رد على إستفساراتكم السريعة عن الهجرة لكندا

[memma]

انا مش فاهم اى حاجة بس انت ممكن تكتب استفساراتك فى توبيك الاستفسارات عند د.قناوى

[Mercedes]

السلام عليكم و رحمة الله و بركاته :ninja:

أنا كنت عايز أسأل , مش سيادتك مقدم باسم الزوجة مش باسمك , يعنى هى المطلوب تطلع سجل جنائى من دبى لو كان مر على المدام هناك أكتر من 6 شهور .

لو كانت الزوجة بتعمل فى دبى و حضرتك لا تعمل ,و لأن هى اللى التقديم باسمها, يبقى خلاص هى اللى هتجيب شهادة من العمل بتاعها فى دبى و هى اللى هتجيب شهادة سجل جنائى من دبى و حضرتك لا تذكر بالمرة أنك كنت بتعمل هناك و تعتبر انك كنت مرافق ليها و خلاص و كنت بتروح ليها أجازات و زيارات بس - يعنى ما عداش عليك هناك 6 شهور اجمالا - و خلاص . md2:

أما لو كنت حضرتك اللى بتشتغل و هى مابتشتغلش , يبقى خلاص , موضوع دبى كله لا يذكر ليكوا انتوا الاتنين لأنه مالوش أى أهمية بالنسبة للزوجة اللى التقديم باسمها لأنها ماكانتشى بتشتغل هناك و مش هيفيدها بأى شئ !!!!! bv:-

بس قبل ما تبعت الجوازات للحصول على الفيزا لما موضوع الهجرة يخلص على خير , يفضل أنك تبقى تعمل جوازات سفر جديدة نوفى و دى حتى شكلها أحسن من القديمة اللى عاملة ذى دفتر البقالين دى :D

دا رأى و أكيد الأخوة فى المنتدى هيفيدوك أكتر منى. smk:

أخوك / MERCEDES S430

[qenawy]

لا يا طارق زادت اسالني انا

المصدر op6

[المصريه]

الاستاذ الفاضل / الدكتور قناوى

اشكرك جزيل الشكر على سرعه الرد ولكن فيه توضيح اريد ان تعرفه سيادتك انه عمل ابحاث الترقيه كاستاذ مساعد وتمت الترقيه وهو يعمل فى السعوديه فى

القطاع الخاص اى قبل السفر كان فى وظيفه مدرس فهل معنى ذلك ان سنوات عمله كمدرس قبل السفر تضاف الى سنوات العمل فى الجامعه هنا وبهذا تجمع نقاط ال

21 درجه ؟ ام انه لابد ان تكون السنوات كلها استاذ مساعد؟

جزيل الشكر لمجهودتك وجزاك الله كل خير

[mmdd]

اشكر الاخوة للاهتمام

بس انا لما عملت الفورم اللي تم تقديمه في اول اجراء واللي يتطلب مكان عملك والاقامة لو كنت خارج بلدك وانا طبعا قدمت اني شغال في دبي وبقالي اكتر من 6 اشهر مقيم فيها وبالتالي هم عندهم فكرة في الفورم الاساسي اني كان عندي اقامة بدبي واقمت فيها اكتر من ستة اشهر ( فايامصيبتاه)هههه

اللي عنده حل يقولي

وجزاكم الله خير

[ehabtaher]

بعد التحيه

اعتقد انهم فى دبى لما ييجى وقت الفيش والتشبيه

حيبقى معاك خطاب رسمى من السفاره الكنديه لدبى علشان يعطوهم الفيش

وبالتالى لازم يردوا عليه

وممكن يقولو ان الرد يكون لما تخلص القضيه

وساعتها ممكن السفاره تمددلك لحد ما تخلص القضيه

اما انك تبتديها بتزوير يبقى قفلت على نفسك السكه ولا تعتقد ان مثلا كنديان بيبول لا يعلمون مشاكل التزوير وكيفيه اكتشافها

