بريطانيا مدينة لمصر ب29 ‬مليار استرليني

[ayman elsherif]

من جريدة الاخبار

بريطانيا مدينة لمصر ب29 مليار استرليني منذ الحرب العالمية الأولي

عثر د. أشرف صبري استشاري طب الأعماق وحوادث الغوص خلال البحث في الوثائق المصرية والبريطانية في الارشيف الملكي البريطاني في لندن علي وثيقة هامة تثبت ان مصر قامت بتقديم سلفة لبريطانيا قدرها ٣ ملايين جنيه استرليني اثناء الحرب العالمية الأولي.

وذكرت الوثيقة ان هذا الدين قيد في العهد والامانات واعترف به اللورد ملز و٥ جنرالات وزراء بالحكومة البريطانية واكد الجميع حق مصر في المطالبة بهذا الدين الذي تصل قيمته الآن الي 29 مليار جنيه استرليني طبقا للحسابات البنكية الآن. واكد خبراء القانون الدولي ان الحكومة ليس من سلطتها التنازل عن هذا الدين لأنه من مال الشعب.. والمختص بالتنازل عن هذا الدين هو البرلمان فقط.. فهل تطالب الحكومة المصرية الحكومة البريطانية برد هذا الدين وفوائده؟

نفسي ان تقوم الخارجية المصرية و بدعم كامل من جميع اجهزة الدولة ان يتبنوا هذا الموضوع و يقوموا باسترداد حق الشعب المصري من هذة الاموال ،

تخيلوا لو ان مثل هذة الوثيقة كانت لاسرائيل.. اعتقد كانوا قلبوا الدنيا حتى يستردو هذة الاموال، ولا حكومتنا خلاص اتعوديت ان تتنازل عن حقوق المصريين.

تم تعديل 24 سبتمبر 2008 بواسطة Scorpion

[Diab]

تقصد 29 بس زي ما مكتوب في مصراوي و انت اقتبسته

[redwany]

يا اخى الله يكرمك تقول ان الحكومة عليها ان تطالب الحكومة البريطانيه باسترداد الدين واقول:

اولا: اية حكومة تقصد الحكومة التى ضحت بشهداء 67 ولم تجرأ ان تسائل اسرائل او حتى مجرد الكلام على الرغم من اننا نجد اسرائيل تبتز العالم كله بسبب كذبه المحرقه.

ثانيا: وهل فعلا لو تخيلنا ان حكومتنا طالبت برد المبلغ ونفترض ان الحكومة البريطانيه وافقت هل تتخيل الى اين يذهب المبلغ فى عدم وجود الشفافيه

انا ارى ان الفلوس عند الاجانب افضل لانه لو رجعت مصر فسوف يزداد طلعت مصطفى وامثاله غنى وده ممكن يكتر عدد اللبنانيات المقتولات فى دبى وسوف يزداد الدم الملوث

[ayman elsherif]

مظبوط الرقم الصحيح هو 29 مليار استرليني ، و الاقتباس تم من موقع الاخبار و ليس موقع مصراوي و اعتقد الخطاء كان في عنوان الاخبار حيث انني قمت بنسخ العنوان فقط.

شكرا لك يا دياب على هذه الملحوظة و ارجو من الادارة تصحيحه حيث انني لا استطيع تعديل الموضوع الان.

بس تخيلوا معي المبلغ دة ممكن يعملوا اية في مصر!،

وماذا تفعل مصر لكي تسترد هذة الاموال؟

و هل من الممكن فعلا استرجاع هذه الاموال او جزء منها على الاقل؟

تم تعديل 24 سبتمبر 2008 بواسطة ayman elsherif

[ssmaly]

ارجو ان لا تطالب مصر بهذة المبالغ الان فى ظل هذا النظام اللى عارفين انه ممكن يحول هذه المبالغ الى بنوك سوسيرا.يارب مايخدوش بالهم منها.يمكن ربنا يرزقنا بنظام جديد ابن حلال

[الباشمهندس ياسر]

و كيف ضاعت هذه الاموال طوال هذه العهود من فؤاد الى فاروق الى جمال الى انور الى مبارك؟!!!!!!!!!!!

