أمريكا حتضرب تفليسة

[Virus]

إيه ده إيه ده ...أسيبك شوية يا هوبة ألاقيك موقع الدنيا في بعضيها وقوام قوام خليتنا ناس بتهرتل..ياراجل ده كلام على كده لو قابلتني في كندا مرة مش بعيد تبلغ عني!!

ماسبق كان تهريجاً لابد منه عشان أبلع

ومع إن المناقشة مالهش هدف ..يعني تقريبا مستحيل حد يقتنع بوجهة نظر التاني..بس ماشي..النقاش من أجل النقاش ممكن برضو

دعنا نرى ردودك الكريمة..

1- المشكلة في الممارسات خاطئة وليس في النظام نفسه..

لا ياراجل ..أمال انت متخيل الممارسات دي جات منين..جت ببساطة من أن النظام الربوي كل دينه وديدنه المكسب فقط وجمع المال على حساب أي شيء آخر..وليس هناك-ولن يكون- أي ضوابط تقيد المؤسسات الربوية بالمتاجرة بالأموال طالما فيها ربح..الفكرة كلها هي مص دم الأفراد لمصلحة كبار الرأسماليين..

أما بالنسبة لموضوع المنفعة الزمنية للنقود ..فده مصطلح صايع بصراحة ..كأن الزمن بقى عامل منتج..أو كأن الفلوس مفروض تولد لما تقعد شوية لوحديها...وياريت متقوليش الأسعار بتغلى لأن ده ربط للفايدة بالتضخم وده افتراض ميخصناش

بدل ما أنا أرغي متير ممكن سعادتك تقرا الملف المرفق وفيه رد وافي على المسألة دي من استشار اقتصادي في جامعة الأزهر أعرفه شخصياً ...وبعدين قوللي رأيك في السيناريو ده..

لو انت مُشرع في البرلمان وطرح عليك مشروع قانونين للإختيار بينهما..

الأول يحمل تشريعات للقروض الحسنة..المرابحة.. البيع بالآجل( بحد أقصى للمكسب).. التكافل

الثاني..يحمل تشريعات..القروض الشخصية بفوائد....القروض الإنتاجية بفوائد (كسبت أم خسرت)....التقسيط عالى الفوائد..التأمين

يا ترى تختار إيه من أجل اقتصاد قوي وحقيقي وعلاقات إنسانية سليمة..وتعمل إيه كمشرع لو انت عارف إن الناس برضو هتروح للنظام التاني لأنهم طماعين وجشعين...الغني طماع وعايز ياخد فايدة من غير شغل..والفقير برضو طماع وعايز يستهلك أكتر من إمكانياته لحد ما يغرق..

2- مفيش بنوك إسلامية..موافق ومعاك وده مالوش أي علاقة بموضوعنا ولكنها ببساطة محاولة يائسة منك للهجوم العكسي عشان تضعف موقف المُصرين على حرمة الربا

3- الربا موجود من قرون...صح تمام..وكذلك الزنا!!

وعلى فكرة برضو كل شيء جايز من أجل نصرة انبهار البعض الساذج بالغرب..البعض ممن تدلى فكهم السفلي عند نزولهم من الطيارة وراحوا يقضون وقتهم في بلاد المهجر في محاولات مستميتة للإنسلاخ من جلدهم ولبس الجلد الغربي بما في ذلك مهاجمة كل شيء له علاقة بأصلهم والتسبيح الدائم بالحضارة الغربية..الله يمسيك بالخير يا د علاء أسواني انت اللي وصفت البشر دي صح في رواية شيكاغو

____________________.doc

[سكر]

الاخ فيرس الرجاء ارسال الجزء الثانى من هذا المقال حيث ان الجزء الاول يشتمل على الجزء الدينى فقط فى الربا

وحتى تعم الفائدة يتحدث الكاتب فى الجزء الثانى عن الخطوات العملية للتنفيذ للتخلص من الربا

[Virus]

الاخ فيرس الرجاء ارسال الجزء الثانى من هذا المقال حيث ان الجزء الاول يشتمل على الجزء الدينى فقط فى الربا

وحتى تعم الفائدة يتحدث الكاتب فى الجزء الثانى عن الخطوات العملية للتنفيذ للتخلص من الربا

أخي الكريم..

اتفضل الموقع الرائع كله بتاع الدكتور حسين شحاته

http://www.darelmashora.com/

..ربنا يكتر من أمثاله وجزاه عنا خير الجزاء.. الموقع يتحدث عن الإقتصاد الإسلامي الحقيقي الذي لا نعرفه ولا يتحدث أحد عنه...لكن طول النهار بس بنسمع عن مزايا الربا وجماله وإنه مفيش ضرر على حد..

