مش متعتع من هنا

[drbeso]

السلام عليكم ورحمه الله وبركاته تحيه من قلبي لكل اهل المنتدى الكرام وفقكم الله في كل خير و تكونو دايما اهل ثقه و نجاح

هخش في الموضوع مباشره عشان مش عايز اطول عليكم :blush2:

انا بفكر اعمل المعادله بالنسبه للصيدله في كندا قبل الهجره عشان تسهل عليا اجراءاتها بعد ما اخلص لكن لا اخفى عليكم موضوع انى افضل جي رايح رايح جي من كندا-مصر مدوخنى بالذات ان فيزه السياحه لو هعملها عشان امتحن لاول امتحان بتبقى فقط 3 شهور على ما اسمع ....و بالتالى مش هينفع اقعد هناك لغايه لما اخلص المعادله علما بانها عباره عن امتحانين يفصل مابينهم تقريبا على ما الواحد يظبط للتاني بتاع سنه مش اقل من كده فالموضوع ده شاغل بالي فقلت استشيركم فيه :lol: :wub:

يا ترى اعمل ايه عشان اقعد هناك سنه او سنه ونص من غير ماقلق من موضوع الاقامه الغير شرعيه وساعتها لو اتقفشت مش هاخطي البلد ديه تاني وابقى ضيعت كل حاجه :happy:

حابب اقول نقطه كمان عشان الموضوع يبقى متكامل للحديث والمناقشه فيه انى فكرت طبعا اعمل هجره وبعد كده اعمل المعادله على مهلي من هناك بس ديه هتاخد وقت لان انا لسه معنديش غير خبره سنه وعشان اجيب نقاط الخبره لازم استنى بتاع سنتين واقدم

فكده الحكايه هتطووووول

رايكو ابدا بايه ؟؟؟ والموضوع ده مهم بالنسبه لشباب كتييير و حابب اسمع منكم الرد قريب ان شاءلله شكرا لكل اعضاء المنتدى خايف لازكر اسماء انسى حد :blink: :blink: :happy:

[madzoro]

و عليكم السلام ورحمة الله و بركاته

متحاول تقدم على دورات او كورسات انجليزي او حاجة متعلقة بمجال الصيدلة على ما اعتقد ممكن في مجال التسويق حاجة كده تكون مدتها سنة و عن طريقها تاخد فيزا دراسة ( اعتقد موضوع اللغة مناسب )

يا رب اكون عرفت اساعدك و رمضان كريم

[batman]

أعتقد إن تكلفة الدراسة في كندا للطالب الأجنبي فلكية

لكن عموماً للي يقدر عليها هيقدر يقدم على النظام الجديد اللي اسمه Canadian Experience Class

النظام دا بدأ تطبيقه يوم 17 سبتمبر الماضي وزي ما بيقول الموقع الرسمي الفئه دي معموله علشان كندا تقدر تستقطب الناس اللي عندها خبرة كندية عن طريق الدراسة أو العمل بطريقة أسرع من الطريقة العادية Skilled Workers

http://www.cic.gc.ca/english/immigrate/cec/index.asp

[drbeso]

الله يخليك يا مادزورو انا فكرت في انى اقدم دراسه هناك بس مجاش على بالى موضوع الانجلش كورس هناك ده هيبقى فل اوى بس لو حد من هناك وعنده معلومات عن كيفيه التقديم لها اللي انا مش حابه في موضوع الدراسه انه ممكن ياخد وقت من الواحد وهو بيحضر للمعادله فاهم قصدى ؟يعنى بدل مايذاكر للمعادله هيبقى قدامه المعادله وال الدراسه بس بصراحه فكره كورسات الانجلش هناك تحفه بس عايزين نستفيد من حد يفهمنا ازاى اقدممن مصر واروح لمين عشان الموضوع ده ان شالله اخوانا في كندا مش هيقصرو في الموضوع ده .....شكرا يا مادزورو

[madzoro]

العغو يا drbeso

انا فاكر ان في احد من الاخوة الاعضاء اكلم عن مكتب تبادل طلاب و خدمات تسجيل طلاب في الخارج بس مش فاكر فين

انت ممكن تعمل بحث عن الدورات دي و تقارن ما بينها من حيث الاعتمد و القدرة على اصدار تاشيرات دخول كندا و الاسعار و الموقع بحيث يكون قريب من الجامعة اللي تعمل فيها المعادلة

و الفكرة اللي ذكرها الاخ باتمان تستحق الدراسة

بس المهم ان الدراسة لابد ان تكون لمدة سنتين و بعدها سنة عمل و بعدها تقدم على Canadian Experience Class

و مش محتاجة نقط مثل نظام العمالة الماهرة

[drbeso]

والله كلام رائع ومفيد منك مادزورو و بات مان bk:

لكن نفسي الاقى المكتب ده او الطريق ده بس وانا اسلكه بس ي باتمان انا معاك صح انها اكيد تكلفتها كبيره لكن ياريت الواحد يلاقي الفرصه ديه شكرا يا رجاااله :wub:

[madzoro]

كل اللي اعرفه بالنسبة لموضوع اللغة انك بتراسل الجامعة او مركز تعليم اللغات و غالبا بيكون تابع لجامعة و تاخد منهم موافقة و تقريبا بتسدد قيمة فصل دراسي

و هما بيبعتولك الورقة اللي هاتروح تستخرج بيها الفيزا

اما موضوع Canadian Experience Class ده حاجة تانية

بالتوفيق للجميع

[أسد]

تم إخفاء المداخلات المكتوبة بغير العربية ..

خصوصاً إنها مكتوبة بحروف لاتينية والكلام عربي ..

وهذا مخالف لقواعد المشاركة في المحاورات

يرجى مراعاة ذلك وعدم تكراره مستقبلاً ..

أسد

فريق الإشراف