رد على إستفساراتكم السريعة عن الهجرة لكندا

[jessika]

اهى مجبورة وصلت يادى النور يادى النور انقلى بقى انتى شهادة الخبرة لاستاذنا قناوى يا مجبورة

[jessika]

حاولى انتى كمان مجبورة تدوريلى على موضوع مدير مبيعات دى مطلوبة ولا لا؟

[مجبورة انشاء الله]

ازيك ياقمر اخبارك ايه

يابنتى ثقى فيا شويه وبلاش الشك اللى ح يجننك ده

[مجبورة انشاء الله]

امرك يا باشا انتى تامورى وانا اطنش ههههههههههههههه

[jessika]

مهم قالولى مدرسين لا وهو اصلا مش مدرس يا مجبورة عايزين بس نعرف اخبار المبيعات اية فى كندا مش كونة اداب فرنساوى خلاص هايتخطف خطف يعنى هههههههه :lol:

[jessika]

هههههههههههههههههههههههههههههههههه تطنشى اهون عليك بردو دة انا دماغة خلاص هاتضرب من دلوقتى مش عارفة هاستحمل ازاى السنة ولا اكتر على معاد المقابلة صلاحيتى هاتنتهى بدرى من قبل حتى مستلم الفيل نمبر

[مجبورة انشاء الله]

اولا ديه شهادة كانت بالعربى وكنت مش عارفة الصيغة كويس

ضيفى عددساعات العمل بس وهى 42 ساعه فى الاسبوع اما بالنسبة المرتب لا يذكر

[eedarous]

ايه اخبار قايمه الوظائف الجديده؟ نزلت ولا لسه ولو نزلت, نزلت على اى موقع

انا باعت الابليكيشن لمكتب لندن من يوم 20/7/2008 وموصلنيش حاجه لغايه دلوقتى عاوز اعرف هستنى لغايه امتى

[eedarous]

مع العلم انى مقدم skilled workers

[الأهلاوي الأصيل]

مع العلم انى مقدم skilled workers

من المتوقع إن الفايل نمبر يوصلك في خلال أيام إن شاء الله ، هو بياخد حوالي 4 شهور...يعني متوقع يوصلك قريباً جدا إن شاء الله

بس ياريت أول ما يوصل تقولنا هما كاتبين لك فيه إيه...لإنه هيبقى مهم قوي بالنسبة للناس اللي قدمت في الفترة الحالية

[hadisy]

السلام عليكم

الاخ الفاضل قناوي

أرجو أن تمتلك صدراً واسع للإجابة على اسفساري بالتفصيل:

انا مهندس كمبيوتر و اعمل كمدير لنظم المعلومات من ما يقارب السنتين لذلك سأسجل على الهجرة وفقا NOC 0213

زوجتي طالبة سنة ثالثة ترجمة لذلك اخبروتني في المنتدى أنه ينبغي علي وضعها Seconday بالتالي أخسر كافة العلامات المخصصة لها.

بعد حساب علاماتي تبين أنه لا يمكنني النجاح إلا إذا وضعت أنني ممتاز باللغة الانكليزية "قراءة و كتابة و سماع و تحدث" و هذا بعيد قليلاً عن الحقيقة.

الاسئلة:

1- هل يمكنني وضع زوجتي ك Diploma كون سنوات دراستها حتى اللحظة هي 15

2- كم هي الفترة الفاصلة بين تقديمي للأوراق و المقابلة الشفهية و إذا تبن للسفير أنني لست كما ذكرت باللغة الانكليزية, هل يرفض طلبي مباشرةً؟

3- كم هي الفترة الفاصلة ما بين تقديمي للأوراق و طلب المستندات التي تثبت صحة المعلومات التي قدمتها و من بينها سيكون طبعاً نتيجة امتحاني باللغة الانكليزية "و التي أتمنى ان اكون عندها قد حسنت من لغتي"

4- لو فرضنا أن زوجتي تخرجت من الجامعه عند طلب الاوراق و أن سنوات خبرتي قد ازدادت هل يمكن لهذا ان يضاف الى علاماتي مما يجعلني غير مجبر على اخذ العلامة الكاملة باللغة الانكليزية.

5- ما هي الفترة الزمنية المسموحة ما بيت طلبت تقديم المستندات و تقديمها.

و لك جزيل الشكر.

