رد على إستفساراتكم السريعة عن الهجرة لكندا

[lost]

انا بحثت فى المنتدى حالا ولقيت قائمة بالوظائف المطلوبة لكن مالقيت المحاماة واحدة فيهم هل هذا معناه ان انا لو قدمت هترفض او بمعنى تانى نسبة قبولى كام فى المية ؟ ولو فيه احتمال بقبولى الاجراءات هتستمر اد ايه ؟

ارجو افادتى

[jessika]

lost كلام دكتور قناوى واضح وضوح الشمس طالما مش بالقائمة حضرتك متتعبش نفسك وتقدم فيدرال لانة مش هايتنظر فى ملفك وقدامك خيارين اما انك تنتظر للسنة القادمة وتشوف الوظايف الجديدة او انك تقدم كيبك وتذاكر فرنساولى لان كيبك مش محددة تخصصات وربنا يوفقك

[Nassarlink]

وراك رجاله يا جناوي

[jessika]

رجالة؟ :o :o :o :o :o :o

[qenawy]

الاستاذ نصار يقصد رجال مواقف وليس المعني الحرفي للكلمة يا مدام جيسيكا وشكرا

علي فكرة بقي اشكر الناس اللي بترد مكاني واعتذر عن نسياني بعض الاسئلة او عدم معرفتي اجابتها والبركة فيكم جميعا اللي عارف حاجة يقولها لاني ساعات بكون مشغول

[jessika]

انا عارفة طبعا يا دكتورنا قصد الاستاذ نصار انا بضحك معاة واحنا بردو رجالة وجدعان قوى ههههههههههه

[lost]

شاكر جدا ليكى jessika على الاهتمام والرد

بالنسبة لكيبك لو المشكلة فى الفرنساوى انا شغال فيه حاليا ولكن الاجراءات الخاصة بيها بتقعد مده اد ايه ؟ وهل نظام النقاط الخاص بيها مختلف وللا هو هو نفسه زى النظام اللى عارفينه ؟

لكن المشكله الحقيقية تكمن فى الخبرة انا هشرح حالتى وارجو الافادة

بالمختصر انا اشتغلت اثناء الكلية لمدة سنتين كمندوب تسويق واشتغلت مع محامى لمدة ثلاث سنوات _بالمناسبة انا خريج 2008 _ ولكن البعض قاللى ان انا لازم خبرتى تكون بعد التخرج وتكون فى نفس مجال دراستك يعنى السنتين اللى اشتغلتهم كمندوب هيروحوا بحكم انهم مش فى مجال دراستى والثلاث سنوات اللى مع محامى برده هيروحه هدر لان انا اشتغلتهم قبل التخرج بصراحة انا محتار جدا وياريت حد يفيدنى ؟

[nohaph]

hiiiiiiiiiiii everyone can u send the link that contains the kind of jobs that could apply to the imigration please .......

i would be very happy

thank u for this intersting subject

[jessika]

lost شوفاولا بالنسبة للمدة كيبك اسرع بكتير من الفيدرال والنقاط توزيعتها مختلفة تماما وبما ان سنك صغير هتاخد 18 درجة بالسن فى كيبك ودة افضل من الفيدرال وواضح انك مش متجوز فطبعا مجموع نقاط الاعزب اقل من المتزوج لا تقلق يعنى لازم تكون مجمع 60 نقطة اما المتزوج لازم يجمع 68 نقطة نيجى للخبرة ولو تقدر تجيب شهادة من مكتب المحامى انك اشتغلت دة كويس وتشتغل من دلووقتى على الاقل قبل الانترفيو تكون شغال 6 شهور بس مش هتاخد درجة لخبرة كاملة كدة دة فى حدود معلوماتى ودكتور قناوى يفيدك اكتر وشكرا نصيحة بصفة شخصية خلى الوالد يجوزك ودة هايزيد نقاطك ههههههههههه طبعا بضحك معاك وربنا يوفقك

