شكر وتقدير واستفسار عن الاستقدام

[مدام نصار]

السلام عليكم ورحمة الله وبركاته

اولا اود ان اعم بالشكر كل من ساهم فى هذا المنتدى بمعلومة او خبر او مشورة لانه بجد كان ومازال خير عون للكتير منا وساعد الكتير على معرفة اجراءات كثيرة لم نكن على علم او درايه بها وخصوصا اجراءات السفر وتخليص الاوراق الاماكن المخصصة لذلك

وكنت انا واخدة من هؤلاء الذين لم يكن عندهم درايه بلاجراءات وبالصدفة وانا ابحث على النت وجدت هذا المنتدى الذى كان خير عون لى واصبح بمثابة دليل ومرجع لى ارجع له كلما اردت معرفة خطوة جديدة فى الاجراءات فشكرا جزيلا مرة اخرى وارجو ان تقبلونى عضوة جديدة اتفاعل معكم وافيد من يحتاج فى حدود خبرتى القليلة.

اما بالنسبة لى فانا زوجة حديثة وزوجى يعمل مهندس بالسعودية بدانا فى اجراءات الاستقدام منذ فترة وبالفعل وثقت انا قسيمة الزواج وشهادة تخرج زوجى من مصر وبعثتم اليه بالبريد بالظبط يوم الخميس الموافق 25\9\2008 ليبدا هو فى انهاء اجراءات الاستقدام باذن الله وعرفت منذ ايام ان اجازة زوجى الحبيب ستبدا يوم 23\10 القادم وسيبقى فى مصر حتى 7\11 باذن الله فهل نستطيع خلال هذه المدة انهاء الاجراءات بحيث انى اتمكن من السفر معه يوم 7\11 اتمنى وادعو الله ان نستطيع ذلك وارجو مشورتكم ومعرفة كم من الوقت يلزم لانهاء الاجراءات وجزاكم الله عنى وعن كل المستفيدين كل خير

[ozoozo]

اهلا ومرحبا بكي اختي الكريمه في المنتدي اعتقد لو ورق زوجك كامل الموضوع كله من ساعه الموافقه عليه لغايه انهاء الاجراءات من مصر لن يستغرق اكتر من ثلاثه اسابيع الي شهر يعني انشاء الله تقدري ترجعي معاه.....والرأي في الاخر لسين سين منتظرين مداخلته

تم تعديل 28 سبتمبر 2008 بواسطة ozoozo

[se_ Elsyed]

الاخت الفاضلة

المؤسسات الحكومية بالسعودية ستعاود العمل يوم 11-10 ومعها القنصليات السعودية بالخارج ايضاصً وبالتالي لو زوجك مجهز كل شيء وتقدم وقتها لادارة الاستقدام فممكن يُنهي الموضوع في يومين تلاتة .. في ذلك الحين تكوني انتي مجهزة جواز سفرك ولو عندكو اولاد يبقى تستخرجي جواز سفر لكل واحد .. ولا ادري حقيقة ان كان استخراج الشهادة الصحية يستلزم وجود ورقة الاستقدام الان ام لا ؟ لإن حتى وقت قريب ما كانش لازم

واهم شيء تعملي تحليل الكبد الوبائي في اي معمل خاص خارجي عشان تطمئني لإن لو قدر الله حصلت في الامور امور فبتوضعي بلاك ليستد في القنصلية السعودية لمدة 12 شهر

وبعد ما تعملي الكشف ويكون معاكي ورقة الاستقدام حاول تتقدمي لمكتب التسفير بدري عشان الورق بياخد تقريباً اسبوع داخل القنصلية

وخلي بالك احنا داخلين على ايام حج وبالتالي من اواخر شهر شوال وفي شهر ذو القعدة سوف يرفع شعار في القنصليات السعودية يقول " لا صوت يعلو فوق صوت الحج " وكل المعاملات غير الحج سوف لا تعطى اي اولوية يكفي ان تعلمي ان مصر فقط ستحصل على 72 الف تأشيرة .. فالواحد يحرص ويستغل اي يوم يخلص فيه ورقه

وبالتوفيق

[مدام نصار]

شكرا جزيلا على تعاونكم معى ولو هتعبكم معايا كنت عاوزة اعرف ايه هى التحاليل المطلوبة بالظبط غير تحليل الكبد واماكنها المخصصة اتذهب اليها بعد العيد باذن الله واسال اذا كان باستطاعتى عمل الكشف والتحليل بدون ورقة الاستقدام ولو ينفع يبقى اكيد هنكون كسبنا وقت

وكل عام والجميع بخير بمناسبة عيد الفطر المبارك

[redwany]

