هجره للمفلسين

[احمد مطر]

كما نرى فى المنتدى هنا اصبحت الهجره هى المواضيع الغالبه وفى كل مره يتضح ان المهاجرين لاببد ان يكونوا من اصحاب العقول والمؤهلات العلميه المحترمه اما الفقراء فلا حياه لمن تنادى فليس من حقهم حتى ان يفكروا فى الهجره مع ان هؤلاء هم من اكثر فئات المجتمع تعرضا للمشاكل فهم ليسوا من اصحاب اللغات او المؤهلات العلميه المطلوبه والسبب فى ذلك هو الفقر وسياسه الى مالوش كبير يشترى له كبير وبالتالى فهم داخل مصر لايشعرون بادميتهم وان يفكروا فى الهجره فذلك امر صعب بل شبه مستحيل مع التعقيدات المطلوبه للهجره او العمل للخارج ياترى ماذا يفعل هؤلاء خصوصا الشباب الذى اصبح الاحباط وفقدان الامل وانعدامه هو مايشعر به فى وسط تلك المعمه ماذا يفعلو لو كانوا بداخل بلدهم لايجدون فرصة تحقيق الذات بشكل كريم ويرون ان من معه فقط النفوذ والسلطه والماديات يعبرون ويسلكون فى الحديد مثلما يقال اهم اولى بالرحيل ام من يمتلك مايؤهله ليصنع نفسه بداخل بلاده ويخرج منها بسبب ظروف اخرى مثل عدم الحريه او ان البلد خنقه او انا عايز ابنى مستقبلى او انا عاوز اطلع ولادى فى جو نظيف يعلم الله انه ليس لى اعتراض على ذلك وان من حق كل انسان ان يسعى لحياة كريمه سواء من ناحية الماديات او الحياه بشكل عام والنواحى الانسانيه المفقوده بداخل بلادنا بكل اسف والظلم المنتشر بداخل مجتمعنا وان من يحكموا بلادنا اولى لهم ان يتركوها فبحكهم الرشيد دمرونا هم ومن يعملون تحت امرتهم ولكن ذلك يسرى على الجميع ولكن كل له وضع مختلف فهل يستطيع احد ان يقنعنى مثلا ان مهندسا او طبيبا او رجل اعمال سوف يتعرض لنفس مايتعرض له الشاب الباحث عت تحقيق ذاته وليس عنده اب زو منصب او خال او عم وليس معه ماديات تساعده على تكاليف الحياه او حتى ان يحقق بعض من احلامه او شىء يستطيع ان يتقدم به فى تلك الدائره الجهنميه ماذا يفعلون هؤلاء هل وجب عليهم ان يتحملوا الاهانه وان تسلب حقوقهم وليس لهم الحق حتى فى البعد عن الظالم اى عدل فى ذلك اما من امتلك مايؤهله للهجره فاعلم ان الكثير منهم زاقوا الامرين ولكن هل بعد ما وصلوا اليه هل سوف يتعاملون فى بلادنا بنفس طريقة معامله من لايمتلك لا اظن من حق من يمتلك الهجره حتى يحقق ذاته او يحيا حياه كريمه هو ومن يهمه ولكن من حق من ليس معه شيئا ان يهاجر ليبتعد عن الظلم والقهر الذى يحدث كل يوم فهم الضحيه والكارثه انهم اصبحوا هم المتهمين وبسبب ذلك ربما يصبح بعضهم فعلا جناه بسبب ظروف الحياه التى يمرون بها وربما بعضهم من اجل ذلك يحاول البحث فى اى طريق المهم ان يبعتد عن النار الموجوده فى بلدنا من اجل ان لايحرق وقد حث الله الناس على الهجره للمغلوبين على امرهم والساعين الى الرزق قال تعالى :- ألم تكن أرض الله واسعة فتهاجروا فيها صدق الله العظيم

وهنا الكثير من الايأت فاي احق بالهجره من ألاخر اقولكم احنا نبلغه الحكومه تلم تبرعات من الشعب المصرى الى معاه طبعا وتسفر الى مامعهوش عشان ترتاح الحكومه منهم ويرتاحوا هما من الحكومه ويبقوا عملوا خير كبير قوى ونسميه صندوق الهجره للمفلسين بس المهم ان الحكومه متلمش الفلوس وتنفض قال يعنى هنعمل زى ماايران عملت صندوق الحب دا صندوق التبرعات الى بتجيله بيتم تزويج الشباب بيها

ورحم الله الغلابه فى بلدنا

[msheikh]

اخى احمد اشكرك على هذا الموضوع

جميل جدا موضوع صندوق الهجره للمفلسين ده

انا اختلف معك فى الموضوع بصورة عامة حيث انى شعرت انك تتكلم عن المدينة الفاضلة وليس احدى الدول العربية.

