استفسار عن عرض عمل بالرياض ----- أرجوكم النصيحة

[mtawfeek]

------------------بسم الله الرحمن الرحيم -----------------

السلام عليكم و رحمة الله و بركاته --- كل عام و انتم بخير و عيد مبارك لكل المشاركين فى المنتدى و القائمين عليه و أود ان اوجه الشكر و العرفان لكل المصريين الذين يقومون بمساعدة ابناءهم و اخوانهم فى اتخاذ القرار المناسب عند السفر ...

أود الان ان اطرح عليكم عرض عمل تم عرضه على للعمل فى الرياض فى مهنة مهندس معمارى و ارجو منكم النصيحه و سوف اعرض عليكم الوضع و العرض كاملا حتى يتسنى لكم اعطائى نصيحة خالصة طبقا لظروفى الحالية ...

* العرض كالتالى :

----------------------

1- العمل بمهنه مهندس معمارى فى شركة الفنار الهندسية --- الموقع الالكترونى للشركة www.alfanar.com ( مقر العمل بالفرع الرئيسى الرياض )

2- عقد عمل لمدة سنة واحدة قابلة للتجديد

3- المرتب الاساسى 5000 ريال سعودى

4- السكن اما ان يكون السكن التابع للشركة او 33% من المرتب الاساسى شهريا كبدل سكن

5- الانتقالات فى حالة السكن فى السكن المخصص للشركة هناك اتوبيسات للنقل من و الى الشركة + 400 ريال بدل انتقالات أو يتم توفير مبلغ من 800 الى 1600 ريال شهريا كبدل قسط سيارة فى حالة الحصول على رخصة قيادة و سيارة داخل المملكة ( بدل قسط السيارة يتم تقديرة على حسب المرتب بحد ادنى 800 ريال و حد اقصى 1600 ريال تقوم الشركة بتحويلة شهريا على البنك الممول لقرض السيارة )

4- اجازة سنوية 30 يوم مدفوعة الاجر

5- عقد عمل عائلى

6- تذاكر طيران لى انا و زوجتى و اولادى بحد اقصى 5 اولاد من و الى القاهرة مرة واحدة سنويا

7- تأمين صحى شامل لى و لاسرتى

هذه هى بنود العرض كاملة من دون اى نواقص ارجو النصيحة و معرفة هل هذا العرض مناسب لمهندس معمارى خريج دفعة 2006 --- مع العلم انى اعمل الان فى القاهرة فى احدى الشركات الهندسية العالمية بمرتب شهرى حوالى 4500 جنية مصرى فهل هذا العرض مناسب و يحتاج الى التفكير و ترك عملى فى القاهرة ارجو النصيحة لاتخاذ القرار المناسب حيث انى امامى اسبوع واحد لاتخاذ قرارى و ارجو من يملك اى معلومات عن شركة الفنار الهندسية بالرياض ان يساعدنى بها

[se_ Elsyed]

يا أخي الكريم خذ قرارك بنفسك بعد أن تقرأ هنا بالمنتدى موضوعات عن تكلفة المعيشة وبالتالي لا تنتظر من الأخرين أن يفتوك في أشياء بناء عن تجاربهم لاشخصية التي قد تكون خاطئة ..

[mtawfeek]

أخى العزيز سى السيد من خلال مشاراكتى المتواضعة فى هذا المنتدى أثق كثيرا فى رأيك و خبراتك خاصة ارائك حول الحياة فى المملكة العربيه السعودية فأود ان اسئلك بصفة شخصية عن رأيك فى هذا العرض و ما هى اوجه الضعف و القوة به -----

[Alrefaey]

لازم يا بشمهندس عشان تقرر السفر من عدمة يكون للسفر اهداف

لو كان الهدف الاساسى هو المادة فأنا شايف انك مش هتقدر تحوش اكتر من مصر

لو انت متزوج ومعك اطفال والحياة فى الرياض اصبحت مكلفة جدا وبالذات لو معك اسرة

انا لو مكانك وبأخذ راتبك هظل فى مصر ومش هسافر الا اذا كان لديك اهداف اخرى زى الحج والعمرة واكتساب خبرات اكثر

لكن لو خلاص قررت انك تيجى على الرياض فنصيحتى لحضرتك انك تطلب من الشركة سكن مؤثث وخلى المواصلات عليهم حتى تطلع رخصة

السكن هنا غالى جدا وبدل السكن هتضطر تدفع فوقة مبلغ وهتشترى عفش وخلافه فريح نفسك واسكن معاهم سكن عائلى