[lost]

شكرا شكرا شكرا شكرا شكرا .............الى مالا نهاية jessika . حقيقى انت انسانة اكتر من رائعة ,

اعتقد الانجليزى مطلوب برده مع الفرنساوى ؟ ورجاء اخر وهو ارسال الرابط الخاص بتوزيعة النقاط لمقاطعة كيبك علشان اشوف انا جايب كام . نيجى للاجراءات بحد اقصى هتاخد اد ايه مثلا لان النقطة دى هامة بالنسبة لى ؟

ملحوظة / بصراحة اول مرة الجواز الاقى للجواز فايدة

نصيحة للرجالة (اتجوز اربعة وهما هيدوك على كل واحدة نقط يعنى مش بعيد تعدى الميه نقطة والله الموفق عارف ان النساء فى المنتدى هيعملوا مظاهرة ضدى علشان النصيحة بتاعتى لكن ربنا يسترها...هههههههههههههههههههه طبعا انا بهزر الجواز ده اعظم مشروع فى الكون وبالنسبة للرجالة اوعوا تخدوا بنصيحتى خلينا فى السليم ياعم احسن احنا مش اد الحريم

[jessika]

http://www.canadavisa.com/quebec-skilled-w...mmigration.html دة توزيعة الدرجات يا lost ها اية تانى؟ الفترة بقت سريعة خلاص من 8شهور لسنة بالكتير الانترفيو لا خاب املك هى زوجة واحدة وممنوع عندهم تعدد الزوجااااااااااااااااااااااات ناس بتفهم هههههههههه الحق اتجوز وخلفلك طفلين الطفلين يدولك 8 نقط وزوجتك تديلك نقاط كويسة واللة الموفق

[jessika]

الانجليزى علية 6 درجات بس هى هتسالك سؤال واحد او اتنين انجليزى مش ضرورى زى الفرنساوى علية 16 درجة

[lost]

بعد قرائتى للرابط الذى اعطيتينى اياه بخصوص كيبك اتضح ان كيبك ليست للعزاب بمعنى ان المتزوج هياخد فيها نقاط كتير انا حسبت لنفسى النقاط لقيتنى جايب 62 ولكن شىء اود التاكد منه وهو سنوات الخبرة اللى عندى اللى اشتغلتها وانا بدرس هل هيعترفوا بيها وللا ؟ مع العلم ان المحامى اعطانى شهادة خبرة بالثلاث سنوات فرجاء افادتى فى هذا الشان . نقطة تانية وهى بخصوص المدة التى تلى المقابلة الشخصية لغاية صدور التاشيرة ؟

[jessika]

يا lostانت فهمت غلط يا بابا الاعزب مجموع درجاتة 60 فقط وانت بتقول جايب 62 يبقى معدى اهوووووووووووووو لكن المتزوج مطلوب منة 68 فهمت انت مش مطلوب منك غير 60 درجة فقط فكرتنى بنفسى كنت بسال كتير المهم الفترة بعد الانتر فيو بتقدم ورقك للفيدرال ويجيلك المديكال بعد 8 شهور وبعدها الفيزا علطول اسبوعين تلاتة وربنا يوفقك كان زمانك قدمك ياراجل

[lost]

الامل رجعلى جزئيا يا jessika ولكن الاهم هو مسالة الخبرة التلات سنين اللى اشتغلتهم مع محامى وانا فى الكلية هيتحسبولى وللا ? والسنتين اللى اشتغلتهم مندوب اقدر احتسبهم خبرة مع التلاته التانيين وللا ايه النظام ؟ انا بجد محتار جدا

بمناسبة تعبك معايا وردك السريع على اسئلتى انا جبتلك معايا هدية _ مقطوعة لموزارت من اجمل المقطوعات اللى بحب اسمعهالوا ارجو انها تنال اعجابك[/color]

