رد على إستفساراتكم السريعة عن الهجرة لكندا

[moheltohamy]

سؤال : هل للفرد حد اقصى لعدد الجنسيات ؟

ابنى امريكى الجنسية (مولود فى امريكا)

ومصرى الجنسية (الابوين مصريين)

هل يصح ان يكون معه جنسية ثالثة (كندية)؟ ام عليه التنازل عن واحدة لبصبح لدية جنسيتان فقط ؟

لا يوجد حد اقصي للجنسيات اختي الفاضلة

يا سلاااام... عارف يا قناوي أكتر حاجة بتعجبني فيك إيه؟! عندك ثقة مش عندي أنا نفسي :lol:

لو تضيف كلمة أعتقد يبقى لوز أوي...

أنا بقى أعتقد... مش فاكر كانت أمريكا ولاّ كندا اللي بتسمح بازدواج الجنسية ولا تسمح بتعددها (مش هاعرف أجيب لك اللينك دلوقتي الصراحة). كده ولاّ كده إبنك الاتنين لاطشين فيه! يعني هييجي في يوم حصوله ع الكندية ، وهيجيبوله كرسي وكوبايت شاي وشيشة ، ويقولوله مخمخ سعادتك كده ونقي زلطة م التلاتة نرميها بره!

لو أنا مكانه... أعتقد أنا عارف هارمي أنهي واحدة فيهم wst::

عندى سؤال يا جماعة ومحتارة جدا فيه

انا لما اجى أأجر شقة فى كندا لمدة سنة للا ستقرار بيطلبوا حاجتين مهمين : عقد عمل و ضامن

طيب انا لو مش عندى حد أعرفه يبقى مفيش ضامن و عقد العمل حاجيبه منين و انا لسه جاية جديد هى البيضة الاول ولا الفرخة

سؤالى هل هذه الشروط منطبقة على كل البيوت هناك ولا ممكن الحيا ة تمشى لو عملت حساب بالبنك و وريته لهم انى ممكن ادفع شهريا المبلغ اللى همه عايزينه------لانى سمعت انه لو ما فيش الشرطين دول لازم ادفع الست شهور الاولى مقدما

يللا يا أهل الخبرة أفيدونى أفادكم الله

أعتقد الفرخة سعادتك :sad: ده طبعاً لو سلمنا فرضاً بوجود الديك smk:

كل الموضوع إن اللاند لورد محتاج يطمّن إنكم هتعرفوا تدفعوا الإيجار ، ومش هتعيشوا سنكحة.

يعني م الآخر الموضوع ارتياح وتقدير شخصي.

وعلى ما أذكر كنتي قلتي إن زوجك هيرجع تاني على الشغل في السعودية... نفس العيشة المرة بتاعتي ، والمرمطة بين الدول! :blink:

المهم ، قبل ما تسافروا ياخد معاه آخر Paycheck roll من شغله الحالي ، ويقول لهم إنه راجع تاني ، وهيسيبك انتي والأولاد. ده اللي عملته أنا مع بداياتي في كندا. كل الموضوع إني عملت العقد بإسمي وإسم هند ، وإديتهم نسخة من آخر Payroll ، وظاهر فيها إن المرتب يغطي الإيجار ويزيد ، وقلتلهم إني شغال أوفرسيز ، وإني هافضل كده على طول ، شهر شغل وشهر أجازة ما بين السعودية وكندا. أفتكر حتى ما احتجتش أدخل الواد ديبو كضامن في الليلة دي.

بس سيبك من حكاية دفع الـ 6 شهور دي! ولو احتجتي ضامن يا فندم... عنينا...

بس هوّه حتت شيك صغيّر كده على بياض... وعنينا ليكي wst::

شكرا يا استاذ زناتي علي الرد اللي مافيهوش تأخير ولا حاجة وانما ما شاء الله جاء في اقل من 24 ساعة تسلم عيونك طيب انا دلوقتي معايا ليسانس اداب قسم لغة عربية وبكالوريوس تمريض وعرفت اني هاخد13 يا تري فيه نقط تانية ممكن اخدها لاني سمعت ان التمريض بيزيد بسم الله ماشاء الله خمس نقط فهل هذا صحيح اهو الواحد يحاول يعوض الاربع نقط اللي ضايعين وماكنش له يد في ضياعهم الله يسامح اللي كان السبب

