رد على إستفساراتكم السريعة عن الهجرة لكندا

[moheltohamy]

حبيبي د. قناوي (الشهير بـ د. خالد)

أنا جاي بعد الغيبة الطويلة دي كلها عشان أقرصك من ودانك :P

إنتا كنت بتهرج حضرتك؟! تنسحب مين وتتقمص وتسيب المنتدى إيه بس؟! ده كلام بالذمة؟!

أنا ياما باتقفل من حاجات كتير ، وساعات باحس إننا في مدرسة ابتدائي والمشرفين ماسكين لنا الخرزانة ؛ اللي هيقول كلمة مش عاجباهم بتتحذف ، وسلّملي على حرّية إبداء الرأي!

وساعات كتير باستغرب من برود أعصابهم ورد فعلهم الهادي في مواقف ما يكفّينيش فيها غير شطب عضوية المشاركين!

وساعات كتير باتصل أنا بيهم وأطلب حذف مواضيع (لسه عاملها من شوية wst:: )

لكن من حقك تزعل منهم أو من أفراد ، أو من مواقف بعينها. لكن إنك تقفش على كلمة اتقالت لا تعبّر إلا عن رأي شخصي ، وقد لا تكون تعبر عن شيئ بالمرة وقيلت وسط الكلام وبدون انتباه ليها ؛ فده اللي أنا مش معاك فيه خالص!

يهون عليك يا راجل يا طيب تسيبنا بالسهولة دي؟! وانا اللي عمال ائول د. قناوي ، و بافرح لمّا باشوفك ، ولا الجيرل فريند بتاعتي!

ده كلام بذمّتك؟!

بس ده فعلاً أثبتلي إنك صعيدي أصيل... صعيدي على حق!

فكّرني موقفك ده بموقف أيام ما كنت مستلم تكليفي في بنك الدم الإقليمي في أسوان ، وحصل تاتش بين رئيسة التمريض ، ومدير الأمن (الـ 2 أسوانيّة) ؛ مدير الأمن بيقوللها استلمي عهدة مش عارف إيه ، وهيّه رفضت وآلتله ده شغلك انتا ، ومفيش حد غيرك هيستلمه!

الراجل أفش ، وطلع على مدير بنك الدم وقدّم استقالته! :happy: :lol: wst::

طبعاً قعدنا كلّنا نصالح فيه ونصالح بينهم واحنا مستغربين كلنا (بتوع وجه بحري) من اللي بيحصل ده!

كانت أوّل مرة أتعرّف عن قرب على الدماغ الصعيدي لما تئفش ;)

عموماً ، حمداً لله على سلامتك يا راجل يا طيب ، ومرحباً وجودك بيننا ؛ لو مش عشاننا يبقى عشان خاطر الغلابة اللي بتوفّر لهم فلوس المحامي ;)

كل سنة وانتا طيب ، يا راجل يا طيب :blush2:

[Alazhar]

الارادة والعزيمة مفتاح اي نجاح واللي نجحوا مش احسن منسي ومنك

قطعة اللحم الكبيرة تحتاج الى هضم جيد :wub:

فعلا المشكلة ان الواحد دايما (كعادة المصرين ) بيدور على المكاسب الكبيرة بس بشرط من غير تعب

عموما ربنا المستعان

شكرا مرة ثانية :hearts:

[dr marmar]

السلام عليكم يا جمااعه

يارب كلكم تكونوا بالف خير

معلش انا عندي استفسار مهم

دلوقتي انا وزوجي كنا مقدمين علي الهجره من ابريل 2008 واليوم وصلتنا رساله علي ايميل بيطلبوا فيها مجموعه من الاوراق من ضمنهم اصول وصور لشهاده الميلاد والمؤهلات وشهاده خبره فهل يجب ان تكون هذه الشهادات باللغه الانجليزيه ام العربيه وهل يجب توثيقها واين؟ كمان نترجم شهادات الميلاد ونوثقها والا نعمل ايه بالضبط؟؟؟؟

وامتحان اللغه لازم نمتحنواا دلوقت والل ممكن يتاجل شويه؟؟؟؟

هم عاملين مهله شهر يكون فيها الورق كامل والا يرفضوا الابليكاشن

الله يكرمكم ردووووووا علي بسرعه

وشكراااااااااااا

=======================

دكتووووووووووووور قناوي...... عودا حميدا للمنتدي

المنتدي افتقدك بشده :harp:

كل سنه وحضرتك طيب واعضاء المنتدي بالف خير

الاخت الفاضلة د مرمر

ياريت لو حضرتك تكتبي لنا تفاصيل اكتر عن التقديم....

