كيف يتم عمل استقدام للأم

[msayed]

حبايبنا فى المنتدى

لو حد من المخضرمين بالموضوع ده يقدر يساعدنا فى مشكلتنا دى

نحن أربعة أخوة مهندسين وكلنا نعمل فى السعودية ووالدتنا تعدت الستين بقليل وتحضر إلى هنا بتأشيرة زيارة.

المشكلة أن التأشيرة فى وقت ممكن يتم رفض تجديدها تحت أى ظروف

وعلمت من المنتدى أنه من الممكن عمل استقدام للوالدة ولكن ببعض الإجراءات المعقدة

ياريت لو حد عنده خبرة بالموضوع ينورنا ويساعدنا

أو لو تعرفوا مين ممكن يساعدنا

ولكم الدعاء والشكر

م. محمد سيد

[webmaster]

حقيقا انا اسمع ان استقدام الام بيكون بظروف معينة مثلا , انها ترعى زوجتك او زوجة احد من اخواتك فى ولادتها و حملها

او انها مثلا مريضة و مطلوب رعايتها و مفيش حد فى مصر يرعاها

مع العلم ان القانون مش دائما ببمشى هنا

ساعات بيكون عندهم انسانية و بيوافقوا ,

و انت تقدر مؤقتنا تجبها بزيارة و تبقى تجدد مع علمى صعوبة التجديد و التعب البيكون فيها

لكن بلاش تتركوها لوحدها ابدا فى مصر

الام ده كنز كبير و نعمة كبيرة من ربنا

ربنا يخليها ليكم يا رب و يبارك فيكم و يجعلكم دائما متجمعين و مش تتفرقكوا ابدا

السلام عليكم

[redwany]

مع اختلافى مع سى السيد وانا عارف انى هاطرد من المنتدى ولكن هو الوحيد اللى هيفيدك لانه مخضرم فى الحاجات ديه فحضرتك انتظر رده ولا تاخد براى اح حتى يرد عليك سى السيد وهو مش هياخر فى الرد عليك

بالتوفيق

[msayed]

أشكركم إخوانى على الاهتمام والرد، هى والحمد لله حاليا فى المملكة فى زيارة لمدة شهر ولكن تجديد الزيارة مش مضمون خالص. وأنا قريت كتير للأخ سى السيد وأنتظر أن يفيدنى واللى زيى بخبرته.

[se_ Elsyed]

إستقدام الام يا أخي الكريم لا يتم إلا بطلب من الامارة ووزارة الداخلية كحالة إنسانية فقط تُقبل أو تُرفض ... وللأسف الحالات التي رأيتها نجحت أمامي قليلة جداً ولازم لك طول بال وصبر ... فحاول بقى تاخد اللفة بتاعت الإمارة وتكتب لهم طلب استقدام لإنك العائل الوحيد لها ولإنها أرملة ومافيش حد يرعاها وتجيب كل المستندات اللي تثبت ذلك وتثبت إن كل إخوتك هنا في السعودية وهكذا .

[msayed]

إن شاء الله ها ابدأ فى اللازم ولكن مش ها ينفع بدون دعواتكم ، وإن شاء الله ها أخبركم بالنتيجة وما تم بالظبط سواء نجحت أو ...

وبالفعل الوالدة أرملة ومالهش أولاد فى مصر كلنا فى السعودية

ولو فيه طريقة مضمونة ومجربة تختصر على الوقت والجهد يا ريت تدلونى عليها.

وجزاكم الله خيراً على جهدكم

[Diab]

ممكن تجيب مراتك و حماتك لكن والدتك

no way

وعجبي

[se_ Elsyed]

ممكن تجيب مراتك و حماتك لكن والدتك

no way

وعجبي

ليه يا عم ما الحاجة جت أول إمبارح وسايبها في البيت أهي ؟!!!

الكلام ده يا دياب بيبقى من شعبان لحد الحج .. وغالباً لا يوافق للحما أيضاً يعني للزوجة بس ... اللهم إلا لو كانت مهنتك في الإقامة طبيب أو مهندس ...

