رد على إستفساراتكم السريعة عن الهجرة لكندا

[المعلم عتريس]

والله منور يا معلم عتريس

و الله أعلم ترونتو أو ترونتوز سابقا

بس عندى احساس قوى انه أنت

يا أخى فعلا كنا مفتقدينك قوى

بس لو سمحت أنا عندى سؤال تطفلى شوية

ليه سيادتك غيرت اسمك الى المعلم عتريس المرة دى

و ايه يا ترى سبب اختيارك للصورة الكارتونية دى بالذات

و هل أنت سبت كندا و رجعت على مصر

و لا ايه العبارة

وبسؤال المتهم اعترف بالجريمة

انا عايز محامي

يا سيدي انا مش تورنتوز الله يمسيه بالخير

انا كنت هاحلف لك عشان تصدقني

بس الحكاية مش مستاهلة

[ramyfathalla]

والله منور يا معلم عتريس

و الله أعلم ترونتو أو ترونتوز سابقا

بس عندى احساس قوى انه أنت

يا أخى فعلا كنا مفتقدينك قوى

بس لو سمحت أنا عندى سؤال تطفلى شوية

ليه سيادتك غيرت اسمك الى المعلم عتريس المرة دى

و ايه يا ترى سبب اختيارك للصورة الكارتونية دى بالذات

و هل أنت سبت كندا و رجعت على مصر

و لا ايه العبارة

وبسؤال المتهم اعترف بالجريمة

انا عايز محامي :lol:

يا سيدي انا مش تورنتوز الله يمسيه بالخير

انا كنت هاحلف لك عشان تصدقني

بس الحكاية مش مستاهلة

يبقى الموضوع فيه لبس

تقريبا من كثرة طول فترة غياب ترونتو الواحد افتقده و الله يمسيه بالخير عشرةكبيرة تقول ايه

منور يا معلم عتريس و أسف على الاتهام الباطل و حقك على

[جبار سينج]

الله لا يمسيه بالخير تورنتو دة استغفر الله بيحب نفسه ومش عايز حد يجى كندا مش عارف ليه

الحمد لله راح لحاله بعد كثرة الطرد رفع الرايه

[abdelhalim]

السلام عليكم دكتور قناوي

سؤال من فضلك من واحد عايش 48/ ساعة قلق في ال 24 ساعة

فأرجو الرد

هي ايه قصة الميدكال؟

هل التدخين ممكن يسبب مشكلة؟

هي السفارة ملهاش معايير في أي حاجة؟ واحد يبقي عامل الميدكال وسبحان الله يتأخر؟ هل التأخير ده بيكون بسبب موظف؟هل ا لأكس راي بتروح لندن ولا لأ ولا بيروح منها تقرير من عند الدكتور؟في حالة لا قدر الله ظهر أي شيء في الميدكال ماهو الإجراء اللي هيتم من السفارة هل رفض ولا هياخدوا عليه اقرار بعدم تولي الحكومة الكندية الصرف عليه في هذا المرض؟أنا أظن إن الإيدز والسيلان والزهري والسل هم اللي يسببوا رفض؟ماهي المدة بين عمل الميدكال وأخذ التأشيرة هل هي شهرين ولا تلاتة؟هل الطبيب اللي بيعمل الميدكال عندما يكتب تقاريره بيكون لها دور فعال في أخذ التأشيرة والعكس؟ ماهو دور المكتب اللي في لندن؟

أرجو الرد من الأخوة الأعزاء أصحاب المنتدي الكرام الرد علي كل جزئية من سؤالي

ولكم جزيل الشكر

[adamdec]

السلام عليكم دكتور قناوي

سؤال من فضلك من واحد عايش 48/ ساعة قلق في ال 24 ساعة

فأرجو الرد

هي ايه قصة الميدكال؟

هل التدخين ممكن يسبب مشكلة؟

لأ مش بيسبب مشكلة

هي السفارة ملهاش معايير في أي حاجة؟ واحد يبقي عامل الميدكال وسبحان الله يتأخر؟ هل التأخير ده بيكون بسبب موظف؟

اسباب التأخير كثيرة و صعب أى حد يقولك ايه بالضبط هو سبب التأخير.

ممكن الجواب يتأخر ممكن الموظف كسلان ممكن يكونوا لسة بيعملوا باك جراوند تشيك

هل ا لأكس راي بتروح لندن ولا لأ ولا بيروح منها تقرير من عند الدكتور؟

انا شخصيا معرفش ممكن حد من الاخوة الى مروا بالمديكال يردوا عليك

في حالة لا قدر الله ظهر أي شيء في الميدكال ماهو الإجراء اللي هيتم من السفارة هل رفض ولا هياخدوا عليه اقرار بعدم تولي الحكومة الكندية الصرف عليه في هذا المرض؟

دى بتعتمد على ايه الى ظهر فالمديكال. و مش كل حالة زى التانية

أنا أظن إن الإيدز والسيلان والزهري والسل هم اللي يسببوا رفض؟

ايوة صح كده. عادة الامراض الخطرة على الصحة و السلامة العامة و الامراض المزمنة التى تكون عبئا على الحكومة بتاخد رفض مع العلم ان مش كل الامراض المعدية و الامراض المزمنة بتترفض. ده بيعتمد على شدة المرض و سهولة تنقله لانسان أخر و الحكومة حتصرف على المرض قد ايه. كمثال يعنى الناس الى عندها سكر أو ضغط و بعض أمراض القلب مثلا مش بتاخد رفض لانه مش بيستنزفوا الحكومة و سهل السيطرة عليهم.