التاريخ بالضبط

مكان التقديم فين

لوحدك او مع محامي

الابلكشن باسم مين..... اقصد المهنة المكتوبة

هل ده اول مره مكتب الهجرة يرسل لكم من يم التقديم

معلهش ...هي اسئلة كتيره ..بس سوف تفيد الجميع باذن الله

السلام عليكم يا جماعه واسفه جداا غلي التاخر في الرد بسبب عطل في الكومبيوتر

بالنسبه لاسئله الاحت سميه

فاحنا قدمنا بتاريخ 28 ابريل 2008

باسم زوجي وهو طبيب اورام

من مكتب السفاره في القاهره

وبدون اي محاميين

ودي اول حاجه نستلمها منهم

ارجو ان اكون افدتكم

وشكرا

[znaty]

[وامتحان اللغه لازم نمتحنواا دلوقت والل ممكن يتاجل شويه؟؟؟؟

هم عاملين مهله شهر يكون فيها الورق كامل والا يرفضوا الابليكاشن

الله يكرمكم ردووووووا علي بسرعه

وشكراااااااااااا

=======================

ربنا يتمم لكم علي خير يا دكتورة

بس موضوع الايلتس لا يحتاج اي تاخير

انا اترفضت قبل كدة سنة 2003 علشان اتاخرت في تقديم الايلتس ماعندهمش تفاهم ساعتها لو تاخرت هايديكو تقييم لغة 8 درجات من 16 دة في حالة انه حس انه جوزك درس بالانجليزي طول عمره وبيتكلم في شغله بالانجليزي واحساسة دة موش من فراغ دة انتوا لازم تقدموا اقرار مع مستندات تثبت الكلام دة

لذلك فاهم اهم حاجة الايلتس يتقدم بالسكور المطلوب

ثانيا موضوع شهر دة عجيب جدا جدا

لانه لما طلبوه مني سنة 2003 كانوا اعطوني فترة 3 شهور من تاريخ خطابهم

وحاليا ( النظام الجديد اللي بتبعته فيه على كندا الاول قبل السفارة بعد شهر 12/2008 ) بيدوا سماحية 4 شهور

متهيالي شهر دة قليل اوي واقترح تبعتي ايميل للسفارة تتاكدي من الوقت الضبط وتحتفظي بنخة من ردهم عليكي

بالتوفيق

[mohamedta]

السلام عليكم

مش هطول عليكم باستفساراتى

انا اعمل بجدة بوظيفة مدير مالى

فى شركة جودة المانية عالمية

و لكنى ارغب فى الحصول على الجنسية الكندية

مش عارف منين ابتدى و ازاى و الاجراءات بالبتنجان و البابا غنوج و الكلام ده

انا متزوج و منتظر ولى العهد ان شاء الله بفكر طبعا مشحتتش الاسرة معايا و اسافر مبدئيا لوحدى

مؤهلى بكالريوس تجارة من جامعة عين شمس و معايا MAC من الجامعة الامريكية من القاهرة و خبرة حوالى 7 سنين فى الخليج

كما ان زوجتى تجيد الغة الالمانية بطلاقة و انا يعنى نص نص و اتحدث الانجليزية بطلاقة

ارجو استشارة اهل الحبشتاكانات الى ديسين كندا و عارفنها كويس

الظروف المادية ايه اخبارها هحتاج معايا اد ايه و ايه اجراءات التقديم على الجنسية

مع خالص الشكر و التحيه

[znaty]

اساذ mohamedta

ايه رايك تقرا الملف المرفق دة كله وبعدين ابدا اسال اللي وقف قصادك او اختلط عليك

متهيالي كدة اسهل :blink:

EG7.pdf

[hazemtara]

الأخ الحبيب قناوى نورت المكان وبلاش الأمص دة تانى الله يبارك فيك انت عارف ان احنى عاملين زى المسافرين فى مركب واحد اذا اى حد فينا أصابة لا قدر الله مكروه أو أى شيئ أثر ذالك على بقية المجموعة

والله هى دى الحقيقة انت عارف انا شخصيا ما احبش امشى فى سيئ لوحدى لأن معنى أنى بعمل شيئ لوحدى دة معناة حاجة من اثنين :

أ)الحاجة الى ان بعملها فكرة قد تأتى بنتائج مبهرة لم يأتى بها أحد من قبلى ( وأظن دى فرصتها قليلة فى زمن قل فية المعجزات أو النبغات).

