رد على إستفساراتكم السريعة عن الهجرة لكندا

[cherie]

بيترجم في وزارة العدل

أشكرك يا د.قناوي، بارك الله فيك . :closedeyes:

[صعيدي من مونتريال]

بيترجم في وزارة العدل

انا ترجمته في المكتب اللي في ميدان التحرير

قاللي اقعد استنى شوية على بال ما اخلصه

30 جنيها :closedeyes:

[ehabtaher]

اصل عنده الفورمه جاهزه وغير فى الاسم والتاريخ بس

والله شغلانه حلوه

نجرب ندورلها على معادله برضه

اهى احسن من سواقه التاكسى وتقصير البنطلونات

[moheltohamy]

بيترجم في وزارة العدل

بتعجبني أوي يا قناوي في الردود أم كلمتين ونص دول... نظام مدير بقى وكده! تكونش ناوي تفتح مكتب هجرة ، وبتتدرب ع البرستيج بتاعها؟! wst::

يعني لو كنت كتبت كلمة الفيش في أول السطر ، مش كانت الجملة بقت أوضح؟!

سلام عليكم

اخواتي الافاضل انا بدات في مرحلة كتابة الابليكيشن و عندي شوية استفسارات ان شاء الله القى اجابتها

اول سؤال انا معايا دبلومه تسع شهور بعد البكالوريوس من معهد تكنولوجيا ا لمعلومات يبقى كده انا اخد كام درجه في التعليم 20 و لا 22. و بعدين لما ابعت الورق ويبدا في دراسة الملف هل هما بيبعتو الدرجات اللي مفروض اجيبها في الايلتس و لا انا اللي لازم احسب لي نفسي.

و شكرا لتعاونكم

ممكن يدولك 15 بس ، عشان السؤال ده يدل إن صاحبه مش مذاكر كويس :lol:

يا فندم مكتوبة بكل وضوح إن الدبلوما اللي بتستحق درجتين هيّه الدبلوما اللي مدتها 3 سنوات بعد البكالوريوس ، يعني كمان ضربت دبلومات الدكاترة كمان أم سنتين!

ثانياً ، مفيش حد بيحسب لحد... سعادتك اللي مطالبة تحسبي لنفسك كل حاجة ، ولو حسبوها ولقوا إنك ما حققتيش السكور المطلوب ، بيرجعولك ورقك (وتقريباً الفلوس) ، ويقولولك.. ما كانش يتعز :happy:

نصيحة أخيرة... ما تقدميش دلوقتي لغاية ما تمتحني الآيلتس ، والأمور تتضح كلها. ده رأيي :closedeyes:

م

معلهش يا د تهامى

انت قريتها فين 3 سنين دى انا قاعد امقق عينى ومش لاقى الا 9 شهور

يعنى حمل

فين بقى ال 3 سنين بعد البكالوريوس

طيب خلاص حرمت

انت قصدك ان الدبلومه اللى 3 سنين هى اللى عليها درجات

اقل من كده مالهوش درجات

طيب مش تقول من الاول يا اخى

الواحد حصله تربنه فى المخ ومابيفهمش بالساهل

بيعجبوني أوي الناس اللي داخلة حامية دي وسانة سنانها ع الجاهز دول!

خيرها في غيرها يا معلم :P

[ام يمنى]

و الله مذاكره كويس و مبداتش اكتب الا بعد مقريت التوبيك ده و معظم التوبيك اللي في المنتدى بس الصراحه الواحد يبقى متلخبط في الاول و شكاك و بيحب يستفسر زياده يمكن فيه حاجه عدت عليا و ماخدتش بالي منها لان المشاركات هنا بقت جباره و فعلا ساعات بقرى حاجات و بقول انا شفت الكلام ده فين قبل كده و اتاري انا اصلا قريت الكلام ده بس ناسيه.

