رد على إستفساراتكم السريعة عن الهجرة لكندا

[ehabtaher]

?

[laka]

السلام عليكم

أنا ناوي أقدم فدرالي و زوجتي معاها دبلوم فني 3 سنوات بس اجمالي الدراسة ككل 12 سنة بس، لأنها دخلت المعهد من اعدادي لكن لما خلصت المعهد أعطوها شهادة اتمام الثانوية العامة و الله النظام السوفياتي السابق كان كده

سؤالي هو زوجتي تديني كم نقطة؟؟؟؟ 4 نقط أو 3 ولة زومبة؟

أنا سبق و سألت اللواء الدكتور قناوي و كان رده مش أكيد لأنه حسب كلامه الوضع غريب و القرار سيكون في يد الاوفيسر وحده

يا ريت حد يطمني برد أكيد لأني محتاج كل نقطة

[myusername]

ياجماعة أرجوكم أنا مش عاوز أموت في البلد دي .. أنا تعبت ..مش قادر أتحمل فكرة الموت في البلد دي ... أنا تعبت يا تسرق ياتتسرق مفيش حل تاني وأنا مش قادر أسرق أنا عاوز أهرب مش عاوز أحارب في البلد دي أرجوكم المساعدة أرجوكم من واحد حتي مهنتة مش عارف أية هي أتوسل اليكم ساعدوني أنا تعبت تعبت

السلام عليكم,

صلى عالنبى... متعملش فى روحك كده - كلنا لها.

انتا مش كاتب ولا معلومة عن نفسك... عموما لو اتزنقت قوى , ممكن تسافر بتأشيرة سياحة و تكسرها - بس الموضوع ده مش مناسب لكل الناس, لان فيه ناس بتعرف تتصرف.. و ناس تانية لا.

ملحوظة: بالنسبة للحرب... انتا فاكر لما تروح امريكا ولا كندا انك مش هتحارب؟ يا جماعة كفاية السلبية اللى احنا عايشين فيها دى بقى.. كله مش عايز يشتغل, و كله مش عايز يعمل حاجة.. لا يبقى مصر احسن لك.

تم تعديل 16 ديسمبر 2009 بواسطة myusername

[Drcobra]

ياعزيزي... عندما تحارب وأنت تعرف أعدائك فمهما كان ضعفك أو قلة حيلتك فسوف تقاتل حتي تفقد أنفاسك الأخيرة سوف تموت وأنت تعرف عدوك ... ستسعد أذا انتصرت ولن تغضب إذا خسرت عمرك لأنك قد حاولت وضحيت بعمرك من أجل قضيتك... أما أنا فلا أعرف من هم أعدائي.. تاهت قضيتي وسط الفوضي والأكاذيب غابت الحقيقة.. للأسف توغل النفاق في نفوس الأغلبية أصبحنا نتنفس فساد ونفاق ورياء لم تعد المصيبة في السرقة ولكن أصبحت في السارق الذي استحل هذة السرقة أصبحت المشكلة في الأخلاق استباحت الأغلبية كل شيئ.

..‏ خمس سنوات كل يوم أنتظر الأفضل ولكن لم يأتي الأفضل وعندي اليقين أنه لن يأتي هنا

[myusername]

السلام عليكم,

عموما اكتب سنك و وظيفتك و خبرتك.. علشان نعرف لو ينفع تهاجر ولا لا.

و الحل قد يكون مناسب لشخص... و غير مناسب لاخر. (حد فاهم حاجة؟)

:blush2:

[Ahmed Osman]

دكتور قناوى حبيب قلبي

قمت بالتسجيل مرة أخرة ٠٠٠٠٠ وقلت أجرب حظي يمكن ينفع أشارك ولم أصدق نفسي دي أول مشركة لي ، فكان لازم أشكرك على تعبك و إهتمامك بالموضوع . والشكر موصول لمشرفنا الجميل د. التهامي .

