رد على إستفساراتكم السريعة عن الهجرة لكندا

[MrBambinoDent]

عندي استفسار لو سمحتم !!

دلوقتي كطبيب أسنان اشتغلت شوية في وزارة الصحة و بعد كدة أخدت أجازة بدون مرتب و شغال في عيادتي الخاصة

هل عندكم فكرة ازاي أعمل شهادات خبرة ؟؟ و زوجتي طبيبة أسنان برضو هل ممكن أعملها شهادات خبرة من عيادتي ؟؟ و ازاي ؟؟

و بالنسبة للشهادات التعليمية هل هحتاج شهادات ثانوية مثلا ؟؟ و هل كله لازم يتوثق من الخارجية ؟؟

اسف للاطالة لكن أنا جديد خالص و كان مفروض أروح بعد بكرة أدفع فلوس المحامي ( مكتب المستشار وهيب ) لكن أحد الاخوة في المنتدي نصحني اني أقدم بنفسي ... و بحاول ألاقي اجابات لأسئلتي عشان لو كدة فعلا ممكن أوفر 4 الاف دولار أتعاب المكتب

شكرا جزيلا و جعله الله في ميزان حسناتكم

بالنسبة لشهادات الخبرة, فمجال عملى بعيد عن طب الاسنان, ولكن ممكن تسأل فى النقابة فى تخصصك او اى جهة رسمية زى وزارة الصحة مثلا عن الموضوع ده, لان الجهة اللى مرخصالك تفتح العيادة غالبا ممكن تساعدك فى شهادة الخبرة لانهم عندهم بياناتك, وشهادة الثانوية غير مطلوبة ولا يلزم توثيق الخارجية للشهادات

مع تحياتى

شكرا جزيلا يا أستاذ سلامة ( دة اسمك مظبوط و لا ايه ؟؟ :rolleyes: )

أخوك عمر و ان شاء الله أكون معاكم في المنتدي نساعد بعض و ننقل المعلومات للي محتاجها

[salamatarek]

شكرا جداااا على الرد الوافى اللى بحاول أفهمه كويس لأنى مليش خبرة كبيرة فى أمور الهجرة.

لكن أعتقد ان فترة الخبرة بتاعتى اللى هى سنة واحدة غير كافية على الاطلاق

بالاضافة لعدم حصولى على الايلتس حتى الأن .

ومستوى الفرنساوى مقبول تقريبا بس برده لا يكفى للحصول على سكور كويس.

فاعتقد ان مش هينفع التقديم فى الفترة دى .

بس أنا عايز استفسر من حضرتك .

لو كل الحاجات دى ان شاء الله خلصتها(ايلتس+فرنساوى+سنتين خبرة كصيدلى )

هل فرصتى فى الحصول على سكور كويس تبقى عالية؟

انا شايف برضه ان تقديمك الايام دى صعب ومش هتلحق ,لكن هفترض انك هتقدم السنة الجاية يبقى درجاتك كما يلى:

خبرة السنتين 17

السن 10

الدراسة 20

الانجليزى 16

الفرنساوى4

وطبعا ان افترضت انك هتجيب هاى سكور فى الايلتس و فى الفرنساوى لما تمتحن التى اى اف تجيب مهارة من المهارات انترميديت والباقى بازيك, وطبعا الحسبة تقديرية اللى هيحددها مستواك فى اللغات

مع تحياتى

[salamatarek]

عندي استفسار لو سمحتم !!

دلوقتي كطبيب أسنان اشتغلت شوية في وزارة الصحة و بعد كدة أخدت أجازة بدون مرتب و شغال في عيادتي الخاصة

هل عندكم فكرة ازاي أعمل شهادات خبرة ؟؟ و زوجتي طبيبة أسنان برضو هل ممكن أعملها شهادات خبرة من عيادتي ؟؟ و ازاي ؟؟

و بالنسبة للشهادات التعليمية هل هحتاج شهادات ثانوية مثلا ؟؟ و هل كله لازم يتوثق من الخارجية ؟؟

اسف للاطالة لكن أنا جديد خالص و كان مفروض أروح بعد بكرة أدفع فلوس المحامي ( مكتب المستشار وهيب ) لكن أحد الاخوة في المنتدي نصحني اني أقدم بنفسي ... و بحاول ألاقي اجابات لأسئلتي عشان لو كدة فعلا ممكن أوفر 4 الاف دولار أتعاب المكتب