لو ده تم يبقى فاضل مصاريف البيت ودى هتكون من 2000 الى 3000 ريال على حسب مستوى المعيشه

اما لو حضرتك عازب فخد بدل السكن واسكن مع اى حد فى سكن مشترك واشترى سيارة بالتقسيط ومصاريفك الشخصية هتكون من 1000 الى 1500

[iloveegypt]

------------------بسم الله الرحمن الرحيم -----------------

السلام عليكم و رحمة الله و بركاته --- كل عام و انتم بخير و عيد مبارك لكل المشاركين فى المنتدى و القائمين عليه و أود ان اوجه الشكر و العرفان لكل المصريين الذين يقومون بمساعدة ابناءهم و اخوانهم فى اتخاذ القرار المناسب عند السفر ...

أود الان ان اطرح عليكم عرض عمل تم عرضه على للعمل فى الرياض فى مهنة مهندس معمارى و ارجو منكم النصيحه و سوف اعرض عليكم الوضع و العرض كاملا حتى يتسنى لكم اعطائى نصيحة خالصة طبقا لظروفى الحالية ...

* العرض كالتالى :

----------------------

1- العمل بمهنه مهندس معمارى فى شركة الفنار الهندسية --- الموقع الالكترونى للشركة www.alfanar.com ( مقر العمل بالفرع الرئيسى الرياض )

2- عقد عمل لمدة سنة واحدة قابلة للتجديد

3- المرتب الاساسى 5000 ريال سعودى

4- السكن اما ان يكون السكن التابع للشركة او 33% من المرتب الاساسى شهريا كبدل سكن

5- الانتقالات فى حالة السكن فى السكن المخصص للشركة هناك اتوبيسات للنقل من و الى الشركة + 400 ريال بدل انتقالات أو يتم توفير مبلغ من 800 الى 1600 ريال شهريا كبدل قسط سيارة فى حالة الحصول على رخصة قيادة و سيارة داخل المملكة ( بدل قسط السيارة يتم تقديرة على حسب المرتب بحد ادنى 800 ريال و حد اقصى 1600 ريال تقوم الشركة بتحويلة شهريا على البنك الممول لقرض السيارة )

4- اجازة سنوية 30 يوم مدفوعة الاجر

5- عقد عمل عائلى

6- تذاكر طيران لى انا و زوجتى و اولادى بحد اقصى 5 اولاد من و الى القاهرة مرة واحدة سنويا

7- تأمين صحى شامل لى و لاسرتى

هذه هى بنود العرض كاملة من دون اى نواقص ارجو النصيحة و معرفة هل هذا العرض مناسب لمهندس معمارى خريج دفعة 2006 --- مع العلم انى اعمل الان فى القاهرة فى احدى الشركات الهندسية العالمية بمرتب شهرى حوالى 4500 جنية مصرى فهل هذا العرض مناسب و يحتاج الى التفكير و ترك عملى فى القاهرة ارجو النصيحة لاتخاذ القرار المناسب حيث انى امامى اسبوع واحد لاتخاذ قرارى و ارجو من يملك اى معلومات عن شركة الفنار الهندسية بالرياض ان يساعدنى بها

شوف لو شركة الفناردى هى نفسها شركة الفنار اللى بتعمل مشروعات كهربائية ومحطات فلى زميل بيشكر فيها وهى شركة كبيرة

اما بالنسبة للوضع المادى بس سؤال واحد انت عندك اولا د ولا مفيش وفى مدارس ولا و لأ

على العموم بدل السكن حوالى 20 الف ريال كويس ممكن يجيب شقة غرفتين وصالة فى مكن كويس

والمصاريف انت وزجتك فقط حوالى 1600-2500 على حسب مصاريفك وقسط السيارة معقول

ولو فى اولاد بدون مدارس كل طفل حوالى400-700 ريال

بس مشكلتك ان وضعك فى مصر كويس وكمان فى مصر ممكن تزيد مع الوقت اما فى السعودية موضوع الزيادة مش فى كل الاماكن لذا صلى استخارة وبالتوفيق ان شاء الله

[se_ Elsyed]

يا أخي الكريم خذ قرارك بنفسك بعد أن تقرأ هنا بالمنتدى موضوعات عن تكلفة المعيشة وبالتالي لا تنتظر من الأخرين أن يفتوك في أشياء بناء عن تجاربهم لاشخصية التي قد تكون خاطئة ..