ومثال على ذلك اللي حصل لأخويا ..كان بيقتح مشروع والفلوس عجزت معاه فحب ياخد قرض ورحنا الصندوق الاجتماعي قابلنا ناس آخر فخامة ووافقوا على إعطاءنا قرض الصندوق الميسر جداً ، فسألنهاهم إن كان ممكن يشتروا هم البضاعة وبعدين يبيعوهالنا بالآجل عشان تكون الفايدة شرعية!..طبعاً قعدوا نص ساعة يبخوا في ودانا إن ده قرض ميسر وإنه من الصندوق مش من البنك وإنه هيستخدم من أجل مشروع إنتاجي مش عشان تجيب بيه عربية وإن في فايدة للإقتصاد وهلم جره لحد ما دماغنا وربت وابتدينا نصدق..

كلمنا الدكتور حسين ورد بحديث واحد..."كل قرض جر نفعاً فهو ربا"..انتاجي بقى استهلاكي ميخصناش

بقينا بنخبط كف على كف..يعني ياجماعة مفيش جهة محترمة فيكي يامصر ..تيجي تشتري هي البضاعة وتبيعهالنا بالآجل وتكسب أو تشاركنا على الربح والخسارة

للأسف مفيش ..

[MZohairy]

مفتي الجمهوريه صرح اكثر من مره بعدم حرمانية فوائد البنوك المحدده سلفا و على عدم وجود علاقه بين فوائد البنوك و كلمة الربا.

بناء على الموضح اعلاه يوجد لدينا رأيان من علماء المسلمين

رأي بيقول ان فوائد البنوك سواء كانت مدفوعه على القروض أو مستلمه على الودائع حلال و ليس له علاقه بمعنى و مفهوم الربا

و الرأي الآخر يفيد بحرمانية الفوائد طالما كانت محدده سلفا

يعني الموضوع يحمل اكثر من رأي و ببساطه اللي شايف نفسه مقتنع بأي رأي هو حر في قناعاته طالما كانت الآراء مأخوذه عن علماء اجلاء كبار

و أنا مقتنع بالرأي الأول و اؤيده

[جويرية]

وكله بسبب الربا "

بالظبط كده..دي آخرة النظام الربوي..وكما قال إمام المسجد في الجمعة الماضية...لابد أن يكون هذا تفسيرنا كمسلمين للأزمة المالية..أنها نتيجة الربا..

ولماذا إنتظر الله 1429 عام لينهي النظام الربوي الأن

ولماذا لم تنهار دول أخرى تتعامل بالربا أيضا مثل سويسرا و كندا ... أو حتى دول الخليج

ألا تتعامل دول الخليج بالربا

ماذا سيكون رأي إمام المسجد عندما يتعافى النظام المالي العالمي و يستمر في التعامل بالربا و في الإزدهار في نفس الوقت

لازم حيتعافي النظام المال العالمي من جديد

أولا عشان مش عندهم اي تجارة محرمة تجارة سلاح أو مخدرات أو دعارة أو أغذية فاسدة

المهم يكسبوا

ثانيا عشان عندهم قارة كاملة اللي هيا أفريقيا و ييجي ربع قارة أسيا الناس دول مش بينتجوا حاجة و بيستنوا أنتاج النظام العالمي

[المعتصم]

بسم الله الرحمن الرحيم

الأستاذ الزهيري

مفتي الجمهوريه صرح اكثر من مره بعدم حرمانية فوائد البنوك المحدده سلفا و على عدم وجود علاقه بين فوائد البنوك و كلمة الربا.

أولا لا تنس يا أخي أن مفتي الجمهورية يتقاضي أجر من الدولة مقابل عمله .

ثانيا مفتي الجمهورية يتحرك ويتكلم في النطاق المسموح له به .

ثالثا أين كان مفتي الجمهورية من نصرة المسلمين في كثير من المواقف مثل العبارة وابتزاز الدولة للشعب والظلم الموجود والسفور في أجهزة الإعلام وغير ذلك؟ أين كان من كل هذا أم أنه كان مشغول في كل هذا الوقت بتحليل فوائد البنوك ؟؟

رابعا في النهاية يا أخي لن يغني عنك مفتي الجمهورية شيئا .....

وأخيرا إذا أردت أن تعرف لماذا أخطأ المفتي =ومن يحلل الفائدة= في فتواه هذه راجع هذا الرابط :

http://www.islamonline.net/servlet/Satelli...d=1122528620038

في النهاية يا أخي أسألك أن تشاهد الفيديو الذي أرسلته للأخ إيهاب

لتجد أن خبراء الإقتصاد العالمي أنفسهم يقرون أن هذا هو ربا صريح وبل ويعرفون أضراره علي المدي البعيد

رابط الفيديو في اخر مداخلة لي في هذا الموضوع

تم تعديل 17 أكتوبر 2008 بواسطة المعتصم

[MZohairy]

يعني الموضوع يحمل اكثر من رأي و ببساطه اللي شايف نفسه مقتنع بأي رأي هو حر في قناعاته طالما كانت الآراء مأخوذه عن علماء اجلاء كبار

و أنا مقتنع بالرأي الأول و اؤيده

مبرراتك يا اخ معتصم على عدم قناعاتك بشخص المفتي غير مقنعه لي ابدا لكي لا اقتنع بفكره

دمت بخير

[Virus]

مفتي الجمهوريه صرح اكثر من مره بعدم حرمانية فوائد البنوك المحدده سلفا و على عدم وجود علاقه بين فوائد البنوك و كلمة الربا.