شكرا جزيلا و جعله الله في ميزان حسناتكم

بالنسبة لشهادات الخبرة, فمجال عملى بعيد عن طب الاسنان, ولكن ممكن تسأل فى النقابة فى تخصصك او اى جهة رسمية زى وزارة الصحة مثلا عن الموضوع ده, لان الجهة اللى مرخصالك تفتح العيادة غالبا ممكن تساعدك فى شهادة الخبرة لانهم عندهم بياناتك, وشهادة الثانوية غير مطلوبة ولا يلزم توثيق الخارجية للشهادات

مع تحياتى

شكرا جزيلا يا أستاذ سلامة ( دة اسمك مظبوط و لا ايه ؟؟ :) )

أخوك عمر و ان شاء الله أكون معاكم في المنتدي نساعد بعض و ننقل المعلومات للي محتاجها

اهلا بيك يا اخ عمر فى المنتدى,والعفو ده واجب, واسمى فعلا سلامة

مع تحيانى

[salamatarek]

شكرا ليك على ردك

هو انا فهمت من الموقع برده اني لي الحق اقدم على فيزة عمل مؤقت بعد دراسة سنتين في كندا

انا ناوي اعمل كده وان شاء الله بعد العمل سنة او اتنين (بعد دراسة الماستر) ممكن اقدم تبع الخبرة الكندية وساعتها تبقى الدنيا سهله ان شاء الله

اما حالة اني اكلم الكليه علشان يعملولي عقد عمل اقدم بيه على الهجره (يبقوا زي سبونسر يعني) فانا هشوف لما اوصل ان شاء الله الظروف ايه وانا شايف ان الميزة هنا ان الوقت هيبقى اسرع بكتير (بدل ما اخلص الماستر وبعديه اشتغل سنة وبعديها اقدم على الهجرة) بس الموقع قايل ان لازم يكون معايا فيزة عمل مؤقته وانا رايح على فيزة دراسة مش عمل فالاحتمال ده ممكن يبقى ضعيف شوية

بالنسبة لموضوع المنح فباختصار كده (لاني ناوي اعمل موضوع منفصل بالتفصيل ان شاء الله):

- لازم يكون الطالب جايب تقدير كويس يعني امتياز وممكن جيد جدا في البكالوريوس او واخد ماستر بتقدير كويس برده لو هيقدم دكتوراه (وده اسهل)

- تكون طبعا واخد IELTS لا يقل عن 6.5 وممكن بعض الجامعات بتاخد من 6

- يفضل الخروج على منحة دكتوراه لانها اسهل بكتيييير من الخروج على ماستر (الماستر ممكن تدفع فلوس مع المنحة وده حالتي اما الدكتوراه فالمنحة بتبقى شامله كل حاجة)

- طبعا لو الطالب نشر في مجلات او درويات علميه قبل كده بيبقى ليه اولويه كبيرة

- اهم خطوة بعد كده انك تبعت للدكاترة هناك (في كل جامعه وعلى حسب اهتمامات الدكتور البحثية) وتقولوا انك عاوز منحة وتديله research proposal مبداى

- طبعا في ناس مبتردش خالص, وفي ناس بترد وتعتذر (وده كتير) ان مفيش مكان او مفيش فلوس كفايه معاه او ان مجال بحثك مش مجال اهتمامه.

- وفي ناس تقولك قدم الاول ونشوف بعد كده (بس ساعتها هتقدم وتدفع فلوس ادمشن وتبعت ورق وانت مش عارف النتيجة او مش واخد وعد بحاجة)

- وممكن واحد يرد باهتام ويقولك اوك بس عاوز منك تقرا في الموضوع الاول وتديلي تفاصيل اكتر وده اللى حصل معايا لايه مقدمت وطبعا تحت اشراف الدكتور وبعلمه والامور مشيت الحمد لله.

وفي الاول والاخر ده نصيب طبعا بس لازم الواحد يتعب شويه ويكون عارف هوه عاوز يدرس هناك ولا لأ.

عموما لو حد عاوز اي استفسار بخصوص الموضوع ده انا ممكن ارد عليه ان شاء الله

شكرا ليكم جدا عالموضوع

العفو يا بشمهندس عمر, بس انا كنت عايز اسأل عن الايلتس اللى انت قدمت بيه للكليه هل هو اكاديمك ولا جينرال, وايه اسم الجامعة بالضبط؟

مع تحياتى

[اغابي]

شكرا يا استاذ سلامة

بصراحــة . . ردودك كلها وبشكل عام بتفيد الجميع

ربنا يكتر من امثالك . . ويوفقـــك

اغـــابي

:)

[salamatarek]

