الإخلال بعقد العمل من قبل صاحب العمل

[sherif mohammed]

انا اعمل مهندس مدني لدى احدى شركات المقاولات بالسعودية منذ سنة ونصف ولم يتم من قبل الشركة الإلتزام بالعقد من حيث دفع راتب ثلاثة اشهر لإسقدام الزوجة حيث انني قمت بعمل زيارة فعليا لها ولم اتقاضى شيئ فهل الزيارة ليست مثل الإستقدام وكذلك عدم اعطائي اجازة سنوية 21 يوم وعدم الإنتظام بدفع الراتب والتأخير لثلاثة اشهر والأن تقدمت بإستقالتي ولم يتم قبولها وقالو لي يجب ان تنهي المشروع الذي تعمل فيه مع العلم بأن التأخير بالمشروع بسبب عدم توفيرهم لإحتياجات العمل وإعطائهم العمل لمقاول من الباطن هو الذي يعطيني الراتب وعندما فكرت للجوء لمكتب العمل حذرني اصدقائي من العند بالموضوع وعدم اعطائي اخلاء طرف أو عدم ممانعة مما يؤدي الى عدم العودة للسعودية مرة اخرى وانا الأن منقطع عن العمل لسوء حالتي النفسية فهل هذا يضر بي وماذا افعل مع التأكيد بأنني أريد ان اخذ التخريج النهائي بأسرع مايمكن وطرق الحل الودية فشلت

[sayed_ossman]

مين اللى قلك ان مكتب العمل مش هيجبلك حقك اذا كان عقدك تمام . نزل ولادك الاول وبعد كده افضالو النوعيه دى من الكفله اللى للاسف عددهم كبير مش بييجو غير بالضغط عليهم وبعدين مصالخ الكفيل بتتعطل وذلك للعلم بمجرد وجود العديد من المشاكل مرتبطه بمؤسسته الى جانب ان على حد علمى ترتيب الشركة فى نشاط المقاولات سوف يقل وبالتالى هو الخسران مش انته

وبعدين حكاية عدم الممانعه دى كلنا عرفين اذاى تتحل ولا الاخ جديد هنا

[sherif mohammed]

مين اللى قلك ان مكتب العمل مش هيجبلك حقك اذا كان عقدك تمام . نزل ولادك الاول وبعد كده افضالو النوعيه دى من الكفله اللى للاسف عددهم كبير مش بييجو غير بالضغط عليهم وبعدين مصالخ الكفيل بتتعطل وذلك للعلم بمجرد وجود العديد من المشاكل مرتبطه بمؤسسته الى جانب ان على حد علمى ترتيب الشركة فى نشاط المقاولات سوف يقل وبالتالى هو الخسران مش انته

وبعدين حكاية عدم الممانعه دى كلنا عرفين اذاى تتحل ولا الاخ جديد هنا

شكرا على الرد عزيزي ولكن كنت اسأل عن موضوع الزيارة هل هو الإستقدام وله نفس المستحقات من بدل السكن ام الزيارة لا يعتد بها اما بخصوص كوني جديد فأنا جديد

[sherif mohammed]

فين ياجماعة النصيحة دنا لسا مشترك جديد وأملي فيكو كبير ولو الموضوع اتأزم مع الكفيل ونزلت نهائي ومخدتش عدم الممانعة بالعودة وخدوا بصمتي قبل ما اخرج ورجعت تاني بجواز سفر جديد عليه تأشيرة جديدة يكون في مشكلة عند دخول السعودية انا سامع في واحد اسمه سي السيد هو تقريبا مشرف المنتدى ارجو يشوف رسالتي ويرد عليا

[غريب الخبر]

يا عم شريف اوعى تتردد وعليك وعلى مكتب العمل وهو اللى هيجبلك كل حاجة اخلاء الطرف وعدم الممانعة( اللى اعتقد انها اتلغت ) .

الاشكال دى مبتجيش بالتراضى لانهم ظلمة ومتعرفش ربنا .

اما بخصوص البصمة والكلام ده اعتقد انك لو خرجت نهائى مبتعملهاش . علشان كده ممكن ترجع فى اى وقت .

توكل على الله بعد رمضان وقدم شكواك الى مكتب العمل . ومتستناش لان مفيش حد هيجبلك حقك الا مكتب العمل .

[قديم]

عزيزي الزياره مش هي الاستقدام

الاستقدام ليه شروطه ويلزم للزوجــه واقامه . وتاشيره استقدام الخ ...