ما شاء الله بتاخد مرتب 4500 ج في مصر وعايز تسافر على عقد زي ده ؟

طب تديني 1500 ج وأجي أشيل لك شنطة العِدة بلا غربة بلا قرف ؟

بعد الغلاء الفاحش في الأسعار بالسعودية فوضعك بمصر أفضل بكثير خصوصاً إنك في مصر ممكن تزود دخلك بعدة طُرق .. اما هنا فغير قانوني ومافيش وقت اساساً ..

خليك في مصر أحسن لك ..

[mtawfeek]

أود أن أضيف توضيحات للاخوة المشاركين فى الردود على موضوعى

1- انا مازلت غير متزوج فانا فى فترة الخطوبة فقط

2- شركة الفنار هى نعم الشركة المسئولة عن انشاء محطات الكهرباء فى المملكة

الى الاخ العزيز سى السيد رأيك شديد القرب مما أفكر فيه فعليا فانا بالفعل اشعر ان هذا العرض لا يعتبر مغرى اذا وضعت فى الاعتبار الوضع العلمى و المادى و الاجتماعى فى مصر بالنسبة الى -------- اشكرك جدا على مشاركتك الكريمة و محاولة افادتى و بنسبة كبيرة قرارى يتجه الى ما نصحتنى به و ساخبرك بتطورات الموضوع فى حالة وجود اى تطور للنصيحة و التوجيه منك ان شاء الله -------------- أشكرك مرة أخرى

[GoldenTiger]

أنا أيضاً جائني عقد عمل في شركة الفنار إن شاء الله وبعد تفكير ومطالعة لمشاركات الاخوة هنا في المنتدى فقد قررت القبول إن شاء الله لأن العرض بالنسبة لي جيد

فشكراً لكل أعضاء المنتدى الذين وفروا هذه المعلومات عن المعيشة في السعودية وطبعاً أخص بالذكر سي السيد جزاه الله خيراً

[se_ Elsyed]

أنا أيضاً جائني عقد عمل في شركة الفنار إن شاء الله وبعد تفكير ومطالعة لمشاركات الاخوة هنا في المنتدى فقد قررت القبول إن شاء الله لأن العرض بالنسبة لي جيد

فشكراً لكل أعضاء المنتدى الذين وفروا هذه المعلومات عن المعيشة في السعودية وطبعاً أخص بالذكر سي السيد جزاه الله خيراً

بالتوفيق ان شاء الله

وعشان كده قلت ان الامور دي شخصية وبتختلف من شخص للاخر وكل واحد لازم يحسبها صح على رأي اعلان محمود الجندي

[الباشمهندس ياسر]

الاخ توفيق

مبدئيا القرار قرارك ونرجو لك التوفيق فيه ان شاء الله

انما العرض مش مغرى وتقريبا ميستهلش و ده طبعا بعد ما نقارنه بوضعك فى مصر

كمان متنساش نقطة انك بتبنى كاريير لنفسك فى مصر .. النقطة دى مهمة جدا جدا جدا ....

و ربنا يوفقك

[قاهرى]

اية حكاية شركة الفنار دى .. انا ليا صديق بردوا شغال فيها مهندس مدنى وعرض عليا اجى معاة واشتغل فيها بس بصراحة مستريحتش لتخصصها انها شغالة فى اعمال كهرباء حسيت انها بعيدة عن كجال الهندسة المدنية ورفضت المبدأ وخصوصا انى شغال فى الامارات ومفيش فرق كبير فى المرتب ... بس نصيحتى للباشمهندس الى شغال فى مصر ........... اوعى تروح وانت شغال فى المكانة دى والراتب دة فى مصر والله هتندم بعد كدة ومش هتعرف تجيلك الفرصة تانى فى مصر وخلى بالك ان الى بيشتغل برة مصر بيتنسى فى مصر ومن الصعب يرجع تانى لمصر بسهولة ولمكان حلو زى الى انت بتعمل فية .. بجد نصيحة اخوية اوعى تروح خليك وسط اهلك وجنب خطبتك

الغربة ليها ثمن . ومكالمات التلفون للاهل والخطيبة هتبقى كتيررررررررررررررررررررررررررررررررررررررررررررررررررررررررررررررررررررررررررررر

ررررررررررررررررررررررررررررررررررررررررررررررررررررررررررررررررررررررررررررررررر