شكرا يا استاذ سلامة

بصراحــة . . ردودك كلها وبشكل عام بتفيد الجميع

ربنا يكتر من امثالك . . ويوفقـــك

اغـــابي

:)

شكرا يا اغابى على ذوقك وردودك الجميلة

وده اقل واجب للمنتدى اللى اتعلمنا فيه كتير, ودلوقت الوقت اللى لازم نرد فيه الجميل

مع تحياتى

تم تعديل 6 يوليو 2010 بواسطة salamatarek

[engamr]

العفو يا بشمهندس عمر, بس انا كنت عايز اسأل عن الايلتس اللى انت قدمت بيه للكليه هل هو اكاديمك ولا جينرال, وايه اسم الجامعة بالضبط؟

مع تحياتى

لأ طبعا

للتقديم للدراسة لازم Academic IELTS والفرق انه اصعب شوية من الGeneral في جزء القراءة والكتابة انما الاستماع والمحادثة مستواهم واحد في الاتنين (على ما اذكر)

الجامعه اسمها البرتا في ادمنتون

بالتوفيق

[hanysamir]

السلام عليكم ورحمة الله وبركاته

المحامي بعتلي قالي ان الصيادلة نازلين في ليستة الفيدرال الجديدة .انا مش فاهم حاجة انا مقدم كيبيك من 9\2009

ومستني المقابلة .انا مش فاهم الفرق ايه بين الفيدرل وكيبيك؟؟؟؟؟؟؟؟؟؟؟؟؟؟؟؟ من فضلكم حد يفهمني الفرق ويقولي ايه الاحسن ليا .

شـكــرا وبارك الله فيكم ... لكم مني أجمل تحية .

[أحمد سيف]

لأ طبعا

للتقديم للدراسة لازم Academic IELTS والفرق انه اصعب شوية من الGeneral في جزء القراءة والكتابة انما الاستماع والمحادثة مستواهم واحد في الاتنين (على ما اذكر)

الجامعه اسمها البرتا في ادمنتون

بالتوفيق

مبروك المنحه يا باشمهندس

الجامعة كويسه بس البلد صعبه شويه

[yehzak]

السلام عليكم ,

لو سمحت انا عندى استفسار.

انا صيدلى متخرج من سنة تقريبا معايا مستويين فرنساوى والانجليزى بتاعى الحمد لله كويس .وبجهز للايلتس حاليا وهكمل فرنساوى.

ايه الفرص المتاحة حاليا للهجرة لكندا سواء كيبك او فيدرال وامتى اقدر اقدم الملف بتاعى .

اهلا بيك فى منتدانا واهلا بكل الاعضاء الجدد اللى احب انصحهم انهم يقرأوا كتير فى المنتدى لان كل حاجة مكتوبة ولاكتساب الخبرة قبل التقديم لعدم حدوث اى اخطاء والاجابات على اسئلتك كالتالى

بالنسبة للفيدرال التقديم سنويا بداية من شهر يوليو يعنى زى الايام دى وكيبك ممكن تقدم فى اى وقت, وانا معرفش كل بياناتك لكن من الواضح انك لسه ما تجيبش الاسكور المطلوب لاى من الفيدرال او كيبك

وانا هاستعير كلام استاذ احمد سيف عن الفيدرال كما يلى ويجب ان تقوى خبراتك ولغتك حتى تصل الى الاسكور المطلوب.

خطوات التقديم هي كالتالي:

1- اجراء تقييم مبدئي لفرصتك في القبول وفق أربعة معايير هي:

- الحصول على 67 نقطة على الأقل من 100 في ال self assessment test والذي تمنح فيه نقاط حسب المؤهل والخبرة والسن والمهارات اللغوية (انجليزي وفرنسي) والقدرة على التكيف في كندا.

- وجود وظيفتك ضمن قائمة الوظائف المطلوبة والقدرة على الحصول على شهادة خبرة تتضمن المهام الوظيفية المحددة لهذه الوظيفة ،وعملك بها لمدة سنة كاملة على الأقل.

- توفر أصول كافية لتغطية مبلغ ال Settlement Funds الذي يحدد حسب عدد أفراد الأسرة.

- وجود أماكن شاغرة للهجرة ضمن النصاب المحددة لكل وظيفة (ألف طلب) والنصاب السنوي العام (20 الف طلب)، وطبعا بما أننا مازلنا في البداية فالنصاب لم يكتمل بعد والفرصة متاحة للتقديم.

إذا توفرت هذه الشروط يمكنك الانتقال الى الخطوة التالية وهي تجميع المستندات المطلوبة وتشمل التالي:

- الوثائق الشخصية: شهادات الميلاد وقسيمة الزواج ووثائق السفر.

