"شيلوا ألغامكم" البداية الفعلية للحملة

[حسام يوسف]

الزميل الفاضل بقشيش

أنا مفيش اى حاجة شخصية بينى وبين حضرتك

لكن اللى انا حاسسة وواضح من كلامك انك مش فاهم الحملة والنظام اللى عايزينة زى ما اتفقنا علية

يعنى ماقلناش جمعية كذا توقع

لأ

قلنا افراد مصريون غيورون على بلدهم

(أفراد)

الحاجة التانية مصريون

قاعد فى مصر فى الهند بقى مش مشكلتنا

هوة مصرى

نص مصرى أو مصرى من الابوين

مش مشكلتنا

معاة جنسية مصرية ومش مصرى الأبوين مش مشكلتنا

المهم جنسيتة مصرية

مش الواحد يدخل يلاقى الزين بالزوفة

واسامى فيها بن ومعرفش اية

باين انها مش مصرية

عايزين اللى يدخل لما ندعية للتوقيع

يحس بالمصداقية

مش عدد فى الليمون

لو العدد أنا كنت ممكن أجيب أضعاف دول

ووهميين عينى عينك

لكن لأ

انا بحترم العمل اللى بعملة

وبنفذة بصدق

عشان الناس تصدق التوقيعات

بدخل منتديات تانية أدعى

جروب ع الفيس بوك

لية؟

طيب ما انا اقعد باشا وأحط اسامى وهمية أو افتراضية

انا مش شايف دة صح

فية جملة ع الفيس بوك لجروب عشاق رباعيات صلاح جاهين بتقول اية؟

(الأهم من الشغل

تظبيط الشغل)

يعنى الاجادة

التجويد

وأنا مش بحط شرط للحملة ولا بتحكم فيها

انا واحد عادى جدا

لا أنا العزيز سكوربيون اللى عمل السايت اللى علية التوقيعات ولا اللى عملت باب شيلوا ألغامكم

ولا ساهمت بترجمة كلمة واحدة فى البيان

لكن انا بحاول بس على قد ما أقدر اقنع ناس توقع البيان

تقدر تعتبرنى مندوب مبيعات عند مصر

بس

وأخى العزيز سكوب

انا اسف لو كنت منفعل

اعتذر بشدة

وتأكد انى معاك فى الحملة أنا وناس كتير للاخر باذن الله

بكل التطورات اللى ممكن تحصل

أنا أصلى م المنصورة

لكنى عايش فى الصعيد

وخدت الدماغ الجرانيت دى من أسوان

تحياتى للجميع وكلى تقدير لمجهودك عزيزى سكوب

[حسام يوسف]

الفاضل سكوربيون

استاذي الفاضل اوقفت عملية التوقيع، مع الاعتزار اذا تسببت في مشكلة :ninja:

مفهوم التوقيع الالكتروني هو تجميع لأصوات، وليس بالضروري ان تكون اسماء حقيقية موجودة بالفعل، وممكن ان ترى توقيع باسم "المهاجر" أو "جمعية كذا" أو "مجموعة كذا" أو "عائلة فلان"...الخ. حتى الحملات الموجهة لدول، قد تكون الدعوة من مواقع مختلفة ومنتديات، وبساطة متناهية تجد توقيع باسم "المسافر من منتديات كذا"، وهو توقيع يأخذ به. الامر غير الطبيعي في شكل التوقيع أو المثير للشك هنا في هذه الحملة، هو وجودها بهذا الشكل اسماء خماسية ورباعية "ملخبطة" وغير "منظمة". مع العلم، اني لا أدعوا لاستمرار التوقيعات الآلية.

افتراض عدم وجود توقيع آلي تم، ما المشكلة اذا "فلان" مثلاً له 50 توقيع أو آخر له ألف. عندما يشترك شخص في مسابقة يرسل مئات الرسائل من ماله لماذا؟، ليكسبها!.

اعتذر مرة اخرى، واحب ان اوضح ان سببها هو الوصول الي الالف، وليس للمليون، ووضعها على قائمة Most Active - Top 10 Petitions على صفحة الموقع الرئيسية، مما يدعو لتصفحها اكثر.

النقطة التانية والسؤال لأخى سكوب

هوة مفروض نخلى ناس من برة مصر يوقعوا؟

من جنسيات تانية يعنى؟

ومنظر التوقيعات دة يرضيك؟

وهيفضل كدة؟

لأ طبعا مش مفروض، مصريين من برة مصر توقع أو سعوديون من امهات مصرية أو اجنبية توقع....يبدو ان هناك شرط اساسي يريد وضعه الزميل حسام وهو التوقعيات من ابناء لاباء وامهات مصرية.