[Diab]

ممكن تجيب مراتك و حماتك لكن والدتك

no way

وعجبي

ليه يا عم ما الحاجة جت أول إمبارح وسايبها في البيت أهي ؟!!!

الكلام ده يا دياب بيبقى من شعبان لحد الحج .. وغالباً لا يوافق للحما أيضاً يعني للزوجة بس ... اللهم إلا لو كانت مهنتك في الإقامة طبيب أو مهندس ...

يا أبو علي انا بتكلم علي الناس كلها بالنسبة ليا انا والدتي اقامت معي سنة ونصف ( بواسطة ) طبعا

اللهم إلا لو كانت مهنتك في الإقامة طبيب أو مهندس

الإتنين موجود

[عمرعمرعمر]

علي فكرة انا جبت والدتي العام الماضي زيارة و قعدت معايا من اول رجب 1428 لحد ربيع تاني 1429 و عملت كام عمرة و حجت و الحمد لله و روحت

[edge]

[font="Tahoma"]السلام عليكم ورحمة الله وبركاته

هناك حل آخر سمعت عنه ولست أدري مدي فاعليته بالنسبة اليك , في حالة كونك متزوج وزوجتك معك ولديك اطفال من حقك ان تطلب استقدام لمربية منزلية عن طريق مكاتب الأستقدام وتستخرج فيزة لها وتأتي الي المملكة بفزة عمل ويكون لها اقامة نظامية ولو أردات ان تحج تحج بتصريح حج نظامي والسفر والعودة بتأشيرة عادية بدون الحاجة لتجديد الزيارة.

وفي النهاية بالتوفيق لك ولجميع المسلمين.[/font

السلام عليكم

]

[msayed]

كلمت أمارة الرياض بالأمس ولكن وجدتهم فى أجازة لكن لما شرحت الأمر للأخ إلى رد على قال لى "أبشر" وتقريبا ده حد مهم قوى فى الإمارة ممكن يكون الحارس أو الناطور زى إخوانا السوريين ما بيقولوا - وإن شاء الله ها أكلمهم بعد العيد.

وبرضه حل المربية كويس، حتى تبقى فرصة تكمل ربايتى po:: -

الحل ده ها يبقى مكلف شوية لكن الغالى يرخص لست الحبايب.

لكن فى هذه الحالة هل هى ستكون فى كفالتى أم فى كفالة مكتب الإستقدام؟

وكل سنة وانتم طيبين جميعا وعيد سعيد

تم تعديل 25 سبتمبر 2008 بواسطة msayed

[edge]

_{السلام عليكم مجددا}

_{بخصوص سؤالك ستكون على كفالتك انت وينطبق عليها أحكام قانون العمل يعني معاها اقامة زيك بالظبط وتجدد كل سنه ولو قصرت معاها من حقها تطلب نقل كفالة علي حد من اخواتك طبعا .}

_{وما تنساش يا عزيزي لازم تدفع راتب أول كل شهر}

_{وبالتوفيق لك ولجميع المسلمين ان شاء الله}

[shrbiny]

استحاله تعملها استقدام على انها مربيه وهي فوق 60 سنه

[msayed]

استحاله تعملها استقدام على انها مربيه وهي فوق 60 سنه

ما انتبهتش لهذه النقطة أشكرك يا أستاذ شربينى

والحمد لله إن جت من عند ربنا لأن موضوع مربية ده كان تقيل على قلبى جداً ويارب ييسرلنا طريقة تدخل والدتى بيها معززة مكرمة.

ويارب بحق هذه الأيام المباركة يوفق كل مسلم ويوفق كل أعضاء الجروب الجميل ده لكل خير وييسر عليهم وعلينا ككل صعب ويعوض علينا غربتهم فى الدنيا والآخرة.