لكن الزياره اسمها زياره لا تخضع لنفس الشروط الاستقدام غالبا تكون اخف واعتقد لاخظت هذا الشي لما كنت بتخلص الورق

عموما لو حجتك في مشكله العقد هي الاستقدام . فالشركـه عندها حق . باقي تفاصيل القضيـه نتنظر حسب التظلمات . والعقد ونصوصه . فانهاء العقد او تجديده . هل هو محدد المده او غير محدد ...؟؟

تحياتي

[sherif mohammed]

إزاي عنها حق ياسيدي المهم الزوجة موجودة بالسعودية هتفرق ايه سواء كانت زيارة أو إستقدام انا عارف إن الإجراءات بتختلف بس في النهاية النتيجة ان اسرتك معاك والمفروض تستحق بدل سكن وبعدين انا كنت عملت زيارة عشان الأوضاع ما كانتش مستقرة ومحدش قالي صراحة هيديني بدل سكن انا بس عايز اعرف الزيارة بتتعامل من حيث المسحقات زي الإستقدام ولا ايه

[عمرعمرعمر]

اللي اعرفه

ان الزيارة ملهاش علاقه خالص بالاستقدام

الزيارة دي ما تعتبرش اقامه لانها حاجة مؤقتة لها بداية و نهاية و ما تعتبرش اقامة و يتم معاقبتك بالسجن او الغرامة او الترحيل اذا مكث معك الشخص اكثر من مدة الزيارة

الا لو معاك واسطة تقدر تمشي الامور او تجدد لمدة محدودة و لو تجاوزتها تعتبر الاقامه غير شرعيه و الشخص الزائر ليس له اوراق رسمية يعامل بها سوي الجواز و ما يقدرش يعمل اي حاجة داخل السعودية رسميا (حتي الحج و العمرة) يعني له 3 حقوق يدخل السعودية--- يزور الشخص اللي بعتله الزيارة---و يروح بلا عوده

اما الاستقدام فهي اقامة شرعية قابلة للتجديد الي مالا نهاية طالما الشخص القائم بالاستقدام موجود بالعمل و بصورة شرعية و للشخص جميع الحقوق و يحق له دخول البلاد و الخروج منها و العوده مرة اخري و عمل الحج و العمرة بصفة شرعية و دخول الابناء المدارس ..................................

و من ناحية العقد في معظم الاحوال او كلها يصرف بدل السكن او التأثيث او خلافه عند استقدام الاسرة و في حاله عدم الاستقدام يسكن الشخص بسكن عزاب و لا يصرف له شيء الا اذا تم الاتفاق علي ذلك

و بصراحة انا مستغرب جدا جدا جدا انت ليه عملت زيارة و ما عملتش استقدام

يعني انا عملت استقدام لاسرتي و زيارة لامي

و لا يوجد فرق واضح في الاجراءات الا حوالي 2000 ريال و شوية اجراءات سهلة

فانا مش عارف انت كانت ايه وجهة نظرك توفير الاجراءات و لا الفلوس (معلش احنا بنتناقش)

المهم انا من رأيي انك لو انت شايف ان الشغل كويس و فرصة ما تتعوضش و المواضيع هتستقر فأنصحك تروح زوجتك و تجيبها تاني استقدام

اما لو العكس فقدامك حلين

انك تشتكي في مكتب العمل لو ما كنش عقدك مكتوب فيه عند استقدام الاسرة

انك تقعد مراتك لحد ما الزيارة تنتهي و بعدين تروحها

ده كله بالنسبة لبدل السكن

اما بالنسبة لحقوقك التانية و راتبك المتأخر فالموضوع عايز تفاصيل اكتر و عايز تدخل من سي السيد (القلب الطيب)

و علي فكرة كل اللي انا كتبته فوق ده عبارة عن وجهة نظري و خبرتي المحدودة و مشاركة لك اخي الكريم في مشكلتك

يعني ما تاخدش الرأي الا من الناس الخبرة اللي هيردوا عليك بس انت اصبر شوية و ربنا هيفرجها

[sherif mohammed]

يأستاذ عمر اناجبت زوجتي زيارة عشان الفلوس انا بقول الرواتب بتتأخر بالشهور يعني مكنش معايا الألفين ريال بتوع الإستقدام انا بسأل في بعض النقاط تحديدا ولحد دلوقتي محدش رد عليا رد واضح مع احترامي للجميع

1-ليا حق في بدل السكن لو انا جايب اسرتي زيارة مش استقدام ومكتوب بالعقد يصرف له بدل سكن في حالة استقدام الأسرة

2-انا مش عايز اكمل مع الشركة بعد ما أخد مستحقاتي والعقد مش مححد فيه مدة العقد بس الإقامة باقي فيها 4 أشهر بي انا مش طايق أقعد معاهم يوم خاصة بعد ما بيتعرض على الواحد شغل تاني بثلاث اضعاف الراتب فأرجوا رجاء شديد حد يقولي على اسرع طريقة عشان أخرج نهائي

3-هل اسباب الإستقالة منطقية وهي موضوع تأخير الرواتب بصورة متكررة-موضوع بدل السكن العوائل-العمل متوقف ومفيش اضرار بمصالح الكفيل والسبب عدم توفيرة لإحتياجات العمل-اعطاء العمل لمقاول سوري من الباطن هوالي بيتعامل معايا ي كل المواضيع والمشاكل والكفيل او الي بيشتغلو في شركته مبشوفهمش اصلا