و اخيرا

هل نملك من القدرة ما يخول لنا استعادة هذه الاموال؟

[batman]

بس تخيلوا معي المبلغ دة ممكن يعملوا اية في مصر!،

1-العيش هيتوفر

2-ماحدش هيوقف طابور تاني

3-هنلاقي مواصلات عامة أدمية

4-المصالح الحكومية هتسهل لك مصالحك

5-هنرتقي بالتعليم

6-هنحسن نظام الرعاية الصحية

7-هنقضي على البطالة

:happy:

هما ال29 خلصوا ولا لسه

[احمد مطر]

من الصعب جدا ان الحكومه تطالب باى حق من حقوقنا ولو حصل هيبقى لمصلحتهم هما تضرب فى شركات وزراء مصر الى هما مش نافعين اصلا او طبعا الناس الى اكبر منهم اظن فاهمنى وهتفضل المشاكل زى ماهى ولا فى اى حاجه هتتصلح لان ببساطه المبدأ بتاع حكومتنا انهم يبهدلونا فى كل حاجه حتى رغيف العيش عشان ميخلوكش تشوف مصايبهم فحتى لو جه المبلغ دا ودا ممكن لو فى اثباتات طبعا مش بسهوله بس فى امل المهم انو لو جه برضو هيقولك احنا صرفنا على تطوير مش عارف ايه مستشفيات وكبارى وخلافه والحاجات دى انتم مش هتحسوا بيها اقولكم ماتيجى احنا نطالب بيه ونوزعه على نفسنا من غير الحكومه خالص سبحان الله من دوله لها ديون لدوله عليها ديون ارحمنا يارب

[Diab]

مظبوط الرقم الصحيح هو 29 مليار استرليني ، و الاقتباس تم من موقع الاخبار و ليس موقع مصراوي و اعتقد الخطاء كان في عنوان الاخبار حيث انني قمت بنسخ العنوان فقط.

شكرا لك يا دياب على هذه الملحوظة و ارجو من الادارة تصحيحه حيث انني لا استطيع تعديل الموضوع الان.

بس تخيلوا معي المبلغ دة ممكن يعملوا اية في مصر!،

وماذا تفعل مصر لكي تسترد هذة الاموال؟

و هل من الممكن فعلا استرجاع هذه الاموال او جزء منها على الاقل؟

العفوا يا سيدي ولا يهمك po::

بس هما يشيلوا الألغام بتاعة العلمين وشكرا علي كدة

في مثل بيقول

يا نحلة لا تقرصيني ولا عاوز منك عسل

[الباشمهندس ياسر]

للرفع

يمكن نعرف نعمل جماعة ضغط ع الفيس بوك مثلا و نطالب بعودة الفلوس دى من عند الاعداء

زى ما عرفنا نطالب بعودة الحاجة هبه من بيت ابوها

[Phizer]

مبلغ ضخم فعلا بس محدش هيطالب انا مش من مؤيدي نظريه المؤامره بس يعني انتو شايفين الحكومه حريصه اوي على مصلحه الناس الغاز الي بيتباع بتراب الفلوس للي ميتسموش والعباره الي غرقت و1000 غلبان ماتو ولا هان على حد يسأل فيهم

وي وي وي وي .....

كتير اوي الي بيحصل في بلدنا ده

تم تعديل 13 سبتمبر 2009 بواسطة Phizer

[Phizer]

بس تخيلوا معي المبلغ دة ممكن يعملوا اية في مصر!،

:blush2:

1-العيش هيتوفر

2-ماحدش هيوقف طابور تاني

3-هنلاقي مواصلات عامة أدمية

4-المصالح الحكومية هتسهل لك مصالحك

5-هنرتقي بالتعليم

6-هنحسن نظام الرعاية الصحية

7-هنقضي على البطالة

wst::

هما ال29 خلصوا ولا لسه :happy:

8-جيمي يعمل عملية زرع شعر

[عاشق الترحال]

للرفع

يمكن نعرف نعمل جماعة ضغط ع الفيس بوك مثلا و نطالب بعودة الفلوس دى من عند الاعداء

زى ما عرفنا نطالب بعودة الحاجة هبه من بيت ابوها

إبقى قابلني يا هندسه

عارف اللي قال لأبوه علمني الهيافه قاله تعالى في الهايفه وإتجأر .

(( دول بالضبط الجماعه إياها بتاعة بالروح بالدم نفديكي يا بلبله ))