رد على إستفساراتكم السريعة عن الهجرة لكندا

[qenawy]

شوف يا دكتور قناوي ... أنا هحكيلك عن خبرتي في موضوع الاستقاله من الوظيفة الحكومية في مصر ... أنا كنت شغال في الجامعه ولما جيت أطلع على الخليج طلبت أجازه وما وافقوش فقدمت استقاله عدل ... إجراءات الاستقاله خذت أربع شهور لإني رميت الاستقاله وخرجت من البلد من غير ما أتابعها ... الاستقاله في الجامعة لازم مجلس القسم يوافق عليها وبعديها تترفع لمجلس الكلية وبعديها لمجلس الجامعة وبعدين تمشي في سكة الحسابات والإجراءات الروتينية ... وبالمناسبه خرجت من غير تصريح عمل والظابط سألني عليه في المطار وقلت له إني استقلت وما لحقتش أطلعه فخلاني أعدي ... لما نزلت بعديها بسنه تقريبا رحت أغير البطاقه قالوا لي لازم تجيب إخلاء طرف ... إخلاء الطرف ده كان لازم أمضيه من أكثر من 40 جهة (كل الكليات والمكتبات والوحدات الإدارية) ... خليت فرّاش يسعالي فيه واديته 200 جنيه خلصه في أسبوع واحد ... وبعد كده البطاقه والجواز ما أخذوش أسبوع كمان ... آدي كل الحكايه ... أنا مش عارف وزارة الصحة نظامها ايه بس ما أتوقعش يكون أصعب من الجامعة ... لو قفلت معاك خالص طلع فيزا سياحه لأي دوله أو عمره ومن هناك اطلع على كندا طوالي وسيب إجراءات الاستقاله تمشي براحتها وابقى خلصها لما ترجع

استاذ يا ابو احميد

طبعا من حق الاليتس ان يفخر بك

حلول عملية مفيدة عندك حق

خلاص لو ربنا كرم تبقي تذاكر عمرة للسعودية ومنها الي كندا

تم تعديل 27 يوليو 2009 بواسطة qenawy

[moheltohamy]

يا عم الحاج قناوي افندي...

أوّلاً ، إنتا مش مُزيع ، وما ينفعش تكون مُزيع wst::

ثانياً ، برضه مش مقتنع تاخد مني الزبد وتقضي في المصلحة؟! :wub:

يا جدعان الموضوع مش مستاهل... الحياة أبسط من كده بكتير! :rolleyes:

ظابط الجوازات مالوش غير تصريح سفر هياخده وشكراً ، الراجل بيأمّن نفسه وخلاص يا ريّس! باقوللك رحت جنوب أفريقيا بتصريح السفر للسعودية! والمهنة في الباسبور بخلاف الحقيقية أو اللي كاتبها في الكارت اللي بتاخده تكتب فيه بياناتك من على كاونتر خطوط الطيران! أصلي بقيت - إهئ إهئ - مشغل آلات حفر ، وتناكة مني لازمن ولا بُد عن كل بُد كل مرّة تناكة أكتبلُه في المهنة طبيب بشري! ونتخانق ع الحتة دي شوية ، كل مرة! :lol:

ورحت جنوب أفريقيا ، وصباح الدماغ!

والمرة دي وانا جاي البريمة ، طلعت على دبي الأوّل ، وتذكرتي على دبي ، وداخل على ظابط الجوازات بسدري ، وهيّه فيزة السعودية هيّه اللي قدّامه ، ما عندناش غيرها ، وان كان عاجبه! ولمّا سألني ، قلتله هادخل الإمارات بالإقامة بتاعتي في السعودية (مجلس تعاون خليجي وبتاع) ، بغض النظر إن الخطة ما نفعتش ورفضوا يدخّلوني البلد ، وكلّمت الشركة بعتولي تذكرة ع البحرين وكده... عادي يعني يا جدعان!

أما حكاية إنك تاخد إذن من شغلك عشان انتا مستوظف حكومي أد الدنيا... فانتا طلعت قديم قوي يا عم قناوي ، من أيّام الباشكاتب اللي كان بيحُط البتاعة البيضة دي على كم الجاكتة مش عارف ليه!