ررررررررررررررر فى اول سنة وهتقول يرتنى كونت فى مصر

فاحسنك انك تقعد فى مصر ومتقولهاش وترجع تندم انك ضيعت شغلك فى مصر

[قاهرى]

هقولك على نصيحة سريعة بردوا لو ينفع تاخد اجازة بدون مرتب من شغلك فى مصر انزل جرب سنة وبالمرة تحج وتعمل عمرة ودة يبقى الكلام المظبوط يبقى كسبت الحج وهو فرض عليك من فروض ربنا وفى نفس الوقت مضعش شغلك فى مصر

اخوك قاهرى

[iloveegypt]

هقولك على نصيحة سريعة بردوا لو ينفع تاخد اجازة بدون مرتب من شغلك فى مصر انزل جرب سنة وبالمرة تحج وتعمل عمرة ودة يبقى الكلام المظبوط يبقى كسبت الحج وهو فرض عليك من فروض ربنا وفى نفس الوقت مضعش شغلك فى مصر

اخوك قاهرى

:rolleyes: :sofa: :wub: bv:- bv:- bv:-

[mtawfeek]

و الله يا جماعة انا مش عارف اشكركم ازاى على النصائح الجميلة دى ... انا حاسس دلوقتى ان لى ناس كتير اوى خايفة على و بتقدم نصيحة صادقة بجد

ربنا يكرمكم كلكم و يهديكم للخير زى ما هديتونى لجزء من قرارى اللى فعلا انا اخذته امبارح

و بالفعل انا رفضت العرض و بعت فاكس فيه الاوفر مرفوض منى و كتبت على الاوفر انى برفض العرض لانه غير متناسب مع وضعى الاجتماعى و المادى فى الفترة الحالية و كتبت كمان شكرا على اهتمامكم بالسيرة الذاتية الخاصة بى مع تمنياتى لشركة الفنار بمستقبل باهر و شكرا ..... بس

المهم بقى انهم بعد ساعتين بالضبط كلمونى و قالولى طب انت عايز كام و تيجى قلتلهم عايز عرض واضح بمرتب مناسب و انا كاتب فى الابليكشن اللى انا ماليته و انا بعمل المقابله انا عايز كام ....... فضلوا بقه يعددولى فى المميزات و ان المرتب ده حاجة و الفنار بتقدملك مميزااااااااات كتيييييييير حاسيت انى مسافر اشتغل فى البيت الابيض .......... المهم انا رفضت كل المهاترات دى و اصريت على تعديل العرض بما يتناسب مع وضعى الحالى ف قالولى استنى مننا اتصال تانى و لما نشوف و اكيد هتكونوا معايا دايما فى التطورات

[انا جعان]

السلام عليكم

شوف يا باشمهندس انا شغال في شركة الفنار المركز الرئيسي

مدير قسم الميديا والدعاية والاعلان والموقع دة معمول عندي في الادارة

صدفة غريبة

انا عايزك بس توضح انت جاي في انهو شركة منهم

لان شركة الفنار الهندسية

دي ادارة مش شركة

وان كنت ارجح انك في قطاع ال

IBEM

او

DAR engineering

والبدلات المقدمة من الشركة غير قابلة للتفاوض

لانها مرتبطة بالراتب

يعني مفيش حاجة اسمها خلي المواصلات عليهم او التاثيث الا حسب المنصب و الراتب

فا تفاوضك يكون معاهم علي الراتب

و 5000 ريال

من وجهة نظري مقارنا بمجال عملك ووضعك الحالي في مصر دة كلام غير منطقي

الغربة اذا مكنتش علي 3 او 4 اضعاف من راتبك في مصر متستهلش

متهيألي خليك فوق ال 7000 علي الاقل

دة بيخلي بدل الانتقالات في حالة وجود سيارة 1650 السكن 28000 قابل للزيادة في حالة احضار عقد

او ممكن تاخد في سكن الشركة العائلي في حالة توافر شقق فاضية وبتكون موئثثة بالاساسيات تكيفات سراير مطبخ كامل

اما للعزاب فمتوفر دائما سكن بحي المروج عمارة حديثة باسانسير

والشقة يقيم فيها من 3 الي 4لكل موظف حجرة مستقلة والبعض حمام مستقل

ومجهزة تجهيز كامل

دش تلفزيون ثلاجة ميكرويف حتي ابسط الاشياء من مستلزمات المطبخ موجودة

وهناك مسؤلين نظافة بشكل يومي للشقق

دة غير توفير القروض الشخصية عن طريق الشركة وبعض المميزات الاخري

[كانو]