- شهادات الدراسة.

- شهادات الخبرة العملية ونسخ من عقود العمل.

- شهادة الـ IELTS الأصلية.

- كشف حساب البنك.

- الفيش والتشبية من كل بلد اقمت به أكثر من ستة شهور (لكل افراد الأسرة الراشدين).

وهناك تفاصيل أكثر عن المستندات المطلوبة في موقع الهجرة.

الخطوة الثالثة هي ملء النماذج Forms المطلوبة والتي تشمل:

- طلب التقدم للهجرة

- استمارة ال Background والتي تشمل أسئلة ذات طبيعة أمنية

- استمارة Economic Class والتي تتضمن معلومات خاصة بالوضع المادي والخبرات العملية

- استمارة Family Information والتي تتضمن معلومات عن أفراد الأسرة.

- استمارة دفع الرسوم

- وهناك بعض مكاتب الهجرة التي تطلب ملء استمارة Travel التي تبين فيها جميع رحلاتك خارج محل إقامتك ... وهي ايضا ذات طابع أمني

- إضافة الى ذلك يجب ارفاق عدد 2 Check List احدهما خاص بمكتب الاستلام المركزي CIO والاخر خاص بمكتب الهجرة الذي سيقوم بتقييم ملفك

- وطبعا ارفاق المستندات المطلوبة والتوقيع على النماذج المحددة.

آخر خطوة هي ارسال الطلب الى مكتب الاستلام الرئيسي CIO في نوفاسكوشيا ليتم التأكد من تحقق الشروط المذكورة في الخطوة الأولى ومن ثم إرسال الملف الى مكتب الهجرة الذي يتبعه بلدك لفحص الملف واتخاذ قرار بشأنه. أما إذا كان الملف ناقصا أو غير مستوفي الشروط فسيعاد لك مع رسالة توضح سبب عدم قبوله وعليك التقدم من البداية إذا رغبت في إعادة المحاولة.

في مكتب الهجرة إذا تمت الموافقة على طلبك سيرسل لك طلب الميديكال مباشرة، وبعد إجراء الفحص الطبي ستصدر التأشيرة.

ومرة أخرى الخطوات مشروحة بالتفصيل في موقع الهجرة ... وبالتوفيق للجميع.

انما بالنسبة لكيبك ممكن تجرب الself assesment فى موقع الهجرة الكندىعلى الرابط التالى

http://www.immigration-quebec.gouv.qc.ca/e...kers/index.html

و الموقع التالى مفيد جدا لكيبك

http://www.cic.gc.ca/english/immigrate/quebec/index.asp

الاخوه الاعزاء اصحاب العلم في مجال التقديم للهجره

بالنسبه ل مبلغ Settlement Funds لازم يكون مبلغ في البنك ولا ينفع أقدم عقد تمليل الشقه مثلا او السياره؟؟

و لو قمت بعمل ايداع في البنك بالمبلغ اكيد ساعة التقديم مش حيكون فات عليه حتي ولا شهر ايه العمل؟؟

[engamr]

لأ طبعا

للتقديم للدراسة لازم Academic IELTS والفرق انه اصعب شوية من الGeneral في جزء القراءة والكتابة انما الاستماع والمحادثة مستواهم واحد في الاتنين (على ما اذكر)

الجامعه اسمها البرتا في ادمنتون

بالتوفيق

مبروك المنحه يا باشمهندس

الجامعة كويسه بس البلد صعبه شويه

الله يبارك فيك والف شكر ليك

بس قصدك ايه البلد صعبه

انا سمعت عن الجو انه وحش. ده قصدك ولا في حاجة تانية

[ASHAKER]

سؤال يا جماعة الله يكرمكم :

1- فين ممكن اترجم عقود العمل القديمة بتاعتي او شهادة الخبرة

2- فين ممكن اترجم جوابات تخصيص الاراضي علشان اثبت ملكيتي و هل تكون دة حاجة كويسة و لا لازم تكون ارض مخلص اقساطها

3- هل لو بعت شهادة ميلاد تانية مترجمة مختلفة عن اللي بعتاها في الورق علشان ضفت فيها لقب العائلة تعملي مشكلة و لا لأ

[salamatarek]

سؤال يا جماعة الله يكرمكم :

1- فين ممكن اترجم عقود العمل القديمة بتاعتي او شهادة الخبرة

2- فين ممكن اترجم جوابات تخصيص الاراضي علشان اثبت ملكيتي و هل تكون دة حاجة كويسة و لا لازم تكون ارض مخلص اقساطها

