نامى ياصفيه....فيه فايده

[redwany]

قالها الزعيم سعد زغلول (نامى ياصفيه مافيش فايده)

ولكنى ارى ان فى مصر دائما فايده

مصر لم تمت مصر قد تكون مريضه ولكن سوف تقوم عفيه وتكون ام الدنيا كما كانت.

عمر الناس فقط يحسب بالسنين سواء خمسين او حتى مائة سنه اما عمر الامم فيقاس بالاف السنين.

اذا كانت مصر الان مريضه فتذكر انها من 50 سنه كانت رائده فمرض 30 سنه للامة ليس بكثير.

مصر سوف تعود بسواعد ابناءها الشرفاء وبعد كل نكسه سوف يأتى الانتصار.

تعالوا نقول لسه فيه فايده لكل المحبطين والمنبطحين والذين يريدون ان نعايش فى اواهام هزيمتهم تعالوا نقول لهم لا لن ننهزم ونعتز بمصريتنا واذا كانت مصر الان مريضه فسوف تصحوا وترجع لها الرياده

ارجوا مشاركتى فى هذا الموضوع

[الأسير]

يا رب يكون في فايدة

[محمد عيسى]

وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لا يَكُونُوا أَمْثَالَكُمْ

[محمد عبدالعزيز]

رأيى الشخصى: اللى شايف إن مفيش فايدة يبقى حكم على نفسه بالموت وهو حى, لأن الإنسان إذا فقد الأمل فما هى فائدة الحياة؟!!!

[المصري محمد]

كل واحد عمال يقول مافيش فايده مافيش فايده طيب ازاي أمال انتو كبرتو واتعلمتو وبقيتو بني أدمين ازي هو ايه اللي مفيش فايده مصر حلوه يا ناس بس إحنا اللي مش لاقيين في الورد عيب قلنا عليه مافيش فايده

[قلب ابيض]

الموضوع لذيذ خفيف فى سرده ولكنه تقيل اوى فى مضمونه

احنا جيل الاواسط متهيألى او ربما نكون عيال بالنسبه لآباءنا بس فى نفس الوقت كباااار لاولادنا-عروستى ؟؟؟ :blush2:

بمعنى ان لما يجى لك شاب ويقولك والله ياعم مافيش فايده طول مابتغمز ده بالعشره وده بالعشرين عشان تمشى مصالحك منين هيتبدل حال الامه ؟؟؟

ترد انت بقى كناصح وواعى ومتفائل قديم : ماهو يابنى الدنيا ماتخلقتش فى غمضه عين -وكل شىء بأوانه -وان الله مع الصابرين !!!!!

الكلام ده بلغه عصرنا ما يأكلش عيش ياعم يعنى كأنك وادى واللى بتكلمه فى وادى

وصحيح يا جماعه ما ينفعش نكون نظريين كده ازاى ادعو لامل وتفاؤل وانا مش شامم ريحته حتى ؟؟؟

والله مساكين شبابنا ( انا باتكلم على الشباب اللى بيشتغل وبيسعى لأكل عيشه بشرف ) :rolleyes: وانا عن نفسى وعن تجربه حقيقيه والله اعلم اقول لهم "يمهل ولا يهمل " واكيد فرجه قريب :blink:

:lol: