وبشر الصـابرين بخيــر .. .. بفضل الله

[nora]

في الامس بكيت كثيرا جدا على بعض الاشياء التي سببت لي الالم واخلصت في الدعاء الي الله كثيرا

وحدث اليوم الذي اعجب جدا له ولا اجد له تفسير وفي بعض الاحيان كنت جلست افكر في حكمت الله في الضيق الذي اصابني دعوني احكي لكم الامر منذ بدايته لا لشيء غير ان ان يستفيد غيري مما مررت به

منذ فترة طويلة وانا امر بضائقة مالية وكنت لا اجد اي وظيفة وكنت قد حاولت كثيرا ان اجد عمل وكنت اعجب من قضاء الله واقول دائما في نفسي حينما لايوفقني الله في اي وظيفة " معلش دي حكمة ربنا اكيد شيلي الافضل "

واستمرت هذة الكلمة ارددها فيما لايقل عن سنة ونصف لدرجة انني في يوم قلت داخل نفسي انني لازلت اصبر ولا اعلم اي ذنب اقترفته لكي اعاقب بهذا الشكل وفي يوم كنت اقرأ لعبد الوهاب مطاوع ووجدته يحث على الصبر ويبشر الصابرين بجوائز السماء وقلت في داخلي اين هي هذة الجوائز .......

وفي يوم جلست ابكي وادعوا الله وكنت في هذا الاسبوع قد قدمة على وظيفة التي انا فيها الان في المعهد ......ويومها بكيت وقلت يارب اقبل دعائي ووفقني بها انك قادر على كل شيء ولا يستعصي عليك امر يارب .....

ونمت يومها وكانت المفاجئة في الصباح حيث وجدت هاتف من هذا المعهد ويبلغوني بقبول تعيني ويومها لم اصدق نفسي .....

وفي نفس الاسبوع اسمع خبر حصولي على التأشيرة للقيام بالعمرة...

واليوم حدث معي نفس الشيء جلست ابكي بالامس واخلص الدعاء الي الله ولا لشيء الا لاني اشعر بضيق ليس لعدم الرضي بالوظيفة او لاي شيء سوى بعض المشاكل التي تحدث في اي بيت

و ببص لقيت الموبيل بيرن و مدير في الجامعه يطلب مقابلتي لانني كنت قدمة في الجامعه منذ فترة طويلة

واذهب الي المقابلة وانا على يقين تام انني لن اقبل لانة قد قال لي انه يوجد الالافات من الطلبات ، وذهبت ووجدته قد سألني بعض الاسئلة البسيطة ثم فجأه قال لي خلاص روحي استلمي الشغل انا مرشحك رقم الاول من كل المتقدمين .....

ووقفت مذهولة امام ماحدث لا اعلم ماذا اقول او افعل عجبا لامر الله كنت في العام الماضي ابحث عن اي وظيفة واليوم الوظائف تأتي وانا اجلس في حيرة اي اختار ...........

لا اقول سوى الحمد لله .....

وقلت لامي ماحدث معي وما دعيت به سرا الي الله وعجبت جدا ...

والان لا استطيع الا ان اقول انني في حالة من الذهول فعلا اليوم صدقت بجوائز السماء للصابرين ......

بس مش عرفة بأه ايهما اختار هل اختار الروتين اليومي والدلع واشتري دماغي ولا اختار النشاط والعمل والجري وحرقة القلب

الاولى الحكومة طبعا انا هنا من الصبح وقعده من الصبح بلعب مش لقية حاجة اعملها وشربت شاي وهزرت كتير وفطرت وشربت قهوة وشربت نسكفيه واديني بكتبلكم

انا مبحبش ده انا بحب ان يتحرق دمي ( وش واحد مذهول على الخيبة ) علشان احس اني استاهل الي هخدوا وغير كده اني بتعلم واستفيد

بس انا محتارة المرة دي

[Salwa]

نورا ياحبيبة قلبى ...

مبروك ....الف الف مبروك ...

من قلبى والله العظيم ....الصابرين على خير .

اختارى الصعب طبعا ..

ده الكسل ده موت بطىء للانسان ...

وصدقينى انك حاتلاقى نفسك فى عملك الجديد ....وعندك مجال كبير للتفوق ...ونفسيتك حاترتاح جدا جدا .

ربنا يوفقك ويكرمك ..انتى وكل بنات مصر .

سلامى.

