هيئات مصرية للمنح ، ممكن ألاقي؟

[vision]

السلام عليكم

أنا يا جماعة مريت بتجربة طويلة عشان أدرس بره ، جربت كندا وجربت ألمانيا ، لكن كل حاجة توقفت بسبب الفلوس

المبالغ المطلوبة مني في السفارة أو المعيشة هناك كبيرة جدا ، وعشان كده أنا قررت ألجأ لأي جهة أو هيئة تقدم لي الدعم المالي ، مع العلم إني مش معيد في الجامعة يعني مفيش جامعة ها تصرف عليا

لو حد يعرف أي جهة مصرية أو كندية بتقدم دعم مالي لغرض الدراسة أبقى شاكر جدا

أنا مرة من فترة كبيرة قريت اعلان في الجرنال عن حاجة زي كده ، حد يعرف أي حاجة ؟

[حسام يوسف]

فى جهة جديدة من سنة أو اتنين اسمها القلعة

عاملها مجموعة رجال اعمال مصريين منهم ابن الأستاذ محمد حسنين هيكل

اكتب منح القلعة على جوجل وهتوصلها باذن الله

فية جهات أخرى مانحة بس في بلادها

يعنى ال BP +BRITISH COUNCIL

منح لانجلترا

وفية كمان فورد لامريكا

دور ع النت هتلاقيهم برضة

كل جهة ليها تخصصات معينة بتأيدها وبتساعد فى منحها

يعنى الانجليز مش بيساعدوا التخصصات الطبية أو العلمية

فورد للكل

القلعة للكل

أتمنى أكون أفدتك

وكل سنة وانت طيب

[vision]

ربنا يكرمك ، وانت طيب

بس أنا مش قادر ألاقيلها موقع ، أنا بحاول أدور تاني ، ويا ريت لو لقيت الموقع تبعتهولي

جزاك الله خير

تم تعديل 29 سبتمبر 2008 بواسطة vision

[أحمد سيف]

فيه منحة أنسي ساويرس بس دي في مجال محدد وبشروط عالية

www.amideast.org/offices/egypt/cairo/programs_services/onsi.htm

هناك أيضا منح فورد و فلبرايت ودي أمريكية

www.amideast.org/programs_services/exchange_programs/ifp/cairo/default.htm

www.fulbright-egypt.org/defaultF.asp

وهناك شيفننج ودي بريطانية

www.chevening.com/home/index.html

وهناك منحة الحكومة اليابانية

www.eg.emb-japan.go.jp/e/study/research_students/index.htm

وهناك عشرات الجامعات التي تقدم منح جزئية أو كلية تكون عادة مرتبطة بالتدريس أو البحوث assistantship، وبعضها يكون مقدم من شركات أو مراكز أبحاث وأغلب من يدرسون في الخارج يستفيدون من مثل هذه المنح

أما بعثات الحكومة المصرية فهي قليلة وتكاد تكون مقتصرة على المعيدين والباحثين، ومساهمة القطاع الخاص للأسف محدودة

[ابن الصعيد]

شوف استاذنا علشان تكون علي نور لازم تكون علاماتك اي درجاتك وتقديرك عالي علشان المنح يعني لا يقل عن جيد جدا في الكليات العملية ,اما في المنح للطب فانسي الموضوع لا توجد بعثات للاطباء

هذا للعلم

وربنا معاك

[أحمد سيف]

ممكن بس سعادتك تحكيلنا عن تخصصك وتقديرك وخبراتك ومستوى الدراسة اللي انتا عاوز تكملها علشان نقدر نساعدك أكثر؟؟؟

[vision]

أنا متشكر أوي على اهتمامكم ، وآسف على التأخير في الرد ، أعياد بقى كل سنة وانتو طيبين

أنا مهندس اتصالات واليكترونيكس وتحكم ، شغال في مصر من ساعة ما اتخرجت من 3 سنين ، وتقديري العام جيد جدا ، وكنت من العشر الأوائل بس النصيب ما خلانيش معيد ، وأنا دلوقتي عايز آخد درجة الماجيستير في تخصصي

[حسام يوسف]

اتفضل حضرتك

القلعة

[samehelassad]

الله يكرمك ياحسام.

[vision]

تسلم ايدك يا استاذ حسام

[Mido]

هذا الموقع فيه معلومات مفيدة للدراسة بالخارج و البعثات الحكومية

قطاع الشئون الثقافية و البعثات - جمهورية مصر العربية

http://www.mohe-casm.edu.eg/index.jsp

http://www.mohe-casm.edu.eg/index.jsp