لتنظيم العمل فى باب الحياة والهجرة لكندا

[حسام يوسف]

شهد هذا الجزء من منتدانا الجميل محاورات المصريين العديد من الأعضاء الأفاضل الذين ساعدوا أخوانهم

لا لشيئ

الا ابتغاء لمرضاة الله

واثباتا ان المصريين لسة فيهم الخير

وبيحبوا بعض

وبيساعدوا بعض

وبيخافوا على بعض

شهد الباب اعضاءا قمة فى اخلاقهم

وشهد طموحات اعضاء

خططوا

وتعبوا

وأنفقوا فى سبيل حياة أفضل

وشهد علاقات انسانية غاية فى النبل والأخلاق

شهد قلقا من اجراءات

ولغة

ومال

ورسوم

وتخوفات

وتطمينات

ومساعدات

وشهد نجاحات الكثير ممن نجحوا فى الهجرة

لم تقتصر المساعدة من المهاجرين أو المقيمين بالفعل فى كندا

بل امتدت لمشرفين وادارة

نظمت العمل

ويسرتة

ومنهم على سبيل المثال لا على سبيل الحصر ما قام بة الزميل العزيز سي السيد

من فهرسة كاملة لما سبق من موضوعات وتساؤلات كندية

كل هذا الكلام مقدمة لطلبى فى هذا الموضوع

أطلب من الاعضاء القدامى او من لهم فترة على المنتدى وبالخصوص باب كندا

كل المقترحات التى تنظم العمل داخل الباب

كلنا افاضل ومتعلمون ومثقفون ونحب تنظيم العمل

وأطلب من الأخوة الأعضاء الجدد أو المهتمين بالباب قراءة هذة التوصيات والاتزام بها تيسيرا للعمل داخل المنتدى

وأطلب من الادارة تثبيت الموضوع ان رات ذلك فى صالح المنتدى

وفى انتظار التعليقات من الاخوة الأفاضل

وكل سنة وانتم طيبين

[عصام]

أشكرك للباردة الطيبة يا حسام ..

فقط أنبه على أهمية ألا يتحول هذا الموضوع - بقصد أو بغير قصد - إلى امتداد للموضوع المغلق ..

تحياتى

تم تعديل 28 سبتمبر 2008 بواسطة عصام شوقى

[حسام يوسف]

والف شكر أخى العزيز عصام شوقى مرتين

مرة بصفتك مشرفا يعنى الشكر ليك وللادارة

ومرة أخرى بصفتك عضوا تؤيد العمل على تنظيم الباب

ونؤكد أن الموضوع خاص بتوصيات الاعضاء الافاضل رواد الباب لتنظيم العمل

وعدد الموضوعات لكل من ياسر وجادوللى وتهامى وقناوى وغيرهم من الاخوة مع حفظ الألقاب طبعا

وموضوعات للمهن المختلفة

لكل مهنة موضوع

وبالفعل أغلب الاسماء التى ذكرتها لموضوعات قائمة بالفعل

وتوصيات امتى نفتح موضوع جديد لان فية احتياج لية

مش موضوع يتفتح وخلاص

ادى الموضوع بكل بساطة

النية صادقة

بعيدا عن اى تجاوز أو تعليق على ما مضى

وكل سنة وانت طيب

[حسام يوسف]

المطلوب الان اقتراحات الافاضل قناوى وياسر وايهاب سالم والحسينى وسامح ومدام نونا

وكل رواد باب كندا

الكلام على اللى جاى

سيبنا م اللى فات

لا داعى لة

نرجو منكم

توصياتكم

واقتراحاتكم

دام فضلكم

[hosiny]

السلام عليكم

اولا اشكرك يا حسام علي التنظيم اللي هتبتدييه في المنتدي واللي كان لازم يحصل من زمان وانا عن نفسي كنت اقوم به لنفسي وكنت ناوي بعد ما يخلص انشر الخلاصة بتاعة المنتدي كله في موضوع منفصل و كنت شغال علي الملخصات دي من خلال قراءتي لكل المواضيع القديمة و استبعاد اي معلومات مكررة و بعدين استبعاد طبعا اي عبارات شكر و خلافه و قمت بفهرستها الي ابواب زي السفر بالطائرة-الشراء في كندا-شراء سيارة بكندا (كلفة و منافع)............الخ

بس طبعا بعد شغل لمدة اشهر من خلال الوقت المتاح لدي اكتشفت ان الموضوع لسه طويل رغم اني انجزت منه الحمد لله جزء كبير و فعلا كافي ليفيد اي مهاجر قبل سفره و اثناء سفره لكن الموضوع مكنتش ناوي اطلعه الا لما يكتمل و ينقح كمان.