بقشيش

؟

احكموا أيها الزملاء

[بقشيش]

اشعر اني وضعتكم في ازمة وبالاخص الاستاذ سكوربيون، ولا اعلم ماذا بيدي الان غير ايقاف التوقيع الآلي.

بقشيش

[بقشيش]

؟

احكموا أيها الزملاء

صاحب المداخلة حكم بهذا يا زميل:

الامر غير الطبيعي في شكل التوقيع أو المثير للشك هنا في هذه الحملة، هو وجودها بهذا الشكل اسماء خماسية ورباعية "ملخبطة" وغير "منظمة". مع العلم، اني لا أدعوا لاستمرار التوقيعات الآلية.

وهذا :

اعتذر مرة اخرى، واحب ان اوضح ان سببها هو الوصول الي الالف، وليس للمليون، ووضعها على قائمة Most Active - Top 10 Petitions على صفحة الموقع الرئيسية، مما يدعو لتصفحها اكثر.

بقشيش

[لولا]

انا دخلت اوقع وبعدين شفت الأسماء... مشاء الله ..بجد ربنا معاك يا استاذ سكوب.

دا انت محتاج مجهود خارق لو حتفضل تحذف كل شويه الأسماء الغريبه اللى شفتها جوه دى.

دا انا شفت اسم لولو جوه LOLO قلت لنفسي ايه دا حد وقع من ورايا !! وطبعا وقعت بالإسم

الثنائى عشان مينفعش كتابة الأسماء بالشكل اللى شفته دا..ولا اسماء الدلع..ولا الإختصارات..

ولا الأسماء الوهميه.

ياريت بجد الكل يوقع صح عشان كده التوقيعات حتفقد مصداقيتها، ومش معقول سكوب يمشى

ورا الناس يحذف الحاجات الغريبه دى.

عموما الف شكر لكل من بذل مجهود أستاذ كامل،حسام،أحمد سيف.

انا قلت لكل اللى اعرفهم يوقعوا واعتقد لو كل واحد قال للى يعرفهم حيكون كدا بجد ساهم

بشكل اكبر فى الحملة.

[Scorpion]

اشعر اني وضعتكم في ازمة وبالاخص الاستاذ سكوربيون، ولا اعلم ماذا بيدي الان غير ايقاف التوقيع الآلي.

بقشيش

حصل خير يا أستاذ بقشيش ... ببعض الوقت سنستطيع اصلاح هذا الخطأ ... فقط كما كتبت أتمني ان لا نفقد حماسنا الذي بدأنا به تلك الحملة ...

هل هناك طريقة للفت نظر طلاب الجامعات المصرية و الميديا المصرية لها ؟؟؟

[حسام يوسف]

عالم البيولوجيا الجزيئية المصرى المعروف د.عبدالهادى مصباح وقع على البيان

وهطلب منة ان شاءالله التنوية لحملتنا فى سلسلة مقالاتة فى الاهرام والمصرى اليوم

اتمنى يساعدنا

[حسام يوسف]

رد علية النهاردة بس الكاتب الصحفى الرايضى د.ياسر أيوب

ووعدنى انة معانا

وطلبت منة مساعدتة لينا اعلاميا بالتنوية عن حملتنا سواء فى جريدة الاهرام

أو فى اى لقاء تليفزيونى

ربنايسهل

[حسام يوسف]

بصراحة الراجل أحرجنى بذوقة

مسافة ما خلصت الرد هنا

الراجل رد علية بالاتى:

أنا وقعت بالفعل

وأنا مش ها اساعد فى الإعلام عن الحملة

لكن ها ابقى المسئول عن إعلام الحملة

وبعت اشكرة واستفسر عن قصدة بالظبط

[حسام يوسف]

ودة تأكيد من دكتور ياسر انة معانا وان شاءالله هيدى أفكارة للحملة اعلاميا

(أنا اللى أشكرك يا حسام

وإن شاء الله أزور أسوان قريب جدا

قولى عايزنى اوضح إيه والمفروض أنا اللى مستنى انت تقولى إنت محتاج منى إيه كمسئول عن الحملة

طبعا ده غير اللى انا ها اعمله كواحد مؤمن بالفكرة وبالهدف)

[Scorpion]

للرفع لتكملة التوقيعات و نشر الحملة بين الزملاء الجدد و معارفهم

تحياتي