حرب البطاطس

[ابو محمود]

عندما نشاهد التلفاز فى رمضان نتعجب وعندما نذهب الى الاسواق لشراء احتياجتنا منها يذداد التعجب

اسعار الخضروات كانت فى الماضى القريب فى متناول الجميع غنى وفقير وبعد انتشار شركات الخضار المجفف والفشار والبطاطس الشيبسى نشاهد حرب ضروس ابطالها الشركات الصانعة للبطاطس بين بعضها وتفانيهم فى اظهار منتوجهم من البطاطس لأغراء العميل (المشترى ) لكى يذهب لشراء منتجهم

ونتج عن ذلك حرب بين الناس والبطاطس فى اسواق الخضار حيث ارتفعت اثمانها وتقلصت من الاسواق الأنواع المميزة وظهرت انواع اخرى لا يمكن قليها والوصول بها الى مذاق البطاطس القديم مما جعلها اقل جودة من ما تنتج الشركات صاحبة الامتياز فى حرب البطاطس فيكف يكون بلد بة زراعة ويحدث بة هذة المهزلة وترتفع فية اسعار الخضروات ويتم حرقها واحتكارها (المميز من الصنف ) لصالح شركات تصرف الملايين على اعلانات منتوج حرمت من جودتة جموع الشعب المصرى فظهرت فى الاسواق انواع من البطاطس للقلى واخرى للطبخ والأثنين اقل جودة مما تصنع منة بطاطس الاعلانات الاحتكار اصبح فى كل شيء حتى فى البطاطس

هذا الموضوع رغم انة كوميدى انما يدل الى وصولنا الى الحضيض لاننا حتى لا نستطيع حماية امعائنا من اللصوص والغريب عم سامح يقول انا واحدة وسامح واحدة

اللة يخرب بيت اللى بيشغلو سامح كيلو البطاطس ب4ج ياسامح يابن ال...........بطاطس

[احمد مطر]

اشمعنى البطاطس يعنى ماهو لازم يحصل كده البلد الى شعبها يستسلم للظلم من كل السنين الى عدت دى وانهم سايبين مجموعه من المستغلين والحراميه سواء حكومه او رجال اعمال ومش هاعمم لان اكيد فى منهم الكويس المهم احنا هنفضل نايمين كده لحد بعد كده ماهنلاقى نفسنا بيقولونا انتم ملكمش حاجه فى البلد دى بلد الى معاه هو بس الى حقه يعيش فيها

ماكل حاجه بتغلى حتى الرحمه فى زمنا كله مباح طالما ضد حق الغلابه انا عارف ان نظرتى تشاؤميه لكن من الى بشوفه سواء الى يخصنى انا او الى يخص غيرى

[جويرية]

كمان في مطاعم الوجبات السريعة بيحطوا البطاطس و البيبسي مع الأكل ، يعني مش عرفة هل ده مكمل غذائي ، طيب و ايه علاقة البطاطس بالفراخ و لا بالرز ، هل هيا البطاطس و البيبسي دول زي السلطة وسط الأكل ، وده بيخلي الوجبة سعراتها الحرارية كبيرة جدا و بتسبب السمنة

[ابو محمود]

اعزائى انا قصدت ان اشير الى البطاطس من باب اننا نجدها امامنا فى كل وجبة سواء كنا اغنياء او دون ذلك الموضوع فى احتكار السلع الغذائية التى تتبع الغلابة مثل الخضار والعيش

وما اثار دهشتى مؤخرآ ان كل ما يهم الغلابة من الشعب يتم الأتجار بة فأنظرو الى تموين الغلابة التى يتاجر بة عند البقالين والتعاونيات وكل من يريد ان يتربح يتاجر فى الغلابة اى فى ما يستخدمة وتستخدمة الطبقات الدنيا من الشعب وما أكثرهم العيب فى النظام ام فى المواطنين ام فى الرأس مالية التى تتحكم فى مقدرات الفقراء حتى شوارع الغلابة مكدسة بالزبالة والملطخة بالحفر والبرك

هذا ماكنت اقصدة انها حرب على الضعفاء من أجل سلب ما بقى فى جيوبهم من ملاليم كى يتم تعجيزهم وجعلهم آسرى فى يد الأغنياء