[ragab2]

العبد قى التفكير

والرب فى التدبير

والصبر مقتاح الفرج

[se_ Elsyed]

الف مبروك يا نورا ... أنا أول واحد تنبأت لك بكده .

أنظرى المنتدص التوبيك بتاع وراور يا فجل ... المناقشات العامة .

أختار الوظيفة اللى حاسة أنك هاتبدعي فيها ، وشكلك كده مش عايزة المعهد الخاص اللى فيه العيال المايصين .... يبقى اتوكلي على الله وخليكي مع الحكومة وعلى راي المثل إن فاتك الميرى أتمرغ فى ترابه ..... تحيا الحكومة

[crossfield]

ألف مبروك يا نورا

المهم متتردديش و تقعدى تفكرى كتييييير

اختارى اللى يريحك و يتناسب معاكى و ربنا يوفقك ان شاء الله :)

[صبح]

ألف ألف ألف مبرووووووووك

بالرغم من أنى لا أعرف تفاصيل الموضوع بالكامل ولكنى حاليا فى نفس الموقف منذ 14 شهر و 4 أيام

حتى أنى قد قبلت منذ 9 شهور أن أعمل بلا مقابل فى أحدى الشركات الخاصة التى تنتظر مشروع الشبكة الثالثة فى مصر (فى الحقيقة كنت أنا الذى عرضت هذا)

أتمنى من كل قلبى أن يوفقك الله و يوفقنى مثلك وألا يضع أحد فى مثل ما كنتى فيه أو مثل ما أنا فيه ألآن

أرجو منكم الدعاء لعل الله يستجيب لنا ولكم ان شاء

[nora]

الله يبارك فيكم كلكم انا والله مبسوطة خالص ويارب يوفق الكل شكرا ليكي يا ماما سلوى بجد وربنا يوفق الكل يارب ...

شكرا يا استاذ رجب كلامك صح بجد

سي السيد فين الي اتنبأت بيه انت تقولي ورور ياااااااااا فجل وتقولي اتنبأت ( بغلس عليك ) ربنا يخليك عموما وتعيش وتتنبألي

بصي باه يا كروس انا خلاص قررت لاني قعدت مع ناس وعرفة ان الحكومة احسن وعلى راي سي السيد ان فاتك الميري اتمرمغ في ترابة( وحش واحد مغبر )

msobh شكرا بس معلش مش عرفة اقرى الاسم بس هقولك حاجة مش مشكلة لما تبدأ من غير مرتب اكيد في يوم هتوصل اصبر بجد هتلاقي ( وش واحد تعباااااااااااان من كتر ماصبر بس في الاخر لقى)

[صبح]

اسمي مصطفى صبح

وعشمي في وجه الله خيرا ان شاء الله

[صبح]

أعتقد أن هذا أفضل

[nora]

مش فهمة قصدك اية

بس بجد كلمه روعة:

ذا أراد الله بعبد خيراً

ألهمه الطاعة وألزمه القناعة

وفقهه في الدين وعضده باليقين

فاكتفى بالكفاف واكتسى بالعفاف

وإذا أراد الله به شراً

حبب إليه المال وبسط منه الآمال

وشغله بدنياه ووكله إلى هواه

فركب الفساد وظلم

[صبح]

كنت أقصد تغيير اسمى الى صبح حيث أنه باللغة الأنجليزية لم يكن مفهوما

[se_ Elsyed]

مش فهمة قصدك اية

بس بجد كلمه روعة:

ذا أراد الله بعبد خيراً  

ألهمه الطاعة وألزمه القناعة  

وفقهه في الدين وعضده باليقين  

فاكتفى بالكفاف واكتسى بالعفاف  

وإذا أراد الله به شراً  

حبب إليه المال وبسط منه الآمال  

وشغله بدنياه ووكله إلى هواه  

فركب الفساد وظلم

لأ بجد نورا أتغير 180 درجة فهرنهايت ... هو الشغل الجديد بيعمل كده فى الناس ؟

سيري يا نورا على بركة الله ونحن معك ... عايزك ترفعي راسنا فى حولي والسالمية والفراولية وكل الأحياء المجاورة فى الكويت ...

[nora]

لاه بجد اتغيرت في اية انا متغيرتشششششششششششششش

اههههههههههههههههه فاهم انا بس مشغولة شوية مش أكتر

واشمعنا يعني حولي والفروانية والسالمية في الدسمان في الدسمة وفي الشويخ والجهراء لية يعني لية معلش اصلها طلعت في دماغي مهو بص كبرت في دماغي ماشي