فاحسنلك تبتديها سليم وتمشى سليم

لانهم ناس ما بيحبوش مشاكل واول بادره لمشاكل منك حتلاقيهم قالو ابعد عن الشر وغنيله

ويقولو كمان ايه اللى غاصبنا على واحد مشكوك فى صحه بياناته

لكن بلاغ كيدى وتطلع براءه يبقى الوضع افضل

وده نصيبك

ومافيش حد بيهرب من نصيبه

وشكلك كده بقى محامى لبط وربنا مايوقعناش معاكم فى مشاكل :lol:

[Tarek Abdellatif]

لا يا طارق زادت اسالني انا

المصدر op6

عندك حق يا دكتور قناوي. بس غريبة إن هما لسة محدثوهاش على الوب سايت.

يا Kik

ال funds المطلوبة كالأتي على حسب عدد أفراد الأسرة

فرد واحد 11,086$

فردين 13,801$

٣ 16,967$

٤ 20,599$

٥ 23,364$

٦ 26,350$

٧ أو أكثر 29,337$

[أكسيلانس]

شوف يا زميل ,,

أذا كانت ألأمور سائت معاك كده في دبي ,, لآ أدري أذا كانوا طلبوا منك ألأبدايت و لا ليسه ,, لكن أذا كانوا ليسه لم يطلبوها ,, لماذا لا تقوم بأستخراج الفيش من مصر و أرسل لهم تغير عنوانك علي مصر ,, و معلش هتغرملك سفريه لمصر تسلم الورق في السفاره و أنتهانا,, أو أذا كنت وصلت الكويت من شهرين مثلا أنتظر حتي أخر المهله الممنوحه لك و أستخرج الفيش من الكويت ,, أرجوا أن يكون هذا ألأقراح فيه حل ,,,

[mmdd]

اخي الفاضل

لا اعتقد ان هذا هو الحل حتى لو غيرت محل اقامتك لانهم بيطلبوا الصحيفة الجنائية لاي بلد اقمت فيها اكتر من ستة اشهر اي كان عدد البلاد اللي اقمت فيها وبغض النظر عن البلد اللي مقيم فيها حاليا ايه

معلش ياريس جت في العارضة ويارب تيجي جون المرة اللي جايه وشكرا على الاهتمام

[samerfx]

اريد الاستفسار عن مهنة ميكانيكي السيارات في مدينة لندن

[ehabtaher]

اريد الاستفسار عن مهنة ميكانيكي السيارات في مدينة لندن

فيه واحد على الناصيه كويس بس غالى شويه

[Ahmed Osman]

أخي الفاضل

طلع الفيش من دبي وشوف مكتوب فيه ، يمكن يطلع نظيف حتى لو فيه تعميم ، مادام مفيش حكم .

وبناءاً على إللي مكتوب في الفيش تحرك ..... إنت خسران إيه غير تكلفة الفيش .

[bunnypo]

صباح الخير علي الاعضاء الاعزاء و خصوصا الدكتور قناوي و الباشمهندس زناتي و الدكتورة صفاء

انا عارف ان موضوع الفيش و التشبية بتاع السعودية قتل بحثا

بس في حاجة

لما روحت السفارة المصرية علشان اجيب جواب لمصلحة الامن العام زي الدكتورة صفاء قالو ميعرفوش عنة حاجة

و قالو مفيش حاجة اسمها فيش و تشبية في السعودية

ياريت تفيدوني بخبراتكم

ملحوظة : طلب الفيش لسة ماجاش من السفارة بس انا نازل مصر نزول نهائي في فبراير انشاللة و مقدم من مكتب القاهرة

شكرا جزيلا

[Bustami]

اقتراحين

حاول تطلع فيش من سفارة الامارات بالكويت , يمكن تمشي

اسحب ملفك , قدم تاني , لا تذكر عملك في دبي , لانه مش مطلوب منك شهادات خبرة (لا من الامارات ولا من مصر ولا من الكويت) لان الطلب باسم الزوجة وبالتالي لو قلت انك كنت بتروح زيارات يبقى حتعدي ان شاء الله بدون فيش

غير جواز السفر

[kik]