ب)الى أنا بعملة دة تكون نهايتة مأساوية او كارثية.

لكن لم أنا بشوف انى ماشى فى طريق مش لوحدى فية اكيد هكون مطمأن وأمن أكثر.

عارف الفترة الى انت بطلت تكتب فيها كان لها اثر نفسى سيئ جدا على وعلى قرار الهجرة .

:wub:

يا ريت مش تعمل تانى كدة وبعدين لا تعجب من رشق الشجرة المثمرة بالحجارة :blink:

مبسوط يا عم

خد عندك السؤال دة الى مجننى

انا عاوز الموقع الرسمى لترونتو نوتس علاشان اشتريها والدولارات جاهزة ( كاش عدا ونقدا)

السؤال بطيقة أخرى

what is the official site of toronto notes

وبلاش الله يخليك تقولى اعمل بحث على النت ( النتيجة حوالى مليون نصاب بيبيعوا النوت).

الى اعرفة أكيد هو موقع واحد بس

[اسلام هاشم]

كنت عاوز اسئل عن معهد كويس في تورنتو .. لتعليم اللغة الانجليزية ...

وكيفية بدء الاجراءات معه لاصدار الفيزا ..

[qenawy]

الأخ الحبيب قناوى نورت المكان وبلاش الأمص دة تانى الله يبارك فيك انت عارف ان احنى عاملين زى المسافرين فى مركب واحد اذا اى حد فينا أصابة لا قدر الله مكروه أو أى شيئ أثر ذالك على بقية المجموعة

والله هى دى الحقيقة انت عارف انا شخصيا ما احبش امشى فى سيئ لوحدى لأن معنى أنى بعمل شيئ لوحدى دة معناة حاجة من اثنين :

أ)الحاجة الى ان بعملها فكرة قد تأتى بنتائج مبهرة لم يأتى بها أحد من قبلى ( وأظن دى فرصتها قليلة فى زمن قل فية المعجزات أو النبغات).

ب)الى أنا بعملة دة تكون نهايتة مأساوية او كارثية.

لكن لم أنا بشوف انى ماشى فى طريق مش لوحدى فية اكيد هكون مطمأن وأمن أكثر.

عارف الفترة الى انت بطلت تكتب فيها كان لها اثر نفسى سيئ جدا على وعلى قرار الهجرة .

:wub:

يا ريت مش تعمل تانى كدة وبعدين لا تعجب من رشق الشجرة المثمرة بالحجارة :blink:

مبسوط يا عم

خد عندك السؤال دة الى مجننى

انا عاوز الموقع الرسمى لترونتو نوتس علاشان اشتريها والدولارات جاهزة ( كاش عدا ونقدا)

السؤال بطيقة أخرى

what is the official site of toronto notes

وبلاش الله يخليك تقولى اعمل بحث على النت ( النتيجة حوالى مليون نصاب بيبيعوا النوت).

الى اعرفة أكيد هو موقع واحد بس

قرات والله اعلم انه لايوجد موقع رسمي لتورنتو نوتس

لانها اصدارات تجميعات حتي ان الجماعة بتوع MCCE كاتبين انهم مالهم دعوة بيهااساسا ابراء لذمتهم من بعض الاخطاء فيها

لذلك يبقي موقع امازون هو المعقول لو حبيت تجيبها

ثانيا

شكرا ياعم علي الاطراء المبالغ فيه

انا غلبان ما يغركش المنظر

[qenawy]

كنت عاوز اسئل عن معهد كويس في تورنتو .. لتعليم اللغة الانجليزية ...

وكيفية بدء الاجراءات معه لاصدار الفيزا ..