علي العموم الموضوع فعلا يستاهل التنظيم سواء للمشاراكات السابقة او القادمة و يفضل التبويب عشان مش كل عضو جديد طلعت في راسه في 5 دقايق فكرة الهجرة يقوم رايح كاتب تاريخ حياته و يطلب ان حد يفيده و اعتقد ان ممكن جزئيا يكون عنده حق لانه مش عارف يبدأ منين وسط المشاراكات الكثيرة و المتخمة بالمعلومات ومنها علي فكرة اللي قديم و اللي غلط من ناس قديمة بتفتي

عشان كده كان لازم التنظيم للمصلحة العامة.....وانا اول المتطوعين في الباب ده لو ممكن اعمل اي شئ مفيد...تحياتي

وتاني حاجة بردو بنأكد تاني علي تعليق عصام بعدم تحول الغرض من هذا الموضوع الي موضوع مكمل للخناقة بتاعة اليومين اللي فاتوا و الاتوبيس المضروب

و كل سنة وانتوا طيبين

[hosiny]

طبعا اول حاجة عشان نبتدي تنظيم لازم نوصل لخطة عمل و لازم نعمل بلان مظبوط "اعذروني بقي مجالي ودراساتي العليا في ادارة المشاريع و التخطيط" عشان كدا هتكلم بلسان الجماعة اللي مخهم بايظ دوول و بيحبوا ينظموا كل حاجه مظبوط

اولا لازم نقسم الاقتراحات لجزئين

1- تنقيح المشاركات السابقة

2- السيطرة و التحكم بالمشاركات الجديدة

عشان منبقاش شغالين في معالجة المواضيع السابقة و لسه المشكلة بتكبر من ناحية تانية

ياريت يا حسام لو تقدر تقسم الموضوع لجزئين عشان تستقبل الاقتراحات لحلول كل منهم علي حده

و قبل ما نبدأ اي حل من رأيي ان الحلول المقترحة يتم فلترتها في كل باب و الاتفاق بين الادارة و تصويت بين الاعضاء عليها للوصول لاحسن مقترح و بعدين التطبيق.....يعني الاتفاق علي المنهجية و بعدين التطبيق و ييجي بعد كده دور التحسينات اثناء التطبيق من خلال المشاكل اللي ممكن الواحد يقابلها

وللحواتر بقية

[حسام يوسف]

والله مش عارف أشكرك والا اتخنق معاك يا حاج حسينى

يعنى انت بالفعل بدأت التنظيم وعندم أجندة وسايبنا غرقانين؟

ماشى يا عم

عموما لك جزيل الشكر

وكل اللى قلتة كلام جميل ما أقدرش أقول حاجة عنة

وياريت تبدأ تقول خططك

وأنا أول موافق عليها مقدما

لانى عارفك وعارف تفكيرك

واحنا فى باب كندا كلنا بنتشرف بيك

[hosiny]

والله مش عارف أشكرك والا اتخنق معاك يا حاج حسينى

يعنى انت بالفعل بدأت التنظيم وعندم أجندة وسايبنا غرقانين؟

ماشى يا عم

عموما لك جزيل الشكر

وكل اللى قلتة كلام جميل ما أقدرش أقول حاجة عنة

وياريت تبدأ تقول خططك

وأنا أول موافق عليها مقدما

لانى عارفك وعارف تفكيرك

واحنا فى باب كندا كلنا بنتشرف بيك

اتخانق اواشكر يا حسام كله مقبول منك يا باشا

و يا حسام الكلام ده كتير قوي عليا

بس انا كانت فكرتي في اللي كنت بحاول اعمله "Why to re-invent the wheel"