العفو يا فندم اي خدمة

تعبت جدا علبال ماجبتلك الرابط

يا مدام منال اللي رد على حضرتك استاذي وصاحب التوبيك دكتور قناوي ...انا بلاطة فرز اول في كيبيك سعادتك

اكيد د تهامي بيضحك دلوقتي صحيح الصيت ولا الغني :lol:

إنتا يابني خلاص عدّيت... أعتقد لو فتحت مكتب ، الناس هتجيلك تقدّم تبعك ، رغم إنك بتجاوب هنا ببلاش ، بس الشغل اللي بفلوس أكيد هتتوصى :lol:

تعرف اللي فاقعني إيه يا زناتي ياخويا؟ العيال الخونة بتوع كيبيك دول هاريين المنتدى سلامات وتحيات وبتاع... ومحدّش منهم بيخش ينفـّعنا بتلاتة أبيض هنا ، رغم إن التوبيك ده بيفيد الكل! md2:

وبالنسبة لمدام منال... ما تفكّري في سكة الفيدرال ، ولاّ خبرتك مش موجودة في لستة الوظائف المطلوبة؟

نيجي بقى لمدام تهاني منير...

هوه فيه إيه يا جدعان؟ إنتو بتدوّروا ع المشاكل فين ، وتستنوها؟! :blink:

حضرتك كنتي شغالة مع زوجك. إيه المشكلة؟! مش المفروض فيه عقد ، وهيدّيلك شهادة خبرة مختومة من التأمينات؟!

مالهم همه بقى في السفارة إن كنتي بتشتغلي بالفعل ، ولاّ معيّنك عشان انتي المدام ومحتاجك تونسيه ، ولاّ بتروحي تقمّعي البامية في الشركة الملاّكي حتى! كل واحد حر في شركته!

طب ما هو فيه مطاعم بتلاقي الأسرة بالكامل بتشتغل وتطبخ في المطعم ، وبيعتبر تراث عائلي!

وبالنسبة للغة ، فأنا من رأي زناتي وقناوي... أدخلي الآيلتس قبل ما تقدّمي ورقك ، عشان تعرفي إنتي فين من النقاط.

[farah hany]

ألف مليون شكر يا دكتور تهامى على اهتمامك و ردك --- خلاص ربنا يسهل و الحكاية تمشى كده من غير شيكات على بياض wst::

أحسن العملية مش ناقصة!!! :lol: :sad:

ربنا يبارك لك يا رب وجزاك الله خير

[M.ESSAM]

السلام عليكم

أنا شايف إن الكلام بقى كتير عن شهادة التامينات اللى بتبقى مع شهادة الخبرة سواء فى الهجرة لكيبيك او فيدرال مع ان فى الاول فى كتير كانوا بيقولوا ان شهادة التامينات مش مهمة

فيا ريت اى حد من اهل الخبرة اللى عدى المرحلة دى او عنده معلومة يفيدنا و يقولنا لازم شهادة التامينات و لا مش لازم ...طيب لو لازم يبقى اللى مش معاه الشهادة دى و مش هيقدر يطلعها يبقى كدة خلاص موضوع الهجرة مش هينفع و لا إيه

شكرا جزيلا

محمد عصام

[Morial]

بالنسبة لشهادة التأمينات انا سمعت من وكيل الهجرة اللي ماشيلي في الموضوع انها يجب ان ترفق بالملف ان وجدت معني هذا انا في حالةاذا لم توجد مش مشكلة واجتهادي الشخصي ان التأمينات لوموجودة فلن يضطروا للسؤال في مكان عملك اما لو مش موجودة فأنت وبختك يا يسألوا يا ميسألوش والله اعلم

[znaty]

السلام عليكم

أنا شايف إن الكلام بقى كتير عن شهادة التامينات اللى بتبقى مع شهادة الخبرة سواء فى الهجرة لكيبيك او فيدرال مع ان فى الاول فى كتير كانوا بيقولوا ان شهادة التامينات مش مهمة

فيا ريت اى حد من اهل الخبرة اللى عدى المرحلة دى او عنده معلومة يفيدنا و يقولنا لازم شهادة التامينات و لا مش لازم ...طيب لو لازم يبقى اللى مش معاه الشهادة دى و مش هيقدر يطلعها يبقى كدة خلاص موضوع الهجرة مش هينفع و لا إيه

شكرا جزيلا

محمد عصام

عزيزي عصام

بالنسبة لكيبيك انا سمعت انها مهمة بس موش اساسية والعهدة على الراوي

على الاقل بتغني عن انهم يسالوا عنك

اما الفيدرال

اؤكدلك مليون في المية لا وجود لشهادات التامين

ماعرفش ولا واحد من اصحابي اللي سافروا او خدوا التاشيرة قدم الشهادات دي

عندك قدمها

ماعندكش شيل الموضوع من دماغك

اقرا المطلوب كويس وماتصعبش الدنيا على نفسك

[qenawy]

يا سلاااام... عارف يا قناوي أكتر حاجة بتعجبني فيك إيه؟! عندك ثقة مش عندي أنا نفسي

لو تضيف كلمة أعتقد يبقى لوز أوي...