بناء على الموضح اعلاه يوجد لدينا رأيان من علماء المسلمين

رأي بيقول ان فوائد البنوك سواء كانت مدفوعه على القروض أو مستلمه على الودائع حلال و ليس له علاقه بمعنى و مفهوم الربا

و الرأي الآخر يفيد بحرمانية الفوائد طالما كانت محدده سلفا

يعني الموضوع يحمل اكثر من رأي و ببساطه اللي شايف نفسه مقتنع بأي رأي هو حر في قناعاته طالما كانت الآراء مأخوذه عن علماء اجلاء كبار

و أنا مقتنع بالرأي الأول و اؤيده

عندك حق تمام ميه في الميه...والمفتي يشرب بقى ذنوب الناس دي كلها لو هو غلط والله أعلم

ومش هقولك إنه ده عالم واحد أو اتنين أو عشرة من ضمن آلاف تانيين حرموا ده في مصر وخارجها ..ومش هقولك اشمعنى دي اللي نسمع كلام المسئولين الحكوميين فيها واحنا بنلعن أبو خاش الحكومة كل يوم

لكن اسمحلي يا أخ زهيري أطلب منك طلب لأنك أخ عزيز..ضع احتمال 1/4 في المية إنه كلامه غلط ..حاول إنك تفصل فلوس الفايدة عن مدخراتك..يعني مثلاً جمعها واشتري بيها شقة اشتري بيها دهب أي حاجة..بس متدخلهاش في فلوسك الأصلية بتاكل وبتشرب منها..

التحوط أفضل برضو ومين عالم..يمكن ييجي يوم والمفتي نفسه يتراجع عن رأيه ويقول أنا غلطت!! ساعتها تبقى عارف الفلوس دي من الفلوس دي

أنا مش عايز أعمل فيها واعظ وبفهم في الدين..لكن لو حكتلك بشوف ناس قد إيه ندمانة على فلوس البنوك سواء ربح أو فايدة قروض- وأنا نفسي منهم- لو شفتهم إزاي عايزين يولعوا في حاجات بتاعتهم لأنهااختلط فيها فلوس البنك بفلوسهم...

أرجوك فكر في الموضوع..ده احتياط صغير ولن يكلفك كثيراً

تم تعديل 17 أكتوبر 2008 بواسطة Virus

[MZohairy]

مفتي الجمهوريه صرح اكثر من مره بعدم حرمانية فوائد البنوك المحدده سلفا و على عدم وجود علاقه بين فوائد البنوك و كلمة الربا.

بناء على الموضح اعلاه يوجد لدينا رأيان من علماء المسلمين

رأي بيقول ان فوائد البنوك سواء كانت مدفوعه على القروض أو مستلمه على الودائع حلال و ليس له علاقه بمعنى و مفهوم الربا

و الرأي الآخر يفيد بحرمانية الفوائد طالما كانت محدده سلفا

يعني الموضوع يحمل اكثر من رأي و ببساطه اللي شايف نفسه مقتنع بأي رأي هو حر في قناعاته طالما كانت الآراء مأخوذه عن علماء اجلاء كبار

و أنا مقتنع بالرأي الأول و اؤيده

عندك حق تمام ميه في الميه...والمفتي يشرب بقى ذنوب الناس دي كلها لو هو غلط والله أعلم

ومش هقولك إنه ده عالم واحد أو اتنين أو عشرة من ضمن آلاف تانيين حرموا ده في مصر وخارجها ..ومش هقولك اشمعنى دي اللي نسمع كلام المسئولين الحكوميين فيها واحنا بنلعن أبو خاش الحكومة كل يوم

لكن اسمحلي يا أخ زهيري أطلب منك طلب لأنك أخ عزيز..ضع احتمال 1/4 في المية إنه كلامه غلط ..حاول إنك تفصل فلوس الفايدة عن مدخراتك..يعني مثلاً جمعها واشتري بيها شقة اشتري بيها دهب أي حاجة..بس متدخلهاش في فلوسك الأصلية بتاكل وبتشرب منها..

التحوط أفضل برضو ومين عالم..يمكن ييجي يوم والمفتي نفسه يتراجع عن رأيه ويقول أنا غلطت!! ساعتها تبقى عارف الفلوس دي من الفلوس دي

أنا مش عايز أعمل فيها واعظ وبفهم في الدين..لكن لو حكتلك بشوف ناس قد إيه ندمانة على فلوس البنوك سواء ربح أو فايدة قروض- وأنا نفسي منهم- لو شفتهم إزاي عايزين يولعوا في حاجات بتاعتهم لأنهااختلط فيها فلوس البنك بفلوسهم...

