أمريكا حتضرب تفليسة

[mbayern]

للأسف القادم أسوء

شركة ألكوا الامريكية أكبر منتج لللأمونيوم في العالم تستغني الأسبوع الماضي عن 14 ألف عامل ... بتعِيد على عمالها .... وبعدين أومال العدد الإجمالي كام ؟

متاجر ماركس أند سبينسر البريطانية الشهيرة تُغلق 27 متجر في بريطانيا وتسرح 1200 عامل !!!!

طبعاً عمالين يسندوا في كرايسلر وجنرال موتورز وقروض بالمليارات وتدخلات للكونجرس وشغلانه

أهم ما في الموضوع إن أرنولد شورانزنجر حاكم أكبر ولاية امريكية وهي كاليفورنيا اللي عاملة زي قارة بحالها سواء في إقتصادها أو تأثيرها على إقتصاد أمريكا والعالم .. بعث صرخة إستغاثة أخيرة للحكومة الأمريكية بضخامة العجز في الموازنه اللي عنده وبفوائد الدين اللي بيدفعها أعتقد 5 مليار في الشهر .. وقال إن لو أستمرت الأمور على ما هي عليه .. خلي بالكو .. لحد شهر فبراير فستُعلن كاليفورنيا إفلاسها زي ما عملت أيسلندا .. وطبعاً لما كاليفورنيا تكُح فستصاب أمريكا كلها بالسعال الديكي وستُعلن أمريكا إفلاسها وتبقى ليلة يا عُمده .. الكلام ده مش مبالغة ...

فندعي ربنا يكرمهم أكتر وأكتر .. أصل فبراير لسه بدري عليه :sad: يعني 20 يوم بحالهم كتير قوي قوي

بيتهيألي لو أمريكا ضربت تفليسه .. فإسرائيل ستموت بأسفكسيا الخنق وتذبل وتضمر ثم تموت لوحدها ... بركاتك يا حماس

لو أمريكا أعلنت إفلاسها بحق وحقيق وبقى مواطانيها مشردين في الشوارع .. ندر علي لأجيب 4 أمريكان تحت كفالتي .. 2 نواعم لزوم الخدمة .. وإتنين سواقين لزوم المنظرة .. وهما الـ 1200 ريال في الشهر مافيش غيرهم .. :sad:

دي مش شماته والعياذ بالله

لكنها شماته ونص

--------------------------

الله يسمع منك يا أستاذ سي السيد

يبدو أن وجه أوباما حيكون نذير شؤم على الأمريكان ، والمصاعب اللي مستنياه لو كل العالم أتحد انه يحلها لن يستطيع فما بالك بأمريكا لوحدها .

تحياتي

[شاب مصري]

طبعة دول الخليج لازم تدفع وتغطي عجز الموازنة الأمريكية ده من تحت الطرابيزة

لان السعودية عندها فائض موازنة كبير جدا

ولازم أمريكا ينوبها من الحب أكبر جانب

ده أمريكا لسا بايعة سلاح لدول الخليج ب 30 مليار دولار من كام اسبوع

طيب تسليح عشان ايه؟

مين العدو اللس بيتسلحو ليه؟

ايران؟ كل جيوش الخليج لن تصمد أمام جيش ايران 5 دقائق لو ايران قررت تضرب الخليج

ثم الامارت (اللي ايران محتلة 3 جزر ايرانية في الخليج العربي) قالتها صراحة ان الجمهورية الاسلامية هو صديق وحليف للامارات

واساسا امريكا حامية مصالحها وحامية دول الخليج من ايران

بس لازم تدبس دول الخليج في شراء اسلحة امريكية بدل ما تبور في مخازن شركات السلاح الامريكية

لازم دول الخليج وغصب عنها تسند امريكا.