اهلا باشمهندس الرد هنا

السؤال الاول لا زوجتك بوضعها الحالي ثانوية عامة واياك ان تدلي بمعلومات خاطئة

السفير ما لوش دعوة في مقابلة الفيدرال الا بالاليتس يعني مش هيقيم قوي لغتك الا لو بعد الشر انت ما عرفتش تتكلم خالص انما الرك علي الاليتس

الفترة الان ماحدش عارفها بس بيقولوا هيسرعوا الفيدرال كان 48 شهر قال ايه هيخلوه من 6 شهور الس سنه بس في اريي انه هيبقي سنه ونصف تقريبا لو تخصصك مطلوب كمان

الفترة بين التقديم والابديت تختلف من واحد لواحد بس بين سنتين و3 سنين وقد يسرعوها بس لن تقل عن سنة

انا رايي انك تكتب في الانجليزي انك قوي جدا وتكتب مراتك ثانوية

عند طلب الورق مراتك تكون خلصت والانجليزي مش مطلوب منك غير انك تجيب اللي يكمل 67 نقطة حيث ان زوجتك هتكون وفرت الاربع نقط وما حدش ساعتها له دعوة انت كنت كاتب ايه في الاول

الخلاصة كن صادقا

و الله انك طمنتني كثير

الله يجزيك الخير و ييسر كل امورك

انشاء الله يوم الاحد حانزل عالسفارة و أقدم الاوراق

الله ييسر امور الجميع و اموري كمان و الله يخترنا اللي فيو خيرنا في الدنيا و الاخرة

و الله الموفق

تم تعديل 20 نوفمبر 2008 بواسطة hadisy

[qenawy]

اصحي لو انت في مصر

يبقي التقديم يوم الخميس فقط

الخميييييييييييييييييييييييييييييسسسسسسسسسسسسسسسسسس من الساعة 10 الي 12 صباحا ويستحسن تروح 9 صباحا كمان

تحياتي

[masri]

السلام عليكم

انا رايي انك تكتب في الانجليزي انك قوي جدا وتكتب مراتك ثانوية

عند طلب الورق مراتك تكون خلصت والانجليزي مش مطلوب منك غير انك تجيب اللي يكمل 67 نقطة حيث ان زوجتك هتكون وفرت الاربع نقط وما حدش ساعتها له دعوة انت كنت كاتب ايه في الاول

الخلاصة كن صادقا

السلام عليكم ورحمة الله

الاخ الفاضل قناوي

انا كمان حالتى مشابهة مع اختلاف 5درجات(وجود اقارب).....يعنى المطلوب حاليا 7 7 5 5 , ولو خطيبتى خلصت البكالوريوس عند الابديت حيكون المطلوب intermediate

لكن فى ناس نصحونى انى اكتب فى الاربع مهارات advanced ده علشان اذود فرصة قبول الورق و عند الابديت اقدم ايلتس باللى يحقق 67 فقط .....فما راى سيادتكم ..؟ اكتب الواقع حاليا 7 7 5 5 ولا اكتب 7 7 7 7 (علما بان درجة 7 فى الرييدنج صعبة بالنسبة للامتحان الفعلى) و شكرا

[qenawy]

اكتب 7777 والارزاق علي الله :big_boss: :malta:

[newcomer]

دكتور قناوى

بداية انابادعيلك ان ربنا يحطلك بكل حرف اتكتب فى التوبيكس بتاعتك حسنة فى ميزان حسناتك لانك ساعدت ناس كتير

و انا شخصيا استخرت ربنا و قررت انى ابعت ورقى بدون محامى بعد ما قريت موضوع " كيف تهاجر بدون محامى"

بس لو هاتعب حضرتك ليه كام سوءال يا ريت تساعدنى فيهم ( يا رب ما كونش باستغلك )

انا مقدمة فيدرال سكيلد وركر و ان شاء الله هاقدم من مكتب لندن لانى موجودة فى الخليج

- سوءال education ، انا عندى دبلوم سنتين بعد الليسينس ....... اكتب 18 سنة و اعلم على bachelor degree؟؟

، جوزى عنده 2 بكالوريوس .........اكتب 21 و اعلم على bachelor degree؟؟

المفروض ان الانجليزى بتاعى advanced بحكم دراستى ( كلية و مدرسة) بس انا معملتش امتحان ايلتس

اعلم كلة advanced ولا ايه؟؟

بالنسبة للفرنسى ، هايطلبة امتحان زى الايلتس برضه؟؟

عندى سوءال اخير يضحك شوية :lol:

