إلى متى الصمت على الإهانات

[أحمد الكشكى]

السلام عليكم ورحمة الله

أريد أن أطرح موضوعى هذا لكى أعرف هل ما حدث معى هو من قبيل المصادفة أم قاعدة عامة يتبعها مسئولوا السفارة الأمريكية بالقاهرة

يوم الأربعاء الموافق 25 يونيو 2008 تقدمت للمقابلة الشخصية للحصول على تأشيرة سياحة

حيث أنى من هواة السفر وقد قمت بزيارة اليونان والتشيك وأسبانيا فى الأعوام الماضية ولم يصادفنى أدنى مشكلة للحصول على تأشيرات الدول المذكورة

وعندما قابلت القنصل بدا على وجهة التربص لأى خطأ حيث يلمح تارة أن الضمان المالى الذى قدمتة

وهو حوالى 80 ألأف جنية مصرى هو رابط غير كافى مع العلم أيضا أنى أملك سيارة وأعمل فى بنك محترم

وتارة يقول أنه لا يستطيع قبول طلبى لأنى لم أحدد عنوان محدد لوجودى فى أمريكا وأعطانى كتيب مع إعتذار لطيف عن عدم إعطائى التأشيرة

لم أيأس وقمت بحجز مؤكد لفندق فى فلوريدا لمدة 10 أيام وقد كلفنى هذا ما يعادل 7 ألاف جنية مصرى على أمل أنى قد إستكلملت المطالب

ولكن ما حدث يوم الخميس الماضى أصبت بالذهول عندما أوجد لى نفس القنصل عذرا أخر لتكرار رفضى حيث قال هذة المرة أنة لا يوجد روابط إجتماعية كافية حيث أنى غير متزوج

هل هذا يعقل صرفت على هذا الموضوع ما يعادل 10 ألاف جنية وأعمل فى بنك معروف و قدمت ورق ملكيتى لسيارة وشقة تمليك وقبل ذلك معى تأشيرات 3 دول أوروبية وقمت عمل حجز بناء على المقابة الأولى وفى النهاية يتم رفضى

أريد أن أعرف هل هذا يعق ولم لا نعامل مواطنى الدول التى تعاملنا هكذا بالمثل؟؟

تم تعديل 28 سبتمبر 2008 بواسطة أحمد الكشكى

[se_ Elsyed]

والله يا فندم take it or leave it

والله العظيم لو أمريكا دي فيها الدوا اللي ممكن يخلي الواحد يعيش ولقى في قنصلياتها أو سفارتها مثل هذه المعاملة يبقى افضل له الموت وطظ فيهم وفي اللي وراهم ...

[alaashabana]

سافر كندا ,... اسهل واجمل من امريكا

[وليد أهلاوى مصراوى]

ا

وعندما قابلت القنصل بدا على وجهة التربص لأى خطأ حيث يلمح تارة أن الضمان المالى الذى قدمتة

وهو حوالى 80 ألأف جنية مصرى هو رابط غير كافى مع العلم أيضا أنى أملك سيارة وأعمل فى بنك محترم

وتارة يقول أنه لا يستطيع قبول طلبى لأنى لم أحدد عنوان محدد لوجودى فى أمريكا وأعطانى كتيب مع إعتذار لطيف عن عدم إعطائى التأشيرة

لم أيأس وقمت بحجز مؤكد لفندق فى فلوريدا لمدة 10 أيام وقد كلفنى هذا ما يعادل 7 ألاف جنية مصرى على أمل أنى قد إستكلملت المطالب

طيب فين الأهانه بأه ؟؟!

[Alrefaey]

لهذا السبب قررت

حدث معى نفس الموقف من سنة وبعدها قررت انه لازم احصل على الجنسية الكندية

نائب السفير رفض مش عشان لايوجد دعم مادى ولا روابط اسرية مثلما قال لك وقال لى ولكنه عشان كوننا مصريين مسلمين

[أحمد الكشكى]

هل يجب أن تكون الإهانة شتيمة

إنما هى شعورك بالظلم

أنا حصلت على تأشيرة الشين غين 3 مرات للسياحة ومعى ضمان مالى مناسب وقمت بعمل حجز بناء على طلب القنصل وتكبدت مجهود ومصاريف وصلت 10 الأف جنية ثم يعيد رفض طلبى تأشيرة الدخول؟؟

سأقول لك موقف أخر كان يقف أمامى فى الصف مهندس فى شركة بترول يريد الحصول على تأشيرة بغرض الإختبار لشهادة فى ميكانيكا الحفارات لا تعقد لها إمتحانات غير فى الولايات المتحدة

مهنس بترول متزوج معه ضمان مالى كبير و معه إيصال تأكيد حجز الإمتحان و معه حجز بفندق و معه شقة بالرحاب عندما عجز القنصل عن وجود أى ثغرة فى طلبة بماذا تحجج؟؟