بإختصار

طالما وضعك جيد في بلدك لاتقبل اقل من 7500 ريال/شهر+ 3 أشهر سكن+10% بدل نقل+ تأمين صحي لك وللاسرة+إجازة شهر مع تذاكر طائرة

المملكة في مرحلة غير مسبوقة بالنسبةلأعمال الإنشاءات, وداخلياً لم يعد المهندس يقبل أي عرض اقل من ذلك , هذا لو أنه مهندس عادي, أما لو كان مهندس رئيسي (مدير مشروع أو مدير قسم) فهذا كلام أخر

الفنار بالمناسبة شركة سمعتها جيدة

[انا جعان]

اضافة اخري او تصحيح اللي اتقالك مش مهاترات علي الاطلاق

فا شركة بها اكثر من 6000 موظف صدقني مش محتاجة انها تقول كلام غير حقيقي

ولكن ربما من السيرة الذاتية الخاصة بك شديت انتباة قسم التوظيف بس واضح انة معرفش يكلمك بطريقة احترافية للاسف

في بعض الموظفين الجداد حديثي التخرج ليست لديهم الخبرة الكافية في اجراء حوار لغرض تعين موظف وبيقلل من صورة الشركة

وخصوصا انك حديث التخرج بغض النظر عن راتبك الحالي فالخبرة هي دائما الفارق

باختصار

من المميزات النادرة في الشركات السعودية, ان الشركة في خلال 3 اشهر تقوم باحضار زوجتك واطفالك وتتحمل الشركة كافة مصاريف الاستقدام لهم من طيران وخلافة

تذاكر طيران للموظف واسرتة و5 اطفال سنويا او تصرف نقود في حالة عدم سفرة

ويتم اعطائك قرض من البنك السعودي البريطاني او الهولندي بضمان الشركة لشراء سيارة حتي 16 ضعف مرتبك

بل المصاريف التي ينفقها الموظف اثناء اجرأت التاشيرة من تحاليل طبية وغيرة حتي المواصلات تقوم باستردادها بالكامل عند وصولك واستلام عملك

دة غير التامين الطبي في اكبر المستشفيات السعودية بدأ من دلة مرورا بالسعودي الالماني والملك فيصل و التخصصي وسليمان حبيب

نسبة من الارباح لكنها غير منصوصة في العقد ولا ملزمة وتتوقف علي حسب المشاريع المنجزة

غير طبعا وجود مطعم في الشركة بوفية مفتوح يتسع ل 500 موظف يعمل يوميا

دة غير النشاطات الترفيهية للموظفين

وحفلات الافطار في رمضان حوالي 9 حفلات افطار من عدة قطاعات

دة غير هناك استراحة علي 80 فدان خاصة بالشركة مفتوحة للموظفين وعائلاتهم في المناسبات والاجازات

ورحلات الحج والعمرة المخفضة للموظفين

والمجانية لمن هم اصحاب راتب اقل من 2000 ريال

كل المميزات السابقة للموظف العادي بدا من راتب 3000 ريال وتختلف كلما اختلف الراتب والمنصب

انا مكنتش حابب اقول التفاصيل دي علشان العين وزي ما بيقولو العين فلقت الحجر

بس الفنار رسميا تعتبر من احسن 100 شركة سعودية للعام 2008

فكان الجو العام وطريقة ادارة الشركة من الاسباب الرئيسية لاختياري العمل بها

فوضعي المادي والاجتماعي في مصر بفضل من الله لا يجعل فكرة السفر تمر بخاطري من الاساس

ولكن التغير والحياة المريحة للاعصاب التي يوفرها الخليج علي الاقل من وجهة نظري انا واسرتي جعل المسألة محسومة

عذرا علي الاطالة

تم تعديل 29 سبتمبر 2008 بواسطة انا جعان

[mtawfeek]

الاخ العزيز مدير قسم الدعاية و الاعلان فى شركة الفنار ........... اشكرك جزيل الشكر على توضيحك و مداخلتك الكريمة و لى بعض التعقيبات على مداخلتك لو تسمح سعة صدرك و وقتك للاستماع لها :

