سعر الحديد فى منتصف اكتوبر او نوفمبر ب 3500 جنيه

[jamalpody]

حسبي الله ونعم الوكيل انا يا جماعه اشتريت الحديد وكان طن الحديد وقتها ب7850 جنيه اشتريت

7 طن والان وصل الطن 3500 جنيه يعني انا خسران في الطن الواحد 7850-3500=4350*7=؟؟؟؟؟؟؟؟؟؟؟؟؟؟؟؟؟؟

لا حول ولا قوة الا بالله وربنا يعوض علينا وقدر الله وما شاء فعل

والحمد لله علي كل حال ونعوذ بالله من حال اهل النار

[عطر الجنة]

http://www.almasry-alyoum.com/article2.aspx?ArticleID=190480

[se_ Elsyed]

اللهم أهلك الظالمين بالظالمين

هذا الدعاء رددته عندما رأيت الحرب المستعرة الأن بين مصانع الحديد في مصر بزعامة الطفل المدلل أحمد عز ومنافسية بشاي والجارحي والمصانع الوطنية الكحيانة اللي بتقفل تدريجياً دلوقت عشان تُخلي الساحة لعز أو عشان يستولى عليها برخص التراب .. وأصبح الموضوع زي المناقصات - خلي بالكو .. مناقصة مش مزايدة - وكل واحد بقى يخفض السعر بشكل يومي عشان يكسر عظام المنافسين .. وعشان يضيع الفرصة على ألاف الأطنان المستوردة من الخارج واللي سعرها بيتراوح ما بين 2800 إلى 3000 ج .. السعر ده مش شامل ربحية المستورد

وإليكم الخبر

مستوردو الحديد يوجهون ضربة انتقامية للمصانع المحلية.. ويخفضون السعر إلى ٣١٠٠ جنيه للطن

كتب محمد هارون ٢/ ٢/ ٢٠٠٩

قرر مستوردو الحديد، توجيه ضربة مضادة لكبار المنتجين فى مصر، إذ كشفت مصادر مطلعة اعتزامهم تخفيض سعر الطن إلى ما بين ٣١٠٠ و٣٢٥٠ جنيهاً، بعد أن كان متوسط سعره ٣٨٠٠ جنيه.

تأتى خطوة المستوردين رداً على إعلان مجموعة عز، مساء أمس الأول، تخفيض أسعارها إلى ٣٤٠٠ جنيه تسليم المصنع، و٣٥٢٠ جنيهاً للمستهلك، لتكون أسعاره الأقل فى السوق، إذ يباع «حديد بشاى» بـ ٣٧٠٠ للمستهلك، و«الجارحى» بـ ٣٦٠٠.

ذكرت مصادر فى السوق، أن الضربة الموجعة التى تلقاها «بشاى» و«الجارحى» ستؤدى إلى خسائر لكليهما، لكنهما سيعوضانها من خلال شحنات الحديد المستورد التى تصل خلال الأيام المقبلة.

تبلغ حصة «عز» فى السوق المحلية ٢٠٠ ألف طن شهرياً، فيما تبلغ حصة «بشاى» ٩٠ ألفاً و«الجارحى» ٢٠ ألف طن.

وتوقعت المصادر انخفاضات جديدة فى الأسعار الفعلية بسبب طرح معظم الكميات المتعاقد عليها من تركيا خلال فبراير، خصوصاً أن معظم هذه الكميات تم شراؤها بسعر ٢٨٠٠ جنيه فقط.

وفى المقابل شن عدد من المصنعين الذين لم يستوردوا حديد تسليح هجوماً على استيراد الحديد التركى واتهموا وزارة الصناعة بالتراخى فى دعم الصناعة الوطنية فى مواجهة إغراق الحديد التركى.

وقال رفيق الضو، نائب رئيس مصنع «مصر الوطنية للصلب»، إن الحديد التركى يباع فى بلده بسعر ٦٠٠ دولار، فى حين يتم تصديره إلى مصر بسعر يبدأ من ٥٠٠ دولار، مما يعنى أن هناك شبهة إغراق للسوق المصرية، الأمر الذى يستوجب تدخل وزارة التجارة لتقنين الاستيراد وحماية الصناعة الوطنية.

[aboramy]

اخى اشترى اليوم الطن ب3550

[عصام أبوالفتح]

الأتراك يوجهون ضربة قاسية لمصانع الحديد المصرية.. ويخفضون الأسعار إلى ٢٧٠٠ جنيه للطن

كتب محمد هارون وناجى عبدالعزيز ٤/ ٢/ ٢٠٠٩أكد المهندس رشيد محمد رشيد، وزير التجارة والصناعة، أن الوزارة ستدرس القرارات المنظمة لتداول مواد البناء، وإمكانية السماح بإعلان الحد الأقصى لأسعار بيع حديد التسليح المستورد للمستهلك إذا كان الأمر يضمن استقرار التعاملات فى السوق فى ظل المنافسة الحالية التى حققت نتائج إيجابية تخدم المستهلك.