واحد رايح يشتري خضار م السوق وراجع البيت ، الحكومة هتقوللك لازم تاخد إذن من شغلك؟! قوللهم رايح أشتري طلبات البيت والعيال من كندا ، وراجعين على طول wst::

موافقة جهة العمل دي إنتا مضطر ليها في تصريح العمل حضرتك ، وده بتحتاجه فقط لو تصريح السفر كان مكتوب فيه للعمل. واللي أقدر أقولهولك إن العادي دلوقتي إنك محدّش بيسالك أصلاً عن تصريح العمل كمان! ممكن ييجوا في وقت ما ويكونوا شادّين في المطار على تصريح العمل ، لكن القاعدة هنا إن كلّه في البيس يا مان wst::

وحتى لو سألوك عليه ، قل لهم إنك لسّه ماشي في إجراءاته ، ولسّه الإجراءات ما خلصتش ، وهيدّيلك تعهّد تمضيه إنك المرة اللي جايّه هتخلّصه! الموضوع ده حصل مع أكتر من واحد من زمايلنا هنا في البراريم بتاعت شركتنا.

م الآخر يعني... ما تسمعوا الكلام من سكات وتخلصوا! لازم المقاوحة؟! :lol:

[moheltohamy]

د. تهامي

معلش استفاضة بسيطة في موضوع تصريح السفر للضباط.

هوا في شئون الضباط او في المطار مش بيلاحظوا ان الفيزا هجرة. انا معايا فيزا لامريكا سياحة و كنت بفكر اخد التصريح عليها علشان ميحصلش مشكلة.

كمان لو سافرت وجالي استدعاء الوضع بيبقى ايه لما ارجع خصوصا ان تصريح السياحة ده ٤٥ يوم.

يا عم مينا... ما تصلّي ع النبي أمّال :lol:

بص يا عم الحاج... نجيبهم واحدة واحدة.

تصريح السفر سياحة لـ كندا ، والفيزا هجرة لـ كندا ، مشكلة التنسيق دي بتاعت الجيش ، مش بتاعت الجوازات! والله مانا فاكر حتى إن كان الظابط بتاع الجوازات بيدوّر على الفيزا ولاّ لأ!

والعادي كده يا جدعان... فيزا الهجرة بتاخد عليها تصريح سفر للسياحة! الجيش نظامه كده ، أنا مالي أنا! (قول كده للظابط لو سألك ، وده اللي مش هيحصل أصلاً)

عاوز تكحلها هتعميها يا عم مينا... عاوز تهاجر كندا بفيزة سياحة لأمريكا؟! يابني ركّز... ظابط الجوازات بيقارن تذكرة الطيّارة بتصريح السفر ، ودمتم! يطّمّن إن الجيش عارف انتا رايح فين وجاي منين!

وبالنسبة لحدوتة الاستدعاء... المفروض - الكلاسيك يعني - إنك مسافر تتفسّح وترجع ، لكن لو هتتأخّر برّه ، أي حد من أهلك يروح يبلّغهم في شئون الظبّاط إنك هتتأخّر ، عشان يمدّولك المدة... التفاصيل مش عارفها ، بس ده كلام حضرة الباشنقيب الشرف اللي هناك :rolleyes: يعني م الآخر الموضوع بسيط ، ما يستاهل تخاف منه!

ولو حصل ، ومحدّش سأل ، واتبعتلك استدعاء ، ومحدّش من أهلك سأل في الجيش ولا راح يبلّغهم إنك متواجد بالخارج مثلاً ، هتبقى في نظرهم متخلّف عن الاستدعاء ، ولما ترجع بالسلامة هتلاقي القضاء العسكري مستنّيك :lol:

هتجيبلهم ما يثبت تواجدك خارج مصر وقت الاستدعاء ، وخلص المشوار على كده ، وشكراً :wub:

يا حبيبتي يا مصر

[qenawy]

خلاص يا تهامي قلبك ابيض ريحتني

موضوع تصريح السفر من شئون الضباط بتاع الجيش ده سهل

محسوبك اصله يفهم قوي في الموضو ع البسيط ده

اصلي محسوبك كنت في النقراشي العسكرية وبعدها اخدت اعفاء من الجيش لظروف عائلية

وباسبوري مكتوب فيه غير مطلوب للتجنيد ومختوم وصبا ح الخير

[أحمد سيف]

يا سلام يا أولاد ... دلوقتي الواحد عرف قيمة انه قضى فترة الجيش كعسكري حقير .... كل الموضوع سنه خدمه وتسع سنين احتياط وبعديها تاخذ الختم البيضاوي في جوازك ومحدش يسألك انت رايح فين ولا جاي منين ... هانت كلها سبع شهور والواحد يخلص من قصة تصريح السفر والاستدعاء والحوارات دي

[bunnypo]

