المسرح القومي يحترق..والماس الكهربائي السبب!

[Sherief AbdelWahab]

القاهرة-محرر مصراوي- شب حريق ضخم مساء السبت بالمسرح القومى بمنطقة العتبة وسط القاهرة.

وتوجهت على الفور سيارات الإدارة العامة للدفاع المدنى والإطفاء بالقاهرة للسيطرة على النيران واخمادها.

وقالت مصادر بادارة المطافئ ان النيران بدأت في الاشتعال في نحو الخامسة وخمس وثلاثين دقيقة بتوقيت القاهرة وبدأت بستارة المسرح وأنها لاتزال مشتعلة منذ نحو 120 دقيقة لكنها الان "تحت السيطرة" مرجحة عدم وقوع اصابات باستثناء بعض حالات الاختناق المحدودة.

وأضافت أن أكثر من 30 سيارة اطفاء انتقلت الى المسرح المشتعل الذي يقع في ميدان العتبة حيث توجد الادارة الرئيسية للحماية المدنية بالعاصمة.

وقد رجح العميد نصر زكريا رئيس غرفة العمليات بالإدارة العامة للدفاع المدنى والإطفاء بالقاهرة أن يكون سبب الحريق ماس كهربائى تلاه انفجار بعض أجهزة التكييف الخاصة بالمسرح .

وقال العميد نصر زكريا أن انفجار أجهزة التكييف الخاصة بالمسرح أدى الى حدوث إنهيار فى جزء من ديكورات وواجهات المسرح المطلة على ميدان العتبة .

وأوضح رئيس غرفة العمليات بالإدارة العامة للدفاع المدنى والإطفاء بالقاهرة أن النيران إمتدت بفعل الرياح إلى لوحتين إعلانيتين فى الدورين السادس والسابع فى العقار المواجه للمسرح وتم إطفاؤهما فى الحال قبل أن تمتد النيران إلى شقق العقار ، كما امتدت النيران الى بعض المخلفات الموجودة أعلى سطح أحد العقارات الكائنة فى شارع عبدالعزيز وتم ايضا اطفائها فى الحال .

وقد صرح اللواء شريف جمعة مساعد وزير الداخلية للشرطة المتخصصة بأن قوات الاطفاء تمكنت من السيطرة على الحريق وتجرى حاليا عمليات تبريد المناطق التى تضررت من الحريق.

وقال انه لا توجد خسائر فى الارواح نتيجة هذا الحريق.

وأضاف انه يجرى حاليا حصر التلفيات الناجمة عن الحريق وتحديد حجم الاضرار وقد انتقل الى مكان الحريق فاروق حسنى وزير الثقافة لمتابعة عمليات الاطفاء، كما انتقل اشرف زكى نقيب الممثلين الى مكان الحريق.

ويعد المسرح القومي من العلامات الثقافية المصرية منذ بدأ نشاطه في الخمسينيات وقدم روائع المسرح العالمي ثم أعيد افتتاحه عام 1986.

جايز يكون السيد ألماظ كهربائي اللي عملها ، وجايز يكون حد حضر روحه.. لكن ليه دايماً الأخ ألماظ كهربائي هو اللي بيتمسك في الحاجات اللي زي دي؟ لا وممكن قوي يكون هو اللي حرق مجلس الشورى كمان..

هو ألماظ كهربائي واخد الجنسية المصرية؟ هو برضه زي الإعلانات إياها مينفعش إلا إنه يبقى مصري؟

خلص الكلام

[aimen]

انا مش شايف بروبرم .....الحاج ماس عملها ومشى ...يا راجل روق وهدى اعصابك ..عادى جدا

من دقائق كنت بأبحث فى موقع على فيلم ...وايدى اخدتنى للجزء الخاص بالأفلام العربى وتخيل الآقى فيلم باسم حريق مجلس الشورى ( 94 ميجا ) شفت الموضوع بقى سهل ازاى ...

http://www.arablionz.com/news415

خلى الناس تعيش واهى سبوبة وبكرة نلاقى المقاطع على النت

تم تعديل 27 سبتمبر 2008 بواسطة aimen

[Virus]

الواحد بقى يفتح مصراوي كل يوم وإيده على قلبه..ياترى إيه الكارثة اللي حصلت النهارده

استرها علينا وعلى أهالينا يارب

[الطيار المصرى]

انا كنت شايف اثار الحريق و دخانه بعيني...

حاجة صعبة أوي أوي...

ربنا يسترها

[redwany]

مصر تحترق

لابد من وقفة الى الاماكن التى تحترق. انها منتقاه بعنايه وليست صدفة لان حريق دار الاوبرا ثم حريق مجلس الشورى ثم حريق المسرح القومى لا اعتقد انه صدفة.

فى رأيي ان هذه الاحداث مرتبة ومخططة بعنايه من اناس يريدون ان يمحوا هويتنا ويطمسوا تاريخنا واعتقد ان الحريق القادم سوف يكون فى محطة مصر او اى مكان فى مصر يحمل تراثنا وتاريخنا.

اخوانى لابد ان نفيق. انا كنت ضد من يحمل كل المصائب على جهات خارجيه وخصوصا اسرائيل حتى انه اذا فشلت خطبة بنت كنا نقول ان وراءها اسرائيل ولكن فى توالى هذه الحرائق وفى اماكن تحمل تاريخنا يجب على كل مصرى شريف ان يتوقف ولابد لكل شرفاء الدوله ان يبحثوا بجديه وان يرحموا التيار الكهربائى من دوم اتهامه فهو برئ.