انا لا اعتقد

اليك الرابط يمكن الحصول علي عدة جنسيات

http://www.cic.gc.ca/english/resources/pub...citizenship.asp

[znaty]

يا سلاااام... عارف يا قناوي أكتر حاجة بتعجبني فيك إيه؟! عندك ثقة مش عندي أنا نفسي

لو تضيف كلمة أعتقد يبقى لوز أوي...

انا لا اعتقد

اليك الرابط يمكن الحصول علي عدة جنسيات

http://www.cic.gc.ca/english/resources/pub...citizenship.asp

كاني سامع عادل امام وهو بيقول : انا لااا اعتقد :rolleyes:

انا متهيالي تحط رسوم دخول على الموضوعات الفيدرال للكيبيكوا يا د تهامي

او بلغ عنهم انهم جماعة محظورة ويقفشوهم في الشوارع :blush2:

[qenawy]

اي والله يا زناتي

بس احب احذرك انا اعرف كام واحد كيبكواه

طول في عرض يعني ممكن يطيرك بجنزير

[znaty]

اي والله يا زناتي

بس احب احذرك انا اعرف كام واحد كيبكواه

طول في عرض يعني ممكن يطيرك بجنزير

والله اخوك موش سهل برده

بس طالما فيها جنازير

يبقي متهيالي كل حاجة ممكن تتحل بالمفاوضات :rolleyes:

[Nassarlink]

الاخوة الافاضل ارجو ممن علي دراية منكم بخباياالامورفي الموضوع المشهور الهجرة الي كيبك ان يجيب سؤالي الحائروالذي ليس لي غيره شاغل فأنا الان في السادسة والثلاثين فهل يؤدي هذا الي النقص في نقاطي حبتين ارجو ان تدلوني فوالله لقد جفا النوم عيوني حزنا وكمدا علي نقاط قدتضيع فأغيثوني رفقا بحالي برد سريع

اختنا الفاضله منال شوقي

ارجو انت تعذريني لاني مشوفتش سؤالك لانشغالي اليومين الي فاتوا

والشكر الجزيل للدكتور قناوي و زناتي انهم قاموا بالواجب واكتر

بس انا لي طلب منك بنقل الحديث عن حالتك في موضوع كيف تهاجر الي كيبك بدون محامي (نسخة 2009)

علشان ميحصلش تشتيت للمعلومات

وان شاء الله نجاوبك علي كل استفساراتك

والموضوع في الرابط ده

http://www.egyptiantalks.org/invb/?showtop...0870&st=180

وشكرا لتعاونك

نصّار

[moheltohamy]

يا سلاااام... عارف يا قناوي أكتر حاجة بتعجبني فيك إيه؟! عندك ثقة مش عندي أنا نفسي

لو تضيف كلمة أعتقد يبقى لوز أوي...

انا لا اعتقد

اليك الرابط يمكن الحصول علي عدة جنسيات

http://www.cic.gc.ca/english/resources/pub...citizenship.asp

أفتكر إني قلت أعتقد...

وقلت يا كندا يا أمريكا... لو تكمّل جميلك بقى يا ريّس... وتجيبلنا الرأي الأمريكي في الـ Multiple nationalities قبل ما تقوللي (أنا لا أعتقد) :rolleyes:

[M.ESSAM]

شكرا لحضرتك يا استاذة منال على ردك... و شكرا يا بشمهندس زناتى على الاجابة الوافيه دى بس فعلا الظاهر انى بصعب الامور على نفسى بس بحاول اعمل اللى عليا و اسيب الباقى على ربنا..... ربنا يصبرنا على المشوار الطويل دة و نوصل لاخرة بسلام و احنا محققين اللى احنا عايزينه.....امين

محمد عصام

[elmadysm]