ماهي المدة بين عمل الميدكال وأخذ التأشيرة هل هي شهرين ولا تلاتة؟

هو حضرتك مقدم امتى؟ الناس الى قدمت قبل فبراير 2008 المديكال بيتأخر الى بعد كده من 3 ل5 شهور بس المتوسط 3 شهور.

هل الطبيب اللي بيعمل الميدكال عندما يكتب تقاريره بيكون لها دور فعال في أخذ التأشيرة والعكس؟ ماهو دور المكتب اللي في لندن؟ أكيد امال شغلته ايه؟ دور مكتب لتدن انه يقرأ التقرير بتاع الدكتور و يشوف اذا كان فيه مشكلة و لا لأ و لو فيه لا قدر الله مشكلة زى ما قولت فوق بيبعتوا رفض. الدكتور ساعات بيطلب حاجات زيادة لو حس ان فيه مشكلة معينة فالتقرير الى بيروح بيكون من الاخر يعنى.

أرجو الرد من الأخوة الأعزاء أصحاب المنتدي الكرام الرد علي كل جزئية من سؤالي

ولكم جزيل الشكر

و انتظر اجابات اخرى من باقى الاخوة الاكثر خبرة منى

تم تعديل 3 فبراير 2010 بواسطة adamdec

[qenawy]

لا تقلق

واقفة مع الكل يا زعيم

الاكس راي عشان الدرن السل يعني اساسا ونعم ترسل للندن لتقييم الموضوع وتقرير الطبيب اجمالا بس كبر دماغك

اساباب الرفض هي الايدز والمشاكل الطبيةالمكلفة مثلا عمليات صمام ميترالي وشوية الحاجات الثقيلة دي

واعتقد اصحاب المشاكل دي مش بيدوروا علي هجرة اساسا

عيانين كرونيك بقي

فطنش

وان شاء الله خير

وهانت للجميع انا قلبي حاسس بكدة

والصبر مفتاح كندا والفرج وروض الفرج سابقا

[adalat]

اخواتى اعضاء المنتدى

تحية طيبة ارجو الاستفسار عن شى انا طبيبة مصرية وزوجى طبيب نريد السفر الى كندا انا قمت بحساب مجموع درجاتى فوجدته 69 فاذا قدمت اوراقى هل سيتم قبولها وهل يجب على اخد ILETs والمعادلة قبل تقديم اوراقى اما ماذا

ارجو الرد

[ابنه النيل]

اخواتى اعضاء المنتدى

تحية طيبة ارجو الاستفسار عن شى انا طبيبة مصرية وزوجى طبيب نريد السفر الى كندا انا قمت بحساب مجموع درجاتى فوجدته 69 فاذا قدمت اوراقى هل سيتم قبولها وهل يجب على اخد ILETs والمعادلة قبل تقديم اوراقى اما ماذا

ارجو الرد

طبعا امتحني الايليت الاول لتضمني الدرجات وهوه مده صلاحيته سنه للهجره

اول ما تطلع النتيجه ابعتي علطول

ومش لازم المعادله دي حاجه بتاعتك يعني فيه ناس بتحب تطمن ان الفيزه معاها وبعدبن تبدأ فب المعادله

وفيه ناس اول ما يجيلها الفايل نمبر تبدأ تمشي في المعادله عشان تخلص الاتنين مع بعض

وتمتحن مع الاندنج مثلا

وبالتوفيق

[Dr Yasser Mosa]

السلام عليكم

انا عضو جديد في المنتدى قرات العديد من موضوعات كندا و استفدت جدا و بشكر كل الناس اللي تعبت نفسها و كتبت عشان تفيد غيرها و ربنا يجازيهم خير في الدنيا و في الاخره.