المهم انا سالت السؤال ده لان فعلا محتاره ازاي يعني اللي معاه دبلوم سنتين بعد الثانوي يعاملوه زي اللي معاه شهاده بكالوريوس 4 سنين و معاه دبلومه بعدها كمان في عدد النقط و بعدين انا فين اتنين محامين استشرتهم قبل كده قبل مابدا الاجراءات واحد قاللي ان الدرجات 20 و التاني قال 22 الصراحه انا فعلا متلخبطه و بعدين فرق درجتين دي تفرق في الايلتس يعني نفترض ان لا قدر الله مجبتش السكور المطلوب فا الواحد بيتعلق باي حاجه عامة شكرا لكل اللي شارك و رد

سلام

ام يمنى

تم تعديل 7 ديسمبر 2009 بواسطة ام يمنى

[milano]

الى الاستاذ قناوى

تحية طيبة وبعد

بعد اذن حضرتك انا عندى استفسار لكن مهم اوى بالنسبة ليا

حضرتك دلوقتى انا لسة مبتدا فى موضوع الهجرة دة بس الحمدلله انا جمعت معلومات مش بطالة لكن فى الحقيقة انا خريج بكالوريوس السنة دية بس ممكن اجيب شهادة خبرة فى مجال الوظايف المدرجة فى بند الهجرة لكن انا خريج السنة دة فهل ذاللك يجوز مع العلم انى مخلص السنة دية 2009

ارجو الرد من فضلك

لك جزيل الشكر

ميلانو

[milano]

الى السادة اعضاء المنتدى الكرام

تحية طيبة وبعد

انا فى الحقيقة تاية فى كم المعلومات دة لكن انا عاوز اعرف حاجة هل ممكن اطلع شهادة خبرة 4 سنوات فى مجال شغل تانى غير مؤهلى الدراسى مع العلم انى ممكن اجيب شهادة خبرة فعلا ب 4 سنوات لكن مع العلم ايضا انى خريج حديث 2009

ملحوظة مهمة المفروض اكون خلصت من 2005 . يعنى هل انا مؤهل كدا للهجرة مبدئيا ولا اية وانا هبتدى كمان كورس الايلتس الاسبوع اللى جاى ياترى رايكم اية اوقف الكورس والغى الحجز ولا اعمل اية قولولى من فضلكم

ارجو الافادة سريعا

لكم جزيل الشكر

[myusername]

السلام عليكم,

انا عندى سؤال و مش لاقى رد.

هل لما بقدم على الهجرة بيبقى لازم انى اكون مخلص جيش؟ هل السفارة بتشترط ده؟ بغض النظر بقى عن القوانين المصرية... انا اللى يهمنى من الناحية الكندية... هل هما عندهم اعتراض؟

شكرا جزيلا.

[ehabtaher]

بيعجبوني أوي الناس اللي داخلة حامية دي وسانة سنانها ع الجاهز دول!

خيرها في غيرها يا معلم :closedeyes:

امال انا بقولك حرمت ليه مش عشان ماتبستفش فيا

بس تعمل ايه بقى مدير لازم يقولوه كلمتين

احنا مننكرش ان خبراتك كبيره فى موضوع الهجره واكيد حتى اكتر من خبره د قناوى

بس انا كنت بانكشك

لانى بصراحه احب اشوفلك مداخلات وحنا بنتعلم منك ياريس

ايه رايك

مش انفع برضه

[MoeTdot]

من فضلكم أنا سألت سؤال ولم يرد على أحد

ما هى الأجراءات المطلوبة بالنسبة للمعادلة لأطباء الأسنان مع العلم اننى لسه منتظر file number

لكم جزيل الشكر

بعد اذن د قناوي ود تهامي ارد بما انه مجالي

مبدئيا انا ضد التشاؤوم او التعميم لان الي انا معملتوش ممكن ربنا ميسره ليك لكن عموما طب الاسنان هنا معقد بالنسبة للي درس بره ... المعادلة نفسها شكلها سهله يعني بتعمل Eligibility Examination

http://www.acfd.ca/en/exam/index.html

و ده امتحان و الله انا شايفه سهل اسئلة مش و ممكن تعدي بسكور محترم بعد كده بتقدم علي احد البرامج الي بتأهل اطباء الاسنان الي درسوا بره كندابيدرسوا سنتين تلتة و رابعة معا الطلبة عادي و بتمتحن نهاية السنتين دول NDEB

