رد على إستفساراتكم السريعة عن الهجرة لكندا

[memma]

السلام عليكم .....الصور المطلوبة بالمواصفات الغريبة دى ....اتصورها ازاى وفين....لو حد يعرف مكان محدد فى القاهرة ياريت يقوللى....ولكم جزيل الشكر

[ramyfathalla]

أين الدكتور قناوى أنت فين يا قائدنا ؟؟؟؟؟؟ والله المنتدى وحش من غيرك .....

[memma]

أين الدكتور قناوى أنت فين يا قائدنا ؟؟؟؟؟؟ والله المنتدى وحش من غيرك .....

هو ده السؤال اللى بيفرض نفسه ....يابو رامى شكلو كده الفيزا جاتلو وميت من الفرحه واعصابه بايظة وعشان كده مش قادر يكتب على الكيبورد......ماشى يا جناوى اول عمشوفك عطخ عيارين فى الهوا وبعدين عطخك من الفرحة ياخوى bv:- bv:- angl:: bv:- wst:: wst:: wst::

[ramyfathalla]

أنا عرفت الدكتور قناوى فين؟؟؟؟؟؟؟

هو فى مصر طبعا بس ليه مش بيدخل المنتدى ؟؟؟؟؟؟

ده ممكن لعدة أسباب ...........

يمكن النت قاطع عنده ؟؟؟؟؟؟

يمكن الكمبيتر بتاعه عطلان؟؟؟؟؟

يمكن زهق مننا و من وجع الدماغ بتاعنا؟؟؟؟؟

يمكن الماتش بتاع مصر و الجزائر شغله شوية؟؟؟؟؟؟

و يمكن يكون زعلان و ده اللى أنا بأرجحه لأ يا جماعة أنا قلقان عليه قوى و قلبى وكلنى عليه بس مش عارف أعمل ايه

أعذرونى يا جماعة أصلى الرجل ده ساعدنى و ساعد ناس كثير فى المنتدى و بصراحة أنا بحبه قوى قوى .................و خلاص الدمعة فرت من عينى :blush2: :yahoo:

[Nassarlink]

يا تري انت فين يا قناوي

ترجع بالسلامه ان شاء الله

[تامر احمد]

السلام عليكم

لو عايز اعمل فيش للكويت ونا فى مصر

هل ممكن اروح السفارة الكندية ف القاهرة وقولهم عايذ طلب منكم بعمل فيش

ولا اجيب الطلب دا اذاى عشان اقدمة للسفارة الكويتية

[poulaemad]

يا تري انت فين يا قناوي

ترجع بالسلامه ان شاء الله

وانا كمان بضم صوتى لصوتكم

انت فين يا دكتور قناوى؟؟؟؟؟؟؟؟؟؟؟؟؟؟؟؟؟

بقى لك فتره مش باين ان شاء الله يكون خير

تحياتى

[أكسيلانس]

أحسن واحد بيصور صور الهجره و عارف المطلوب كويس جدا ,, المصور الي موجود في مجمع التحرير في الدور الارضي روحله و قله ( كلمة السر - كندا) و سيب نفسك خالص,,

[freeluck]

السلام عليكم ورحمة الله وبركاته

اعزائي

انا نويت اني اسافر كندا واحصل على الجنسية الكندية

شفت اعلان في الجريدة عن مكتب للهجرة لكندا

اول حاجة طلبوا مني اقدم على طلب احتساب النقاط بـ 25$

ولازم اجيب على الاقل 67 او 69 نقطة (مش فاكر)

وقالولي اذا عديت النقاط دي يبقى انت ضمنت السفر 100%

وقالولي ان تكاليف المكتب بتاعهم 2500$

واذا وصلتني الفيزا لازم ادفع للسفارة 500$

طبعاً غير التذكرة وغير رسوم دخول كندا اللي هي 500$

ولو عايز اخذ معاي زوجتي واولادي

هدفع 500$ للسفارة و500$ رسوم دخول كندا

لزوجتي

وهدفع عن كل طفل 150$ للسفارة و150$ رسوم دخول

يعني هدخل في حسبة

من 4600 الى 5000 $

هل الكلام دة صح؟

وهل يمكن اني اعمل الاجراءات بنفسي

وهتكلفني كام ؟

--------------------

وعايز اعرف كمان ايه المدينة اللي بتناسبني في كندا

لأني سمعت ان كيبك عايزة لغة فرنسية وانا ما بعرفش فرنسي

ودي بياناتي

الجنسية

فلسطيني

الاقامة

الضفة الغربية

المؤهل العلمي

بكالوريس برمجة كمبيوتر من الضفة الغربية

الحالة الاجتماعية

متزوج + طفلين

اللغة الفرنسية

زيرو

None

لكن لو مهمة ادرسها

اللغة الانجليزية

فوق المتوسط

خبرة العمل

10 سنوات

خيرة العمل في مجال الكمبيوتر

5 سنوات

عايزين بيانات تاني ؟

انا طولت عليكم

لكن ارجو ان تساعدوني

عايز اعرف درجاتي كام تقريباً ؟

وازاي ابدأ عشان اهاجر لكندا ؟

وشكراً لكم

[أحمد سيف]

