معالى الوزير .. وفصيلة الحمير !!

[achnaton]

ليلة امبارح جانى جدى الشيخ حسن{ رحمة الله عليه } فى المنام .. قرفان وزعلان لأنى وصفت الوزير اياه بأنه حمار وعتب عليه الأساءة للحمير .. وسألته .. أمال ياجدى الناس بتعتبر الحمار رمزا للبلادة والخمول ..و...و .. ليه ؟؟ رد على وقال أحفظ لسانك يا ولد ( بكسرة تحت الواو ) .. الحمار ده من اشد الحيوانات صبرا ..وأكثرها انقيادا لبنى الأنسان وخاصة اللصوص بتوع التلات ورقات .. ومع أنه كثيرا ما تساء معاملته فأنه يصبر ولا يكترث .. وقلما يرفس أو يحاول الأنتقام ومن ثم سمى كل من يصبر على المكاره ويضرب على قفاه ولا يتأثر ويسرق عرقه فى عز النهار جهارا .. بأنه حمارا ... تشريف وتكريم لفصيلة الحمير .. وهناك بين هذه الفصبلة الحمير البرية وتسمى بالوحشية تختلف فى طبائعها عن الفصيلة الأليفة .. فهى تخطف وتجرى وسريعة الزوغان .. وقد عاهدت جدى الشيخ حسن – رحمة الله عليه – أن احترم الحمير .. الحمير البلدى فقط ..

وصحيت من النوم لأنقل اليكم مادار .. مع تحياتى

اخناتون المنيا.. الحزنان .. المرضان

[Salwa]

الفاضل اخناتون .

احنا برضه قبل كده اتكلمنا وقلنا ....ماتمتاز به الحمير ....عن بعض انواع البشر .

وعموما ...عندك حق ....بلاش التكريم الزائد عن الحد للناس دى ....احسن تتمرع .

الله يرحم جدكم الفاضل .....والله كان عنده حق .

سلامى.