1- قبل ذهابى الى موعد المقابلة كنت قد قمت بعمل بحث عميق عن شركة الفنار على الانترنت و بالفعل تصفحت الموقع الخاص بها و شعرت بنوع من الاختلاف فى اسلوب التعامل مع المعلومات و تصفح الموقع يشبة الى حد كبير المواقع الخاصة بالشركات العالمية التى من خلال عملى باحداها استطيع ان اقيم مدى تتطور اسلوب الموقع و بالتالى اتخذت قرار حضور المقابلة الشخصية و بالفعل كان المهندس الذى قام بعمل المقابلة معى فى غاية الاحترام و الفهم الهندسى على مستوى عالى جدا من الاخلاق و الفهم الهندسى غيرت الكثير و الكثير فى تفكيرى عن الشركات الهندسية السعودية و كنت اميل بنسبة كبيرة فى حالة و جود عرض مناسب ( بالمناسبة هو يدعى المهندس عاصم و هو سعودى الجنسية )

2- بعد الاتصال بى للذهاب لمناقشة العرض بالفعل ذهبت لاجد نفسى اجلس مع شخص لا يملك اى معلومات مفيدة لمناقشتها معى هو او هى لا تملك الا العرض و تقرأه لى و كأنى لا أستطيع قراءة الانجليزية و عندما اشئل فى اى شى لا أعرف لا أعرف عندما تذهب هناك ستعرف و انت تعرف ان مسألة عندما تذهب ستعرف دى مسألة غير مأمونة بأى شكل من الاشكال و بالتالى كنت خارج من الشركة و معى العرض و لكنى لم اكن قد اتخذت قرارى بعد و لكن بنسبة 75 % كنت اتجه باتجاه الرفض

3- أود أن أوضح بأنى الان فى مصر أعمل فى شركة عالمية هندسية تسمى GHD يمكنك تصفح موقعها الالكترونى www.ghd.com.au و أنها تعتبر الشركة رقم 48 على مستوى العالم فى المجال الهندسى تملك 75 فرع فى جميع دول العالم بعدد موظفين 8000 مهندس و موظف على مستوى العالم و تعتبر رقم 2 فى قارة استراليا يعنى يجب ان يضع مسئولو الفنار كل هذة الخبرات التى حصلت عليها داخل كيان بهذا الحجم فى الاعتبار لان العرض الذى تم عرضه عرض جيد و ليس سيئ للكثير من المهندسيين و لكن لا يعتبر مغرى بالنسبة لى على المستوى المادى و لا العلمى و هم للاسف لا يضعون فى الاعتبار اى اعتبارات هم يتعاملون مع الكل سواء و هذا لا يمكن ان اردت ان تحصل على اشخاص مميزين نسبيا فى مجال تخصصهم

أعذرنى ان كنت قد أطلت عليك ....... فى انتظار ردك على سؤالى هل كنت ستوافق على هذا العرض من الفنار لو كنت فى نفس و ضعى و انت تعلم عن الفنار انها توفر كل المميزات التى قلتها سابقا ............... هل كنت ستقبل العرض ؟!!!!!!!!!!!!!!

[انا جعان]

عزيزي mtawfeek

لو رجعت لباديء حديثي ستجد اعتراضي علي قبولك العرض تماما بهكذا راتب لان دائما يكون الهدف الاساسي من السفر لدول الخليج هو المادة

فيجب ان يكون العائد مرضي و خصوصا عندما يكون الشخص متميز في مجالة ومحقق لذاتة في بلدة

فبدون اي تفكير سيكون موقفي مثل موقفك تماما وهو يا تغير العرض او الرفض

كل ما ذكرتة من مميزات كان مجرد لتوضيح معلومات غابت عن المقابل الذي اجريت معة المقابلة ومحاولة تحسين صورة قد يكون افسدها عن دون قصد

فانا عن نفسي اضع الراتب الاساسي مع المميزات المقدمة علي قدم سواء ولكن الغلبة ليست دائما للراتب

[شاب مصري]

خليك في مصر

لانك لما تترقى وتكبر في شركتك هيكون مرتبك 8 او 10 الاف بعد كام سنة

وتقدر تعمل اسم كويس وخبرة لو حبيت تغير مكان شغلك في مصر وتروح شركة اخرى بمرتب اكبر

لو هتسافر الخليج لا تقبل بأقل من 2 - 3 الاف دولار شهريا

علشان تقدر تعيش حياة كريمة مرفهة الى حد ما وتوفر كمان

لكن تاخد مرتب قليل وخارج بلدك و تعيش مضيق على نفسك وكمان لا توفر من مرتبك (للمستقبل)

طيب ليييييييييييييه ؟

تم تعديل 30 سبتمبر 2008 بواسطة شاب مصري