الفاضل freeluck

أولا أهلا بحضرتك في المنتدى وتحياتنا لأشقاءنا في فلسطين

ثانيا إجابات كل الأسئلة اللي طرحتها وغيرها مما قد يخطر ببالك خلال مشوار الهجرة موجودة وبالتفصيل في باب الحياة والهجرة الى كندا بالمنتدى ... إضافة الى حصيلة هائلة من الخبرات والتجارب لزملاء أفاضل هاجروا أو هم في طريقهم للهجرة ... كل ما تحتاجه لتحصل على المعلومات هو قراءة المواضيع الموجودة - لاسيما موضوع الدكتور قناوي عن خطوات الهجرة

أخيرا لا أنصحك إطلاقا بالمحامي ... فلوس ضايعه بدون داعي وبعضهم يرتكب أخطاء مؤثرة ويتسبب في تأخير معاملتك... قدم بنفسك أفضل خصوصا إن الخطوات واضحة والمعلومات متاحة هنا وعلى موقع الهجرة الكندي

تمنياتي لك بالتوفيق

[freeluck]

الفاضل freeluck

أولا أهلا بحضرتك في المنتدى وتحياتنا لأشقاءنا في فلسطين

ثانيا إجابات كل الأسئلة اللي طرحتها وغيرها مما قد يخطر ببالك خلال مشوار الهجرة موجودة وبالتفصيل في باب الحياة والهجرة الى كندا بالمنتدى ... إضافة الى حصيلة هائلة من الخبرات والتجارب لزملاء أفاضل هاجروا أو هم في طريقهم للهجرة ... كل ما تحتاجه لتحصل على المعلومات هو قراءة المواضيع الموجودة - لاسيما موضوع الدكتور قناوي عن خطوات الهجرة

أخيرا لا أنصحك إطلاقا بالمحامي ... فلوس ضايعه بدون داعي وبعضهم يرتكب أخطاء مؤثرة ويتسبب في تأخير معاملتك... قدم بنفسك أفضل خصوصا إن الخطوات واضحة والمعلومات متاحة هنا وعلى موقع الهجرة الكندي

تمنياتي لك بالتوفيق

شكرا يا احمد عالرد

بصراحة اذا هقرأ كل اللي اتكتب في المواضيع عايزلي سنة على الاقل

يا ريت تكتبلي موضوع الدكتور قناوي او كم موضوع مهم

شكرا

[أحمد سيف]

شوف يا freeluck

أنا هابسط لك الموضوع

قدامك طريقين ... طريق الهجرة الفيدرالي وطريق الهجرة لكيبيك ... ده طبعا بافتراض إنك عايز تهاجر ك skilled worker زي أغلبية الناس هنا

الطريق الفيدرالي ... أول خطوه تبحث في قائمة الوظائف المطلوبة عن وظيفتك

هذه هي القائمة

http://www.cic.gc.ca/english/immigrate/ski...nstructions.asp

غالبا الوظيفة الوحيدة التي يمكن أن تنطبق عليك هي Computer and Information Systems Managers

وعلشان تتأكد أكثر ادخل على الموقع ده وشوف الوصف الوظيفي

http://www5.hrsdc.gc.ca/NOC/English/NOC/20...aspx?val65=0213

إذا لم تجد وظيفتك فمعنى ذلك أنك لا تستطيع الهجرة حسب النظام الفيدرالي ... ولكن أمامك خيارات أخرى فلا تقلق

طيب لنفترض أنك وجدت وظيفتك في القائمة ... الخطوة التالية هي تقييم نقاطك

وآدي الموقع اللي هتعمل عليه التقييم

http://www.cic.gc.ca/english/immigrate/ski...s/Education.asp

إذا حصلت على 67 نقطة أو أكثر يمكنك التقدم للهجرة ... أما إذا كانت نقاطك أقل من ذلك فسيرفض طلبك

أعمل الخطوتين دول وإذا وجدت أنك مؤهل للهجرة هقولك إزاي تقدم

[ehabtaher]

انا ارجح ان د قناوى فى الطياره لكندا ومعندهوش نت والفلوس مقصره معاه علشان كده مدخلش نت فى البيت

هو قدامه حل من اتنين يا اما يروح المكتبه اللى فى الشارع اللى وراه على الناصيه

يا اما يبعتلنا عنوانه نقوم نبعتله بلاص مش ونهرب فيه شريحه فودافون علشان يوصلها بالكمبيوتر

[freeluck]

شوف يا freeluck

أنا هابسط لك الموضوع

قدامك طريقين ... طريق الهجرة الفيدرالي وطريق الهجرة لكيبيك ... ده طبعا بافتراض إنك عايز تهاجر ك skilled worker زي أغلبية الناس هنا

الطريق الفيدرالي ... أول خطوه تبحث في قائمة الوظائف المطلوبة عن وظيفتك

هذه هي القائمة

http://www.cic.gc.ca/english/immigrate/ski...nstructions.asp

غالبا الوظيفة الوحيدة التي يمكن أن تنطبق عليك هي Computer and Information Systems Managers