ولكن من يسأل ماذا يعود على جهات خارجيه لتقوم بهذه الاعمال، اقول ليكمسوا هيوتنا وتاريخنا وتراثنا لنصبح كمثلهم بدون تاريخ او هويه او تراث

ارجو الاخوه ان يدلوا برأيهم هل انا على صواب او خطأ وما رأيكم فى سبب هذه الحرائق فى اماكن معينه.

نرجو إدراج الموضوعات في أبوابها الصحيحة

وشكرا

الإدارة

سي السيد

[ابو محمود]

فى أواخر ا لاربيعينيات كان الفساد والأقطاع فى زروتة فكانت الحرائق وفساد الزمم

اما فى الالفية الثالثة وفى اواخر عصر النهضة

كثر فساد الزمم وانتشر الأقطاع ولم يتبقى الا الحرائق وهاهى تتم

انا شامم ريحة تغيير استر يارب

[حسام يوسف]

اللة يرحمك يا يونس شلبى

أعتقد ان جملتة الشهيرة هية اللى ممكن تعبر دلوقتى

(حاريقاااااااااااااااااااااااااااااااااااااا

هييي

ابويا اتحرق

هييييييييييية)

لك الله يا مصر

[se_ Elsyed]

اشعر اننا اقتربنا من مرحلة ما بعد حريق القاهرة وان نهاية الفساد قد قاربت

لكن بيني وبينكم بارجع اغسل وشي وراسي بمياه باردة او بالاصح مثلجة عشان افوق لأنني كنت اتوهم ... فمن سيقود التغيير وكثير من مثقفي مصر والمحسوبين عليها مواطنين بقوا يقولوا " ان شالله تولع " يبقى مين اللي هايصلح ومين يغير واغلبنا اصبح لا يفكر الا في نفسه ونفسه فقط

[se_ Elsyed]

كنت هاتنقط وانا اقرأ الجزء ده من الموضوع

وقال أحد موظفي المسرح - رفض ذكر اسمه - إنه تم تركيب شبكة حريق منذ ٣ شهور داخل المسرح بتكلفة ٢٠٠ ألف جنيه، واثناء اشتعال النار داخل المسرح لم تعمل أجهزة الانذار.

اقطع دراعي وابقى زي الريس ابو دراع بتاع الاغاني الشعبيى زمان ان ما كان صاحب شركة الحريق دي ابن خالة جوز اللي جابو موظف كبير في وزارة الثقافة ... ده ان ما كانش هو نفسه علاء بيه مبارك صاحب شركة طفايات بافاريا اللي لو داخل مصر او خارج منها بعربية لازم تشرب طفاية من ماركة بافاريا حتى لو كنت جايب طفاية من شركة الحرايق المطفية عبر البحار ولسه ملهلبة وطازة ... برضوا لازم تشرب واحده بافاريا

كنت قد كتبت منذ سنوات قليل ان النظام يفكر جدياً في انه يشتري صفقة طائرات هليكوبتر عملاقة وييجي بالليل كده بعد الساعة 12 واحنا نايميين ويرشوا علي الشعب بالطيارات سولار او اي مبيد حشري .. وتيجي بقى بعدها طيارات سوخوي او توبولوف سريعة كده ويمروا علينا اعواد كبريت ويولعوا فينا كلنا

عشان مبارك ورجالته يعيش على نضافة ويستوردوا شعب على ميه بيضا من اول وجديد ويبتدي الريس وهو قد تخطى الثمانين انه يضع خطط خمسية للتنمية وينضفنا بقى

[Sherief AbdelWahab]

قبل قليل جاء مسئول بالمسرح القومي على برنامج "البيت بيت العز" ليتحدث عن الحادث.. وقال أن كل وسائل الأمان كانت موجودة.. واقتنع على مضض بوجود "خطأ بشري" تسبب في الحادث!

خلص الكلام

[ابو محمود]

كنت هاتنقط وانا اقرأ الجزء ده من الموضوع

وقال أحد موظفي المسرح - رفض ذكر اسمه - إنه تم تركيب شبكة حريق منذ ٣ شهور داخل المسرح بتكلفة ٢٠٠ ألف جنيه، واثناء اشتعال النار داخل المسرح لم تعمل أجهزة الانذار.

اقطع دراعي وابقى زي الريس ابو دراع بتاع الاغاني الشعبيى زمان ان ما كان صاحب شركة الحريق دي ابن خالة جوز اللي جابو موظف كبير في وزارة الثقافة ... ده ان ما كانش هو نفسه علاء بيه مبارك صاحب شركة طفايات بافاريا اللي لو داخل مصر او خارج منها بعربية لازم تشرب طفاية من ماركة بافاريا حتى لو كنت جايب طفاية من شركة الحرايق المطفية عبر البحار ولسه ملهلبة وطازة ... برضوا لازم تشرب واحده بافاريا

كنت قد كتبت منذ سنوات قليل ان النظام يفكر جدياً في انه يشتري صفقة طائرات هليكوبتر عملاقة وييجي بالليل كده بعد الساعة 12 واحنا نايميين ويرشوا علي الشعب بالطيارات سولار او اي مبيد حشري .. وتيجي بقى بعدها طيارات سوخوي او توبولوف سريعة كده ويمروا علينا اعواد كبريت ويولعوا فينا كلنا

عشان مبارك ورجالته يعيش على نضافة ويستوردوا شعب على ميه بيضا من اول وجديد ويبتدي الريس وهو قد تخطى الثمانين انه يضع خطط خمسية للتنمية وينضفنا بقى

يا استاذ انت بتصدق الكلام دة اشمعنا كل ما هو اثرى بيتحرق ممكن يكون سى ماس بتاع الولعة بيحب يشتغل فى الاثار ولا غاوى بيوت قديمة دى مخططات يعنى متزامنة مع تغيرات السوق اقصد الطقس السياسى