اخي الفاضل اسلام تحياتي

شوف لو انت مصري وعايش في مصر

هتلاقي صعوبة كبيرة جدا في الحصول علي فيزا لدراسة اللغة هناك

ليه بقي عشان هنا في مصر فيه البريتش كونسيل وجامعه امريكية ETC

ثانيا التكلفة فلكية يعني 8 اسابيع حضر 20 الف جنيه علي الاقل

اليك رابط واتمني ان اكون افدتك

http://www.englishthebestway.com/

علي فكرة المعهد ده فيه دراسة BUSINESS ايضا

[precanadian]

الأخ الحبيب قناوى نورت المكان وبلاش الأمص دة تانى الله يبارك فيك انت عارف ان احنى عاملين زى المسافرين فى مركب واحد اذا اى حد فينا أصابة لا قدر الله مكروه أو أى شيئ أثر ذالك على بقية المجموعة

خد عندك السؤال دة الى مجننى

انا عاوز الموقع الرسمى لترونتو نوتس علاشان اشتريها والدولارات جاهزة ( كاش عدا ونقدا)

السؤال بطيقة أخرى

what is the official site of toronto notes

وبلاش الله يخليك تقولى اعمل بحث على النت ( النتيجة حوالى مليون نصاب بيبيعوا النوت).

الى اعرفة أكيد هو موقع واحد بس

قرات والله اعلم انه لايوجد موقع رسمي لتورنتو نوتس

لانها اصدارات تجميعات حتي ان الجماعة بتوع MCCE كاتبين انهم مالهم دعوة بيهااساسا ابراء لذمتهم من بعض الاخطاء فيها

لذلك يبقي موقع امازون هو المعقول لو حبيت تجيبها

ثانيا

شكرا ياعم علي الاطراء المبالغ فيه

انا غلبان ما يغركش المنظر

قد يكون هو ذلك الموقع الرسمي

toronto notes

[precanadian]

لو سمحت يا دكتور قناوي . لما بابعت رد عي رساله في الخاص من خلال اقتباس الرد مش بيتخزن ومبشفهوش . ده طبيعي والا الرساله متبعتتش. ياباشا ردي علي رسالتك انا مش بشوفه هل بيوصلك.

تحياتي وتقديري.

[ناوية ع الهجرة]

انا عاوز الموقع الرسمى لترونتو نوتس علاشان اشتريها والدولارات جاهزة ( كاش عدا ونقدا)

السؤال بطيقة أخرى

what is the official site of toronto notes

تورنتو نوتس بتتباع في مكتبة كلية الطب في القاهرة ولوانت بره مصر حاول تبعت لحد في مصر يشتريهالك ويبعتهالك

بس خد بالك هي عبارة عن 3 اجزاء ووزنهم تقيل قوي

[BLACK FLOWER]

السلام عليكم

بصراحه انا كنت متابع المنتدى من فتره طويله وفعلا جذبنى جدا المنتدى بجمال مشاركات واراء اغضائه وقررت ان اشترك فيه واكون اولا اخ ليكم وهذا شئ يشرفنى جدا ...

اركه

وبالنسبه لاول مشاركه ليا واتمنى انها تكون خفيفه عليكم لان بصراحه ان دلوقتى فى اخر سنه من الدراسه فى الكليه والهجره الى كندا هى حلمى من وقت طويل

ولكن اتمنى دائما ان اجد من يفيدنى فى هذا الموضوع يعنى بصراحه يحطى ايه اللى ممكن اعمله من دلوقتى وايه اللى اجهزه وايه اللى مطلوب منى

اتمنى انى ماكنش تقيل عليكم فى اول مشاركه ليا واتمنى اولا انى اكون اخ ليكم قبل كل شئ

شكرا جزيلا لكم

[znaty]

السلام عليكم

بصراحه انا كنت متابع المنتدى من فتره طويله وفعلا جذبنى جدا المنتدى بجمال مشاركات واراء اغضائه وقررت ان اشترك فيه واكون اولا اخ ليكم وهذا شئ يشرفنى جدا ...