وعلشان تتأكد أكثر ادخل على الموقع ده وشوف الوصف الوظيفي

http://www5.hrsdc.gc.ca/NOC/English/NOC/20...aspx?val65=0213

إذا لم تجد وظيفتك فمعنى ذلك أنك لا تستطيع الهجرة حسب النظام الفيدرالي ... ولكن أمامك خيارات أخرى فلا تقلق

طيب لنفترض أنك وجدت وظيفتك في القائمة ... الخطوة التالية هي تقييم نقاطك

وآدي الموقع اللي هتعمل عليه التقييم

http://www.cic.gc.ca/english/immigrate/ski...s/Education.asp

إذا حصلت على 67 نقطة أو أكثر يمكنك التقدم للهجرة ... أما إذا كانت نقاطك أقل من ذلك فسيرفض طلبك

أعمل الخطوتين دول وإذا وجدت أنك مؤهل للهجرة هقولك إزاي تقدم

تسلم ايديك اخ احمد

وشكرا لك

الحمد لله مهنتي موجودة من ضمن المهن المطلوبة

وعلاماتي بتوصل لـ 69 درجة

(طبعا مع اللغة الفرنسية) انا اخدت فيها 5 درجات من 8 كلغة ثانية مع اني حاليا لا استحق هذه الدرجة لكن انا قررت ادرسها من اليوم

زي الصورة المرفقة

انا عايز استشيرك في حاجة

انا عايز اقدم للفيدرال ولكيبك

وبعدين اقرر هروح فين للفيدرال او كيبك

السبب في الفيدرال

الانجليزي اقوى من الفرنسي بالنسبة لي

مهنتي مطلوبة

المشكلة : انا سمعت ان الضمان البنكي ممكن يوصل لـ 20 الف دولار هل دة صحيح ؟

السبب في كيبك

الضمان البنكي اقل لأني سمعت انه هيوصل لـ 5 الاف دولار بس

جميع المهن مطلوبة

الاجراءات اسهل

مشكلتي الوحيدة اللغة الفرنسية اللي هبدأ اتعلمها من النهاردة

هل لازم اني اتقن الفرنسية او مش مشكلة لو كنت متوسط فيها ؟

وشكراً مرة تانية

بستنى منك الخطوة الجاية

شكرا

تم تعديل 15 نوفمبر 2009 بواسطة freeluck

[bibito]

الي الاخ أحمد سيف

ذكرت ان هناك طرق اخري للهجرة في حالة ان الوظيفة غير مزكورة باللستة ممكن توضح من فضلك لانك احييت الامل في داخلي انا بكالوريوس خدمة اجتماعية ومدرس تربية خاصة ولك جزيل الشكر

ملحوظة اللغة الفرنسية ضعيفة جدا اخر مرة درستها كانت 1992

[MRIZK]

مبروك المائوية الثانية لهذه الموسوعة الشاملة لمن يريد الهجرة لكندا حبيت بس اشكر القائمين على هذا الموضوع و جزاهم الله خيرا محمد رزق

[hijaz]

مبروك 200 صفحه في خدمة الناس :squeeze:

شكرا للدكتور قناوي :amb:

شكرا للمهندس زناتي

[drzoom]

موضوع ولا اروع ما شاء الله

وربنا يبارك لكل الناس اللي بترد وتوضح وتسهل للناس الموضوع بتاع الهجرة

انا ليا استفسار انا ان شاء الله حقدم بنظام الفيدرال skilled worker

املا الابليكيشنز من الموقع ومعاهم صورة الجواز وادفع الشيك وابعت الورق دا

هما مش طالبين صور شخصية في الابليكيشن دلوقتي ولا طالبين وهل في اي اوراق مطلوبة في المرحلة دي ولا كل الورق بيطلب في المرحلة التانية بعد مايبعتولك رقم الملف بتاعك

انا كدة فاهم صح ولا ايه

واستفسار تاني بالنسبة للانترفيو او المقابلة هل دي شئ اساسي ولا في ناس ممكن يدوها قرار من غير المقابلة

شكرا جزيلا

[Ahmed Elbeshir]

يا جماعة حد يرد عليا بس يكون فاهم في الموضوع.

انا قدمت واستلموا الورق بتاريخ 29-09-2009 وانا كنت باعت لهم الform بتاعة ال credit card ولغاية دلوقت لم يسحبوا الفلوس من البطاقة علما بان الcredit بتاعها عالي يعني مستحيل يكون في مشكلة في السحب.

هل من الممكن اني اعمل حاجة والا ابعت تاني والا ايه التصرف السليم دلوقت مع العلم اني معايا اثبات ان هم استلموا الاوراق لاني باعتها بال dhl

وشكرا

احم

[helisinki]

ياريت يا جماعة حد يفيدنى بس يكون عنده معلومة مؤكدة هل لو انا معايا دلوفتى فيزا سياحة لكندا مدتها تلات او ست شهور هل اقدر اغيرها من جوة كندا لفيزا دراسة او اى نوع تانى من الفيز وياريت حد يرد عليا وجزاكم الله خيرا