اخوانى المحاورون كل عام وانتم بخير

[zizetta]

السلام عليكم ورحمة الله.....

ازاى بقى ياباشمهندس ...كلنا بنعيد على بعض..وكلنا بندعى ربنا ان يجعلنا من المقبولين ومن عتقاء النار ويتم شهره الكريم علينا

كل سنة وحضرتك طيب ياباشمهندس ياسر وجزاك الله خيرا

كل سنة وكل اخواتى واخوانى فى المنتدى وخارجه بالف خير وصحة

كل سنة وافراد عائلتى الجميلة فى الاشراف بخير ويارب اطمئن عليهم دايما

وكل سنة واسرتى الصغيرة زوجى وبناتى بالف صحة وسعادة يارب

وربنا يجعل ايامكم كلها اعياد

و عليكم السلام ورحمة الله

مش عارف اقول والله

بس اللى حصل ان الناس قفشت كده مرة واحدة على بعضيها

فانا قلت يمكن زعلانين من بعض ولا حاجة

فاحسن حاجة تقولهم مش هينفع اننا نوصلها اننا منعيدش مع بعض

انما

يارب كل سنة واسرتك الصغيرة والكبيرة دائما بخير

و كل افراد المحاورات بخير

و تقبل الله منا ومنكم

كل عام وأسرة المحاورات بخير وسعادة .. ويارب تفضل اسرة زي ما عرفنا معنى كلمة أسرة .. نخاف على بعض ونلتمس العذر للبعض ونقف جنب بعض ..

الست فولانة هانم .. حمد لله على السلامة .. عمرة مقبولة ان شاء الله وياريت تكوني ما نسيتيناش في الدعاء ..احد زملائي سافر في عمرة رمضان ولما عاد خابرني وقال لي أنه رأي أبنتي في العمرة .. وأقسم انه رآها أكثر من مرة .. حتى انه نادي عليها بإسمها .. مش عارفة البنت دي باين عليها راحت من غير ما تقولي .. ربنا يوعدنا جميعاً.. رمضان كان صعب شوية مع الحر السنة دي .. لكن الحمد لله عدى علي خير ..

ويا فولانة هانم .. انا عايزة أقولك انا حضرت الفستان بتاع خطوبة بنوتك لكن لم يصلني الدعوة للآن .. مش عارفة أرجعه بقى والا ايه .. صحيح صدق المثل .. أم العروسة دايما مشغولة .. أنا طبعا عذراكي لضيق الوقت وإنشغالاتك الكتير لكن عشان تكفري بقى عن تأخيرك في ارسال الدعوة .. ضروري تبعتيهالي هنا علي المحاورات وتكون الدعوة عامة .. والا مفيش سندويتشات بسطرمة وجاتوة كفاية ...

ربنا يفرحك ببناتك .. وأسرتك الصغيرة .. والكبيرة كمان .. هه .. وبالذات أختك الكبيرة ...

الأخ ياسر تحية خاصة وكل عام وانت والجميع بخير ..

تحياتي

زيزيتا