السلام عليكم

الى مدام نصار

اليكى تجربتى الشخصيه

انا ورقت زوجتى وهو صورة جواز السفر وقسيمة الزواج الموثقة وصلت يوم 14 رمضان وروحت مكتب الاستقدام يوم 15 وخلصت فى نفس اليوم وبعت الورقة لزوجتى بالفاكس راحت عملت فيروسات يوم 16 رمضان نتيجة الفيروسات طلعت 21 رمضان دخلت الورق يوم 22 رمضان واخدت التاشيرة يوم 24 رمضان على الرغم من ان كل الناس قالوا ان السفارة لاتقبل الا العمرة فقط

ممكن زوجك يتقدم لمكتب الاستقدام يوم 10 شوال هيبعتلك الورق يوم 12 شوال هتعملى الفيروسات يوم 13 شوال هتدخلى الورق يوم 20 شوال انشاء الله هتستلميه يوم 23 شوال

وبالتوفيق

اخدت ورق من الكفيل ورحت مكتب الا

[مدام نصار]

شكرا خزيلا للأخ الكريم redwany طمنتنى واثلجت قلبى ان شاء الله خير بس ممكن استفسر منك الاماكن اللى زوجتك عملت فيها التحاليل والكشف الطبى بالظبط وهل ممكن اعملها قبل وصول ورقة الاستقدام وازاى اقدر ابعت الورقة بالفاكس وهل دى طريقة غير البريد السريع؟ واسفى على كثرة اسئلتى وشكرا جريلا على تعاونك معى

[ozoozo]

لا بجوز عمل التحاليل الابوجود التاشيره بالسفاره بعد ماتخدي رقم النت من مكتب السفريات

[redwany]

اطمنى على نفسك الاول فى اى مختبر وانشاء الله النتيجه هتطلع كويسه وبعدين التحاليل هتبقى فى معامل وزارة الصحة وماينفعشى تعمليها غير لما توصلك ورقة الاستقدام ومش لازم الاصل لان زوجك ممكن يبعتها فاكس لكن لابد من الاستقدام الاول وهتروحى اى مكتب تاخدى رقم للنت وهيدفعلك فلوس تحليل الفيروسات لان لازم المكتب يدفعها عن طريق النت

وهتعملى شهاده صحيه فى مستشفى النيل بدراوى وديه بتطلع فى نفس اليوم

تحليل معامل وزارة الصحة بتاخد حوالى اربعة ايام ولازم تستلميه بنفسك

وبعدين هتاخدى كل الاوراق وهتسلميها لمكتب وهو هيدخل الورق السفارة وده النظام الجديد لانك ماينفعشى تقدمى فى السفاره بنفسك

[redwany]

الى مدام نصار

قسيمة الجواز لازم تبعتيها بعد ماتوثقيها من الخارجيه لازم تبعتيها بالبريد السريع لانهم بيحتاجوا الاصل وماينفعشى فاكس

انا اقصد انا زوجك لما يستلم ورقة الاستقدام يبعتها فاكس اما قسيمة الزواج لازم الاصل ولاينفع فاكس

[مدام نصار]

طيب معلش انا عاوزة استفسر عن حاجة تانى هو لازم ورقة الاستقدام الصفرا الاصلية تكون معايا هنا فمصر ولا ممكن اخلص الحاجات هنا من غيرها لما البيانات بتاعتى توصل من القنصلية فى السعودية للقنصلية هنا فى مصر؟ وهل ممكن يبقى معايا صورة منها زوجى يبعتهالى بالنت مثلا ولا لازو الورقة الاصلية الصفرا ؟ وشكرا لتعونكم

[مدام نصار]

شكرا جزيلا redwany على اهتمامك بالموضوع وعلى تعاونك معى

[مدام نصار]

الحمد لله تمكن زوجى من انهاء ورق الاستقدام وقمت انا بعمل الكشف الطبى وتحليل الفيروسات وعند استلامى نتيجة الكشف الطبى اعطانى الموظف المسئول ظرف مغلق ومكتوب عليه لا يفتح الا بواسطة السلطات السعودية وعندما سالته عن نتيجة الكشف قال لى انى كدة لائق فهل معنى انهم سلمونى الظرف ان كدة فعلا لائق ولا لا قدر الله ممكن لما الورق يروح القنصلية يطلع فيه اى حاجة بعد الشر

ارجو الافادة وجزاكم الله كل خير

[اليوم السابع]

صحيح كدة لائق مبروك

[مدام نصار]

الله يبارك فيك اخى اليوم السابع وبارب عقبال نتيجة تحليل الفيروس باذن الله هعرف النتيجة يوم السبت ان شاء الله ادعولى ربنا يكملها على خير باذن الله