السؤال الثانى على التوالى بدون اجابه

بنتى عمرها 7 سنوات وهى فى الصف الاول الابتدائى هذا العام

ماهى الاوراق المطلوبه منها للالتحاق بنفس الصف بالابتدائى فى كندا

[qenawy]

السؤال الثانى على التوالى بدون اجابه

بنتى عمرها 7 سنوات وهى فى الصف الاول الابتدائى هذا العام

ماهى الاوراق المطلوبه منها للالتحاق بنفس الصف بالابتدائى فى كندا

ايه السؤال الاولاني انا رديت من صفحتين علي حضرتك دوري بس

موضوع المدرسة مش مطلوب حاجة خالص

هما بيضعوهم في صف يتناسب مع عمرهم لفترة مؤقتة ومن ثم يتم امتحانهم لتسكينهم في مستواهم او اعلي

هذا علي حد علمي

بس قريت برضه امه ممكن يطلبوا شهادة قيد يعني تشهد مدرسة كذا ان الطالب كذا مقيد في الصف كذا

(د الشامي وسوسو راني كتبوا عن المدارس دوري معايا شوية)

[somayasaleh]

ارسل لكم تحياتى من القاهرة ............انا متابع جيد لجميع موضيعكم المنشورة بالفعل لقد قمت بقرائتها كلها

احب ان استشيركم فى شىء انا الحمدلله و لله الحمد انهينا انا و العائلة الكشف الطبى و السفارة طلبت الباسبورات من حوالى 12 يوم

سؤالى كم من الوقت الباقى لاستلام الباسبورات ؟

و هل يستحسن ان اسافر فور استلامهم؟ ليس لدى ارتباطات هنا سوى مدرسة يوسف 9سنوات علما انا ذاهب الى كيبك و ليس تورونتو ارجو افادتى و شكرا جزيل

استلم يا دكتور قناوي.......

زبون لاقيته تايه في توبك د ،هشام.......

بس ما تنساش عمولتي؟؟؟؟؟؟

[farah hany]

السلام عليكم يا جماعة الخير

فيه نظام اتصالات خطير و رائع يا رب تكونوا مش عارفينه عشان ارد و لو تفتوفة أو سنتوفة من جميل هذا المنتدى الرائع .

تعرفوا نظام poivy ??? بتدخلوا ع موقع www.poivy.comوبعدين بتحملوا نظام poivy من على هذا الموقع و تدفعوا 50 ريال مثلا (كل واحد حسب العملة المحلية للبلد اللى هو فيها) عن طريق الفيزا ----طيب ايه اللى بيحصل بعد كده --- هاتى من الاخر بقى يا فرح.

أوكى---- ممكن تكلموا أى خط أرضى أو موبايل فى كندا و أمريكا و دول أجنبية كتير ببلاش لمدة 3 شهور عن طريق الكمبيوتر و الصوت بيبقى واضح و رائع.

طيب و الخمسين ريال اللى دفعناها حنعمل بيها ايه؟؟؟ wst:: تقدروا تكلموا بيها مصر أو أى بلد عربى تانيه خط أرضى أو موبايل --- تخيلوا ان ممكن تكلم مصر الدقيقة بنصف ريال تقريبامثلا لو انت فى السعودية زائد المكالمات الفريي بتاعة الدول الاجنبية.

أنا جربت هذا النظام ووجدته رائع و موفر جدا جدا و خصوصا لو لك حد فى كندا أو بتدور ع شغل أو سكن فى كندا و انت برة كندا فى أى دولة عربية.

بليييز لو جربتوا هذا النظام و عجبكم ان شاء الله أرجو الدعاءءءءءءءءء لى لانى محتاجاه قوى اليومين دول ان ربنا ييسر و لا يعسر و يسهل الاحوال يا رب لنا جميعاااااااااااا قولوا اميييييييييييييييين

[elmadysm]

السؤال الثانى على التوالى بدون اجابه

بنتى عمرها 7 سنوات وهى فى الصف الاول الابتدائى هذا العام

ماهى الاوراق المطلوبه منها للالتحاق بنفس الصف بالابتدائى فى كندا

ايه السؤال الاولاني انا رديت من صفحتين علي حضرتك دوري بس

موضوع المدرسة مش مطلوب حاجة خالص

هما بيضعوهم في صف يتناسب مع عمرهم لفترة مؤقتة ومن ثم يتم امتحانهم لتسكينهم في مستواهم او اعلي