National Dental Examining Board of Canada

بس القصة في القبول في البرامج دي الي جانب ان عددها محدود بياخدوا كل سنة طجلبة لا يتعدوا صوابع اليد ولا انا و لا انت اطباء الاسنان الوحيدين في البلد فا المنافسة فظيعة فعلا .. و غالبا بياخدوا الطلبة من الجنسية الهندية و الباكستانية ...غير انك صعب جدا تشتغل مساعد طبيب اسنان حتي زي امريكا بس الي بيعدي طاقة القدر بتتفتحلوا بس الي ليه نفس طويل

لو ناوي تكمل طب الاسنان شوف امريكا اسهل و احسن و ممكن تشتغل مساعد طبيب و ممكن اكتر المهم في المجال .... لو خلاص جاي كندا ابقي ما تضيعش وقت و اعمل NBDE١ و NBDE٢ و انت هنا

و استني لحد ما تاخد الجواز و فكيك علي امريكا تختلف من شخص للتاني طبعا عن نفسي انا باخد بكالريوس من جديد في مججال قريب و دايس في الامتحانانت دي لحد ما نشوف ربنا اختارلنا ايه

http://usdds.blogspot.com/ البلوج ده ده فيه كل حاجة لممارسة طب الاسنان في امريكا ولاية ولاية فادني اوي ...بس تاني القصة بتختلف من شخص للتاني يا رب كل التوفيق و الخير ان شاء الله

[bongeorgeo]

هو

السن 27 سنة

المؤهل : بكالوريوس ادارة فنادق جامعة حلوان

الخبرة : 3.5 سنة فى مجال مدير مطعم بفندق 5 نجوم

1.5 خبرة فى DHL Dubai خدمة عملاء

اللغة الانجليزية : 6 IELTS overall band

الفرنسية : لسة ها يبدأ

الزوجة : بكالوريوس ادارة اعمال جامعة منوفية

السن : 28

الخبرة : 6 شهور فى مجال ادارة الاعمال

الانجليزى : متوسط

الفرنسى لسة هاتبدأ

مبدئياً كده ، أخوك ما ينفعش يقدّم ع الهجرة ، دا فوق الـ 65 سنة في حالات الاسبونسورشيب للوالدين بيغلّسوا تماماً (لافتراضهم إن السن ده بيحتاج رعاية طبية كتير شوية) ، فما بالك بمهاجر المنتظر منه يشتغل ويعمر البلد ، في سن الـ 87؟! :lol:

ثانياً يا راجل يا طيب ، جاي في السن ده وتقنعه يذاكر آيلتس وفرنساوي ، بدل ما تسيبه يرتاح من الشقى على مدار عمره؟

ثالثاً... إنتو أقنعتوا العروسة توافق ازاي على الجواز؟! :lol: :lol:

ولاّ انتو تبع الريّس... متقال؟ wst::

اولا السن 27 سنة مش 87 ( خطأ كتابى )

ثانيا كان ممكن اى حد لو ركز فى مدة سنين الخبرة 3.5 اكيد ده واحد صغير

ثالثا حاولت اعمل تعديل لكن تقريبا بعد 8 ساعات بس مستحيل تعمل تعديل للتوبيك ( مش عارف ليه , نفرض جدلا امن فيه خطا الواحد مايعرفش يصلحه ؟؟؟!!)

رابعا انا مكنتش متوقع منكوا انكوا تتريقوا كدة , يعنى لا انا عارف اصلح الخطأ بالتعديل و لا ملاحق على التريقة

شكرا

[wnam]

ماهو يا فندم عشان كده أنا سبت الإجابة لأولادنا الصغيرين... الأشبال يعني! إحنا خلاص عجزنا وراحت أيامنا. :lol:

على أيامي أنا - من ييجي 5 سنين كدهوت لما قدمت - كان المطلوب ترجمة كل حاجة ، ما عدا الفيش والتشبيه ، وشهادة الجيش. بياخدوهم زي ما همّا كده. وبرضه ما كانش فيه أي احتياج للقصة الخايبانة بتاعة الـ Sealed envelope من الجامعة بالدرجات والمواد.

