استفسار بخصوص الالتحاق بعائل (الام ) لدولة الكويت

[شاما الأسمر]

ارجو ممن يعرف الاجراءات الخاصة بالالتحاق بعائل (الأم ) يخبر ني بها مع العلم اني ساعمل بالكويت مدرسة فى مدرسة اهلية ان شاء الله واريد اخذ امى معى حيث انها فوق الستين سنه وابى خارج البلاد من عام 1995 حيث انه خارج جمهورية مصر العربية من هذه السنه

[HDarwish]

الأخت شاما ...

تنوري الكويت بإذن الله ...

بالنسبة للالتحاق (الأم) بعائل إن شاء الله تكون إجراءاتها سهلة وبسيطة

لكن لازم الأول تخلصي أوراق الإقامة بتاعتك هنا في الكويت الأول وبعد كده تعملي أوراق الالتحاق بعائل ما ينفعش العكس

اللي انا فهمته من كلامك انك عاوزها تسافر وياكي من البداية لكن ده على حد معلوماتي البسيطة ما ينفعشي

لازم الأول تخلصي أوراق إقامتك هنا وبعد كده من حقك تقدميلها على ورق الالتحاق بعائل بس خدي بالك من حاجة لازم يكون راتبك لايقل عن 250 دينار علشان تعملي الالتحاق بعائل وأقل من كده مش هتعرفي تعملي غير زيارة عائلية واللي لازم يكون الراتب لايقل عن 150 دينار علشان تعمليها الزيارة دي

أي استفسار ؟ ... إحنا هنا كلنا إخوات

تمنياتي بالتوفيق

[شاما الأسمر]

اشكر ردك على استفساري طيب ممكن تقولي لو فى اوراق اخلصها لأمى من هنا قبل ما امشي والا كل الأوراق من هناك بعد ما اخد الاقامه ان شاء الله وهل ينفع التحاق بعائل للأم والوالد على قيد الحياة الا انه خارج البلاد من 1995

وسؤال تاني الزيارة مدتها تكون اد ايه وهل ممكن الزياره فوق ال 6 شهور

ومرة تانيه لك منى جزيل الشكر على اهتمامك وردك على الموضوع

[متغربين]

السلام عليكم

انا عندى استفسار ياريت حد يساعدنى أنا عندى موضوعين الأول انا باشتغل محررة في جريدة لكن في ازن العمل مكتوب مصممة وراتبي في ازن العمل 300 ولكن في شهادة الراتب 400 والجريدة مستعدة للتعاون وتغيير اى بند من بنود إزن العمل لكن الشروط في الشؤون صعبة خاصة ان اقامتى لسة فيها 11شهر وعايزة اطلع رخصة قيادة عشان باحتاجها جدا في شغلى

الموضوع التاني عايزة اعمل لوالدتى التحاق بعائل ايه المطلوب

اه نسيت كنت عايزة حل اجيب بيه اخوية هنا مع العلم انه مش جامعى يعنى لو جبته زيارة مش حينفع تتحول ياريت تساعدونى وانا عارفة ان مش حيساعدنى غير المصريين