اختلف فى المضمون انه من باب اولى عندما تجمع الحكومه التبرعات من الاغنياء (ضرائب) من باب اولى ان تستثمرها فى مشاريع تنمية داخل مصر وان يعمل الاشخاص غير القادرين اللذين سبق ذكرهم فى تلك المشاريع.

ايضا بما اننا نعيش بداخل المدينة الفاضلة فالقوة البشرية المفروض ان لايستهان بها. فهى من القوة بمكان ان تسعاعد على بناء ونهضة المجتمع.

ايضا جمع مزيد من الضرائب او الاعانات سوف يعود بنتيجة عكسية على الاقتصاد نتيجة تهرب اصحاب رؤوس الاموال من تلك الضرائب الوهمية التى لا تعود عليهم بالنفع.

فسياسة اللى يكفى واحد يكفى مية تؤدى ان عدم سفر الغير قادرين لن يؤثر على الاقتصاد بصورة مباشرة.

للموضوع بقية

السلام عليكم

محمد الشيخ

[عمرعمرعمر]

و الله انا شايف ان السفر نعمه و باحمد ربنا عليها

و ربنا يفرجها علي الغلابه

و بدل ما نفكر ان الدولة تعمل اي حاجه للمفلسين

نتمني ان الدول العربية ربنا يهديهم و يسهلو موضوع الهجرة لكل العرب و كل المهن

[ابو محمود]

العزيز احمد مطر

كدة هتزعل الناس كان من الأولى ان تشرح سبب الهجرة انت كدة وصفتها بالهروب او التخاذل

اخى الفاضل هناك اشياء كثيرة تقدم للشباب المهروس بالمشاكل ليس من ضمنها الهجرة صدقنى كثير من شبابنا الان اصبحو كهول فى الخارج (الغرب ) وهم فى الظاهر سعداء بالنسبة لنا (امامنا )فقط وداخلهم نار بسبب أبنائهم وما حدث لهم ان أختارو المكوث فى وطنهم البديل (بلاد المهجر ) هكذا تقيم التجارب والمال والرفاهية ثمنهم غالى جدآ فكثير من السادة الذين يتشدقون بالهجرة عندما تسألهم عن اعمالهم ان كانو من المؤهلات الكبرى ستجدهم فى اعماقهم غير راضيين الا ماندر منهم عن اعمالهم هناك بالتساوى مع ابناء الدولة التى تأويهم والنتيجة انهم لا يصلون الى ما يحلمون بة من علوم ومكانة علمية والسبب انهم من غير اصحاب الأرض وهذا ثمنة فادح اذا قيس بمال او رفاهية وانا ممن شاهدو كثير من النماذج التى هاجرت وعندما شابت الرأس وخرت العظام كانت المعادلة تختلف اتمنى ان اكون قد اضفت الى موضوعك اما موضوع الصندوق فياريت الصناديق عندنا تكون شفافة حتى نرى ما يقذف بداخلها وتأكد يا أخى ان من يهوى الهجرة لو فكر وتدبر لوجد العمل هنا وهنا اذكر تجربة شاب كنت قد كتبتها هنا بخصوص العمل والكفاح والوصول الى هدف .. لماذا نتقبل العمل فى أعمال دنيا خارج اوطاننا ولانرضى الا من رحم ربى .. داخل الوطن صدقنى البداية تكون صعبة ولكن هناك شباب يعملون فى مصر وبدون رأس مال كبير ويكبرون بالجهد والأخلاص والتفانى فى اعمالهم ان كانت صناعة او تجارة وهناك منهم الكثير اعرفهم شخصيآ وانا منهم واحمد اللة على ما رزقنى وادعو كل شاب ان يتفاعل مع الواقع ويتأمل حولة سيجد حتمآ فرصة وأكثر للنهوض بمن يعول ونفسة الى الأحسن وكفانا هروب الى الداخل والخارج فلنبحث عن الحلول بصدق وبدون خجل وعندها سنصل الى بر الأمان ما دامت كل تصرفاتنا تتحلى بالصدق والأمانة فهم خير زميل لك فى كفاحك فى الدنيا