بس معلش صحيح... 7 سنين ، وما ردّوش عليكي لغاية دلوقتي؟! :lol:

مش غريبة شوية؟! :lol:

لأ يا سيدى الفاضل انا كنت مخلصة كل حاجة وعلى فكرة ايامها الاجراءات كلها كانت 6 شهور

لدرجة انى انجبت ابن الصغير هناك بس لظروف لم اكمل الهجرة

واليومين دول قدمت من جديد ماشى كده الكلام

وبالمرة يا ريت عنوان المكتب اللى فى ميدان التحرير

[wnam]

يا جماعة نا قدمت بس لسه محدش رد علينا

المهم انا بحب احض كل حاجة من بدرى واخد فكرة

ممكن حد يدلنى ايزاى ادور على سكن ومحدش يدينى مواقع

انا قبل كده طلعت كذا مكان فى تورونتو وكان لينا زميل كل مرة يقولى لأ لأأ

ومقلش السبب وبعد الالحاح قال المطقة دى فيها ضرب نار

لو حد يفيدنى بالمناطق الكويسة وتكون قريبة من المدارس

او بعيدة كفاية ان ناص المدرسة يعدى

انا زهقت ابص على viewit,capreit.,torontornt ,وغيرهم

يا ريت الرد باستفاضة

للعلم انا بدور على 3 غرف نوم و1ونصف حمام

يا ناس يا هو .................حد يرد عليه

ويا ريت بالمرة عاوزة رد مستفيض عن المدارس وخاصة الثانوى ولو كانت مكتوبة فى حتة تانية من المنتدى يا ريت تدلونى

[mohamed mongy]

الى السادة اعضاء المنتدى الكرام

تحية طيبة وبعد

انا فى الحقيقة تاية فى كم المعلومات دة لكن انا عاوز اعرف حاجة هل ممكن اطلع شهادة خبرة 4 سنوات فى مجال شغل تانى غير مؤهلى الدراسى مع العلم انى ممكن اجيب شهادة خبرة فعلا ب 4 سنوات لكن مع العلم ايضا انى خريج حديث 2009

ملحوظة مهمة المفروض اكون خلصت من 2005 . يعنى هل انا مؤهل كدا للهجرة مبدئيا ولا اية وانا هبتدى كمان كورس الايلتس الاسبوع اللى جاى ياترى رايكم اية اوقف الكورس والغى الحجز ولا اعمل اية قولولى من فضلكم

ارجو الافادة سريعا

لكم جزيل الشكر

بص بقى يا عمنا..........

انت ما تقدرش تقدم الشهادة دي لانك ازاي هتشتغل وانت لسة ما خلصتش دراسة

ولو فرضنا انهم عدوها هيبقى شغلك ده بارت تايم وهم عايزين الشغل ده فول تايم

فانا رايي انك تستنى شوية......

[mohamed mongy]

السلام عليكم,

انا عندى سؤال و مش لاقى رد.

هل لما بقدم على الهجرة بيبقى لازم انى اكون مخلص جيش؟ هل السفارة بتشترط ده؟ بغض النظر بقى عن القوانين المصرية... انا اللى يهمنى من الناحية الكندية... هل هما عندهم اعتراض؟

شكرا جزيلا.

يا ريس خلصت الجيش او ما خلصتوش ولا بيفرق معاهم خالص..........

اصلا هما ما بيطلبوش اي شهادة من الجيش............

تحياتي :rolleyes:

[mohamed mongy]

ماهو يا فندم عشان كده أنا سبت الإجابة لأولادنا الصغيرين... الأشبال يعني! إحنا خلاص عجزنا وراحت أيامنا. :ninja:

على أيامي أنا - من ييجي 5 سنين كدهوت لما قدمت - كان المطلوب ترجمة كل حاجة ، ما عدا الفيش والتشبيه ، وشهادة الجيش. بياخدوهم زي ما همّا كده. وبرضه ما كانش فيه أي احتياج للقصة الخايبانة بتاعة الـ Sealed envelope من الجامعة بالدرجات والمواد.

بس معلش صحيح... 7 سنين ، وما ردّوش عليكي لغاية دلوقتي؟!

مش غريبة شوية؟! :rolleyes:

لأ يا سيدى الفاضل انا كنت مخلصة كل حاجة وعلى فكرة ايامها الاجراءات كلها كانت 6 شهور

لدرجة انى انجبت ابن الصغير هناك بس لظروف لم اكمل الهجرة

واليومين دول قدمت من جديد ماشى كده الكلام

وبالمرة يا ريت عنوان المكتب اللى فى ميدان التحرير

يا افندم كلاكيت تاني مرة...........