يعني مش لازم كل اللي الواحد طلعت روحه عشان يعرفه سواء من المواضيع القديمة او الجديدة....الناس تتعب فيه بردو...طالما يقدر يخدمهم فيه و يديلهم الزبدة بتاعت المواضيع

بس زي ما الافاضل قالوا قبل كده المواضيع كتير و كل يوم بتطلع مواضيع اكتر من القديمة و انت لازم تتابع عشان الجديد و لازم بردو تنقح القديم و المجهود فردي.....مستحيل الاحق بين الاتنين

لكن طالما الموضوع هيوحد مجهود الاعضاء فالموضوع هيبقي ابسط بكتير.....ويد الله مع الجماعة....كل واحد باللي يقدر عليه حتي لو فكرة

تم تعديل 28 سبتمبر 2008 بواسطة hosiny

[samehelassad]

اولا الف الف شكر ليك ياحسام على الفكرة دي اللي الحقيقة كانت لازم تبتدي من زمان مش من بعد الخناقة. فربنا يبارك فيك ويسرلك امورك.

ثانيا: جزيل الشكر للاخ عصام والادارة على ترحيبها بهذا العمل.

ثالثا: حسيني باشا فكرتة في الجون. انا تحديدا مع الجزء التاني. واضيف انة يجب تنسيق وتنظيم فتح اي موضوع جديد. وان يكون ذلك من خلال الادارة. يعني لو انا دلوقتي عاوز افتح موضوع جديد بدل ما ادوس على ايقونة فتح موضوع جديد. اضغط على ايقونة تانية وهي مثلا الرغبة في فتح موضوع جديد. هذة الايقونة من خلالها يملى بيان بالهدف من الموضوع وعنوانة وعرضة على الادارة والادارة من خلالها توافق او ترفض بناء على علمها المسبق بمحتويات المنتدى. وبعد كدة اما ان ترفض الادارة او تسمح وبالتالي نكون قد قمنا باول شيى وهو منع فتح مواضيع جديدة مالهاش لازمة ولا تدل الا على عدم رغبة فاتح الموضوع في البحث.(كدة يبقى حجمنا المواضيع الجديدة)

ندخل بقى بعد كدة على المواضيع اللي موجودة اصلا. اقترح ان يتم تبويبها. زي اي كتاب. يعني مثلا 1: الفصل الاول: بفكر اهاجر: ودة يشمل كل استفسار عن الهجرة ومميزاتها وعيوبها واهدافها واراء اللي هاجرو في كندا اية. 2: الفصل التاني: نويت اهاجر: ويشمل المواضيع التي تتطرق لكل الاجرائات والمعاملات والاجراءات الحكومية وملىء الابليكيشن وانواع الهجرة الخ. 3: الفصل الثالث: قدمت عشان اهاجر: ويشمل المواضيع المتخصصة بقائمة الانتظار ومين اللي مهاجر فيدرال ومين اللي مهاجر كيبك ومين اللي مهاجر عائلة او لم شمل ومين جالة انترفيو ومين جالة الابديت لتر ولا الفيزا ولا الميديكال ومين عندة مشاكل في الفترة دية مع السفارة او المحامي الخ. 4: الفصل الرابع: انا بكرة ههاجر (مسافر): والفصل دة يشمل تسافر ازاي وتحجز على اي طيران واسعار السفر اية وتجهز الشنط ازاي وتاخد معاك اية وتسيب اية. والحياة في كندا عاملة ازاي. وهتعمل لاندنج فين. واية المقاطعات اللي في كندا وكل واحدة بتتميز باية. وصورها فين ومين من اصحابنا في المنتدي عايش فيها ينصحني اعمل اية. وااجر بيت ازاي واعمل رخصة سواقة ازاي واشتري عربية منين واعمل حسابي على كام واليزانية اعملها ازاي ومخالفات المرور اية وحقوقي وانا عايش هناك اية وواجباتي اية ...الخ.

وبكدة يكون المنتدى اتقسم لا اربعة فصول كل واحد فية المواضيع اللي تخص هذا الجزء. واللي عاوز يحط موضوع ياخد موافقة الادارة وهي تحطهولة في المكان بتاعة لو يستاهل يتحط.