انا قدمت يوم 1 نوفبمبر و جالي الابديت يوم 1 ابريل و بعت الورق

كنت عايز اسأل مدام جالي الابديت يبقي كدا انا عديت 67 نقطة صح؟؟

مع اني كنت كاتب الانجليزي 1 هاي و الباقي مودريت و الفرنساوي مفيش

حاجة كمان واحدة بتشتغل في مكتب هجرة قالت ان شهادة الثانوية العامة بتدي درجتان في الفرنساوي

[moheltohamy]

خلاص يا تهامي قلبك ابيض ريحتني

موضوع تصريح السفر من شئون الضباط بتاع الجيش ده سهل

محسوبك اصله يفهم قوي في الموضو ع البسيط ده

اصلي محسوبك كنت في النقراشي العسكرية وبعدها اخدت اعفاء من الجيش لظروف عائلية

وباسبوري مكتوب فيه غير مطلوب للتجنيد ومختوم وصبا ح الخير

وسايبني عمّال أهري في نفسي وافتكر تفاصيل التفاصيل ، وانتا أساساً غير كفء لشرف خدمة الوطن العسكرية؟! :blink:

صباح الفل يا عم قناوي...

يا سلام يا أولاد ... دلوقتي الواحد عرف قيمة انه قضى فترة الجيش كعسكري حقير .... كل الموضوع سنه خدمه وتسع سنين احتياط وبعديها تاخذ الختم البيضاوي في جوازك ومحدش يسألك انت رايح فين ولا جاي منين ... هانت كلها سبع شهور والواحد يخلص من قصة تصريح السفر والاستدعاء والحوارات دي

إلهي يا احمد يا بن سيف يوعدك بفيزة الهجرة لكندا من بكره ، واشوفك ملطوع في عز الشمس في مركز التجنيد وسط العساكر العادة والسيكا ، وحتت صف ظابط عمّال يبهدل فيكو! :blink:

[أحمد سيف]

ماشي يا عم تهامي ... حتى لو ده حصل أهي مره تفوت ولا حد يموت مش تأبيده زي الظباط

تم تعديل 27 يوليو 2009 بواسطة أحمد سيف

[znaty]

انا قدمت يوم 1 نوفبمبر و جالي الابديت يوم 1 ابريل و بعت الورق

كنت عايز اسأل مدام جالي الابديت يبقي كدا انا عديت 67 نقطة صح؟؟

مع اني كنت كاتب الانجليزي 1 هاي و الباقي مودريت و الفرنساوي مفيش

حاجة كمان واحدة بتشتغل في مكتب هجرة قالت ان شهادة الثانوية العامة بتدي درجتان في الفرنساوي

نظام قديم : الابدايت موش معناه 67 نقطة

نظام جديد اللي هو انت :blink: : اه معدي 67 نقطة لان دي شغلانه نوفا سكوتيا اساسا

[MinaAziz]

شكرا يا د. تهامي للرد.

انشالله هاتبع التعليمات بدقة.

ربنا يسهل بس و الميديكال يجي.

[رنا محسن]

الاخوة الافاضل يسعدني ان افتتح هذا الموضوع وذلك رغبة في الافادة قدر الامكان وايضا رغبة تنظيمية وذلك لان الجميع لاحظ كثير من الاخوة الافاضل ذوي الاستفسارات البسيطة او الشخصية يقوموا بفتح موضوع كامل مما يؤدي الي التشتت

ولذلك اتمني من الجميع بان من لديه استفسار علي السريع او شخصي ان يتفضل بايداعه هنا وان شاء الله سيجد الرد خلال 24 ساعة

اتحدث عن نفسي وفي حدود معرفتي وبحثي او ساحاول ان ادله علي الاجابة وطبعا هنا يوجد جهابذة كادوا ان يغلقوا مكاتب محاميي الهجرة :blink:

سيقومون بالرد كل في حدود معرفته وطبعا هذا جهد تطوعي لا نبغي جزاءا ولا شكورا

واتمني ايضا ان يكون فتح الموضوع هذا فاتحة خير لعودة الاحباب واصدقاء منتدي محاورات المصريين

وكل عام وانتم بخير

السلام عليكم ورحمة الله وبركاته

أنا عضوة جديدة فى المنتدى وأرعب فى معرفة المصادر المثالية لمذاكرة Evaluating exam of pharmacy in Canada حيث أنه لدى CPR ولكنه كتاب ضخم جدا فهل يجب مذاكرته كله ؟ رجاء لمن يعرف معلومات توضيحها لى وأكون شاكرة جدا

[znaty]