م. محمد

[se_ Elsyed]

مهنة المربية والشغالة والكلام دخ ممنوع في مصر مهما كان سنها

[Diab]

يا راجل حرام عليك عاوز تجيب والدتك مربية

ده لو حصل ايه متعملش كدة

[msayed]

يا أخ دياب تعليقك شد انتباهى وأشكركً على النصيحة

لكن لو حضرتك قريت الموضوع مرة ثانية هاتشعر بحجم المشكلة إللى إحنا فيها، أنا وإخوانى كلنا فى المملكة والوالدة فى مصر وحيدة فى بيت طويل عريض لأن أغلبنا عايشين فى هذا البيت فلو حضرتك تتخيل كم القلق إللى بنقلقه عليها وخاصة لكبر سنها فأى حل ها يجيبها المملكة معانا ها نرحب بيها حتى لو اضطررنا أن تأتى فى صورة مربية.

تخيل لو الوالدة تعبت شوية ها تعمل إيه؟

تخيل قلقها علينا واحنا كلنا فى بلد تانية.

تخيل قلقنا الفظيع عليها.

تخيل إحساسنا الفظيع بالتقصير فى حقها وهى بعيدة عننا.

وبعدين بالنسبة لأمنا إحنا من دلوقتى مختلفين فيما بيننا تقعد عند مين فينا وكل واحد نفسه تقعد عنده علشان يشيلها فوق رأسه.

وبعدين يا أخى الكريم أرجو أن لا تستنكر حل قد تقبله بكل سهولة لو كنت صاحب المشكلة.

ومشاركتك واهتمامك بقراءة مشكلتنا طبعاً محل إحترامى وتقديرى وربنا يوفقنا دائماً لما فيه الخير.

[Diab]

يا أخ دياب تعليقك شد انتباهى وأشكركً على النصيحة

لكن لو حضرتك قريت الموضوع مرة ثانية هاتشعر بحجم المشكلة إللى إحنا فيها، أنا وإخوانى كلنا فى المملكة والوالدة فى مصر وحيدة فى بيت طويل عريض لأن أغلبنا عايشين فى هذا البيت فلو حضرتك تتخيل كم القلق إللى بنقلقه عليها وخاصة لكبر سنها فأى حل ها يجيبها المملكة معانا ها نرحب بيها حتى لو اضطررنا أن تأتى فى صورة مربية.

تخيل لو الوالدة تعبت شوية ها تعمل إيه؟

تخيل قلقها علينا واحنا كلنا فى بلد تانية.

تخيل قلقنا الفظيع عليها.

تخيل إحساسنا الفظيع بالتقصير فى حقها وهى بعيدة عننا.

وبعدين بالنسبة لأمنا إحنا من دلوقتى مختلفين فيما بيننا تقعد عند مين فينا وكل واحد نفسه تقعد عنده علشان يشيلها فوق رأسه.

وبعدين يا أخى الكريم أرجو أن لا تستنكر حل قد تقبله بكل سهولة لو كنت صاحب المشكلة.

ومشاركتك واهتمامك بقراءة مشكلتنا طبعاً محل إحترامى وتقديرى وربنا يوفقنا دائماً لما فيه الخير.

علي فكرة انا حاسس بمعانتك والله وثم متفتكرش اني انا قاعد في وسط اهلي انا متغرب برضه

ربنا يطمنك عليها انت واخواتك انا بس مش متخيل الفكرة نفسها مش تصرفك

جايز يكون الامر اكبر من تصوري بس حاول بطريقة تانية

لو تقدر تشوف أمير كويس يعملك خطاب تروح بيه الامارة يبقي احسن مفيش تقدر تشوف لك حد يضيفها علي اقامة حد فيكم بس هتغرموا شوية

12 الي 14 الف ريال في معقبين كتير بيعملوا كدة بس اتأكد منه الاول

تم تعديل 7 أكتوبر 2008 بواسطة Diab

[msayed]

الأخ المحترم/ أ. دياب

هى الفكرة صعبة فعلاً لكن أحيانا الواقع بيبقى أصعب، وبالنسبة لحالتنا دى موضوع المربية عل كلام الأستاذ سى السيد مقفول بسبب سنها مما أراحنى نفسياً لأنى أيضاً كنت مستثقل إن الوالدة تأتى بهذه الطريقة وإن شاء الله ها نسعى فى طلب للإمارة و نشوف الحل الجديد إللى حضرتك اقترحته وياريت لو عندك تفاصيل عنه تفيدنا بيها ولك الشكر والعرفان.