هذا علي حد علمي

بس قريت برضه امه ممكن يطلبوا شهادة قيد يعني تشهد مدرسة كذا ان الطالب كذا مقيد في الصف كذا

(د الشامي وسوسو راني كتبوا عن المدارس دوري معايا شوية)

الف شكر يا دكتور قناوى

شوية اسئله على السريع لو تسمح

1-لو جاءت الفيزا خلال اكتوبر اسافر دلوقتى ولا انتظر لبعد انتهاء فصل الشتاء مع العلم ان بنتى فى سنة اولى 7 سنين ؟

2-هل اشترى دولار امريكى ولا دولار كندى من هنا و منين افضل سعر؟

3-عرفت اننى لا يمكنى العمل الا بعد الsin كارت .هل دا بينطبق على العمل الرسمى فقط دون الكاجوال ولا كله؟

4-هل المناسب ابحث عن حجرتين لاسرة من 4 افراد(زوجين وطفلين 7 و 3 سنوات)و لا ممكن حجرة علشان ارخص شوية على الاقل فى الاول ؟

خايفة جدا من التجربة لان معنديش اقارب فى كندا و لا اصدقاء لذلك ابحث عن مكان يكون هادى ورخيص ويعدى بينا ال3 سنين على خير يادوب الولاد يتعلمو و احنا نعيش مفيش تفكير اطلاقا فى تحويش فلوس كل طموحنا نسيب لاولادنا البنت و الولد مستقبل تعليمى كويس و هما يكملو نفسهم زى ما اتربينا

5-تفتكر ماهى المقاطعة او المدينة التى تحقق هذه المعادله؟

و الف شكر مقدما

تم تعديل 7 أكتوبر 2009 بواسطة elmadysm

[عبير يونس]

انا في غاية الامتنان لك يااختي مصرية متغربة علي اهتمامك بالرد علي سؤالي وهو كام نقطة يخسرها المتقدم للهجرة الي كيبيك اذا تعدي سنه ال35 وكلامك في الحقيقة مطمئن جدا يعني نقطتين عن السنة مش مشكلة وذي ما تفضلتي وقلتي كله في الاخر بتوفيق المولي عز وجل لكن وضعي عشرة خطوط تحت لكن هذة انا مع الاسف الشديد قيل لي انهم كانوا فعلا نقطتين عن السنة ولكنهم الان اربعة عن كل سنة فوق الخامسة والثلاثين واقتراحك بأن اعوض هذة النقط عن طريق مؤهل الزوج مع الاسف لا استطيع تطبيقه لاني مطلقة لكن عندي ابن واحد ربنا يخليهولي قولي امين شكرا مرة اخري علي اهتمامك واتمني ان يتكرم العلامة الاستاذ زناتي ويدلي بالقول الفصل في هذة المسألة

يا حبيبتي ربنا يخليهولك يارب و يبارك لك فيه و تشوفيه أحسن الناس

بأدعيلك ربنا يوفقك من كل قلبي

أكثري من الدعاء و الاستغفار و الاستخارة

ربنا يكتب لك الخير

آمين

[Morial]

السلام عليكم يا جماعة الخير

فيه نظام اتصالات خطير و رائع يا رب تكونوا مش عارفينه عشان ارد و لو تفتوفة أو سنتوفة من جميل هذا المنتدى الرائع .

تعرفوا نظام poivy ??? بتدخلوا ع موقع www.poivy.comوبعدين بتحملوا نظام poivy شكرا جزيلا يافرح وواضح انك انسانة خدومة وحبوبة ويارب كل امانيكي واحلامك تصبح حقيقة انت واعضاء وزوار هذا المنتدي والذي يتسم كل اعضاءه بالتعاون والشهامة وتسود المحبة بينهم علي الرغم من عدم معرفتهم بعضهم بعض شخصيا

[Mido]

عاوز اشكركم على المجهود الرائع فى باب كندا و انا متابع من زمان لاغلب المواضيع

انا عندى استفسار و متأكد انى هلاقى الرد عندكم

انا كنت عاوز اعمل لاندينج و ارجع مصر و بعدين ارجع كندا تانى فى الصيف القادم للاستقرار

فهل ممكن اسافر لمدة عشر ايام لعمل اللندينج و كارت البى ار و اخلى حد من اصحابى اللى عايشيين فى كندا يستلم كارت البى ار بتاعى بعد ما ارجع مصر ولا لازم افضل موجود فى كندا لاستلام البى ار بنفسى؟