الاخوة الافاضل يسعدني ان افتتح هذا الموضوع وذلك رغبة في الافادة قدر الامكان وايضا رغبة تنظيمية وذلك لان الجميع لاحظ كثير من الاخوة الافاضل ذوي الاستفسارات البسيطة او الشخصية يقوموا بفتح موضوع كامل مما يؤدي الي التشتت

ولذلك اتمني من الجميع بان من لديه استفسار علي السريع او شخصي ان يتفضل بايداعه هنا وان شاء الله سيجد الرد خلال 24 ساعة

اتحدث عن نفسي وفي حدود معرفتي وبحثي او ساحاول ان ادله علي الاجابة وطبعا هنا يوجد جهابذة كادوا ان يغلقوا مكاتب محاميي الهجرة :blink:

سيقومون بالرد كل في حدود معرفته وطبعا هذا جهد تطوعي لا نبغي جزاءا ولا شكورا

واتمني ايضا ان يكون فتح الموضوع هذا فاتحة خير لعودة الاحباب واصدقاء منتدي محاورات المصريين

وكل عام وانتم بخير

السلام عليكم ورحمة الله وبركاته

أنا عضوة جديدة فى المنتدى وأرعب فى معرفة المصادر المثالية لمذاكرة Evaluating exam of pharmacy in Canada حيث أنه لدى CPR ولكنه كتاب ضخم جدا فهل يجب مذاكرته كله ؟ رجاء لمن يعرف معلومات توضيحها لى وأكون شاكرة جدا

دوري كدة في التوبيك دة :

http://www.egyptiantalks.org/invb/?showtopic=58326

او اسالي دكتورة سوسوراني جايز عندها فكرة

[spiderarch]

يا جماعه انا بعت الملف كيبك فى فبراير 2009

النهارده وصلنى خطاب الانترفيو على الميل فى اكتوبر 2009

انا حاليا بره مصر و راجع اخر اغسطس وعايز ادرس فرنساوى عشان الفرنساوى سئ

فكنت عايز أأجل المقابله لو حد يعرف يساعدنى بجواب تأجيل المقابله بالفرنساوى أكون شاكرا جدا

[خالد المسلم]

السلام عليكم ورحمه الله وبركاته

ده الاوراق المطلوبه بالضبط لعمل تصريح سفر للهجره ده لو كنت جندى:

1-الجواز عليه الفيزه منوره .

2-شهاده الجيش ومعاها نموزج 14 جند.

3-تذكره السفر ولو روحت من غيرها هيروحوك ويقولولك روح طلعها وتعالى .

ودعواتكم لاخوكم ..

[خالد المسلم]

يا جماعه انا بعت الملف كيبك فى فبراير 2009

النهارده وصلنى خطاب الانترفيو على الميل فى اكتوبر 2009

انا حاليا بره مصر و راجع اخر اغسطس وعايز ادرس فرنساوى عشان الفرنساوى سئ

فكنت عايز أأجل المقابله لو حد يعرف يساعدنى بجواب تأجيل المقابله بالفرنساوى أكون شاكرا جدا

السلام عليكم ورحمه الله وبركاته

نفس المشكله اللى انا وقعت فيها

تأجيل المقابله لازم يكون لسبب قهرى تقتنع بيه السفاره فى سوريا

ويكون مدعم بالدليل

والتاجيل يكون لمره واحده بس

انا اجلت المقابله بعقد العمل بتاعى لانى قولتلهم انى مرتبط بعقد عمل ومقدرش احضر المقابله

فاجلولى المقابله بفضل الله تقريبا سته اشهر

نصيحتى :

1-لو هأجل أجل بس بلاش تحايل او اوراق مضروبه

2-انا ندمت لما اجلت انت لسه قدامك وقت ذاكر وخش واتكل على الله

[أحمد سيف]

السلام عليكم ورحمه الله وبركاته

ده الاوراق المطلوبه بالضبط لعمل تصريح سفر للهجره ده لو كنت جندى:

1-الجواز عليه الفيزه منوره .

2-شهاده الجيش ومعاها نموزج 14 جند.

3-تذكره السفر ولو روحت من غيرها هيروحوك ويقولولك روح طلعها وتعالى .

ودعواتكم لاخوكم ..

أنا طلعته أكثر من مره وعمرهم ما طلبوا مني تذكرة السفر ... الظاهر إن في إختلاف بين المناطق العسكريه

مطلوب أيضا ورقه بيتطلعها من مركز التعبئة اللي انت تابع له وبتختمها من مديرية الأمن إنك لست متخلف عن الاستدعاء

[خالد المسلم]

السلام عليكم ورحمه الله وبركاته

ده الاوراق المطلوبه بالضبط لعمل تصريح سفر للهجره ده لو كنت جندى:

1-الجواز عليه الفيزه منوره .

