ارجو المساعده بسرعه من اخوانا فى الامارات

[magedo]

سلام عليكم

تحياتى لكل الاصدقاء فى المنتدى و ارجو المساعده لصديقى الموجود بدبى الان

هو جه لدبى على كفالة شركه بفيزة عمل من يوم 8\8\ 2008 و حتى الان لم يتم عمل كشف طبى له حتى الان و لم يتم عمل اقامه له

و الظروف فى الشركه وحشه اوى وكلها هنود وانتو عرفنهم و عاملين عليه تجمع ضده و خنقينه و جاتله فرصة عمل كويسه فى ابو ظبى

و لما طلب منهم انه يدوله خطاب عدم ممانعه طبعا رفضو حتى لما عرض عليهم دفع تكاليف التاشيره مع العلم ان التكاليف كلها الخاصه بتاشيرة العمل لم تدفع كلها

بعد لان الاقامه لم تستخرج

هو دلوقتى قرر انه يرجع لمصر وكتب ورقه انه عاوز يسيب شغله من عندهم عشان يتعمله كنسله على الفيزا

و هو راجع مصر خلاص

حد عنده حل عشان يقدر يرجع على الشغل بتاع ابو ظبى يعنى ممكن يغير الجواز و يعمل واحد جديد مثلا

لو حد عنده اى معلومه ياريت يلحق يقولها مع العلم انه عمل بصمة العين الخاصه بالفيزا فى دبى

[madzoro]

و عليكم السلام ورحمة الله

ان شاء الله تنفك كربة صديقك و يلاقي حل باسرع وقت

على ما اظن ان فسخ العقد في اول 6 شهور يجوز لكلا الطرفين بدون اي جزاءات

بس ممكن ياخد حرمان 6 شهور من العمل و هذا الحرمان لا يمنعه من دخول الدولة و لكن يمنع من اصدار تاشيرة عمل له لمدة 6 شهور

ممكن يدخل بتاشيرة زيارة بس ده يتوقف على الشركة اللي ناوي يشتغل فيها

و في حاجة كمان انه محتاج يقدم استقالته و يفضل فترة انذار مدتها شهر و لا يستهين بالفترة دي

ادخل على موقع وزارة العمل و ادرس قانون العمل كويس و ربنا معاك

بالتوفيق