أرجوك فكر في الموضوع..ده احتياط صغير ولن يكلفك كثيراً

اولا اشكرك بصدق على النصيحه يا فايرس و عايز اوضحلك ان الموضوع مش مين حيشرب الذنب و مين مش حيشربه

الموضوع موضوع تفكير و انا دراستي كلها في الفلوس و الحسابات و الاقتصاد و طول عمري مش مقتنع بفكرة حرمانية فوائد البنوك

و لذلك كنت مستني الرأي الديني الصادر من جهه دينيه كبيره المؤيد لرفضي لهذا الموضوع

و فور صدوره عن المفتي و تفسيره له بكل عقلانيه و منطقيه و هدوء ....اقتنعت فورا و ارتاح قلبي

ارتحت لأني وجدت ان العقل و المنطق العلمي الاقتصادي يتفق مع الدين

و سترى معي و الايام وحدها بيننا ان شاء الله ان عدد علماء الدين المؤيدين لهذا الرأي سيتزايدون و وقتها سيقوم المسلمون بنصيحة من لا يتبعون هذا الرأي بمراجعة انفسهم

تحياتي و حبي

[المعتصم]

بسم الله الرحمن الرحيم

حياكم الله وبياكم

أخي الزهيري جزاك الله خيرا علي الرد

لي فقط توضيح بسيط

مبرراتك يا اخ معتصم على عدم قناعاتك بشخص المفتي غير مقنعه لي ابدا لكي لا اقتنع بفكره

عدم قناعتي ليست بشخص المفتي

ولكن عدم قناعتي بدور المفتي ، بوظيفة المفتي ، بموقع المفتي في الحكومة وما يجب أن يقوم به

كذلك نفس الوضع لشيخ الأزهر ......

فلو لاحظت أنني لم أذكر شخص المفتي ولا اسمه

وبالله عليك ألا تري تناقضا فيما يجب أن يكون عليه المفتي وما تلزمه عليه الدولة ؟

كيف لقاضي أن يقتص لمظلوم وهو يعمل عند ظالمه ؟؟؟؟

ألا تظهر لك عدم المصداقية في الوظيفة ؟؟؟

هذا فقط ما حاولت أن أوصله لك في المداخلة السابقة

===============

ولو كنت قلت لك لا تتبع علي جمعه ولم أتي لك بالفتوي الموضحة آنفا لكان لك حق في ردك

ولكني أتيت لك بفتوي توضح بأدلة ما خطأ قد يكون حدث بغير قصد في فتوي أخري

فهل وجدت وقت لقرائتها وتفنيدها ؟؟

***************

أما عن قولك

الموضوع موضوع تفكير و انا دراستي كلها في الفلوس و الحسابات و الاقتصاد و طول عمري مش مقتنع بفكرة حرمانية فوائد البنوك

فهل وجدت بعض الوقت لتناقشني في الفيديو المرسل ؟

وكذلك عندي بعض الدوريات والملفات الصادرة من خبراء اقتصاد عالميين يناقشون الموضوع ولكنها باللغة الإنجليزية سأحاول إن شاء الله أن أجد نسخ عربية منها لإرسالها .

***************

الشاهد يا أخي الزهيري

قد أتيت لك بفتوي ترد علي رأي ديني =-او فتوي-= تقتنع به ، وتظهر خطأه (الفتوي في الرابط أعلاه)

وأتيت لك برد علمي ومنطقي واعتراف من خبراء الإقتصاد بحقيقة النظام الإقتصادي وأهدافه ومن المتحكم الحقيقي فيه (الفيديو بالرابط أعلاه)

فلو عندك وقت لقراءة الفتوي ومشاهدة الفيديو يكون ممتاز أن ترسل لي رد بعدها

إما أن ترسل ردا علي وتتجاهل ما أرسلته لك فهذا رد غير منصف :roseop:

و معذرة علي الإطالة

تم تعديل 17 أكتوبر 2008 بواسطة المعتصم

[عصام أبوالفتح]

إلا صحيح ليه أمريكا ما فكرتش تعمل مزادات أراضى عشان تفك عجز ميزانيتها و ميزانها التجارى ؟!!!

أكيد معندهمش مدن جديدة زينا

[قديم]

شي غريب في التفليســه .. امس البنك مقفل تمام التمام . وتاني يوم الصبح بيقول فلس .؟؟؟

هل التفليســه تمت بالليل .هل سرقت مدخراتــه .؟؟ هل هناك سطو على خزانـه البنك .؟

غالبا يكون هناك مؤشرات ماليـه وعجــز لدي اي بنك قبل اعلان الافلاس . يكون هناك خطوط حمراء . قبل الافلاس .لتدارك الوضع قبل ما تقع (الراس في الفاس )

على طريقـه العظماء

اســرع تفليــسـه لاكبر بنك .