ايه رائيكم. ومرة تانية تسلم ياحسام ويا حسيني.

[hosiny]

ايوه كده 10/10 يا سامح الافكار هتبتدي تطلع اهو واحده واحده

فكرة تانية بردو عشان السيطرة علي المواضيع الجديدة ان لو في امكانية في النوع ده من المنتديات زي منتديات تانية ان قبل ما اي عضو جديد يفتح اي موضوع جديد يتم توجيهة اجباريا لقراءة موضوع مثلا زي بتاع سي السيد اللي متفهرس بحيث انه بنسبة 90% يلاقي اجابة علي تساؤولاته و بكدا نكون عمل تحديد للمواشيع الجديدة و في حالة ان العضو ده استسهل و حب يكتب مشاركته علي طول لانه مكبر و مش عايز يقرا يتم تحويل موضوعه الي الادارة للمراجعة قبل وضعه و ذلك لاول 20 مشاركة للعضو مثلا

ويجعله عامر

[Virus]

بعد الشكر الجزيل لمبادرة حسام الجميلة اللي المنتدى من غيره ينقص كتير بصراحة

الأخ العزيز حسيني

مداخلاتك السابقة تنم عن شخص إيجابي يحب باب كندا ويريد تطويره كما استفاد منه لكن بالفعل وليس بالقول والجعجعة فقط

تحياتي لك وربنا يوفقكوا في مهمتكم الإنتحارية دي وأنا رغم انعدام خبرتي في موضوع كندا لكن أحب أشارك حتى لو بالدونكي ورك..يعني ادبح يازكي قدرة يدبح زكي قدرة علطول

نصيحتي امتواضعة من تجارب مشابهة هي ضرورة أن يكون هناك قائد يعمل معه فريق من المتطوعين لأن لو اتسابت كده هتبوظ

أشعر أنكم على أعتاب منتج هائل لو اكتمل كما ينبغي ربما يكون له حظ في التسويق التجاري!!

تم تعديل 28 سبتمبر 2008 بواسطة Virus

[hosiny]

شكرا اخي العزيز فيرس

وربنا يحفظك من النورتون و الكاسبر و النود32 و من كل شر ......"بهزر مع احترامي الشديد ليك...عشان متزعلش مني"

الواحد بيحاول يعمل الكلام ده لوجه الله....لا هوا تجاري و لا غيره....بس لازم نشوف بردو تعاون من الادارة

واسمحولي ان انقل بعض مداخلات القراء الافاضل من موضوع الاتوبيس الي الباب ده لانه اكثر علاقة بالموضوع

ايديكو معانا يارجالة....يالا قوم يا عم فيرس....هات ايدك

[hosiny]

من موضوع الاخ حمودي

من فضلكم ياحماعه انا راي ان تتم الغربله على محورين

المحور الاول تتخذف الرسائل الى مالهاش لازمه زي منور ياباشا شرفتنا انت فين مش معنى كده ان احنا نصادر حق الاعضاء فى مجاملة بعض ولكن مثلا

لو فى رساله بالشكل ده يتم خذفهل بعد اسبوع او بمجرد دخول اشهض الموحهه له على المنتدى

دي اولا ثانيا انا شايف انه يتم تقسيم الموضايع بعد غربلتها الى الثمانى مراحل الخاصة بالهجره

1 ) اسيباب الهجرة والدوافع واتخاذ القرار

2) كيبك والا فيدرالي

3) مليء الاستماره وارسالها

4)الانتظار وقايمه بالويتنج حتى يقوم الاعضاء بابلاغ بعضهم

5( المقابله وجو والمقابله وتجربة كل عضو الشخصيه فى المقابله والمحاذير وكيفيى اظهار نقاط قوة الملف

6) انتظار الفيدرالي

7)الكشف الطبي

8) اللاندنج وتجربة كل شخص فيه

ثالثا يتم فتح موضوع عن الحياة فى كندا عموما ومزاياها والمحاذير والسلبيات والايجابيات واقتراحات الاعضاء ذوي الخبره للقادمين الجدد بكيفية تلاي السلبيات

رابعا مواضيع متنوعه (ولكن هادفه)و

[Scorpion]

في منتهي السعادة كعضو في المحاورات بقراءة كل حرف و كل إقتراح في هذا الموضوع .... و أعتقد اننا جميعآ نتفق علي اهدافه و خطوطه الرئيسية فبهذا نستطيع أن نخلق جميعآ بابآ ناجحا بكل المقاييس يقدم بالفعل الهدف المرجو به ...

