ما تيجى نعمل جمعيه

[EBN ELBLD]

ما تيجى نعمل جمعيه أقبضها الاول وأؤول يا فكيك اشمعنا انا اللى مش عارف انصب معنديش واسطه فى اى بنك ومعرفش اى واحد من الاكابر وبصراحه كده مش لاقى الا انتو انصب عليهم انتو مش برضه ناس طيبين زى بقيه الشعب المصرى

[mnman]

انا اقترح انك تعمل جمعية مع الاخ حرامي علي الرغم انة مختفي من فترة لاكن طالما انت ناوي تدخل المهنة مافيش مانع من بعض النصائح من ذوي الخبرة... مع الاعتذار للاخ حرامي.

:D  :D  :D

متعمل جمعية فلان المستقبل.. وطالما اسم صحبنا في الصورة حتسجلها في ثواني وتقدر تنصب علي كبير.. وشباب المستقبل مش احسن من فلان المستقبل و اهو كلة مستقبل ومفيش مستقبل احسن من مستقبل طالما كلة تحت رعاية بابا وماما مستقبل واولادهم علاء مستقبل وجمال مستقبل..

:D  :D  :D

[ســيد مرزوق]

يا اخواننا .... سمعت خبر كده مش عارف إذا كان صحيح وللا لأ بخصوص الأخ ( حرامي )

لما سألت عليه  عشان بقاله فترة مختفي قالوا لي إنه ياولداه اتمسك من كام يوم

ومحدش عارف يوصل له

شوفوا لنا محامي شاطر من المنتدى يقف معاه

أهو برضه زميل

ومحدش ضامن الظروف برضه

ياما في المنتدى مظاليم  ;)  ;)  ;)

[EBN ELBLD]

يا جدعان حد يروح ياخد شيخ الحاره ويضمنه فى الكركون أهو برضه راجل معانا في المنتدى انا لو مش خايف من البيه معون المباحث كنت عملتها بس لو هوبت ناحيه الكركون  مش راح اشوف الشمس تانى  وكمان المخبرين هناك أيديهم تقيله   ربنا ما يوريكوا

[goold]

أزيكم

تصوروا ياجماعه على المستوى الصغتوت بتاعى اول ما اشتغلت وحدة اثق بيها اوى قالت من الاول كدة اية رأيك تدخلى جمعية معانا وكأنك بتحوشى احسن مافلوسك تتصرف وطبعا ده اول مرة لى واول راتب لى

وادفع وادفع ولما جيه الشهر الـ مفروض اقبض فيه عرفت انه مفيش جمعية ولا حاجة وبما انها اكبر منى شتمتنى وقالت اجرى ملكيش حاجة عندى

طبعا لا اثبات فى مواضيع الجمعية ده

بس روحت اشتكيت عليها طبعا احنا بالكويت تصوروا احضروها وطلبوا الفلوس والا الحبس رغم عدم وجود مايثبت

بصراحه انا كنت بشتكى وعارفه انى مش هحصل حاجة ولما فلوسى رجعت حمت ربنا اوى