رد على إستفساراتكم السريعة عن الهجرة لكندا

[sam nabil]

دكتور قناوى شكرا لنصايحك انا كنت طلبت من حضرتك لينك موضوع كيف تهاجر الى كيبك لأنى للاسف معرفتش الاقية وشكرا ؟

اللينك اهو

http://www.egyptiantalks.org/invb/?showtopic=70870

شكرا استاذ زناتى انا كنت معتقد انى ضعيف فى الفرنساوى ولكن بعد الاطلاع على الموضوع عرفت انى ضعيف انجليزى كمان ربنا يستر على شوية العربى اللى نعرفهم . عايز نصيحة من اهل الخبرة بمكان او دورة كويسة للفرنساوى والانجليزى ؟

[ilforte]

السلام عليكم و رحمة الله و بركاته

حبيت أستفسر من الخبراء عن حاجتين :

1 - اذا كنت متجوز و مخلف بس عاوز اسافر لوحدى توفيراً للنفقات و حدفع 550 دورر لنفسى بس هل عدم سفر الزوجة و الابناء معى يؤثر على درجاتى و على اى شئ و هل فى هذه الحالة بملى ابلكيشن للزوجة و للابناء و لا لأ .

2 - ايه العنوان فى كندا اللى ببعت عليه الابلكيشنات دون الانتظار اما السفارة هما فى مصر و انى اخد يوم اجازة من الشغل .

جزاكم الله خير

اولا انا لا انصحك تعمل كدة على الاطلاق للاسباب التالية:

1- ممكن يعتبر انك في مشاكل عائلية معلقة ودي حاجة من الحاجات

اللي بتعلق الملف وممكن تاثر في حالته

2- حتى لو هو كمل الملف وطلب مقابلة ودة اكيد علشان يتاكد انك موش بس متجوز علشان تكمل نقط في الملف او ماشابه هايعتبر انك موش جدي في الهجرة بدليل انك سايب عيلتك كلها وراك

كدة كدة هايبوظلك الدنيا تماما

شكراً على الرد

و ارجو من اى حد يعرف يجاوبنى على الجزئية التانية

[znaty]

عنوان كندا اللي هاتبعت عليه الابلكاشن اهو

Citizenship & Immigration Canada

Federal Skilled Worker

Centralized Intake Unit PO BOX 7500 Sydney, NS B1P 0A9

Canada

لو هاتستخدم كورير زي دي اتش ال

Federal Skilled Worker

Centralized Intake Unit

196 George Street

Sydney, Nova Scotia

B1P 1J3

Canada

سفارة ايه اللي انت بتتكلم عليها ؟؟ مافيش سفارات هاتقدملها الا لما كندا ترد عليك وتبعتلك فايل نامبر

اعتقد انك محتاج تقرا شوية قبل ماتعمل حاجة خوفا من انك تملا حاجة غلط وتخسر عليها فلوس

[qenawy]

السلام عليكم

ازيك يا د/قناوي

ربنا يتقبل منك ومن كل اللي هنا ويجعل عملكم خالصا لوجهه ( تعالي)

انا طالب في 6 طب اسكندرية

هاخلص 11 الجاي ان شاء الله

طبعا طموحي اني اهاجر بعد امتياز

في دكتور مصري كندي ( اتولد وعاش في كندا بس درس طب في مصر) مشترك معايا في بيزنيس في مصر

اقترح عليا انه يبعتلي دعوة علشان اروح كندا الفترة اللي بين 6 و امتياز ( 4 شهور وممكن امدها اكتر شوية)اشوف البلد عاملة ايه وخصوصا ان الفترة دي فاضية زي ما حضرتك عارف يعني لا شغل ولا تعليم