الفيش لازم يترجم وفي ال حتة مش لازم وزارة العدل.........

اما بالنسبة للSEALED ENVELOPE بتاع الجامعة ده فمش لازم خالص خالص

انتي ترجمي الشهادات او طلعيهم مترجمين جاهزين من الجامعة وابعتيهم بنفسك مع الورق

يا ريت نكون فدناك.......

[mohamed mongy]

من فضلكم أنا سألت سؤال ولم يرد على أحد

ما هى الأجراءات المطلوبة بالنسبة للمعادلة لأطباء الأسنان مع العلم اننى لسه منتظر file number

لكم جزيل الشكر

بعد اذن د قناوي ود تهامي ارد بما انه مجالي

مبدئيا انا ضد التشاؤوم او التعميم لان الي انا معملتوش ممكن ربنا ميسره ليك لكن عموما طب الاسنان هنا معقد بالنسبة للي درس بره ... المعادلة نفسها شكلها سهله يعني بتعمل Eligibility Examination

http://www.acfd.ca/en/exam/index.html

و ده امتحان و الله انا شايفه سهل اسئلة مش و ممكن تعدي بسكور محترم بعد كده بتقدم علي احد البرامج الي بتأهل اطباء الاسنان الي درسوا بره كندابيدرسوا سنتين تلتة و رابعة معا الطلبة عادي و بتمتحن نهاية السنتين دول NDEB

National Dental Examining Board of Canada

بس القصة في القبول في البرامج دي الي جانب ان عددها محدود بياخدوا كل سنة طجلبة لا يتعدوا صوابع اليد ولا انا و لا انت اطباء الاسنان الوحيدين في البلد فا المنافسة فظيعة فعلا .. و غالبا بياخدوا الطلبة من الجنسية الهندية و الباكستانية ...غير انك صعب جدا تشتغل مساعد طبيب اسنان حتي زي امريكا بس الي بيعدي طاقة القدر بتتفتحلوا بس الي ليه نفس طويل

لو ناوي تكمل طب الاسنان شوف امريكا اسهل و احسن و ممكن تشتغل مساعد طبيب و ممكن اكتر المهم في المجال .... لو خلاص جاي كندا ابقي ما تضيعش وقت و اعمل NBDE١ و NBDE٢ و انت هنا

و استني لحد ما تاخد الجواز و فكيك علي امريكا تختلف من شخص للتاني طبعا عن نفسي انا باخد بكالريوس من جديد في مججال قريب و دايس في الامتحانانت دي لحد ما نشوف ربنا اختارلنا ايه

http://usdds.blogspot.com/ البلوج ده ده فيه كل حاجة لممارسة طب الاسنان في امريكا ولاية ولاية فادني اوي ...بس تاني القصة بتختلف من شخص للتاني يا رب كل التوفيق و الخير ان شاء الله

دكتور مويت دوت........

انا زوجتي طبيبة اسنان ايه اللي ممكن تعمله بالضبط لانها ما ينفعش تروح امريكا لوحدها مثلا.......

ويا ريت تقولنا ايه الكتب اللي ممكن يتذاكر منها للامتحان واماكن الاسئلة.......

وايه هو الطريق التاني اللي ممكن تعمله وقريب من نفس المجال زي حضرتك كده.........

وسؤال اخير هو سكة الاسنان مضلمة اوي كده يعني مستحيلة ولا في امل؟؟؟..........

مستني الرد منك :rolleyes: :ninja:

[moheltohamy]

هو

السن 27 سنة

المؤهل : بكالوريوس ادارة فنادق جامعة حلوان

الخبرة : 3.5 سنة فى مجال مدير مطعم بفندق 5 نجوم

1.5 خبرة فى DHL Dubai خدمة عملاء

اللغة الانجليزية : 6 IELTS overall band

الفرنسية : لسة ها يبدأ

الزوجة : بكالوريوس ادارة اعمال جامعة منوفية

السن : 28

الخبرة : 6 شهور فى مجال ادارة الاعمال

الانجليزى : متوسط

الفرنسى لسة هاتبدأ

مبدئياً كده ، أخوك ما ينفعش يقدّم ع الهجرة ، دا فوق الـ 65 سنة في حالات الاسبونسورشيب للوالدين بيغلّسوا تماماً (لافتراضهم إن السن ده بيحتاج رعاية طبية كتير شوية) ، فما بالك بمهاجر المنتظر منه يشتغل ويعمر البلد ، في سن الـ 87؟! :rolleyes:

