مبروك لمصر وعقبال الزمالك

[se_ Elsyed]

مبروك لمصر كلها صعود الأسماعيلي وبلدية المحلة والأهلي إلى دور الثمانية فى البطولات الأفريقية المختلفة .

وعقبال الزمالك ........... ( وش شايف وش مستغرب ) ماتستغربش يا أ/ محمد أبو زيد ، أنا روحي رياضية ولما يكون الزمالك بيلعب فى أفريقيا بأشجعه بحرارة وحماس .

[Rabso]

قصدك إيه بالحداشر نقطة اللي بعد كلمة الزمالك؟؟ (وش واحد زمالكاوي بيتلكك)

[se_ Elsyed]

قصدك إيه بالحداشر نقطة اللي بعد كلمة الزمالك؟؟ (وش واحد زمالكاوي بيتلكك)

أيه يا بابور ... قصدي أيه يا رابسو ، أستاذ محمد أبو زيد عميد الزمالكوية حبيبي وماحدش يقدر يوقع بيننا .

بس بجد لما يكون أى فريق مصري بيلعب فى بطولات خارجية بأشجع بحرارة ، فى النهائي الأفريقي اللى قابل فيه الزمالك الرجاء البيضاوي روحت القهوة أتفرج وكان فيه جالية مغربية بيتفرجوا ولما الزمالك غلب كانت هاتقوم خناقة جامدة لكن ربنا ستر.

وعلشان خاطر الزمالك برضوا هاشترك بالشيء الفلاني فى القناة اللى محتكره الماتشات ( وهابعت الفاتورة لمحمد أبو زيد ) أشمعنى بيدفعوا للناس اللى بتييجي تشجعهم فى المدرجات .

( وش واحد إستغلالي )

[Rabso]

بعد الماتش (وش واحد زمالكاوي حزين) ....

بس أكيد بيب بيب دراويش

و بيب بيب أهلي

و بيب بيب بلدية

[Lancelot]

لعنة الدوري تصيب الزمالك ...

بعد الخروج من الكأس ....

الخسارة أمام سيمبا ...

رغم إني أهلاوي .... لكن فعلا - بأمانة - زعلت أوي ..... لأن الزمالك لعب حلو بس مالوش حظ المرة دي عكس ماتش الإتحاد ...

[Lancelot]

.....ماتش الإتحاد

إتحاد مين ... ده كان جولدي ...

إيه الحول ده ....