لارتباطه بمصلحة شغل معايا فهو عايز يخدمني اوي

بس عايز مني اسأل واعرف ايه الاجراءات واقوله انا عايز منك كذا

انا بس عايز اي حد يدلني علي بداية خيط وانا هاكمل

يعني مبدأيا احنا بنتكلم عن سياحة ولا الدعوة دي حاجة تانية

وابدأ منين

وايه اللي هو ممكن يساعدني فيه

وايه هي طلباتهم

وجزاكم الله خيرا

اهلا دكتور

موضوع الدعوة لعلم حضرتك مش سهل زي ما حضرتك بتتخيل

السفارة هترخم عليك جامد جدا واحتمال يرفضوا طلب دعوة الزيارة للسياحة وهي كذلك

عموما كل اللي صديقك يقدر يخدمك فيه هو عقد عمل تحت اي مسمي مناسب

عندها تقدم طلب هجرة رسمي بس طبعا تكون جايب شروطه 67 وعندها اعتقد هتكون سهلة

بس طبعا الخبرة لسة

سنة الامتياز تديلك 15 نقطة ودي مهمة جدا لحضرتك

عقد اعمل 10 نقاط

انجليزي 12

سن 10

تعليم 20 نقطة

كده تمام

اللي يقدر يفيدك فيه عقد عمل من كندا ان شاء الله مساعد طبي

مسعف اي حاجة

فيه طريقة تانية لو ليك في الهزار

ولا بلاش

التهامي يفهمك (هزار(

شكرا لردك يا دكتورنا

انا فاهم نظام النقط

بس مش هاكملهم قبل ما اخلص امتياز

هي بس كانت فرصة حلوة اني اسافر قبل امتياز ( وقت ضايع)

انا عارف ان مفيش حاجة سهلة يا دكتور

وانا منطقي ادخلوا عليهم الباب , فإذا دخلتموه فانكم غالبون

بس لو أكيد ان الموضوع مينفعش ففي الحالة دي يبقي قدر الله وماشاء فعل

لو سمحت وضح يعني ايه صعب احاول ولا ما أحاولش

بقي يعني علشان اسافر كندا كام شهر اتسجل في الاوراق الرسمية اني مسافر علشان ..........

يا فضيحتي،،،

طيب وهو خلصوا الستات بتوع كندا يعني

وبعدين ده انا كنت انطخيت فيها الحكاية دي

وبعدين سكة ايه دي اللي زي الفل يا د/ تهامي

بلاها يا عم كندا خالص

ده انا اروح موزبيق بس يبقي راسي مرفوعة

بس بالله عليكوا افيدوني امشي في الموضوع ده ولا اصرف نظر

( انا اقصد الدعوة العادية علشان ماتفهمش غلط)

موضوع دعوة الزيارة مش محتاج شروط الهجرة

بس جرب مش تخسر حاجة

بس لازم تقنع ضابط الهجرة انك هترجع مصر تاني

المفروض تقوله ان لك شغل ثابت وانك مش هتضحي بمستقبلك المضمون كطبيب في مصر(وابقي قابلني لاني في الهوا سوا قال طب قال)

انت ليك في الهزار فعديها

المهم

ورصيد مقنع في البنك

وفي الاخر احتمال رفضك 90 في المية للاسف زيك زي غيرك

ياراجل دول بيغلسوا عل اساتذة الجامعه كما قيل لو الواحد رايح مؤتمر

انما برضه هتخسر ايه ولا حاجة قدم وشوف

تحياتي دكتور

[moheltohamy]

فيه نقطة بس أحب أوضحها ليك يابو عبده...

فيه واحد صاحبنا ، معايا هنا ع البريمة... الراجل ده شغال Derrickman في مجال حفر البترول. البيه ده كان قدّم يسافر سياحة أو زيارة لكندا يقعدله شهر ولاّ بتاع مع واحد صاحبه في Kamloops ، مدينة صغيرة في ولاية British Columbia في أقصى الغرب الكندي.

السفارة رفضت طلبه ، وختمتله الباسبور بتاعه في آخر صفحة خالص Rejected!

ما اعرفش هل دي هتأثر معاه لو جه يقدّم على هجرة فيما بعد ولاّ لأ!

عموماً ، لو حصل الموضوع ده ، تقدر تغيّر الباسبور (بعد ما تغسله فومّين محترمين في الغسّالة وفيها ميّه بتغلي وكلور ، وتروح تطلّع الباسبور الجديد! smk:

بس على فكرة... اللي أعرفه إن الطالب في السنة النهائية مش من حقه مغادرة البلاد غير بعد تحديد موقفه من التجنيد... وتقدر تتأكد من شئون الطلاّب عندك في الكلّية!

(كان زماني طلعت لكارولين من سنة 99) :lol:

إلا هوّه يعني... إنتا متأكد... إنك مش عاوز تطلع كندا في ظرف 6 شهور؟! :sad:

[baher]

صباح الخير دكتور قناوى

انا باهر لسه مشترك حالا وصراحة نفسى اهاجر كندا وواحد صاحبى قابلنى وقاللى هبعتلك الموقع اللى عليه المفيد وانا فعلا شايفه مفيد من اللى قاريته من اسئلة واجوبة لكن صراحة انا مش عارف اى حاجة ومش عارف ابتدى ازاى ممكن ترشدنى للطريق الصح انا بكاوريوس سياحة وفنادق انا عارف انى هتعبك معايا بس اللى اقدر اقوله ربنا معاك ومع كل اعضاء الموقع

[adawiat]

سلام عليكم ياجماعه

انا وصلنى خطاب الرفض والشيك وبصراحه مش عارف اصرف الشيك ده منين لو اى حد عدى عليه الموقف ده ياريت يفيدنى .