بغض النظر هل هي اكذوبــه او حقيقه او سرقـه على مستــوي كبيــر . الا انها تمت واثارها ستطالنا وسنتحمل العبئ الاكبر منها . ولكنها ستفقد الثقـه في مصداقـيه الاقتصاد الامريكي

[مشمش]

مع التفهم التام لاسباب "الفرحة" بالضربات الموجعه للإقتصاد الامريكي, الا ان الحوار اتسم بالتبسيط المخل و محاولة تحوير الواقع ليتسق مع قناعات مسبقة, دون محاولة بحث جاده في الاسباب الحقيقية و الدروس المستفاده!

قبل مناقشة الاسباب, لابد من التعليق علي الموضوع الفرعي (الذي اتسمت مناقشته ايضاً بالتبسيط المخل) الا و هو الفائدة و الربا

السؤال عن تأخر عقابه سبحانه و تعالي الي الان, هو سؤال فلسفي عميق, ان كان مصدره شخص غير مؤمن فعلاً بأي من الديانات السماوية (يطرحه مثلاً Bill Maher في أخر افلامه Religulous و الذي احدث ضجة) و قد تم الرد عليه من قبل الكثير من العلماء و هنا ليس مجال مناقشته.

أما ان يكون مصدره شخص مؤمن, فهو امر غريب للغاية! فسبحانه لا يسئل عما يفعل و هم يسئلون!

اما اختزال الفوائد و تصويرها فقط كأداه لحساب القيمة الزمنية للنقود و التضخم هو تبسيط مخل للغاية, حيث انه لا يوجد عاقل ينادي بان سداد الدين يكون بالقيمة الورقية دون تغيير. وحيث ان معدلات الفوائد في كثير من المعاملات تتعدي نسب التضخم و القيمة الزمنية بكثير.

و المناداة بمقاطعة النظام المصرفي تماماً امر خيالي و تصور انه يمكن المحافظة علي الاموال من ان "تتلوث" من المعاملات المصرفية الربوية هو تصور ساذج (و ان كان لهم الاجر علي قوة العزيمة)

النظام الاقتصادي العالمي معقد للغاية و متشابك, و مجرد تصور وجود رأي واحد صحيح (واتهام الراي المخالف بالعمالة) هو التطرف بعينه! من اي جهة سواء الراي القائل بانها ربا او لا.

توجد الكثير من الفتاوي من علماء لهم ثقلهم علي الجانبين.

و يجب تذكر ان الفتوي يجب ان تضع في الاعتبار الوضع الحالي و ليس الوضع من 1400 سنة. و ايضاً تذكر ان تحريم الخمر كان تدريجياً.

أما بالنسبة للرأي الاقتصادي فمعروف ان علي المستوي الكلي للاقتصاد (Macro Economics) ارتفاع الفوائد يقلل الاستثمارات. و تزيد كفاءة الاقتصاد مع تناقص قيمة الفائدة, حيث ان المعني التقني للفائدة هي انها "سعر النقود" و النقود هي مستودع للقيمة و لا يجب ان يكون لها سعر.

نرجع للموضوع الاصلي, وهو اسباب الازمة,

توجد مداخلات سابقة تتحدث عن الاسباب الفنية و شرح اقتصادي واف للفاضل احمد سيف.

لماذا حدثت هذه الازمة؟ الاجابة التي يجب ان نتعظ منها و تعتبر درس و عبرة هي:

الفساد!

انتقلت عدوي الفساد الي الحكومة الامريكية, اتحدث عن فساد الانظمة و ليس فساد الاشخاص الموجود في كل مكان.

بعض الممارسات الفاسدة (جزء صغير مما يحدث في مصر) اتت علي اكبر كيان اقتصادي في العالم و الموضوع ليس جشع تجار, مجرد عملية "نصب" تم بها بيع اصول بأكثر من ثمنها لدول العالم!

من اشتري هذه الاصول كان علي علم بنسب مخاطر عدم السداد, لذا كان يتم بيع وثائق تأمين علي القرض (ضد مخاطر عدم السداد)

هنا كان اكثر مظاهر الفساد و اشدها تأثيراً, شهادات التأمين تلك لم يكن اسمها شهادات تأمين, بل كانت تسمي مبادلات او (Credit Default Swap) و السبب هو انه في حال تم تسميتها كذلك تطبق عليها قواعد شركات التأمين و هي صارمة للغاية, و تلزم الشركة بوجود اموال تغطي قيمة هذة الشهادات.

الفساد الغي معظم القواعد المنظمة لسوق المال بدعوي تشجيع الاستثمار و النظام الرأسمالي و أليات السوق (سمعته فين قبل كده؟)

الفساد سمح لحيتان السوق بالتحايل علي القانون بتغيير المسميات.

النتيجة كانت انه مع ضعف الاقتصاد و فشل الكثيرين في السداد و عدم وجود ما يكفي لتغطية الشهادات او المبادلات: الافلاس!

اعتقد انه يوجد الكثير من الممكن ان نتعلم منه من الازمة دون تبسيطها و اختزالها في انها غضب الله عليهم

و ايضاً لا يفيدنا التهويل و المبالغة, العاقل يعرف قدرات خصمة و لا يبالغ في ضعفه او قوته. الاقتصاد الامريكي و العالمي يتعرض لازمة, و لكن الامبراطورية الامريكية لم تسقط Not by a long shot . أكيد ستفقد الصدارة و لن تعد القطب الاوحد (حتي هذا سيحتاج الي وقت) و لكنها لم تنهار بعد.

