خروج نهائي و عودة بعد 3 شهور

[Eng Fouad]

السلام عليكم جميعا ورحمة الله و بركاته و رمضان كريم

انا مهندس ديكور و مقيم في الرياض من حوالي 4 سنين اول ما جيت اشتغلت مع واحد سعودي و اسسنا مكتب تصميم و تنفيذ ديكورو نقلت كفالتي عليه وكالعادة صاحبنا طمع و دخلوا (ولاد الحلال عالخط ) ووصلت انا و الكفيل الى نقطة اللاعودة وقرر يديني خروج نهائي لأنه و حسب رايه ( وجعت له دماغه ) و اداني شهر مهلة عشان اخلص اموري

المهم فيه واحد من الناس اللي عملت لهم ديكور الفيلا بتاعته كان عارض عليا اشتغل معاه و لما صاحبنا قرر يخرجني نهائي لجأت اليه و الراجل رحب جدا و قاللي مفيش مشكله وقبل ما تمشي من البلد الفيزا حتكون في ايدك و انا قلت له حسافر اعمل ريلاكس شهرين و بعدين ارجع

و سؤالي الان

انا ان شاء الله راجع بعد حوالي 3 شهور لكن عندي اقساط العربية و اقساط الكريديت وبما ان كفيلي حيعمل لي خروج نهائي (وطبعا هو مش عارف اني حرجع بتأشيرة جديدة ) هل لازم اني اقفل حساب البنك و الغي الكريدت و اسلم الشقة و ابيع العربية بخسارة ولا ممكن اخليها و كأن شيء لم يكن ؟؟؟

المشكلة الشقة بتاعتي لقطة و حرام اخسرها و حرام كمان اخسر الكريدت بتاعي (اللي باستخدمه في سفرياتي) و ارجع اطلع بطاقة جديدة و رصيد جديد و فتح حساب وعربية جديدة و كل الهلمه علشان شهرين

افيدوني افادكم الله و شكرا لكم

[sherif mohammed]

ربنا يوفقك بس اهم حاجة الكفيل ميعندش معاك زي الكفيل بتلعي ويديلك خطاب عدم اللمانعة عشان ترجع تاني ومتلجأش لتغير الجواز وربنا يهدي الجميع

[Eng Fouad]

شكرا يا اخ شريف... انا كدا كدا حغير الجواز عشان اتملى تأشيرات بس لحد دلوقتي ما حدش جاوبني على سؤالي

في حالة الخروج النهائي هل لازم اني اقفل حساب البنك و الغي الكريدت و اسلم الشقة و ابيع العربية بخسارة ولا ممكن اخليها و كأن شيء لم يكن ؟؟

أتمنى من اصحاب الخبرة يفيدوني في النقطة دي و شكرا

[aimen]

فى البداية ربنا يسهل لك امرك ويوفقك ان شاء الله الى ما تحب ويجمعك انت واهلك ان شاء الله

اعتقد لازم تقفله والإ حيحصل مشكلة جامدة ..اصلا لو الإقامة بتاعتك انتهت بتعمل تحديث لبياناتك فى البنك او حتى شركة الإتصالات علشان تحتفظ بنفس الرقم بوضع صورة الإقامة الجديدة ... حيث يتم ايقاف الحساب اليا

فما بالك انت حتعمل اقامة جديدة نهائيا وكمان برقم جديد ..نفس الموضوع بالنسبة للعربية ؟ يا ترى رخصتك او استمارة السيارة حيكون فيها اى رقم اقامة ؟ اثنين القديم والجديد ......

مرة تانية ربنا ييسر لك الخير ويوفقك

[Eng Fouad]

شكرا على الرد ... بالنسبة للإقامة انا جددتها من 4 شهور ولمدة سنتين و بياناتي تم تحديثها في البنك على هذا الاساس يعني مش حتنطلب مني قبل سنة ونص

يا ترى لما بتبان عندهم في البنك ان صاحب الحساب الفلاني عمل خروج نهائي و بيتقفل الحساب اوتوماتيكي ولا الحساب مربوط مع رقم الاقامة بغض النظر عملت خروج وعودة ولا خروج نهائي و بتقفل مع انتهاء مدة الاقامة

انا دماغي بدأت تلف و حاسس ان الموضوع مكلكع يا ريت حد من الاخوة اللي عمل خروج نهائي و رجعوا مرة تانية يفيدني ... يعني معقول اصفي كل حاجة عشان 3 شهور ؟

[redwany]

يا اخى لماذا لاتعرض عليه نقل كفاله الى الراجل اللى هيديك الفيزا واعرض عليه انه ياخد فلوس ويوافق على نقل الكفاله كده مش هتخسر حاجه ومش لازم تعرفه على الشخص اللى هتنقل عليه الا بعد مايوافق

ربنا يوفقك

[Eng Fouad]

اعتقد ان نقل الكفالة هو الحل الوحيد و الافضل في هذه الحالة و خصوصا بعد ما تصفحت المنتدى و شوفت مشاكل الاخوة ورغم احساسي انه حيزلني عشان يديني نقل كفالة وكنت شايف اني اخذ خروج نهائي و اطلع بكرامتي لكن حنقول ايه ربنا عالظالم. شكرا لكم جميعا و ربنا يوفق الجميع