3- هل لو بعت شهادة ميلاد تانية مترجمة مختلفة عن اللي بعتاها في الورق علشان ضفت فيها لقب العائلة تعملي مشكلة و لا لأ

1&2- مكتب فؤاد نعمة اللى فى العمارة بجانب الحرية مول مصر الجديدة

3- مش هيحصل مشاكل ان شاء الله, لكن يفضل ان الاثنين يكونوا متطابقين

[engamr]

سؤال يا جماعة الله يكرمكم :

1- فين ممكن اترجم عقود العمل القديمة بتاعتي او شهادة الخبرة

2- فين ممكن اترجم جوابات تخصيص الاراضي علشان اثبت ملكيتي و هل تكون دة حاجة كويسة و لا لازم تكون ارض مخلص اقساطها

3- هل لو بعت شهادة ميلاد تانية مترجمة مختلفة عن اللي بعتاها في الورق علشان ضفت فيها لقب العائلة تعملي مشكلة و لا لأ

1&2- مكتب فؤاد نعمة اللى فى العمارة بجانب الحرية مول مصر الجديدة

3- مش هيحصل مشاكل ان شاء الله, لكن يفضل ان الاثنين يكونوا متطابقين

طيب هى الترجمه ده بتكون معتمدة

وياريت لو نعرف الاسعار ايه

يعني ورقة واحدة فيها 5-6 سطور (شهادة خبره) مثلا تترجم باد ايه تقريبا؟؟؟

وياريت لو العنوان تفصيلي او رقم التلفون

الف شكر

[engamr]

انا عاوز اعرف لما اروح لكندا هل اخد معايا فلوس بالدولار الكندي ولا الامريكي ولا بالمصري واحول هناك

انا الصراحة مش لاقي في القاهرة الدولار الكندي منتشر وبسال عليه في البنوك والصرافة ومش لاقيه

فياريت يا جماعه المساعدة في الموضوع ده

جزاكم الله خيرا

[mmdd]

السلام عليكم ياخواني

عايز استفسر عن امكانية الهجرة لاخت معنا في العمل كهجرة لاجئين:

الجنسية : فلسطينية ومعهاش جواز سفر بل وثيقة سفر فلسطنية من مصر

هي امرأة مطلقة معها ولدين مصريين الجنسية وبنت كويتية الجنسية من زوج اخر

وحالتها صعبة جدا وكل اللي في العمل عايز يساعدها باذن الله

ماهو الحل الافضل لها للقيام بالهجرة؟

وجزاكم الله خير

[Fady Hany]

انا اسمى فادى و جديد معاكم هنا و انا قدمت وورقى دخل السفارة وعايز اعرف التخصص مطلوب و لا لأ , انا مهندس كيمياء

[engamr]

انا اسمى فادى و جديد معاكم هنا و انا قدمت وورقى دخل السفارة وعايز اعرف التخصص مطلوب و لا لأ , انا مهندس كيمياء

ممكن بس حضرتك توضح شوية

يعني انت قدمت على هجرة من هنا

ووظيفتك مهندس كيمياء؟؟

اللى انا فهمته ان اللستة الجديده مفيهاش مهندسين خالص

[salamatarek]

انا عاوز اعرف لما اروح لكندا هل اخد معايا فلوس بالدولار الكندي ولا الامريكي ولا بالمصري واحول هناك

انا الصراحة مش لاقي في القاهرة الدولار الكندي منتشر وبسال عليه في البنوك والصرافة ومش لاقيه

فياريت يا جماعه المساعدة في الموضوع ده

جزاكم الله خيرا

احسن حاجة تاخد الفلوس بالدولار الامريكى وممكن تغيره هناك بسهولة وكمان مش هتخسر فيه اى حاجة على عكس الدولار الكندى

[salamatarek]

انا اسمى فادى و جديد معاكم هنا و انا قدمت وورقى دخل السفارة وعايز اعرف التخصص مطلوب و لا لأ , انا مهندس كيمياء

اهلا بيك يا فادى فى منتدانا

انا برده ما فهمتش سؤالك, لكن لو انت كنت قدمت فيدرال قديم, فكندا مطلوب فيها طبعا مهندسين كيمياء, وان شاء الله يقبلوك

انما لو لسه هتقدم فيدرال جديد فللأسف الوظيفة دى مش موجودة فى لستة الفيدرال الجديدة, وانصحك تقدم كيبك لان الوظيفة دى مطلوبة جدا عندهم

والنصيحة الاهم انك تقرأ كتير فى المنتدى علشان الامور تكون اسهل بالنسبة لك

مع تحياتى