكروفون و أفضل أتكلّم لحد ما آكل ودان الناس فيقوموا يقفلوا الراديو فى وشّى :lol:

لا صحيح دايما باحسد الناس اللىّ بيقدّموا برامج ليليه ..

باحسّها شغلانه رااااااااااااااااااايقه كده و مفيهاش لا دوشه و لا إزعاج ..

تختار لهم قطعه موسيقيه أو تقرأ لهم فقره من كتاب أو حتى تفاجئهم بغنوه مش ع البال ..

بجد باحسّها شغلانه حالمه جدّا ...

الشغلانه التانيه التى كثيرا ما تلح على بالى و مش عارفه هل أصلح لها ولاّ لأ هى :

رعى الأغنام ..

يبقى عندى كام معزه أسرح بيهم فى الصحرا

ويبقى عندى فسحه كبيره من الوقت للصمت و التأمّل بعيدا عن الزحام و ضوضاء المدن

زمان أيّام الثانويه العامّه كان نفسى جدّا أشتغل صحفيه ..

بس دلوقت باحمد ربنا أن هذا لم يحدث لأنّى لا أحب أن أمارس الكتابه اضطرارا كمهنه لأكل العيش

[ايهاب سالم]

الموضوع عن شغلة كان نفسك تشتغلها

ماشي يا دوك و لا تزعل

أنا أساسا كنت عايز أطلع مهندس معماري ARCHITECT و كنت عايز أدخل فنون جميله قسم عماره مش هندسه لكني دخلت هندسه و درست هندسة كمبيوتر بالغلط

و رغم إني مش زعلان حاليا لأني و الحمد لله حققت نجاح مهني و مادي كويس لكني برضه بأحن كل ما أشوف رسم هندسي

أما المهنه اللي بجد بجد نفسي أشتغلها .. حتى لو PART TIME و ببلاش حتى فهي

عازف بيز جيتار في فرقة جاز أو روك

بأتكلم بجد مش بأهزر

[ايهاب سالم]

طيب يا باشمهندس ايهاب

يحصل ايه لو افترضنا ان المنظر ده شىء من الحرية الشخصية

زى اى حد تانى غاوى يلبس خمار اة حجاب عادى او بوديهات او فوق الركبة او تحت الركبة

اعتقد انه من منظور الحرية الشخصية يبقى ده من الناس كلها

و عموما

كل سنة وانت طيب

مفيش مشكله يا باشمهندس

الحريه مكفوله في الإتجاهين

يعني هي حره فيما تلبس

و أنا حر فيما اكتب

و إنت طيب

[الباشدكتور]

كان نفسي اطلع مهندس ودخلت طب وانا في سادسة دلوقتي و في اولي تجارة جامعة مفتوحة علشان بحب هندسة ومعرفتش ادخلها ومش بحب طب اد كده فدخلت تجارة ادارة اعمال علي كورسات تسويق في الجامعة الامريكية علشان اشتغل في ادارة شركات الادوية او ادارة المستشفيات اعتمادا علي الطب والتجارة والتسويق

ومع اني جد وبتكلم جد بس بقعد اضحك لما افكر في اللي بعمله

انا اتكلمت عن الموضوع ده قبل كده هنا

http://www.egyptiantalks.org/invb/index.php?showtopic=62776

تم تعديل 30 سبتمبر 2008 بواسطة الباشدكتور

[حسام يوسف]

نورتينا والله يا باشمهندسة فيروز

أمنيات جميلة

وكلام مرتب

واسباب منطقية

متزعلش منى ياباشمهندس ايهاب

انت عارف انا بعزك قد اية

لكن مكنتش عايز أنقل الخناقة من باب هدى الاسلام هنا

ونورتنا يا دكتور

دماغك تمام والله وكمل وربنا يوفقك

كل سنة وانتم طيبين

[فــيــروز]

نورتينا والله يا باشمهندسة فيروز

أمنيات جميلة

وكلام مرتب

واسباب منطقية

ده نورك والله يا دكتور حسام

يا ريت بلاش موضوع "باشمهندسه" ده

أنا أينعم معايا الشهاده لكنّى لم أعمل بها قط

وحتى لو كنت أعمل بها فأنا لا أحبّذ استخدام الألقاب المهنيه بين زملاء الكتابه فى المنتدى

ده لو ماكانش يضايقك يعنى

[حسام يوسف]

الاخت الفاضلة فيروز

لأ

طبعا ما يضايقنيش

ودة بيعبر عن شخصية جميلة زيك

وتقبلى تحياتى

وكل سنة وحضرتك طيبة

[قاهرى]

دكتور حسام ...... انا ليا وجهه نظر ان الشغل الى بتشتغلو بعد التخرج هو الى بيحبك فى وظفتك سواء مهندس او دكتور او صيدلى

يعنى تلاقى مهندس مستريح جدا وبيستفيد خبرات كويسة وبياخد راتب كويس هيحب الهندسة حتى لو كان مش متقبلها اوى ايام الكلية وكذلك بالنسبة للصيدلى او الدكتور او او