[Tafshan]

ايه الكلام الكبير ده :rolleyes:

اسمحوا لى افك الاشتباك و اتكلم في الموضوعات اللى اتشعبت من الموضوع ده كل جزء على حدى ..

بالنسبه لموضوع الازمه الماليه :

- 700 مليار مش كفايه .. العالم ضخ 3.5 ترليون دولار و لسه الموضوع ما اتحلش ( ده رد على جماعه صحابي في مصر كانوا بيقولوا ان الازمه مفتعله عشان يوقعوا دول الخليج .. طبعاً تحليل حرق دمى )

- الازمه الماليه دى كانت بسبب المشتقات او ال Derivatives و هى باختصار عباره عن اتفاقيات تتم عبر موظفى البنوك و لا تخضع لاى ضوابط و كان الهدف منها تخفيض مخاطر التجاره .. لكن لم تأخذ في الحسبان اعصارين متتاليين في امريكا بالاضافه الى تكلفة حروب الارهاب .. استثمرت البنوك في تلك المشتقات و خسرت .. يعنى باختصار اشتروا الترماى .. يعنى اخذوا اموال الودائع و بسبب الجشع و الامل في الربح المضاعف و عدم دراسة المخاطر او تنويع سلة الاستثمار .. مع التباطؤ في الاقتصاد العالمى و الاسباب السابق ذكرها .. خسرت المشتقات و راحت مع الودائع ..

الموضوع هو هوس الاستثمار على اساس افتراضى .. يعنى بدل ما يبقى فيه تجاره بجد بيع و شراء .. بقى فيه تجاره في حاجات في المستقبل و المقامره على ان سعرها ح يفضل هو هو ( ال Futures ) و هو نوع من انواع المشتقات .. بدأ العالم يترك التجاره و الصناعه و الخ من الانشطه الحقيقيه و ذهب بثقله الى البورصه و المشتقات و خلافه يبيعوا و يشتروا في "اوراق" ليس لها قيمه و يجنوا عن طريقها ثروات باهظه .. و كل هذه الثروات لا توزع لانها تذهب مباشرةً الى ال Dealer ... و من هنا ظهرت الفقاعات الاقتصاديه .. و طبعاً كان من الطبيعي ان تنفجر تلك الفقاعات فجأه مخلفه ورائها مآسى كثيره ..

بالنسبه لموضوع امريكا :

طبعاً امريكا انهارت بالفعل .. النظام الرأسمالى انهار بالفعل عندما قررت امريكا تأميم فانى ماى و فريدي ماك .. امريكا التى كانت تصفع الجميع عند سماع لفظ تأميم .. تأمم !

امريكا بالطبع لن تنهار تماماً و الا اصبحت مصيبه عالميه .. باختصار كل الدول المرتبطه بالدولار ستعلن افلاسها لو حدث ذلك .. و بالتالى فهى مدعومه من كل دول العالم .. و بالفعل بدأت توزع مشكلتها الماليه على دول العالم و اكثر المتضررين هم الاوربيين و تم تصدير جزء معتبر من المشكله بالفعل ..

بالنسبه لموضوع البنوك و الربا ..

انا اسف .. البنوك الاسلاميه هى اكثر المتضررين في الازمه الماليه لانهم مستثمريين اموالهم بالفعل في محافظ اوروبيه و مشاريع عقاريه و مشتقات .. و طبعاً كل هذا في اوروبا و امريكا .. يعنى بيفلسوا ... بنك نور الاسلامى في الامارات خير دليل على ذلك .. و هو لازال مستمر بسبب دعم شيوخ الامارات

الربا حرام .. و البنوك الاسلاميه = البنوك الغير اسلاميه .. و اللى مش عايز يصدق هو حر .. للاسف مافيش بديل اسلامى "بجد" للبنوك و النظام المصرفى الحالى .. يا ريت بدل ما نقعد نضور على النت على ردود العلماء المعلبه في هذا الصدد نفكر في نظام مالى جديد يتفق مع الشريعه و تتبناه الدول الاسلاميه بل ستتبناه جميع الدول ان كان يصلح لان الرأسماليه الحاليه خلاص انهارت ..

بيقولوا بيعملوا حاجه اسمها الرأسماليه الاجتماعيه .. اهو ناس بتتكلم !