من ناحية أخرى، وفى رد فعل سريع على تخفيض مجموعة عز ومصانع الحديد لأسعارها لتصل إلى ٣٤٠٠ جنيه، خفضت المصانع التركية، أمس، أسعار بيع حديد التسليح ٦٠ دولاراً بما يعادل ٣٣٥ جنيهاً مصرياً لتصل إلى ٤٧٠ دولاراً شاملة النقل إلى مصر بدلاً من ٥٣٠ دولاراً، الأسبوعين الماضيين، وبهذه الأسعار الجديدة يصل سعر طن الحديد المستورد إلى ٢٧٠٠ جنيه فقط.

وتواجد خلال اليومين الأخيرين بالقاهرة عدد من مديرى المبيعات والتسويق لمصانع حديد تركية على رأسها مصنعاً «ايش داش» و«حبش» وذلك بهدف إبرام تعاقدات جديدة على توريد الحديد التركى إلى مصر بعد أن توقفت التعاقدات لحوالى أسبوعين.

وتسود سوق الحديد حالة من الاستقرار وثبات فى أسعار الحديد، وإن كان هناك إقبال متزايد على حديد عز والحديد المستورد لانخفاض أسعارهما للمستهلكين. وقال حمدى الصفطاوى «تاجر» إن ممثلين لـ٧ مصانع حديد تسليح تركى تواجدوا فى القاهرة خلال الفترة الأخيرة لتنشيط الصادرات التركية من الحديد إلى مصر.

وأضاف: «التقيت، أمس، مديرى المبيعات بمصنعى (ايش داش وحبش) وعرضا تصدير الحديد إلى مصر بسعر ٤٨٠ دولاراً تسليم ميناء دمياط».

ويصل ميناء دمياط غداً ٣١ ألف طن حديد تسليح مملوكة لشركة الحرمين للتجارة المملوكة لجمال الجارحى، رئيس مصنع مصر الوطنية للصلب، وتم، أمس، الإفراج عن ١٠ آلاف طن تابعة للشركة نفسها طرحت فى السوق بسعر ٣٣٠٠ جنيه.

[عصام أبوالفتح]

ان شاء الله صاحبنا يغير اسمه لاحمد ضنك عشان يدوق شوية من اللى عيشنا فيه .. ربنا ينتقم منه هو واللى وراه

[محمد عبدالعزيز]

أنا خايف بس من حاجة, الناس دلوقتى محجمة عن الشراء رغم نزول سعر الحديد بنسبة كبيرة أملاً فى نزوله أكثر.

وهذا قد يتسبب فى خسائر للمستوردين فيمتنعوا عن الاستيراد فى المستقبل وبالتالى نعود كما كنا لقمة سائغة لأحمد عز يتحكم فينا زى ماهو عاوز.

سبحان الله, لما كان سعر الحديد 7 و 8 آلاف وب 10 آلاف كمان وماتلاقيش إلا فى السوق السوداء كنا بنتكالب عليه حتى لو مش محتاجينه فى الوقت الحالى خوفاً من زيادة سعره أكثر أو طمعاً فى مكسب من تخزينه وبيعه لما سعره يزيد.

والآن بعد أن أصبح سعره متوافق مع الأسعار العالمية مأجلين الشراء عشان يمكن ينزل أكتر.

طيب كويس إن احنا بنستخدم حقوقنا فى عدم الشراء عشان ننزل السعر أكثر, بس مش فاهم ليه ماكناش بنمتنع عن الشراء والسعر مبالغ فيه جداً, بل بالعكس كنا بنشتريه ونخزنه عشان سعره يزيد أكثر ونكسب أكثر, وطبعاً التجار والمنتجين شبعوا مكاسب من الشعب الغلبان. والشعب الغلبان مش عارف مصلحته مع مين.

ياريت بس ناخد دروس مستفادة من موضوع الحديد والأزمة العالمية عموماً, أول درس إننا نمتنع عن الشراء لما يكون السعر مبالغ فيه وثانى درس مانسمعش كلام حد لما يقول لنا: نزول أسعار مييييييييييييين؟ هو فى أسعار بتنزل فى مصر!

طب أهى الأسعار المبالغ فيها للحديد وسلع تانية كتير نزلت, مين بقى اللى كسبان ومين اللى خسران ياشعب يا غلبان؟

[فيصل رافت]

المشكله هنا ان الناس مش خايفه تبنى عشان احتمال ينزل الحديد اكتر لا الناس خايفه تطلع فلوسها وتستثمرها فى ظل الظروف الاقتصاديه والركود العالمى الا ان هذا ليس بمنطق بل بالعكس صاحب الكاش دلوقتى ملك يقدر يشترى فى ظل الرخص والذى اتوقع انه لايستمر كثيرا والعالم كله ينتظر اوباما وما بدا بالفعل بتنشيطه للاقتصاد الامريكى وبالنتيجه انتعاش الاقتصاد العالمى وبالنتيجه ياتى الغلاء يطرق الابواب من جديد