ثانياً يا راجل يا طيب ، جاي في السن ده وتقنعه يذاكر آيلتس وفرنساوي ، بدل ما تسيبه يرتاح من الشقى على مدار عمره؟

ثالثاً... إنتو أقنعتوا العروسة توافق ازاي على الجواز؟! :ninja:

ولاّ انتو تبع الريّس... متقال؟ :lol:

اولا السن 27 سنة مش 87 ( خطأ كتابى )

ثانيا كان ممكن اى حد لو ركز فى مدة سنين الخبرة 3.5 اكيد ده واحد صغير

ثالثا حاولت اعمل تعديل لكن تقريبا بعد 8 ساعات بس مستحيل تعمل تعديل للتوبيك ( مش عارف ليه , نفرض جدلا امن فيه خطا الواحد مايعرفش يصلحه ؟؟؟!!)

رابعا انا مكنتش متوقع منكوا انكوا تتريقوا كدة , يعنى لا انا عارف اصلح الخطأ بالتعديل و لا ملاحق على التريقة

شكرا

يا راجل يا طيب الواحد بيضحّك معاك شوية...

أنا كنت متأكد إنها غلطة إملائية ، بس حبيت أهزر شوية... هتلاقينا هنا دايماً بننكش في بعض ، وده العادي بيننا.

عموماً يا سيدي أنا باعتذر لك بصفة شخصية ، وآسف إن كان كلامي ضايق حضرتك...

[milano]

فعلا موضوع ممتاز يا دكتور قناوى

لذلك هبدأ بأول استفسار

اولا بالنسبه للهجره الفيدرال

هل لغة الزوجه تؤثر على الملف

يعنى لو الزوجه مستواه فى اللغه الانجليزيه مش كويسه

هيؤثر على الملف

وشكراااااااااااااااااا

medopharm

الاجابة المباشرة

لا

لن يؤثر

المهم تكون انت معدي 67 نقطة

انما اكيد عند المقالبة الشخصية لو اظهرت الزوجة التمكن من اللغة والرغبة والمعاونة لك في الهجرة كهدف اكيد هتدعم موقفك في المقابلة الشخصية

هذا رايي والله اعلم

تمام

وشكرااعلى الرد يادكتورنا

طيب

ينفع الواحد ماياخدهاش معاه اساسا

يتلكك يعنى بأى حجه

مثلا تعبانه

هتولد ومش قادره تيجى

ده ممكن ينفع ولا ممكن يأجلو المقابله لحد ماتقوم بالسلامه!!!!!!!

ولا ايه ؟؟؟؟؟؟

وشكراااااااااااااا

طيب ما تأجر واحدة أحسن mfb:

طبعا هم لن يقبلوا بالاعذار وهيأخروك

علي فكرة اهم حاجة مقدم الطلب الرئيسي بس برضه لازم المدام تكون COORDINATED&COOPERATIVE

سهلة ايتسامة وكل شوية ايماءة بالراس وتمام

[milano]

الى الاخ mohamed mongy

تحية طيبة وبعد

فى الحقيقة انا متابع من فترة المنتدى هنا وشايف مجهود كبير بجد وجمعت قدر من المعلومات عن الموضوع دة ودة طبعا بفضل المنتدى والناس الحلوة اللى زى حضرتك جزاكم الله خيرا

اولا انا بشكر حضرتك على الرد والاهتمام لكن حضرتك انا خلصت دراسة بالفعل (مايو 2009) بس بالنسبة لشهادة الخبرة انا لو جبتها ب 4 سنين اية المانع انى اشتغل وادرس مع بعض وزى ما حضرتك عارف بكالوريوس الخدمة الاجتماعية دراسة مش محتاجة لسكاشن ولا حاجة اية المانع انى اكون اشتغلت اثناء الدراسة ولا دة قانون فى الهجرة الكندى . معلش بتأل عليك

شكرا ليك