الهجرة لكندا - أو غيرها - دعوة للتفكير بموضوعية

[مصري اسكندراني]

بسم الله الرحمن الرحيم

اخواني واخواتي اعضاء وعضوات المنتدي الكرام

السلام عليكم ورحمة الله وبركاته

انا واحد من المتابعين والمهتمين جدا بموضوع الهجرة الي كندا وشايف ان المنتدي اصبح فعلا بنك للمعلومات حول كيفية الهجرة الي كندا وحكايات الايام الاولي في كندا وكيفية ترتيب الحياة في الايام الاولي في هذا المجتمع الجديد لكني بحب من وقت للتاني اننا نتطرق لفروع جديدة تخص الموضوع المهم دا

يعني قبل كدا فتحت موضوع الشغل الكاجوال او الشغل الغير معتمد علي مؤهل جديد في كندا والحمد لله حاسس اننا استفدنا كتير من خبرات الشباب الي موجودين بالفعل هناك والي مروا بالتجربة دي قبلنا

المرة دي عايزين نتطرق لجزئية ممكن تكون جت في السياق قبل كدة لكن متوقفناش عندها بالنقاش ابد وهي: ماذا بعد العودة من كندا ؟

يعني اكيد مش كل الي حيهاجر لكندا ناوي يقعد هناك للابد

فيه عدد منا ولو بسيط عايز يهاجر بس لفترة مؤقته يحصل فيها علي الجنسية والجواز الكندي وميمنعش ممكن كمان ماستر او دكتوراة في التخصص بتاعة

والسوال دلوقت :

حستفيد ايه بالجنسية والجواز الكندي؟

سمعنا كتير عن ناس رجعوا للخليج للعمل بعد الحصول علي الجواز الكندي املا في تحسن الرواتب بتاعتهم لكونهم كنديين

بس برضوا سمعنا عن ناس كتير تعاقدوا علي وظائف في الخليج بمرتبات كبيرة لكونهم كنديين او جنسيات اجنبية تانية ولكن بمجرد اكتشاف اصولهم العربية اتخفضت مرتباتهم بنسب كبيرة

طيب لو علي فرض ان الشخص الي حيرجع من كندا مش عايز يرجع علي الخليج وعايز يرجع علي مصر وطنه الحبيب طيب حيستفيد ايه ساعتها من كونه كندي؟ هل بس هيا حته انه حيكون حر انه يسافر اي مكان في العالم بدون فيزا ( ما عدا امريكا طبعا ) ؟

طيب ايه مصير الاولاد في الوقت دا وخاصة اذا كانو في مراحل التعليم قبل الجامعي؟

هيل حيكون من السهل اندماج الاولاد في نظام التعليم المصري ولا حيكون البديل ادخال الاولاد للمدارس الكندية في مصر والي اكيد مصروفاتها لا تطاق؟

يا ريت يا جماعة الي عنده رد او خبرة حتي لو كانت خبرة غير شخصيه يفدنا بيها في التوبيك دي ويا ريت تكون الردود فعلا مبنيه علي خبرات مريتوا بيها واو حتي سمعتوا عنها.

[jgeorge]

http://www.egyptiantalks.org/invb/index.ph...=60731&st=0

[محاسب مصرى]

السلام عليكم أخى الحبيب،

موضوع رائع. ياريت تكتبه فى قسم الهجرو إلى كندل حتى تأتينا ردود و نستفيد كلنا

[عادل أبوزيد]

تتفاوت الآراء نحو مشروع الهجرة إلى كندا و العاملين فى الدول العربية ربما يتعرضون لضغوط معنوية و "تسويقية" تزين فكرة الهجرة و تضخم مزاياها ، و ليس فى الأمر خطأ و لكنه يكون غالبا على حساب التفكير الموضوعى.

ما سبق كان إستهلالا لابد منه

قرأت أن أحد الأفاضل هنا قضى سبعة سنوات فى إنتظار قبول طلب الهجرة .. و أكيد له أسبابه و مبرراته و لكن تفكيرى أنا شخصيا أرى أنا فترة طويلة ...

أعتقد أن الحوار حول العودة من كندا يعتبر حوارا صحيا بل أيضا أنصح من يفكر فى الهجرة أن يقوم بعملية تقييم موضوعية لمزايا الهجرة من وجهة نظره.

فكرة الهجرة و بالذات إلى كندا تستحق التعامل معها بجدية و موضوعية.

أرى أن المكان الطبيعى لهذا الموضوع هو "التعليم و العمل" حتى يستفيد منه المصريين فى الداخل و الخارج.