[الأهلاوي الأصيل]

سلام عليكم ياجماعه

انا وصلنى خطاب الرفض والشيك وبصراحه مش عارف اصرف الشيك ده منين لو اى حد عدى عليه الموقف ده ياريت يفيدنى .

من أي فرع لبنك باركليز ، وخد معاك جواز سفرك

http://www.barclays.com/africa/egypt/branch_loc.htm

[ilforte]

السلام عليكم و رحمة الله و بركاته

اريد التأكد من نقطة الا و هى اذا حبيت اقدم الابليكيشن انا سمعت ان فى 3 طرق :

1 - ابعت الابليكيشن و البنك درافت على كندا على توفا سكوتيا .

2 - ابعت الابليكيشن و البنك درافت على عنوان السفارة فى مصر .

3 - أروح بنفسى للسفارة و اقدم الابليكيشن و البنك درافت يوم الخميس من 10 الى 12 ظهراً .

أرجو ممن يعرف ان يفيدنى

الحاجة التانية التى أريد ان أعرفها : هل اذا تم رفضى سيتم رد ال 550 دولار .

و سؤال كده على الماشى : فى حاجات معينة فى المتقدم ممكن يترفض بسببها مثلاً إذا كان ملتحى .

جزاكم الله خير

[znaty]

السلام عليكم و رحمة الله و بركاته

اريد التأكد من نقطة الا و هى اذا حبيت اقدم الابليكيشن انا سمعت ان فى 3 طرق :

1 - ابعت الابليكيشن و البنك درافت على كندا على توفا سكوتيا .

2 - ابعت الابليكيشن و البنك درافت على عنوان السفارة فى مصر .

3 - أروح بنفسى للسفارة و اقدم الابليكيشن و البنك درافت يوم الخميس من 10 الى 12 ظهراً .

أرجو ممن يعرف ان يفيدنى

الحاجة التانية التى أريد ان أعرفها : هل اذا تم رفضى سيتم رد ال 550 دولار .

و سؤال كده على الماشى : فى حاجات معينة فى المتقدم ممكن يترفض بسببها مثلاً إذا كان ملتحى .

جزاكم الله خير

حسب علمي الكلام دة غير صحيح

هو نوفا سكوتيا فقط لا غير طالما مقدم فيدرال سكيلد ووركر

اذا تم رفضك في نوفا سكوتيا فقط سيرد المبلغ لكن لو تم رفضك بعد كدة لما الملف يتنقل من نوفا الى السفارة لاي سبب من الاسباب المبلغ لا يرد

لا ملتحي او غير ملتحي ليس سبب للرفض اطلاقا هما كل اللي عندهم انهم في الاخر بيطلبوا من امن الدولة المصرية تقرير عن سعادتك وتوصية لو عندك ملف

وحتى لو عندك ملف في امن الدولة وهما قالولهم لا مانع يبقي خلاص مافيش مشكلة

لكن غير كدة هما ماعندهمش اي عنصرية او قلق غير مبرر علشان اللحية اطلاقا

[qenawy]

صباح الخير دكتور قناوى

انا باهر لسه مشترك حالا وصراحة نفسى اهاجر كندا وواحد صاحبى قابلنى وقاللى هبعتلك الموقع اللى عليه المفيد وانا فعلا شايفه مفيد من اللى قاريته من اسئلة واجوبة لكن صراحة انا مش عارف اى حاجة ومش عارف ابتدى ازاى ممكن ترشدنى للطريق الصح انا بكاوريوس سياحة وفنادق انا عارف انى هتعبك معايا بس اللى اقدر اقوله ربنا معاك ومع كل اعضاء الموقع

اهلا يا باهر بك

تخصصك ايه

لو حضرتك تبع اللستة فيدرالي قدم

موضوعي كيف تهاجر بدون محامي هيفيد حضرتك تماما ابحث عنه

نوعين من الهجرة فيدرال وكيبك والاتنين انا شارحهم بالتفصيل

اقراهم ولو فيه اسئلة بعد كده انا معاك

[yhanalla]

