رد على إستفساراتكم السريعة عن الهجرة لكندا

[venomattack]

السلام عليكم ورحمة الله وبركاتة

اخى الكريم

سؤالى بالنسبة للهجرة الى كندا

هل دراستى للغة الفرنسية لمده عامان فى الثانوية العامه كافى للحصول على درجتين فى مستوى اللغة الفرنسيه فى عملية الهجرة؟؟؟

ام مطلوب عمل امتحان للغة الفرنسية؟

وشكرا

تم تعديل 6 نوفمبر 2008 بواسطة venomattack

[hamoudi]

السادة الافاضل /رواد المنتدى

لي استفسار سريع وياريت يبقى فيه رد

المحامي بتاعي

حاطط ليا 10 مستويات فرنساوي انا والمدام

كل واحد 10

ولكن انا درست لل5 والمدام الاول فقط

فى حالات مشابهه لينا هو ده المعدل المطلوب

لكن فى ناس كتير قالوا هو سألهم على التضارب بين المستوى المكتوب فى الابليكيشن والمستوى الذى جابوا بيه شهادات

ياريت الافادة لان اصلا الموضوع مالوش حل

اذا فعلا ممكن ده يبقى سبب رفض

لانى مش معقوله اجيب 5 مستويات والمدام 9 فى يوم وليله وكمان انا ماعدش ليا تقل على الفرنساوي

بس المستويات دي كانت جيدة لناس اخريين معهم نفس مؤهلاتنا فرأي حضراتكم ايه ارد بإيه لو سألني

انت ليه كاتب 10 وانت جايب مستوى 5

والمدام ليه كاتبة 10 وهى 1 مستوى بس

[jessika]

مساء الخير استاذ حمودى اوعى تغلط الغلطة دى وتكون كاتب شىء وتدخل الانتر فيو بشىء اخر لان دة حصل الاسبوع اللى فات مع اخو جوزى وكان كاتب المستوى ال8 وهو ماخدش غير ال 5 وزوجتة كاتبة السابع وماخدتش غير ال 2 ورغم انة وراها وصل بانة حاجز وهايكمل دراسة وجاوب على اسئلتها الا انها قالتلة لا كمل دراستك وتعالى فخد بالك وربنا يوفقك

[jessika]

وياريت لو عندك وقت لسة قبل الانترفيو خد الباقى مكثف مفيش وقت اسال المحامى بتاعك قبل ما تدخلها لان الخوف تكون هى نفس الشخصة اللى عملت الانترفيو يوم 30\10 فى القاهرة لكن لو لسة بدرى على معاد مقابلتك ممكن تتغير وممكن التانية تعديلك الموضوع دة لو انت بتتكلم كويس المهم تسال المحامى وتتاكد الاول او تاجل معاد مقابلتك افضل من لما تروح على الفاضى

[hamoudi]

وياريت لو عندك وقت لسة قبل الانترفيو خد الباقى مكثف مفيش وقت اسال المحامى بتاعك قبل ما تدخلها لان الخوف تكون هى نفس الشخصة اللى عملت الانترفيو يوم 30\10 فى القاهرة لكن لو لسة بدرى على معاد مقابلتك ممكن تتغير وممكن التانية تعديلك الموضوع دة لو انت بتتكلم كويس المهم تسال المحامى وتتاكد الاول او تاجل معاد مقابلتك افضل من لما تروح على الفاضى

سبق السيف العزل ده الى انا كاتبه فى الابليكيشن

والمقابله قربت

انا مستوى 5 وهما طالبين خامس بس المحامي بتاعي كاتب عاشر

مراتي مستوى اول وهمكن تعدي بس المحامي بتاعي كاتب 10 برده لها فى الابليكيشن

المقابله بتاعتى فى سوريا يعني موت وخراب ديار

[jessika]

بس متقلقش وان شاء اللة خير ممكن ظروف سوريا غير هنا وعلى فكرة صابرينا اللى امتحنت قبل كدة عدت ناس عادى هى الممتحنة الاخيرة بتاعتك القاهرة هى اللى غلسة المهم تكون بتتكلم كويس جدا اتدرب مع مدرس خاص وان شاء اللة خير ويمكن يعملوا اعتبار لسفركم وتعبكم متخفش ربنا مش هايضيع تعبكم ولو تعرف تاخد المستوى السادس مكثف يبقى كويس سمعت انة ميكنش اقل من السادس وزوجتك تاخد مستوى كمان

[flying tiger]

السلام عليكم يا كنديين المستقبل

هوه مفيش اخبار عن الوظائف المطلوبه للهجره فيدرالى والوقت المحدد سنه او اتنين او.....