اديني بقول اهه قبل ما تتعمل عشان نفكر ازاي نقول عليها حرام

[عصام]

يا أخى والله إنى كل ما اقرا مداخلة ليك بيزيد احترامى لذلك العقل وتلك الثقافة أكثر وأكثر

كل التحية والاحترام

[فيصل رافت]

امريكا ما بتفلسش امريكا ممكن تفلس العالم كله وتخربها وتقعد على تلها ديه امريكا يهود

[nadernader]

أنا أقرأ منذ فترة عن إرهاصات هذه الأزمة .. تنبأ اقتصاديون بالأزمة منذ ظهور ما أسموه "فقاعة العقار" Real estate bubble حيث أخذت أسعار العقارات فى ارتفاع متلاحق غير مبرر مما دفع بأموال كثيرة للاستثمار فى هذا المجال .. ثم انفجرت الفقاعة وتهاوت الاستثمارات العقارية

خوفى وهلعى أن تكون مصر الآن تمر بمرحلة تشهد فيها نمو تلك الفقاعة العقارية

سترك يارب

السلام عليكم ورحمة الله وبركاته

اقترح عليكم وهذا من خلال تجربة ناس كتير اذا كان عندك فلوس مستغني عنها ولن تحتاج اليها في الزمن القريب يعني بالبلدي هتحطها تحت البلاطة افضل شيء في صورة ذهب واذا كنت تستطيع شراؤه مستعمل فذلك أفضل لأنه مش هيكون مضاف له مصنعية هذا اما تشتريه من الناس مباشرة او تبحث عن محلات تبيع عن المستعمل مثل هنا في السعودية.

المتتبع لأسعار الذهب يجد انه خلال حوالي 3 سنوات زاد الضعف :

عيار 21 زاد من 47 رس الى 100 ريال

سعر المستعمل عيار 18 اقل 10 الى 15 ريال عن الجديد

عيار 21 مستعمل اقل 5 ريال من الجديد

نصيحة اذ ا هتشتري للتحويش لا تشتري ذهب يحتوي على فصوص

تأكد من سعر الذهب قبل الشراء والبيع عن طريق شاشة البورصة على فوركس(www.gfxsa.com/ar) ، السعر بيظهر على الشاشة للأونصة وهي 31 جرام وواحد من عشرة ذهب صافي بالدولار الأمريكي ( البرغوت) ،عشان تحسب سعر الجرام نقسم على 31 وواحد من عشرة والطبيعي لو البياع مش هيضحك عليك هيزود ريال على الجرام عيار 24

اما العملات فلم تزيد بنفس النسبة مثلا اليورو كان من تلات سنين ب4 ريال سعودي ونص اما الآن فب 5 ونص يعني زاد حوالي 25% تقريبا. هحكي لكم قصة شافها زوجي بعينة كان عند محل ذهب وجاء رجل سعودي شاب يحمل كيس كبير فيه 100 ريال فضة من بتوع زمان ( شكل جده ولا ابوه كان بخيل جدا لأن الريال السعودي من ايام الملك فيصل) المهم ان الرجل صاحب المحل اشترى منه الريال الفضة بسعر الفضة بكام ب 11 ريال للواحد تخيلوا في حين جاء رجل تانيومعاه كيس فيها ريالات قديمة وعشرات ورق متهلهلة من ايام فيصل برده وطبعا صاحب المحل السعودي اشترى منه ال500 ريال ب 200 ريال ورمى كتير منها لأنها كانت لا تصلح( صاحب المحل بيروح يغيرها من مؤسسةالنقد السعودي) وهاتان القصتان للعبرة ان احسن حاجة الدهب ممكن سعر الدهب يطلع وينزل في الوقت القريب لكن على المدى البعيد بيرتفع جدا.

اما الدولار فحاليا هو في النازل وكذلك العملات المرتبطة به في دول الخليج . وزي ما اوضح الأخ الفضل الا في حدود مصاريفك الشخصية

وشكرا

انا عاوز اسال لو الواحد معاة كم جنية يشترى بة ذهب الان ولا مستقبلا الذهب هينزل ولا هيطلع عاوز واحد فاهم يجيبنى لحسن خايف اجيب بة حمام و اطيرة فعلا عاوز ناس ليهم خبرة تجيبنى لحسن انا وضعت نفس السؤال فى منتدى اخر كلة كان بيفتوا و انتهى موضوعى بطريقة عنل الفتة بالخل والتوم

والله انا امامى مشروع ولكنة سيتم انشاء الله بعد سنة فكل ما يتجمع معى مبلغ اشيلة لكن شيلة دة بيطلعلوا ميت باب

والبنوك انا متاكد مية فى المية ان فلوسها مش حلال تسليف ربوى ومشروعات خبيسة

المهم انا مش عاوزة احطها فى البنك و ينفعش طبعا البيت لان المغريات كتير ففكرت فى الجنيهات الذهبية بس نفسى اعرف خلال السنة دى الذهب سيرتفع ام ينخفض و بالذات مع موجة الاتخابات الامريكية لانى مع المتابعة وجتة مرتبط ارتباط عكسى مع سعر الدولار والبترول كل ما الدولار يعلى الذهب ينزل سعرها و العكس صحيح يالايت اجد الحل الامثل ولا اخرج اكثر ظماءا وانا عاجز عن الشكر

[وسط][/وسط]

ودة رابط عربى لمعرفة سعر الذهب والعملات

http://www.tegaranet.com/arabic/prices/stockgold.asp

[se_ Elsyed]

للأسف القادم أسوء

شركة ألكوا الامريكية أكبر منتج لللأمونيوم في العالم تستغني الأسبوع الماضي عن 14 ألف عامل ... بتعِيد على عمالها .... وبعدين أومال العدد الإجمالي كام ؟

متاجر ماركس أند سبينسر البريطانية الشهيرة تُغلق 27 متجر في بريطانيا وتسرح 1200 عامل !!!!