[memma]

ياريت يا جماعة اللى عارف بس الايميل بتاع سفارة كندا بالقاهرة اللى ممكن نبعت عليه اى استفسار او تغيير فى البيانات.....ولكم جزيل الشكر

[myusername]

ياريت يا جماعة اللى عارف بس الايميل بتاع سفارة كندا بالقاهرة اللى ممكن نبعت عليه اى استفسار او تغيير فى البيانات.....ولكم جزيل الشكر

السلام عليكم,

هو ده الايميل: cairo-im@international.gc.ca

بالتوفيق باذن الله.

[Tarek Abdellatif]

ياريت يا جماعة اللى عارف بس الايميل بتاع سفارة كندا بالقاهرة اللى ممكن نبعت عليه اى استفسار او تغيير فى البيانات.....ولكم جزيل الشكر

اتفضل يا باشا

cairo-im@international.gc.ca

دة الايميل إللي أنا ببعتلهم عليه عشان الإستفسارات. موضوع تحديث البيانات ده معنديش فكره بصراحة.

[memma]

شكرا يا رجالة وبالتوفيق لكم جميعا......

[qenawy]

شكرا يا رجالة وبالتوفيق لكم جميعا......

بص يا ميما فيه حاجة اسمها case specific enquiry

ده تلاقيه في معلومات الاتصال بالسفارة بتاعة القاهرة هاجيبلك الصفحة

ثواني

لان له شروط في الدخول مش ايميل وخلاص

https://dmp-portal.cic.gc.ca/cicemail/intro...x?mission=cairo

ده تدخل له من الصفحة دي

http://www.cic.gc.ca/english/information/o...sions/cairo.asp

[Dr Remon]

هذة المشاركة فقط لشكر الاساتذة الافاضل قناوى و تهامى على تعبكم معانا كل الوقت دة. ربنا يبارك لكم فى حياتكم.

[capitshino]

السلام عليكم

هل يوجد احد من الاخوة عنده معلومات عن الهجرة كا self-employed person ؟ عن طريق شراء وادارة مزرعة

وهل من اللازم شراء المزرعة خلال الاجراءات ام بعد الوصول لكندا

http://207.219.111.92/requirements/steps1_5.aspx

[bongeorgeo]

تحية طيبة و بعد,

كنت عايز أعرف لو الزوج هو المقدم الرئيسى , هل الزوجة محتاجة ان تقدم أوراق تدل على الخبرة ولا لأ ؟ علما بأن النظام الجديد لا يعطى درجات خبرة عن خبرة الزوجة ( أو الرزوج)

[ام يمنى]

سلام عليكم

استفسار سريع. حد يعرف رقم تليفون نوفا سكوتشيا في كندا . انا جهزت الورق و لما جيت ابعته ال دي اتش ال و فيدكس طلبو رقم تليفون و مش مكتفيين بالعنوان اللي مكتوب يا ترى اللي بعته قبل كده عملو ايه .

و شكرا

[msheikh]

السلام عليكم

اخى العزيز الدكتور قناوى اخوانى الأعزاء

عندى سؤالين اتمنى انك تفيدنى فيهم او اى من الاخوة الكرام.

انا معى الفيزا وناوى ان شاء الله اعمل لاندينج مايو القادم. سؤالى هل ممكن اخى الموجود بالسعودية ان يقدم على الهجرة الآن وان يذكر ان له اقارب بكندا الى ان اؤجر شقة واعطيه العنوان. وهكذا الايلتس بعد الامتحان يرسله الى الملف الخاص به.

هل دول الخليج وبالذات السعودية والامارات يتم ارسال الملف الى مكتب لندن بالبريد المسجل.