فكرة تقسيم الخطوات من "طقطق" ل "سلامو عليكم" رائعة .... و عليها نستطيع بالفعل تنظيم هذا الباب بطريقة تجعل زائره يجد ما يبحث عنه بسهولة ...

التقسيم الذي عرضه الفاضل حمودي و أعاد عرضه الفاضل hosiny أجده في غاية المثالية ... و لكن فليسمح لي في عدم الموافقة علي نقطة واحدة فقط ..ففي رايي الشخصي البند الأول ( اسيباب الهجرة والدوافع واتخاذ القرار ) لا أعتقد انه سيفيد .... لأن بجانب ان سبب الهجرة يندرج تحت باب الأسباب الشخصية و لكن في النهاية نعلم جميعآ الأسباب التي تكاد تكون متطابقة .. لذا لا داعي لمناقشتها خصوصآ و ان تم استخدامها للهجوم علي كل ما هو مصري .. و اعتقد تجاربنا السابقة تجعلنا نبتعدعن هذه النقطة ....

1 ) اسيباب الهجرة والدوافع واتخاذ القرار

أما الباقي ففي غاية المنطقية في الطرح

2) كيبك والا فيدرالي

3) مليء الاستماره وارسالها

4)الانتظار وقايمه بالويتنج حتى يقوم الاعضاء بابلاغ بعضهم

5( المقابله وجو والمقابله وتجربة كل عضو الشخصيه فى المقابله والمحاذير وكيفيى اظهار نقاط قوة الملف

6) انتظار الفيدرالي

7)الكشف الطبي

8) اللاندنج وتجربة كل شخص فيه

ثالثا يتم فتح موضوع عن الحياة فى كندا عموما ومزاياها والمحاذير والسلبيات والايجابيات واقتراحات الاعضاء ذوي الخبره للقادمين الجدد بكيفية تلاي السلبيات

رابعا مواضيع متنوعه (ولكن هادفه)

و دوري كي اضيف رأيآ هو أن نبدأ العمل فورآ في تنفيذ تلك الخطوات المذكورة متبعين هذا الأسلوب :

_ لمدة يومين فقط لا يتم اضافة اي موضوع جديد الا في حالة الضرورة القصوي بالفعل

في خلال تلك الفترة :

يتم انشاء مواضيع بالترتيب السابق دون أي اضافات فيها ....

تقوم مجموعة صغيرة من 3 أعضاء من الزملاء الأفاضل الذين تم ذكر اسمهم من معظم الأعضاء دليلآ علي ثقتهم فيهم بتقسيم جميع الصفحات و البالغ عددها 30 صفحة بينهم ليقوموا بمراجعة المواضيع فيها و يذكروا في نهاية كل موضوع توصيتهم بنقله الي أي بند ( مثال يوصي بنقله الي موضوع ملأ الأستمرة و أرسالها .... او يوصي بنقله الي موضوع الإنتظار الفيدرالي ) او حتي يوصي بحذفه لأن تلك الإجراءات لم تعد صالحة للتنفيذ او تم الغائها ... الخ الخ ...

في نفس الوقت مجموعة من الأخوة الزملاء من المشرفين سيتابعون تلك التوصيات فورآ .. و في نفس الوقت سيتم حذف تدريجيآ كل المداخلات التي ليست لها قيمة فعلية حتي لا يتضخم الموضوع بدون فائدة ....

متي انتهينا من كل هذا ... ترجع الأمور الي نصابها و يصبح كل واحدآ منا مسئولآ بالفعل علي منع اي استخدام خاطيء لهذا الباب ....