يا ريت يا جماعه اللى يعرف اغى حاجهعن الموضوع ده ينشرها

وربنا مع الجميع

[jessika]

مساء الخير استاذ نصار شيفاك بتتجول ولا مساء ولا صباح ياترى مسمعتش عن المحامى شريف اديب؟ والمحامى عصام؟ومين فيهم الكويس

[Nassarlink]

السلام عليكم ورحمة الله وبركاتة

اخى الكريم

سؤالى بالنسبة للهجرة الى كندا

هل دراستى للغة الفرنسية لمده عامان فى الثانوية العامه كافى للحصول على درجتين فى مستوى اللغة الفرنسيه فى عملية الهجرة؟؟؟

ام مطلوب عمل امتحان للغة الفرنسية؟

وشكرا

بعد اذنك د قناوي ارد انا

لا طبعا مش كفايه

هو انت اتعلمت فرنساوي في الثانوي

المطلوب منك تكون تعرف تتكلم كويس وده مش هيكون الا بوصولك للمستوي السادس في المركز الثقافي الفرنسي

علي الاقل

وان كنت انا شخصيا افضل التاسع

علشان في المركز ممكن تنجح في السادس وتكون برده لسه مبتعرفش تتكلم فرنساوي كويس

فلاضمن انك توصل لحد التاسع

وده رايي الشخصي بناء علي تجربه التدريس في المراكز

[jessika]

بس دلوقتى يا استاذ نصار بيقولوا ممكن الانترفيو لكيبك ييجى بعد 6 او 8 شهور ازاى نلحق ناخد للتاسع حتى لو مكثف؟ وهل لو كتبنا السادس موقفنا قدام السفارة ميبقاش قوى؟ على اعتبار ان زوجى كليتة اصلا قسم فرنساوى بس هو طبعا ناسى كل شىء وشكرا

[Nassarlink]

مساء الخير استاذ نصار شيفاك بتتجول ولا مساء ولا صباح ياترى مسمعتش عن المحامى شريف اديب؟ والمحامى عصام؟ومين فيهم الكويس

يا ستي مساء الخير ومساء الاسئله الكتير

بالامانه لا انا مسمعتش عنهم

وبعدين انا في المنصوره معرفش حد كتير من اصحاب المكاتب

ثم احنا مش اتفقنا يلاش مكاتب ولا محاميين ولا كذا كذا علي راي حبيبي حمودي

شوفي راي حمودي ايه بس بلاش تساليه دلوقتي احسن ممكن اليومين دول ممكن يطلع علي شاشاه المنتدي شخصيا ويضربني

[jessika]

بس دلوقتى يا استاذ نصار بيقولوا ممكن الانترفيو لكيبك ييجى بعد 6 او 8 شهور ازاى نلحق ناخد للتاسع حتى لو مكثف؟ وهل لو كتبنا السادس موقفنا قدام السفارة ميبقاش قوى؟ على اعتبار ان زوجى كليتة اصلا قسم فرنساوى بس هو طبعا ناسى كل شىء وشكرا مقرتش الرسالة دى يعنى قريت اللى قبلها بس وترجع تتهمنى انى بسال كتير :happy: :unsure:

[Nassarlink]

بس دلوقتى يا استاذ نصار بيقولوا ممكن الانترفيو لكيبك ييجى بعد 6 او 8 شهور ازاى نلحق ناخد للتاسع حتى لو مكثف؟ وهل لو كتبنا السادس موقفنا قدام السفارة ميبقاش قوى؟ على اعتبار ان زوجى كليتة اصلا قسم فرنساوى بس هو طبعا ناسى كل شىء وشكرا

المستوي ثلاث مرات في الاسبوع بياخد شهر ونص قولي شهرين

وبعدين ممكن زوجك يعمل امتحان تحديد مستوي مش معقول مدرس فرنساوي مش هيعرف ينجح ويدخل الرابع علطول

ولا بقي هو كان اداب فرنساوي قسم لغات شرقيه

ثم انه لازم يبدا ياخد من دلوقتي

علي ما يتبعتله جواب فتح الملف يفوت شهرين ثلاثه

وعلي ما يتبعت تحديد المقابله يكون يكون وصل الثامن

وربنا معاكوا

وبعدين انت قفلتي استقبال البريد الخاص طبعا بطريق الخطء انا عارفك بس في كلام كتير مش عاوزينه يتكرر في المنتدي كتير

[jessika]