جزاكم الله خيرا ولكم جزيل الشكر

اخوك محمد الشيخ

[moheltohamy]

السن 30 سنة ... المؤهل بكالريوس علاج طبيعي جامعة القاهرة .... ماجستير العلاج الطبيعي بعد 6 أشهر إن شاء الله... الخبرة خمس سنوات ... الحالة الإجتماعية متزوج. مصدر القلق الأيلتس... أرجو الإفادة... شكرا

السن 10

المؤهل 25 (بعد الماجستير)

الخبرة 21

التأقلم 4 (بفرض الزوجة بكالوريوس)

------------------------

60 نقطة كده ،

وتبقى محتاج 7 من 16 نقطة من الآيلتس! يعني تجيبهم بالصباع الصغير لرجليك الشمال! smk:

يعني تبدأ تحجز امتحان الآيلتس بعد حصولك ع الماجستير فوراً ، وتقدم للسفارة تاني يوم بعد حصولك عليه...

ومبروك كندا مقدماً...

بس ليّا طلب صغير... أبوس إيدك بلاش تيجي ناحية الزرار (تقرير)... :flr1:

[safaalabana]

السلام عليكم

اخى العزيز الدكتور قناوى اخوانى الأعزاء

عندى سؤالين اتمنى انك تفيدنى فيهم او اى من الاخوة الكرام.

انا معى الفيزا وناوى ان شاء الله اعمل لاندينج مايو القادم. سؤالى هل ممكن اخى الموجود بالسعودية ان يقدم على الهجرة الآن وان يذكر ان له اقارب بكندا الى ان اؤجر شقة واعطيه العنوان. وهكذا الايلتس بعد الامتحان يرسله الى الملف الخاص به.

هل دول الخليج وبالذات السعودية والامارات يتم ارسال الملف الى مكتب لندن بالبريد المسجل.

جزاكم الله خيرا ولكم جزيل الشكر

اخوك محمد الشيخ

اسمح لى يا دكتور قناوى ارد على اخونا الفاضل عن جزئية السعوديه ....نعم المقدمين فى السعوديه وانا منهم ارسلت الاوراق بالfedex الى مكتب لندن ولكن دلوقتى التقديم الى نوفاسكوتشيا

بالنسبه لاخو حضرتك لو كان دقيق وقال الحقيقه بالظبط يكون احسن

[znaty]

سلام عليكم

استفسار سريع. حد يعرف رقم تليفون نوفا سكوتشيا في كندا . انا جهزت الورق و لما جيت ابعته ال دي اتش ال و فيدكس طلبو رقم تليفون و مش مكتفيين بالعنوان اللي مكتوب يا ترى اللي بعته قبل كده عملو ايه .

و شكرا

الرقم الوحيد لنوفا سكوتشيا يا ام يمني هو

8006226232 وحطي قبلها طبعا 1

الرقم دة للاتصال من داخل كندا فقط

[znaty]

السلام عليكم

اخى العزيز الدكتور قناوى اخوانى الأعزاء

عندى سؤالين اتمنى انك تفيدنى فيهم او اى من الاخوة الكرام.

انا معى الفيزا وناوى ان شاء الله اعمل لاندينج مايو القادم. سؤالى هل ممكن اخى الموجود بالسعودية ان يقدم على الهجرة الآن وان يذكر ان له اقارب بكندا الى ان اؤجر شقة واعطيه العنوان. وهكذا الايلتس بعد الامتحان يرسله الى الملف الخاص به.

هل دول الخليج وبالذات السعودية والامارات يتم ارسال الملف الى مكتب لندن بالبريد المسجل.

جزاكم الله خيرا ولكم جزيل الشكر

اخوك محمد الشيخ

الوقتي لا طبعا يا صديقي

لان علبال ماييجي مايو هايكونوا طلبوا منه الورق اكيد دة لسة 7 شهور

وهما بيطلبوا منه البي ار بتاعك وش وضهر وانت البي ار هايقعد كمان شهر بعدها

خليه ياجل تقديم اي حاجة الوقتي لغاية مانت تستقر لانهم بردة لازم يطمنوا انك مستقر هناك علشان يديله درجات عليك

الجزئية التانية

الاول تبعت الملف المبدئي على نوفا سكوتشيا وفيه انت تحدد الخطوة التانية هاتعملها في اي سفارة

انت اختار مصر او لندن براحتك