لون عنين ابنى كتبتها سودة........ بعدين النهاردة ببصله فى النور شوية لقيتها فاتحه شوية...... اكتبها dark brown

pls ما تضحكش ....... اللى انا فهمته الموضوع لازم يكون فى دقه :lol:

اخيرا : انا عايزة حضرتك تقولى الترتيب اللى انا فهمته ده صح و لا لأ

* املى الأبليكشين

* اعمل حوالة من اى مكتب صرافة

* الأبليكشن و الحوالة و صورة من باسبورى فى ظرف كبير و ابعتهم على مكتب لندن

* مكتب لندن يبعت لى رقم الملف ( على email او صندوق البريد)

* انسى الموضوع خالللللللللللللللص لما ربنا يريد و يبعتوا يقولولى تعالى نشوفك انتى و جوزك ( يمكن الاولاد ؟؟)

* المفروض اخد صور من شهادات التخرج و شهادة الايلتس معايا فى الانترفيو

* لو عديت هايقولولى اعملى فحص طبى انتى و اللى هايسافر معاكى

* لو عديت هايطلبوا فيش و تشبيه من هنا و من مصر

*بعدين ياخدوا الورق و الباسبورات علشان الفيزا

* يبقى فية فرصة سنة لللاندنج من تاريخ الفيزا

و بعدين لو كل ده تم برضا و توفيق من الله ....... يبقى لازم ادعى لك و لكل الناس اللى بتساعد من قلبها زى د. الشامى و د. التهامى و الباقى يعذرونى لانى لسه

جديدة فى الحوارات بس برضه هادعيلهم و اوعدهم انى هاحاول اساعد زى ما انتم ساعدتم.

[qenawy]

الاخت الفاضلة newcomer

كل ما تفضلت به صحيح لكن في المقابلة الشخصية بيطلبوا اصل الشهادات وليس الصور

ثانيا لون العينين مش فارقة قوي اهم حاجة ما تطلعش خضرا في الاخر

ثالثا شوفي مهنة جوزك ومهنتك وايهما يكون اكثر طلبا في كندا يعني لو تستني لستة الوظايف الشهر ده يكون احسن بحيث صاحب المهنة الاوفر حظا يقدم باسمه

باقي اسئلتك انت اجبتها عنها صح بنفسك

موفقة ان شاء الله

[precanadian]

د خالد تحيه طيبة

اردت فقط ان اعبر لك عن تقديري واعجابي بمجهودك في مساعده من له استفسار عن الهجره .

اتمني من الله ان يكتب لك الخير . وان يكتب لنا لقياك في كندا ان شاء الله.

[jessika]

فى محامى قلى ان درجة السن بالنسبة للكيبك هاتنزل من 18 ل عشر نقط وانة قرا الموضوع دة بالنت وانة بيتناقش فهل دة صحيح فعلا؟ ارجو اى حد بيعرف يتابع على موقع كيبك يبلغنا وشكرا

[qenawy]

د خالد تحيه طيبة

اردت فقط ان اعبر لك عن تقديري واعجابي بمجهودك في مساعده من له استفسار عن الهجره .

اتمني من الله ان يكتب لك الخير . وان يكتب لنا لقياك في كندا ان شاء الله.

شكرا للفاضل PRECANADIAN

وعقبال ما نبقي كلنا

CANADIAN

[newcomer]

الاخت الفاضلة newcomer

كل ما تفضلت به صحيح لكن في المقابلة الشخصية بيطلبوا اصل الشهادات وليس الصور

ثانيا لون العينين مش فارقة قوي اهم حاجة ما تطلعش خضرا في الاخر

ثالثا شوفي مهنة جوزك ومهنتك وايهما يكون اكثر طلبا في كندا يعني لو تستني لستة الوظايف الشهر ده يكون احسن بحيث صاحب المهنة الاوفر حظا يقدم باسمه

باقي اسئلتك انت اجبتها عنها صح بنفسك

موفقة ان شاء الله

شكرا لاهتمامك يا دكتور

بس حضرتك ماقلتليش اكتب كام سنة فى التعليم.......

معنى كلام حضرتك " انت اجبتيها صح" ؟؟؟؟؟ انى اتوكل على الله و اكتب انا 18 سنة و جوزى 21سنه فى التعليم

و فى الانجليزى اعلم على advanced كله؟؟

شكرا يا دكتور لوقتك