اركه

وبالنسبه لاول مشاركه ليا واتمنى انها تكون خفيفه عليكم لان بصراحه ان دلوقتى فى اخر سنه من الدراسه فى الكليه والهجره الى كندا هى حلمى من وقت طويل

ولكن اتمنى دائما ان اجد من يفيدنى فى هذا الموضوع يعنى بصراحه يحطى ايه اللى ممكن اعمله من دلوقتى وايه اللى اجهزه وايه اللى مطلوب منى

اتمنى انى ماكنش تقيل عليكم فى اول مشاركه ليا واتمنى اولا انى اكون اخ ليكم قبل كل شئ

شكرا جزيلا لكم

المنتدي نور بيك يا زعيم وربنا يوفقك ان شاء الله

انا شايف اللي ممكن تعمله انك تذاكر وتخلص كليتك علشان لسة سكتك بدري :)

انت محتاج اربع سنين خبرة بعد الكلية والجيش ومن هنا لغاية ماتكون جاهز كل شوية بغيروا نظام الهجرة يا عالم ساعتها هايكون في ايه

استغل الفترة دي في تحسين لغتك الانجليزية جدا لدرجة الطلاقة

خلص كليتك وجيشك وكله بوقته ان شاء الله

[BLACK FLOWER]

المنتدي نور بيك يا زعيم وربنا يوفقك ان شاء الله

انا شايف اللي ممكن تعمله انك تذاكر وتخلص كليتك علشان لسة سكتك بدري :)

انت محتاج اربع سنين خبرة بعد الكلية والجيش ومن هنا لغاية ماتكون جاهز كل شوية بغيروا نظام الهجرة يا عالم ساعتها هايكون في ايه

استغل الفترة دي في تحسين لغتك الانجليزية جدا لدرجة الطلاقة

خلص كليتك وجيشك وكله بوقته ان شاء الله

الف شكر ليك يا باشا على الرد السريع والمنتدى منور بيكم اولا بالطبع .. بس معلش عندى استفسار تانى هو لازم اربع سنين من الخبره وليه ؟؟؟ خصوصا انى محول من كليه قبل كده يعنى عايز اخلص بدرى بدرى .. يعنى مش ينفع خالص الهجره بعد ماخلص الجيش باذن الله؟؟؟

شكرا ليك مره تانيه ومعلش تعبك معايا شويه

تم تعديل 5 يناير 2009 بواسطة BLACK FLOWER

[znaty]

صديقي black flower

هو الموضوع موش منع يعني موش من حقك تقدم لا موش كدة

الموضوع انهم بقيموك على 6 عوامل كل عامل على درجات ومجموع العوامل دي 100 درجة المفروض تجيب انت على الاقل 67

العامل الاول الشهادة دة من 25 وانت هاتجيب فيها 20 علشان معاك بكالوريوس

العامل الثاني اللغة 16 للانجليزي 8 للفرنساوي (او حسب مهارتك لو الفرنساوي احسن يبقي هاتقدم في نظام تاني خالص بتاع كيبك ودة انا ماعرفش فيه اي حاجة بس لو كدة هتلاقي ناس كتيرة اوي متخصصة في كيبك هنا في المنتدي) لكن لو زينا يبقي قول هاتجيب 16 انجليزي صفر فرنساوي

العامل الثالث السن ودة من 10 وانت علشان تجيب ال 10 سنك وقت التقديم لازم يكون 21 سنة او اكتر والا هاتنقص على كل سنة درجتين

والاهم الخبرة :

هيا من 21 درجة تاخدهم لو اربع سنين

لو سنة واحدة 15 نقطة بس وسنتين 17 وتلاتة 19

والعاملين الخامس والسادس لو ماعندكش خبرة سابقة دراسة او عمل او قرايب درجة اولي في كندا او متجوز واحدة معاها بكالوريوس خلاص موش هاتجيب فيهم نقط

اجمع كدة بقي اللي فوق دول هتلاقي علشان تجيب 67 لازم تكون خبرة اربع سنين

اصبر انت لسة في اول السكة لسة الدنيا وردي قدامك

[محمود الكيميائى]

السلام عليكم ورحمة الله وبركاته ازيك يا دكتر قناوى ياتلرى انت صعيدى انا استنتجت كدة من اسم حضرتك انا كمان صعيدى انا لسة جديد فى المندى انا قدمت يوم