قال له أن مستواك فى اللغ الإنجليزية لا يؤهلك فعليا للإختبار فى الولايات المتحدة ونصحة بكورسات للغة وأعطاه نفس الكتيب

كم تكبد هذا من جهد ومال ثم يتم رفضة لهذا السبب و مع العلم أن المسألأة لا فرق فيها بين مسلم ومسيحى بالعكس هم يشددون على المسيحى أكثر من المسلم

[أحمد الكشكى]

لو قال لى من البداية مباشرة أنه سيرفضنى لما كررت الذهاب للسفارة ولما وتكدبت 7 الأف جنية حجز مؤكد بفندق وللأسف هذا الفندق رفض إلغاء الحجز وإعادة المبلغ لأنى كده أبقى ضيعت عليهم فلوس

نعم كندا أفضل من أمريكا و أرجع وأقول أن الخطأ خطئى فتايلاند مثلا بها طبيعة أفضل من أمريكا ألف مرة

تم تعديل 28 سبتمبر 2008 بواسطة أحمد الكشكى

[Egyptian KSA]

الموضوع ده شد إنتباهى للرد عليه

إسمحلى أقول إن حضرتك اللى غلطان فلا تلومن إلا نفسك

بديهيا أنه القنصل لن يقول لك إنا نرفضك لأن سياسة السفارة كده ولإنك شاب ولن تعود وتهدد السلم الإجتماعى ورفاهية المواطن

الأمريكى

لكن هو لازم يقولك هاتلى عنوان وحجز فندق أو زود الضمان المالى ويمكن الإنجليزى بتاعك مش تمام

رد دبلوماسى زى ما يقولوا ولكن مهما عملت ده مش هيدلك التأشيرة طالما إترفضت من أول مرة

بس هما معذورين المصرى اللى بيروح هناك عمروا مبيرجع

شكرا جزيلا

[elshafey]

والله كلها كام سنة وامريكا تتحيل علي الناس عشان تدخلها

ماحدش ينسي الاتحاد السوفيتي واللي حصلله

امريكا مش اكبر من الاتحاد السوفيتي

بكرة افكركم بالكلام ده

وياعم علي رايك روح تايلاند احسن من بلد الهجاسين دول

[bosbosa]

مساء الخير وبجد شر البلية ما يضحك

هما إزاى يدونا الفيزا وهما عارفين إن معظم الناس مش راجعة

مره أبطال مصارعة رايحين معسكر تدريب بدل ما يشرفوا مصر يروحوا يهربوا و طبعا كلكم عارفين طلبة جامعة المنصورة

عندنا فى الشغل خمس فنيين راحوا أمريكا تدريب لمدة شهر على أجهزة جديدة واحد بس منهم اللى رجع

لازم تلتزملهم العذر و لو مزنوق قوى تروح أمريكا جرب فيزا تانية غير فيزا السياحة

بيزنس فيزا أو فيزا طالب أظن هتكون أسهل كتير

الكلام ده بناء على ناس شغالة فى السفارة لإن مسألة التأشيرات دى خاضعة لسياسة ونظام مش فى إيد القنصل بس

يعنى الأخ المهندس ده اللى خلاهم رفضوا طلب إنه يروح يمتحن الشهادة دى هناك إن أكيد قبلة عشرات عملوا الفكرة دى و مرجعوش

تروح السفارة واخداها من قاصرها ورافضة كل اللى هيقولو إحنا كمان عايزين نسافر عشان نمتحن

وطبعا عشان ورقك كامل وحجز إمتحانك فى إيدك و شنطتك على ظهرك مش هيقدروا يقولولك لا مباشرة

لازم يجيبولك أى عذر زى ما حكيتوا و مهما حاولت هو القرار متاخد من الأول مفيش حد هيسافر عشان يمتحن الشهادى اللى مش موجودة غير فى أمريكا دى

هم إيه هينفعهم لما إنت تاخدها ؟؟ وإيه هيضرهم لو مخدتهاش ؟؟ هما بيلعبوا على المضمون اللى هو وقف الهجرة غير الشرعية خصوصا إن سمعتنا مية مية فى الحكاية دى المصريين عندهم ألف حيلة إنهم يوفقوا أوضاعهم بس يحطوا طرف رجليهم فى البلد

أدى إجابة شؤالك بالتفصيل الممل وأسفة على الإطالة

تم تعديل 28 سبتمبر 2008 بواسطة bosbosa

[Egyptian KSA]

أخى صاحب الموضوع

المسألة ليست إهانة شخصية فى حقك ولكنها سياسة إدارة الهجرة الأمريكية هم يعملون بمبدأ الوقاية خير من العلاج