السادة الأفاضل

أشكركم وعلى تعاونكم

يا Kik

ال funds المطلوبة كالأتي على حسب عدد أفراد الأسرة

فرد واحد 11,086$

فردين 13,801$

٣ 16,967$

٤ 20,599$

٥ 23,364$

٦ 26,350$

٧ أو أكثر 29,337$

هل المطلوب فى حالتى هى 23.364 بس انا كونت كاتب 23.000 يا أخوانى هل ينفع أعدلها 23.364$وهناك سؤال

أنا ذهبت للبنك عشان أشوف الشيك اتصرف ولا لأ

والموظف رد رد غريب أوى أنه لسصه ما اترصفش وهيتصرف يوم الأربعاء

قولت له مين اللى قال لك أنه عيتصرف الاربعاء

قال لى البنك اللى انت راسل عليهعاوز تفسير يا اخوانى الأعزاء

[samerfx]

اريد الاستفسار عن مهنة ميكانيكي السيارات في مدينة لندن

سؤالى اخواني الاعزاء

انني محاسب ومقدم طلب هجرة الى كندا فيدرال لكنني استطيع ان اعمل ميكانيكي حيث انني اقوم بتصليح سيارتي لوحدي دون الرجوع الى اي مختص فهل يمكنني ان اعمل ميكانيكي في بداية الامر عند وصولي الى كندا او ان افتح كراج لي .

واقبلوا الاحترام

[kik]

السادة الأفاضل

معلش الكلام من السرعة ماطلعش واضح

أنا روحت البنك اليوم أسأل على الشيك أتصرف ولا لسه

الموظف بحث بالداخل وعمل اتصالاته بالبنك المرسل له تقريبا بالكمبيوتر

وقال لى لسه الشيك ماتصرفش وهيتصرف يوم الأربعاء القادم

قولت له مين اللى قالك انه هيتصرف الأربعاء القادم

قال لى البنك اللى أنت أرسلت عليه الشيك

عاوز تفسير يا جماعة الخير

[samerfx]

quote name='samerfx' date='Jan 11 2010, 02:33 AM' post='554373']

اريد الاستفسار عن مهنة ميكانيكي السيارات في مدينة لندن

سؤالى اخواني الاعزاء

انني محاسب ومقدم طلب هجرة الى كندا فيدرال لكنني استطيع ان اعمل ميكانيكي حيث انني اقوم بتصليح سيارتي لوحدي دون الرجوع الى اي مختص فهل يمكنني ان اعمل ميكانيكي في بداية الامر عند وصولي الى كندا او ان افتح كراج لي .

واقبلوا الاحترام

[ehabtaher]

سؤالى اخواني الاعزاء

انني محاسب ومقدم طلب هجرة الى كندا فيدرال لكنني استطيع ان اعمل ميكانيكي حيث انني اقوم بتصليح سيارتي لوحدي دون الرجوع الى اي مختص فهل يمكنني ان اعمل ميكانيكي في بداية الامر عند وصولي الى كندا او ان افتح كراج لي .

واقبلوا الاحترام

الشغل الخاص مافيش فيه مشاكل

انا كمان دكتور وبافكر نفس التفكير

لو بصيت فى مدينه سانت كاترين تلاقى فيها جامعه بتدرس دبلومه ميكانيكا والمهاجرين سعر السنه لهم 3000 وشويه وممكن يبقى فيها جزء عملى تشتغل فى ورشه وتاخد مرتب فى اخر 6 شهور من الدبلومه اما موضوع الجراج الخاص فممكن تفكر فيه بعد ماتشوف السوق والاسعار وطريقه التعامل وطريقه التصليح

الخ

وكويس انك فى لندن لانى بافكر اروح هناك برضه بس محدش عارف النصيب فين

[Dr Remon]

دكتور ايهاب... انت بتتكلم جد!!!

انا كل ده فاكر انك بتهذر!

انا لا اعيب على وظيفة الميكانيكى لكن بعد تعب السنين دى كلها دراسه و شغل تفكر كده؟