كلام اية اللى مش يتكرر خير؟ وانا مقفلتش حاجة

[مجبورة انشاء الله]

السلام عليكم

جننتينا يا جسكى :happy: يابيتى احنا اتفقنا على ايه اهدى

وخدى الفرنساوى من الان فى المركز مع مدرس بس يكون العزم جامد وربنا معاكى

[jessika]

مجبورة ان شاء اللة حبيبتى نورتى حاضر هاهدى وربنا يستر بقى لو سمعتة عن مركز اكسون بتاع الفرنساوى قليلى علشان اخد فى كم مستوى الاول قبل المركز الثقافى

[مجبورة انشاء الله]

:happy: ازى انتى المنورة

قصدك معهد اللغات بتاع القوات المسلحة :unsure:

[qenawy]

نداء، إلى كل المسافرين العرب: انتبهوا، فقد بدء تنفيذ اتفاقية سرية في مطارات العالم!

يبدو أن بنود اتفاقية سرية قد دخلت حيز التنفيذ في مطارات العالم، وهي تشمل البحث عن ملفات الموسيقى والفيديو والبرامج المقرصنة. فقد لوحظ تعرض المسافرين في عدة مطارات في كل من كندا وأستراليا ودول أخرى إلى عمليات تفتيش لأجهزتهم الإلكترونية سواء كانت قرص فلاش أو أي جهاز تخزين أو كمبيوتر محمول أو مشغلات إم بي ثري وغيرها من أجهزة بحثا عن ملفات مقرصنة أو برامج غير شرعية. تعد هذه الاتفاقية السرية نتيجة لاجتماعات الدول التي تعرف باسم الثمانية الكبار في

اتفاقية التجارة المقلدة Anti Counterfeiting Trade Agreement

للمزيد من التفاصيل يمكن زيارة الموقع:

http://enwikipedia.org/wiki/Anti-Counterfe...Trade_Agreement

تنص الاتفاقية على تشديد عقوبات قرصنة البرامج والموسيقى والفيديو وحقوق الملكية الفكرية، ويجري تشديد تطبيق بنود الاتفاقية من خلال عقوبات السجن والغرامات الكبيرة لمرتكبي هذه المخالفات. يأتي ذلك عقب تسلم عملاء الإف بي آي صلاحيات مصادرة أي جهاز إلكتروني أو كمبيوتر محمول لمدة غير محددة ودون الحاجة لأي مبررات أو وجود أي شبهات. تمت المصادقة على تلك الاتفاقية السرية من قبل كل من دول الاتحاد الأوروبي واليابان وسويسرا ونيو زيلندا والمكسيك وكوريا الجنوبية وقد تبدأ هذه الدول بتطبيقها في أي وقت.

منقووووووووووووووول

للاخ اللي بيسال عن تفتيش اللاب توب وما شابه خللي بالك ولكن ما اظنش ان الموضوع زي كده اكيد مبالغ فيه لكن عموما خد بالك

[مجبورة انشاء الله]

مساء الخير دكتور قناوى

انا سمعت عن الموضوع ده

بس مش عارفة مدى صحت الكلام ده

لو حصل كدة يعنى كل المسافرين مش ح يخده الاجهازة الخاصة بيهم

واظن الى ها ياخد اجهزاتهم هوم الذين يحملون جنسيات غير عربية

[hamoudi]

السادة الافاضل /رواد المنتدى

لي استفسار سريع وياريت يبقى فيه رد

المحامي بتاعي

حاطط ليا 10 مستويات فرنساوي انا والمدام

كل واحد 10

ولكن انا درست لل5 والمدام الاول فقط

فى حالات مشابهه لينا هو ده المعدل المطلوب

لكن فى ناس كتير قالوا هو سألهم على التضارب بين المستوى المكتوب فى الابليكيشن والمستوى الذى جابوا بيه شهادات

ياريت الافادة لان اصلا الموضوع مالوش حل

اذا فعلا ممكن ده يبقى سبب رفض

لانى مش معقوله اجيب 5 مستويات والمدام 9 فى يوم وليله وكمان انا ماعدش ليا تقل على الفرنساوي

بس المستويات دي كانت جيدة لناس اخريين معهم نفس مؤهلاتنا فرأي حضراتكم ايه ارد بإيه لو سألني

انت ليه كاتب 10 وانت جايب مستوى 5

والمدام ليه كاتبة 10 وهى 1 مستوى بس

مافيش اقتراحات او اراء تانيه يجماعه؟؟ّّ

عموما نشكر كل من ساهم