اعلان اتملك بسعر الايجار

[mahmoh]

لو يعرف اى حد اية حكاية التمليك بسعر الايجار اللى نازلة اعلانات التليفزيون من الاسكان التعاونى التابع لوزارة الاستثمار وشركة اوراسكوم يقوللى اية حكاية الموضوع دة لان انا اخر مرة اتصلت باوراسكوم عشان اشوف اسعار شقة من شقق محدودى الدخل اللى فى 6اكتوبر لقيتها ب96000 للادو الارضى و 92000 للادوار العلوية للكاش والقسط كان القدم 81000 و125 كل شهر. وشكرا

[elshafey]

إذهب الي هذا الموقع

http://www.mf.gov.eg

[فيصل رافت]

دول نصابين رسمى نظمى اولا الفيلا حوائط حامله الدور مش مكلفهم 25 الف على بعض يعنى الفيلا كلها مش معديه الخمسين الف ومع ذلك يبيعوا للشباب بمبالغ رهيبه الشقه 63 متر وقبر كمان وواقفه كاش 96 الف مش حرام وقسط تقريبا 180 الف والله حرام

[قاهرى]

مع احترامى للجميع هما انا شوفت الاعالان بس مش عارف اية النظام واية نظام الشقق والدنيا عندهم مشية ازاى انا الى اعرفوا والى فهمتو انك بتجبلهم اى شقة انت عايز تشتريها وهما بيمولوك او بمعنى بيدوك قرض علشان تقسط ثمن الشقة

بخصوص الاستاذ/ فيصل رافت ,, هو الحوائط الحملة سعرها ارخص من المنشاء الى بكمرات و طوب

مين قالك كدة .. دة بيكون تكلفتو اكتر وامتن بكتير بس عيبو الوحيد انك مش بتعرف تعمل تغيرات كتير فى الشقة زى اماكن شبابيك جديدة او فتحات ابواب جديدة

ارجو توضيح اية المقصود ب 25 الف وحوائط حاملة

يا جماعة انا سمعت عن موضوع الهرم سيتى بتاع الفلل تبع شركة اوراسكوم ...تقريبا ال أ/فيصل رافت بيتكلم عن دى مش عن موضوع التابعة لوزارة الاستثمار

وعلى فكرة يا استاذنا العزيز المفروض انك تضيف سعر الارض على الكلام الى انت قولت علية لان اعمل حسابك ان الارض مش مبنى عليها غير فيلا بتاعتك انت يعنى لو بالسعر الى بتقول علية يبقى عادى مش كتير بس الفرق بين الكاش والقسط كتيررررر اوى لية كدة هى الفايدة قد اية من 96 الف ل 180 الف معقول الضعف ...... غريبة دى

ارجو الى عندوا معلومات اكتر عن موضوع هرم سيتى يعرفنا

[فيصل رافت]

السيد / قاهرى برجاء قراءة موضوعى المنشور بنفس الباب تحت اسم

1- معلومات هرم سيتى اتملك بسعر الايجار الوهم الكبير

2- فضيحة هرم سيتى

ستجد كل ما تتمناه بمشيئة الله واللى مايعرفش يقول عدس

[قاهرى]

عدس .......... راضى كدة يا عم

كل سنة وانت طيب .... انا مقرتش غير الموضوع دة بس مدخلت على اى موضوع تانى