بالنسبة ليا انا انا اساسا كونت عايز ادخل ادبى ايام ثانوية العامة وكونت نفسى ادخل سياحة وفنادق واطلع شيف لانى وبحكم ناس كتير بحب الطبخ وبحب وقفة المطبخ

لكن اهلى قولولى ادلخها من العلمى احسن والادبى مش هتعرف تجيب مجموع فية واديك شايف اولى ثانوى جايب في درجات الادبى قليل وكدة

المهم دخلت علمى وعملت زيك بعدها كونت بذاكر جامد ولقيت نفسى جايب مجموع كويس استخسرتو فى سياحة وفنادق واطريت ادخل (هندسة)

لكن بصراحة دلوقتى طموحاتى اتغيرات خالص انا دلوقتى نفسى اكون طيار مدنى او مهندس طيران والاهم من انى اكون مهندس طيران نفسى اكون شغال فى شركة طيران جمدة

لانى وجت نفسى فى الطيران اوى حبيت الطيارة والطياران وبقيت بستمتع وانا فى الطيارة ولما بوصل مطار القاهرة قبل لما ادخل على الباص بلف حولين الطيارة افضل اتفرج على الجناح والمراوح والمحرك ومرة طلبت من الكابتن انى اشوف كابينة الطيار واستمتعت جداااااااااااااااااا بيها

موضوعك شيق جدا سلام يا دكتور

[otaka]

الموضوع ده سبب حزمه غير متناغمه من التساولات فى نفسى

استخسرت المجموع??

البلد كلها دكاتره و مهندسين

انا مش قصدى اى تقليل من المهنتين دول بس سياسيا الموضوع ده بيقلق

يعنى من بعد جمال حماد انا معتقدش انى قريت ( اكيد تقصير منى) لمفكر مصرى له رؤيه واضحه (جلال امين جيد الى حد كبير)

فى فراغ كبير جدا فى مجال العلوم الانسانيه فى مصر

مثال على ذلك فى البيت عندنا بيشتروا الاهرام الصبح ففضلت متابع المقالات المنشوره فيها

انا مش خبير صحفى بس فعلا واضح انه الصحافه ضعيفه فى مصر

هل ده لان كل المتفوقين بيستخسروا و لا لانه فعلا مصر بطلت تولد

انا فعلا مش قادر اعبر عن الافكار بس يا ريت كلامى ما يكون جرح اى حد

و تفضلوا بقبول احترامى

تم تعديل 1 أكتوبر 2008 بواسطة otaka

[حسام يوسف]

الأخ القاهرى

أسعدنى مرورك ومشاركتك

ونورتنا يا عم أوتاكا

ومفيش زعل ولا حاجة

دى فضفضة

كل سمة وانتوا طيبين

[ing]

واحدة قريبتي بتقولي لما انا كنت طفلة كنت بقول اني عايزة أطلع مضيفة طيران

سبحان الله

أدي شكلي الحالي

يا تري لو مضيفة طيران كانت بالشكل ده حيحصل أيه ؟ الركاب حيتخضوا حيقولوا ده فيه أرهابي في الطيارة

يااخي حرام عليك الكلام اللي انته بتقول

بدل ما تحمد ربنا ان هداه الي الطريق الصحيح

[ing]

أدي شكلي الحالي

مضيفة بالشكل ده طبعا صعبة خالص ، مظهر غير حضاري

هو ليس فقط غير حضاري

غير حضاري

غير انساني

غير امني

غير اسلامي

غير عقلي

ضار نفسيا

يسبب الكثير من الكلاكيع

يااخي ايهاب اتق الله في كلامك عن النقاب

فيها ايه يعني لو وحده عايزه تحمي نفسها من الفتن وعايزه تحمي السباب منها

اتقي النار التي وقودها الناس والحجارة

[abdooovet]

أدي شكلي الحالي

مضيفة بالشكل ده طبعا صعبة خالص ، مظهر غير حضاري :lol:

هو ليس فقط غير حضاري

غير حضاري

غير انساني

غير امني

غير اسلامي

غير عقلي

ضار نفسيا

يسبب الكثير من الكلاكيع

لا بل حضارى لمجتمعات اسلاميه

وانسانى لان العرى هو حيوانيه

وامنى لان مستحيل شخص ملتزم ممكن يضرك الا لو كان مدسوس ولكن ده ما يخليناش نقول كلهم مدسوسين اخى الفاضل

اسلامى جدا ولا نقاش فى ذلك

عقلى لان التفكير فى الاخره هو العقل بذاته

مريح جدا للنفس فيه ناس ملتزمه كتير الحمد لله

"يسبب الكثير من الكلاكيع" اخى الفاضل الكلام ده مينفعش

انا بعتذر على اتجاه موضوعكم الجميل اتجاه تانى وردى البعيد عن الموضوع المطروح نقاشه لكن انا اعتبرت الكلام ده اتهام ويستوجب الرد مع احترامى الكامل للاخ ايهاب

تم تعديل 1 أكتوبر 2008 بواسطة abdooovet