طبعاً عمالين يسندوا في كرايسلر وجنرال موتورز وقروض بالمليارات وتدخلات للكونجرس وشغلانه

أهم ما في الموضوع إن أرنولد شورانزنجر حاكم أكبر ولاية امريكية وهي كاليفورنيا اللي عاملة زي قارة بحالها سواء في إقتصادها أو تأثيرها على إقتصاد أمريكا والعالم .. بعث صرخة إستغاثة أخيرة للحكومة الأمريكية بضخامة العجز في الموازنه اللي عنده وبفوائد الدين اللي بيدفعها أعتقد 5 مليار في الشهر .. وقال إن لو أستمرت الأمور على ما هي عليه .. خلي بالكو .. لحد شهر فبراير فستُعلن كاليفورنيا إفلاسها زي ما عملت أيسلندا .. وطبعاً لما كاليفورنيا تكُح فستصاب أمريكا كلها بالسعال الديكي وستُعلن أمريكا إفلاسها وتبقى ليلة يا عُمده .. الكلام ده مش مبالغة ...

فندعي ربنا يكرمهم أكتر وأكتر .. أصل فبراير لسه بدري عليه wst:: يعني 20 يوم بحالهم كتير قوي قوي

بيتهيألي لو أمريكا ضربت تفليسه .. فإسرائيل ستموت بأسفكسيا الخنق وتذبل وتضمر ثم تموت لوحدها ... بركاتك يا حماس

لو أمريكا أعلنت إفلاسها بحق وحقيق وبقى مواطانيها مشردين في الشوارع .. ندر علي لأجيب 4 أمريكان تحت كفالتي .. 2 نواعم لزوم الخدمة .. وإتنين سواقين لزوم المنظرة .. وهما الـ 1200 ريال في الشهر مافيش غيرهم .. :lol:

دي مش شماته والعياذ بالله

لكنها شماته ونص

--------------------------

[شاب مصري]

للأسف القادم أسوء

شركة ألكوا الامريكية أكبر منتج لللأمونيوم في العالم تستغني الأسبوع الماضي عن 14 ألف عامل ... بتعِيد على عمالها .... وبعدين أومال العدد الإجمالي كام ؟

متاجر ماركس أند سبينسر البريطانية الشهيرة تُغلق 27 متجر في بريطانيا وتسرح 1200 عامل !!!!

طبعاً عمالين يسندوا في كرايسلر وجنرال موتورز وقروض بالمليارات وتدخلات للكونجرس وشغلانه

أهم ما في الموضوع إن أرنولد شورانزنجر حاكم أكبر ولاية امريكية وهي كاليفورنيا اللي عاملة زي قارة بحالها سواء في إقتصادها أو تأثيرها على إقتصاد أمريكا والعالم .. بعث صرخة إستغاثة أخيرة للحكومة الأمريكية بضخامة العجز في الموازنه اللي عنده وبفوائد الدين اللي بيدفعها أعتقد 5 مليار في الشهر .. وقال إن لو أستمرت الأمور على ما هي عليه .. خلي بالكو .. لحد شهر فبراير فستُعلن كاليفورنيا إفلاسها زي ما عملت أيسلندا .. وطبعاً لما كاليفورنيا تكُح فستصاب أمريكا كلها بالسعال الديكي وستُعلن أمريكا إفلاسها وتبقى ليلة يا عُمده .. الكلام ده مش مبالغة ...

فندعي ربنا يكرمهم أكتر وأكتر .. أصل فبراير لسه بدري عليه يعني 20 يوم بحالهم كتير قوي قوي

بيتهيألي لو أمريكا ضربت تفليسه .. فإسرائيل ستموت بأسفكسيا الخنق وتذبل وتضمر ثم تموت لوحدها ... بركاتك يا حماس

لو أمريكا أعلنت إفلاسها بحق وحقيق وبقى مواطانيها مشردين في الشوارع .. ندر علي لأجيب 4 أمريكان تحت كفالتي .. 2 نواعم لزوم الخدمة .. وإتنين سواقين لزوم المنظرة .. وهما الـ 1200 ريال في الشهر مافيش غيرهم .. :lol:

دي مش شماته والعياذ بالله

لكنها شماته ونص

--------------------------

وانا هجيب بواب للعمارة من أمريكا عشان يجيب للسكان العيش ويقف في الطابور

ومراته تمسح السلم كل يوم wst::

[Torontotruk]

وكندا كمان...والله علي ما اقول شهيد...