2-شهاده الجيش ومعاها نموزج 14 جند.

3-تذكره السفر ولو روحت من غيرها هيروحوك ويقولولك روح طلعها وتعالى .

ودعواتكم لاخوكم ..

أنا طلعته أكثر من مره وعمرهم ما طلبوا مني تذكرة السفر ... الظاهر إن في إختلاف بين المناطق العسكريه

مطلوب أيضا ورقه بيتطلعها من مركز التعبئة اللي انت تابع له وبتختمها من مديرية الأمن إنك لست متخلف عن الاستدعاء

السلام عليكم ورحمه الله وبركاته

ده اخبار ظازه لسه امبارح ....ده النظام الجديد ..

انا لما سافرت السعوديه 6\2008

كان مطلوب منى الاوراق اللى فوق بالاضافه للتذكره وتصريح العمل

بس الهجره بتعفى من تصريح العمل زى ما قال اخونا دكتور قناوى

وزى ما سألت بنفسى فى مكتب اصدار تصاريح العمل ...

طبعا فيه اوراق تانيه غير اللى فوق بس الاوراق اللى فوق هيه اللى بتاخدها معاك

اما الباقى بتشتريه من هناك ...وبكملهولك العسكرى اللى هناك زى ما قال دكتور احمد سيف

[خالد المسلم]

الاخوة الافاضل يسعدني ان افتتح هذا الموضوع وذلك رغبة في الافادة قدر الامكان وايضا رغبة تنظيمية وذلك لان الجميع لاحظ كثير من الاخوة الافاضل ذوي الاستفسارات البسيطة او الشخصية يقوموا بفتح موضوع كامل مما يؤدي الي التشتت

ولذلك اتمني من الجميع بان من لديه استفسار علي السريع او شخصي ان يتفضل بايداعه هنا وان شاء الله سيجد الرد خلال 24 ساعة

اتحدث عن نفسي وفي حدود معرفتي وبحثي او ساحاول ان ادله علي الاجابة وطبعا هنا يوجد جهابذة كادوا ان يغلقوا مكاتب محاميي الهجرة :unsure:

سيقومون بالرد كل في حدود معرفته وطبعا هذا جهد تطوعي لا نبغي جزاءا ولا شكورا

واتمني ايضا ان يكون فتح الموضوع هذا فاتحة خير لعودة الاحباب واصدقاء منتدي محاورات المصريين

وكل عام وانتم بخير

السلام عليكم ورحمة الله وبركاته

أنا عضوة جديدة فى المنتدى وأرعب فى معرفة المصادر المثالية لمذاكرة Evaluating exam of pharmacy in Canada حيث أنه لدى CPR ولكنه كتاب ضخم جدا فهل يجب مذاكرته كله ؟ رجاء لمن يعرف معلومات توضيحها لى وأكون شاكرة جدا

السلام عليكم ورحمه الله وبركاته

لاطبعا يا دكتور الcomprehensive مش مطلوب كله طبعا الا اجزاء بسيطه منه وان كان مطلوب منه جزء كبير فى الqualifying

اهم حاجه هو مراجعه الامتحانات السابقه لان نسبه كبيره من الامتحانات متكرر

http://www.sayadla.com/vb/showthread.php?t=15090

ادخلى على الرابط ده هتلاقى كل المعلومات اللى انتى بتسالى عنها

[خالد المسلم]

http://www.sayadla.com/vb/showthread.php?t...90&page=188

[laka]

السلام عليكم

والله في واحد صاحبي في ورطة ومش عارف ألاقي له حل فياريت اللي يعرف ينقدنا.صاحبي عمره37 سنة و أعزب.من سنة واحدة خلص دراسة طب أسنان ( 5 سنوات ).ماعندو خبرة لأنه لسة معدلش الشهادة بتاعت ( أصل عندنا في المغرب المعادلة بتاخد 3 سنين و أكثر).

السؤال الاول هو الدبلو م بتاعه يديه كم درجة مع العلم ان معاه شهادة انه مخلص سنتين في الجامعة قسم بيولوجيا وجولوجيا؟؟

السؤال التاني هو مدام مهنته مش موجودة في اللستة أصلا(طبيب أسنان) فايه هي الخبرة اللي ممكن يدور عليها وتكون قريبة من مجاله ومناسبةعشان مش هينفع يجيب خبرة انه مدير مالي مثلا؟؟؟؟؟؟؟؟؟لأني معتقدش الكنادوة أغبياء للدرجة دي

شكرا مقدما وفي انتظار ردكم