تلك كانت مجرد تصورات اعرضها عليكم للنقاش في نطاق التفكير الأيجابي الذي يحمله هذا الموضوع و الذي اشكر صاحبه و كل من شارك فيه ..

[Virus]

ممكن استبدال بند دوافع الهجرة ببند."لماذا كندا" بمعنى تاني ليه أروح كندا وما روحش أستراليا مثلاً وإيه الشروط اللي عايزاها كندا

[yassir]

ثالثا يتم فتح موضوع عن الحياة فى كندا عموما ومزاياها والمحاذير والسلبيات والايجابيات واقتراحات الاعضاء ذوي الخبره للقادمين الجدد بكيفية تلاي السلبيات

أوافق تماما على اقتراحات الاخوه الأفاضل و الاجراءات المتخذه لتحقيق ذلك , لى أعتراض واحد على البند عاليه , يجب فضل المقاطعات الكنديه الكبرى و التى يستوطنها غالبيه المصريين و هى ألبرتا , أونتاريو , كيبك, كولومبيا البريطانيه فى أربع مواضيع منفصله و الأ سيصبح الموضوع الخاص بالحياه بكندا ضخم جدا من حيث عدد الصفحات و سيصعب على أى مستخدم البحث فيه ...تقسيمه اللى أربع مواضيع سيوزع الأعضاء المهتمون بالمقاطعات الكبرى على هذه المواضيع مما يجعلها تحوى الكثير من المعلومات الى يحتاجها أى زائر جديد و تجعله يقرأ الموضوع بأهتمام قبل ان يفكر فى طرح أى موضوع جديد ...بدلا من أن يقرأ موضوعات تحتوى على معلومات عن الحياه فى تورنتو و هو مهاجر الى أقصى الغرب ....بالتوفيق للجميع و أى مساعده تجعل هذا الباب واجهه مشرفه للمكان المحترم الذى يجمعنا لن نتأخر فى تقديمها .....تحياتى للجميع ....

[ELSHAMY]

الأخوة الأفاضل كل من تقدم باقتراحات لتطوير هذا الباب لكم جميعا جزيل الشكر....

وأنا أيضا مستعد لأى مساعدة.... و قريبا سأضيف تجربة جديدة لم يتطرق اليها أحد من الأعضاء من قبل و هو موضوع شحن الأثاث الى كندا

تحياتى

[hosiny]

من موضوع اخونا الكبير قناوي

انشاء موضوع واحد اسمه مثلا (من عنده استفسار سريع يتفضل هنا ) وبالتالي نبطل حكاية اسال واجري

ثانيا تثبيت عدد اكبر من المواضيع حتي يقراها العضو الجديد ويلاقيها في وشه مباشرة

نقل اي موضوع استفساري بسيط للموضوع الاول

[samehelassad]

ياترى ياجماعة اية رئيكم وراي الادارة في الراي دة. انة يجب تنسيق وتنظيم فتح اي موضوع جديد. وان يكون ذلك من خلال الادارة. يعني لو انا دلوقتي عاوز افتح موضوع جديد بدل ما ادوس على ايقونة فتح موضوع جديد. اضغط على ايقونة تانية وهي مثلا الرغبة في فتح موضوع جديد. هذة الايقونة من خلالها يملى بيان بالهدف من الموضوع وعنوانة وعرضة على الادارة والادارة من خلالها توافق او ترفض بناء على علمها المسبق بمحتويات المنتدى. وبعد كدة اما ان ترفض الادارة او تسمح وبالتالي نكون قد قمنا باول شيى وهو منع فتح مواضيع جديدة مالهاش لازمة ولا تدل الا على عدم رغبة فاتح الموضوع في البحث.(كدة يبقى حجمنا المواضيع الجديدة)

[qenawy]

طبعا انا واهب ما املك من وقت بعيدا عن عملي لخدمة الجميع

وان كان املي اولا عودة دكتور احمد جاد جادوللي ومدام نونا عشان الواحد يبقي له نفس في العمل

اتمني منكم جميعا ان ننسي تلك الزوبعة (هذا ليس تذكير بها ولكن رغبة في عدم خسارة نماذج مشرفة بجد مثلهما واخرين)