10/1/2008

واستلمت الفايل نامبر يوم 10/1/2008 وان بروسيسنج يوم 13/1/2008

كان لى عدة استفسارات سريعة

1- انا كتبت انى هاى فى الانجلش كله يعنى كدة محتاج 7 7 7 7 وكتبت فى الفرنساوى الرايتنج والريدنج مورديرات والا سبيكنج واللسننج باسيك هل هاحتاج شهادة tef فى الفرنساوى

2- انا خطيبتى فى اولى كليه صيدلة عند المقابلة ان قدر الله لنا ستكون فى الصف الثالث هل لو اتزوجت كدة هترفع درجتى وهى كدة تبقى ثانويه عامة بس ولا مش هترفع درجتى اصلا فانتظر واخلى الزواج بعدين وبالمرة هى تكون انهت دراستها

اسف جدا جدا للاطالة يا جماعة

[mohamedta]

شكرا على الرد مع انى كنت هاتصور الرد اكتر من مجرد رابط

بس لك جزيل الشكر يا اخى

كنت اريد الاستفسار على اجرات التقديم من السعودية؟

و هل ابتدى ببعت شهاداتى الاصلية على طول و امتى بالظبط حيحتاجو الباسبور بتاعى

و ايضا ارغب بالاستفسار على اجرات تقديم للجنسية بعد اول 3 سنوات و نظام المعاشات هناك ايه نظامو

ارجو الرد

[znaty]

شكرا على الرد مع انى كنت هاتصور الرد اكتر من مجرد رابط

بس لك جزيل الشكر يا اخى

كنت اريد الاستفسار على اجرات التقديم من السعودية؟

و هل ابتدى ببعت شهاداتى الاصلية على طول و امتى بالظبط حيحتاجو الباسبور بتاعى

و ايضا ارغب بالاستفسار على اجرات تقديم للجنسية بعد اول 3 سنوات و نظام المعاشات هناك ايه نظامو

ارجو الرد

معلش والله موش قصدي بس حضرتك سالت سؤال عام جدا اجابته بدقة طويلة جدا وفي اخوة كتير لخصوا النقط دي وفصلوها وقتلوها شرحا

فانا فكرت بدل ماعيدها كلها اديك الجايد نظرا لانك بتفهم انجليزي كويس قلت اسيبك تقرا الاول فتبقي الاسئلة بعد كدة اكثر تحديدا

لكن هاجاوبك على اسئلتك باختصار ولا بديل عن قراءة الدليل

اول خطوة للتقديم تملا اربع استمارات موجودين طريقة ملاهم في الجايد وهما موجودين في الموقع الرسمي للهجة

وبعدين تعمل شيك بالرسوم 550 دولار ليك و 550 لمراتك و15 لكل طفل اذا كانوا اقل من 22 سنة

وتبعت الاستماات والشيك وصورة باسبورك وظرفين فاضيين على عنوان لكندا

لما تجيلك موافقة في خلال 3 شهور ساعتها هاتبعت لسفارة كندا في لندن (لانك مقيم في السعودية ) اوراقك وشهاداتك ونتيجة امتحان الانجليزي والفيش والتشبيه من مصر ومن السعودية

الشهادات وشهادات الخبرة موش لازم اصلية ممكن صورة موثقة طبق الاصل من السفارة المصرية بس لازم تترجمها طبعا

بعد لما تبعت القصة دي هتاخد من 6 الى 12 شهر ويقوللك اعملنا الكشف الطبي هايبعتولك ورق واسماء وعنواين دكاترة

هاتعمل الكشف وتبعته

بعد كدة هايبعتولك علشان تبعت الباسبورات وشيك بقيمة رسوم الفيزا واللاندج 450 دولار كندي لكل فرد فوق 22 سنة

الباسبورات هاتقعد عندهم بتاع شهر او شهرين وبعدين يبعتوهالك بالتاشيرة ان شاء الله ويالا جهز نفسك للسفر

اقرا اول صفحات من الجايد الاول علشان تعرف انت مقبول والا لا وعلشان تسال اسئلة محدده شوية

انصحك بقراءة موضوع كيف تهاجر بدون محامي للدكتور قناوي بس خد بالك الاستمارات والعنواين متغيرة بعد شهر 12 /2008

واقرا الموضوع بتاع خريطة الموقع فيه تلخبص ظريف جدا