انا محتار اقدم كيبيك ولا فيدرال و محتاج مساعدتكم خاصة اني متمكن من الانجليزيه و ضعيف ف الفرنسيه, و بالنسبه لرصيد البنك انا كطبيب في مصر طبعا معييش المبلغ المطلوب في الفيدرال لكن ممكن احاول استلفه , فعايز اعرف لازم الرصيد يبقى موجود قبل التقديم او المقابله بفترة قد ايه؟ وكم الرصيد اللي مطلوب من فرد واحد في فيدرال؟

وايهما اسهل كيبيك و لا فيدرال ولا ايه؟

بالنسبه لموضوع الدراسه, ايه هي افضل البرامج اللي تنفع الأطباء في كندا و ليها فرص شغل مضمونه للمهاجرين, يعني مثلا

Health Administration

Health Informatics

Human Resources

Social Work

Quality Control

IT

ايه افضل البرامج بالنسبه للأطباء, واللي ممكن تخلينا نشتغل في الميديكال فيلد بس مش كلينيكال و بالتالي من غير معادله, زي ادارة المستشفيات او نشتغل في فيلد تاني قريب من تخصصنا و بعييييييييييد عن الكاجوال وورك ؟؟؟؟؟؟؟؟؟

ولسيادتكم جزيل الشكر

[ehabtaher]

زميلى اللى مقدم معى رجعو له الطلب ل 3 اسباب علشان يكملهم

1- انه يكتب المكتب اللى المفروض طلب الفيزا بتاعه يبقى تابع له

2- انه يكتب الجوب دسكريبشن بصوره واضحه

3- مش عارف لسه لانه مش عارف يوصفلى فى التليفون

انا نازل اشوف صندوق البريد

واجى اقول لكم

[adamdec]

ان شاء الله خير يا بشمهندس

[Dr Remon]

زميلى اللى مقدم معى رجعو له الطلب ل 3 اسباب علشان يكملهم

1- انه يكتب المكتب اللى المفروض طلب الفيزا بتاعه يبقى تابع له

2- انه يكتب الجوب دسكريبشن بصوره واضحه

3- مش عارف لسه لانه مش عارف يوصفلى فى التليفون

انا نازل اشوف صندوق البريد

واجى اقول لكم

ان شاء الله خير..... متقلقش

[qenawy]

يا ايهاب انت هيجيلك ايميل اولا بالموافقة

فلا تقلق

حاسس بك

[ehabtaher]

يا ايهاب انت هيجيلك ايميل اولا بالموافقة

فلا تقلق

حاسس بك

شوفو يا جماعه الطلب رجع علشان

نفس الحاجات

بتاعه زميلى وعدد الافراد فى اول صفحه مش مكتوب ومكتب الفيزا (لندن)

بس حاجات بسيطه

حانغيرهم ونبعت الطلب من جديد وربنا معانا

[ehabtaher]

كله خير

التاخير يسمح لنا بتحويش الزياده فى البروف اوف فند :) :)

[tahany mounir]

عزيزى د. قناوى :

لقد ارسلت الأبليكشن بال DHL يوم 30 / 10 /2009 و تم استلام الطلب فى نوفاسكوتيا يوم 4 /11/2009 علما بأننى كتبت لدفع عن طريق الكريدت كارد بالأستمارة الخاصة به.

و حتى الآن لم تسحب الفلوس من الكارت , لقد اتصلت باحد مكاتب محامى الهجرة بالقاهرة و قالت لى المسؤلة ان الفترة المفترضة من تاريخ الاستلام حتى سحب الفلوس

تتراوح بين 2 - 4 شهر , علما بأن معظم شهر يناير كان اجازات , فهل هذا صحيح ؟ و هل فى حالة رفض الطلب سوف يخبروننى ام ان عدم سحب الفلوس فى حد ذاته يعتبر الرد

بالرفض ؟ ارجو الرد فأنا فى منتهى القلق , و شكرا جزيلا.

[ehabtaher]

يا مدام تهانى

انا ارسلت فى نفس الموعد بس فى اول اكتوبر

ردو عليا بكتابه خانات فاضيه والاجابه على شويه اسئله لم اجب عليها

ثم سوف ارسل الطلب مره اخرى والله الموفق

يعنى هم لو لم يسحبو من الفيزا اما لسه لم يدرسو الطلب او درسوه ورجعوه علشان استكماله

فانت انتظرى اما يرجعولك الخطاب لاستكمال النواقص

او السحب من الفيزا

ولا تقلقى فانا مثلك بس فى اول عشره وردو عليا الان

[adalat]

شكرا اختى ابنة النيل على هذا الرد السريع ولكن ليا طلب معلش الابليكشن انزلها من على النت واملاها بخط الايد وابعتها عن طريق النت ولا اروح السفارة الكندية فى مصر واطلب ابليكشن ويعطوها لى

وارجو معرفة مكتب هجرة معتمد

[ehabtaher]

شكرا اختى ابنة النيل على هذا الرد السريع ولكن ليا طلب معلش الابليكشن انزلها من على النت واملاها بخط الايد وابعتها عن طريق النت ولا اروح السفارة الكندية فى مصر واطلب ابليكشن ويعطوها لى

وارجو معرفة مكتب هجرة معتمد

ما دام عندك كمبيوتر

يبقى ممكن تملاها بالكتابه فيها على الكمبيوتر

ثم تطبعها بعد ذلك

[ehabtaher]

وبعدين كل اللى هنا ماشيين فى موضوع الهجره بدون محامى