[عمرعمرعمر]

الاخ العزيز محمود مصطفي

كلامك مظبوط بس هي برضه وجهة نظر

انا مش عارف حضرتك جربت السفر و لا لا

بس السفر مش فلوس و بس يعني هتلاقي ناس كتيرة هنا عايشين مرتاحين بمعني الكلمه و مش معني كده ان مصر وحشه انا عندي قناعه ان مصر ان شاء الله هتتغير و هتبقي احسن و ده املنا

و لو فيه شباب السبل قدامهم مفتوحة لتحقيق املهم في مصر ....فيه شباب تاني كتير ما عندهمش اي فرص و لا سبل مفتوحة

و الهجرة مش هروب ابدا ابدا ده من ضمن الحلول الاساسيه و الاوليه في الاسلام

و زي مافيه قصص في الغربه عن ناس تعبوا .....فيه قصص اكتر عن ناس عوملوا معامله كريمة و عايشين عيشه كويسه و محترمة و اخلاقيه هما و عيالهم

ده مش كلام و بس ده خبرة انا عايشها

[احمد مطر]

طبعا انا لما طرحت الموضوع مطرحتوش عشان حد يزعل منى ياخ محمود لكن الموضوع فعلا بقى مشكله كبيره كل الناس عاوزه تبنى مستقبلها والنسبه الاكبر من الناس مش بتقدر تعمل حاجه هى عاوزها جوا بلدها وبما انها مش بتحقق كيانها جوا بلدها بتفضل الهجره وانها تشتغل فى مكان بتاخد فيه حقها ويمكن انا عكس المبدأ الى بيقول اتبهدل جوا بلدى لان المفروض بلدى دى انا اخد فيها حقى قبل اى حد ودا الى حاصل عاكسه زى مانتم شايفين بالنسبه لقصة صندوق الهجره على الرغم من انى طرحت الموضوع من باب الفانتازيا الساخره يعنى لكن صدقونى انا كل الى كنت اقصده انو طالما كل الناس عاوزه تمشى وجميع الاطراف بتتبادل الاتهام والنتيجه حاله عامه من الاحباط والضيق فكرت فى حل المشكله صحيح احنا ممكن نعمل صندوق لتنمية الموارد لكن صدقونى طالما تحت ايد اداره حكوميه يبقى مش مضمون وبالتالى يبقى معملناش حاجه وللعلم فكرت انا وبعض الاصدقاء فى فكره جيده وطرحناها فى منتدى ولقينا تجاوب وهو لو كل واحد من الى بيصلوا الجمعه ساب جنيه واحد اتبرع بيه فى صندوق ممكن نعمل بيه حاجات كتير جدا للتطوير واخواتنا الاقباط كمان ممكن ينفزوا فكره مشابهه لكن كانت النتيجه قالوا ايه امن الدوله مش هيسيبك فى حالك وهيعتبرها تبرعات غير مشروعه ولازم الحكومه هى الى تكون مشرفه فى حد يضمن الحكومه دلوقت؟

بالنسبه لموضوع المدينه الفاضله ولامدينه فاضله ولا حاجه الى اتكلمت عنه اننا نخاف شويه على بعض ونحترم بعضنا ونشتغل صح طيب ماهو من غير كدا عمر ما البلد هتطور وهنفضل عالم تالت او كمان الكارثه يمكن يكون عالم تالت قليل علينا لاننا عندنا الموارد وموجوده فى جيوب ناس معينيين والغلابه مفيش اذكر احد الاصدقاء لما قالى اعتبر الحكومه بلطجيه وشوف مصلحتك بعيد عنهم دا بقى حال الشعب بشكل عام مفيش ثقه مفيش امل مفيش طموح ولا حتى فكرة الخروج من المحيط المؤلم الى بيمر بيه وفى تجارب كتير لناس حاولت مره واتنين ومفيش فايده ومازلوا بيحاولوا بس محتاجين خطوه جديده فى حياتهم الهجره حلم الناس ليه لاننا للاسف بقينا حاسين اننا مش فى بلادنا وملناش حقوق فيها ودا الى عمل المشكله

وشكرا للتفاعل فى الموضوع دا