Various_20Artists_20__20Wolfgang_20A._20Mozart_Klavierkonzert_20Nr._2021_20C_Dur_20KV467_20Andante.mp3

[Nassarlink]

الامل رجعلى جزئيا يا jessika ولكن الاهم هو مسالة الخبرة التلات سنين اللى اشتغلتهم مع محامى وانا فى الكلية هيتحسبولى وللا ? والسنتين اللى اشتغلتهم مندوب اقدر احتسبهم خبرة مع التلاته التانيين وللا ايه النظام ؟ انا بجد محتار جدا

بمناسبة تعبك معايا وردك السريع على اسئلتى انا جبتلك معايا هدية _ مقطوعة لموزارت من اجمل المقطوعات اللى بحب اسمعهالوا ارجو انها تنال اعجابك[/color]

في حاجه عاوز اقولها لك يا 'lost'

اولا الدرجات المطلوبه 59 درجه للعازب

ثانيا علشان يحسبلك درجات الدراسه لازم تكون درست وقت كاملTemp plain وليس وقت جزئي

وعلشان يحسبلك الخبره لازم تكون برده وقت كامل وليس مؤقت جزئ او بارت تايم

فهيكون ازاي انت بتدرس وقت كامل وبتشتغل في نفس الوقت وقت كامل طبعا ده مستحيل

علشان كده تتحسب لك درجات المؤهل اما الخبره فيما بعد المؤهل

وصلت دلوقتي ولا لسه

وده كله من غير اي هدايا

ماشي يا باشا

[lost]

المسالة كدة وصلت يعنى انا كدة مضطر انتظر سنتين كمان وللا حاجة عموما انا شاكر ليك جدا استاذ nassar على اجابتك لى على سؤال انا كنت ابحث عن اجابة ليه من مدة

ارجو توضيح نقطة بسيطة الهدية ليست مقابل للرد على الاسئلة وانما وسيلة للتعبير عن شكرى للاهتمام والرد

[jessika]

الف شكر يا لوست لذوقك وطبعا كلنا تحت امرك من غير اى هدايا ولا حاجة وربنا يوفقك

[lost]

هناك امر اخر ارجو الافادة فيه ؟

انا رحت لمكتب من مكاتب الهجرة والمحترم اللى هناك قاللى ان ممكن يسفرنى بعد سنة من دلوقتى عن طريق ان هو هيجبلى جوب اوفر من كندا لوظيفة مطلوبة وشوية حاجات هيظبطها بحيث ان انا اجمع النقاط المطلوبة وقاللى ان فيه عقد بيننا احنا ملتزمين بيه مش كده وبس الجوب اوفر اللى هيجبهولى هشتغل بيه لما اروح بنسبة كبيرة لكن كله بحسابه طبعا ارجو التاكد من مدى صحة ومنطقية هذا الكلام الخطير

[Nassarlink]

هناك امر اخر ارجو الافادة فيه ؟

انا رحت لمكتب من مكاتب الهجرة والمحترم اللى هناك قاللى ان ممكن يسفرنى بعد سنة من دلوقتى عن طريق ان هو هيجبلى جوب اوفر من كندا لوظيفة مطلوبة وشوية حاجات هيظبطها بحيث ان انا اجمع النقاط المطلوبة وقاللى ان فيه عقد بيننا احنا ملتزمين بيه مش كده وبس الجوب اوفر اللى هيجبهولى هشتغل بيه لما اروح بنسبة كبيرة لكن كله بحسابه طبعا ارجو التاكد من مدى صحة ومنطقية هذا الكلام الخطير

انا بصراحه مسمعتش عن حاجه زي دي قبل كده

وماظنش انه يقدر يعمل كده

يعني هيعمل ايه في الطبي والامني الي بياخدوا لوحدهم فوق ال8 شهور

خليك طبيعي

وعلي رأي الفنانه يسرا الطبيعي يكسب