كما قالت الأخت ماذا يمكن أن تسفيد دولة مثل أمريكا من زيارتك لها ؟؟ لا شئ

ولكن ماذا ستخسر إن أعطوك التأشيرة ولم تعود إلى بلدك؟؟ الكثير وأنت تعرف المهاجر الغير شرعى يصبح عبء على الإقتصاد

ماذا ستسفيد إذا أنت كمواطن غير أمريكى حصلت على تلك الشهادة ؟؟ لا شئ

ماذا ستستفيد إذا لم تعطيك التأشيرة ؟ ستسفيد أنها تجنبت إنك تكون تانوى عدم العودة

ولى عندك سؤال بسيط بدون إحراج؟؟

لماذا أمريكا تحديدا فكما ذكرت أنت تايلاند أفضل وأرخص وأسهل و سلطنة بروناى مثلا جنه فى الأرض وتركيا أسمع أنها خلابة

تم تعديل 28 سبتمبر 2008 بواسطة Egyptian KSA

[EL SHABRAWY]

الموضوع ده جه على الجرح انا باه قصتى تتحكى على الربابة

امى من خمس سنين عملت لها دعوة تيجى تزورنى هنا فىي امريكا و اخدت فيزا بخمس سنين جت فيهم 3 مرات خلصت الفيزا راحت تجددها علشان كانت ناوية تيجى فى رمضان راح ايه رافضوا بحجة انها ممكن تروح وما ترجعش تانى طب دى تقولوا فيها ايه

[melhariry]

والله موضوع فيزا أمريكا ده بقي متعب لان الاعداد الكبيرة دي الي بتترفض خلت شكلنا بقي وحش قوي بس خليني اقول انه الموضوع ده مش عندنا بس كمان في معظم الدول العربية باكد انه في معظم الدول العربية لكن الحقيقة انه مش بالضورة دي لكن موجود دي حاجه الحاجة التانية أنه ليه الدول العربية كلها تعمل حاجه اسمها مجلس تعاون عربي مش خليجي بس وتناقش فيه الموضوع ده وكمان نعاملهم بالمثل حد هيقولي هما مش محتاجين يجوا الشرق الاوسط هقولك لا محتاجين طبعا مش بس السياحة للاستثمار والتصدير وجوانب اخري كمان والموضوع ده مش علشان أمريكا بس لكن كمان علشان الدول الاوربية الي بترفض غعطاء تأشيرة دخول بغير سبب واضح. وشكرا

[abdulmuttaleb]

أ.أحمد الكشكى

حل بسيط جدا وأوفر من كل ما ذكرت بس تدعي لي معاك

خذ تأشيرة للسعودية

اعمل عمرة وادعي عند باب الكعبة وفي الحرم وبمسجد المصطفى صلوات الله عليه أن ربنا يوفقك وييسر لك التأشيرة لأمريكا إن كان فيها خير لك في الدين والدنيا

بعد ما تستشير وتستخير أول ما ترجع مصر توكل على الله وتقدم للسفارة الأمريكية و ثق لو الأمر فيه خير لك سيسهله الله بأسهل مما تتصور.

تحياتي وتقديري لغيرتك على مواطنتك كمصري،

[شاب مصري]

غريب جدا

الكثير من طلاب كلية الطب بيقدموا على الفيزا دي للسفر خلال شهور الصيف

ويتم الموافقة لهم فورا

واللي بيترفضوا قليلين جدا جدا

دي معلوماتي من اللي سافروا خلال الصيف الماضي واللي قبله .

[غريب الخبر]

يا عم احمد . سيبك من امريك وانساها خالص . لان اللى بيترفض مرتين يبقى خلاص . يعنى متحاولش تانى . العملية من الاخر هو جمع اكبر قدر من الفلوس .

انت سافرت اوروبا الى متفرقش كتير عن امريكا............ جرب بقى اسيا واتفرج على لوحات الطبيعة الجميلة سواء تايلند ماليزيا ..................... ده غير كمان التوفير فى الفلوس ............ واهم حاجة فى الدول دى.............. هو الاحترام ......................

[Alrefaey]

أ.أحمد الكشكى

حل بسيط جدا وأوفر من كل ما ذكرت بس تدعي لي معاك

خذ تأشيرة للسعودية

اعمل عمرة وادعي عند باب الكعبة وفي الحرم وبمسجد المصطفى صلوات الله عليه أن ربنا يوفقك وييسر لك التأشيرة لأمريكا إن كان فيها خير لك في الدين والدنيا

بعد ما تستشير وتستخير أول ما ترجع مصر توكل على الله وتقدم للسفارة الأمريكية و ثق لو الأمر فيه خير لك سيسهله الله بأسهل مما تتصور.

تحياتي وتقديري لغيرتك على مواطنتك كمصري،

ليس شرط ان تقبل من السعودية السنة الماضية كما ذكرت مسبقا رفضت تأشيرتى وكنت مقدم من هنا فى الرياض ولنفس الاسباب التى ذكرها الاخ الكريم