مساء الخير يا دكتور قناوى

لى إستفسار ونفسى فى رد سريع

أنا ناوى أقدم فيديرال ومؤهلى موجود فى الليست بس مشكلتى فى الأيلتس محتاج فية 12 بوينت يعنى 2 هاى عالأقل

أنا إمتحنت مرة وكانت نتيجتى كالاتى :

L 7 R 6 S 5.5 W 6

المهم دلوقتى أنا خايف أبعت ويردوا على ومالحقش أجيب السكور المطلوب خلال ال 120 يوم المهلة اللى أقدم فيها ورقى للسفارة وخصوصا إن ال queue فى ال British Council طويل جدا يعنى ممكن يحددلك ميعاد بعد شهرين مثلا ( تحس إن مصر كلها بتمتحن أيلتس :lol: ) وخايف برضو إنهم يغيروا الليست دى قريب قبل ماجيب السكور أو يشيلوا مؤهلات ويزودوا مؤهلات

وياترى الإفادة لو كتبت فى اللغة الفرنساوى basic

how to prove it??

Thanks dear in advance

[ahmed hamdi]

لو سمحتم ارجو الرد علي سؤالي لمن عندة خبرة في ذلك انا مصري اعمل في دولة قطر ولا يوجد في قطر سفارة كندية واريد ان اقدم علي الهجرة والابليكشن جاهز وانا اريد ان اقدم طبعا للائحة الفيدرال علي مدينة اونتاريو اوتاوا لوجود اصدقاء لي هناك فما هو العنوان الذي يجب ان ارسل عليه الابليكشن والشيك اعملة منين هنا في قطر واسم المستفيد لازم يبقي مكتوب فيه اية او باسم من وشكرا ارجو سرعة الرد وجزاكم الله عنا جميعا كل خير

[منى عبدون]

السلام عليكم عندى استفسار بسيط بالنسبة للفلوس اللى بتدفع للفيزا دى بتكون للمقدم الرئيسى بس ولا للعائلة كلها وبتكون كام

[qenawy]

مساء الخير يا دكتور قناوى

لى إستفسار ونفسى فى رد سريع

أنا ناوى أقدم فيديرال ومؤهلى موجود فى الليست بس مشكلتى فى الأيلتس محتاج فية 12 بوينت يعنى 2 هاى عالأقل

أنا إمتحنت مرة وكانت نتيجتى كالاتى :

L 7 R 6 S 5.5 W 6

المهم دلوقتى أنا خايف أبعت ويردوا على ومالحقش أجيب السكور المطلوب خلال ال 120 يوم المهلة اللى أقدم فيها ورقى للسفارة وخصوصا إن ال queue فى ال British Council طويل جدا يعنى ممكن يحددلك ميعاد بعد شهرين مثلا ( تحس إن مصر كلها بتمتحن أيلتس :lol: ) وخايف برضو إنهم يغيروا الليست دى قريب قبل ماجيب السكور أو يشيلوا مؤهلات ويزودوا مؤهلات

وياترى الإفادة لو كتبت فى اللغة الفرنساوى basic

how to prove it??

Thanks dear in advance

يا ريت حضرتك تقول

درجاتك في كل سطر

الريدنج كام

الريتنج

السبيكنج

الليسننج

يمكن يكون فيه اجابة لي افضل

ثانيا الفرنسي لازم تمتحن امتحان تي اي اف

[qenawy]

لو سمحتم ارجو الرد علي سؤالي لمن عندة خبرة في ذلك انا مصري اعمل في دولة قطر ولا يوجد في قطر سفارة كندية واريد ان اقدم علي الهجرة والابليكشن جاهز وانا اريد ان اقدم طبعا للائحة الفيدرال علي مدينة اونتاريو اوتاوا لوجود اصدقاء لي هناك فما هو العنوان الذي يجب ان ارسل عليه الابليكشن والشيك اعملة منين هنا في قطر واسم المستفيد لازم يبقي مكتوب فيه اية او باسم من وشكرا ارجو سرعة الرد وجزاكم الله عنا جميعا كل خير

حضرتك هتبعت الابليكاشن للمكتب المركزي في نوفا سكوتشيا في كنداا

راجع موضوع كيف تهاجر بدون محامي فيدرال 2009 ستجد العنوان والتفاصيل ايضا

الشيك من اي بنك للجنرال ريسيفر اوف كندا

درافت

[qenawy]

السلام عليكم عندى استفسار بسيط بالنسبة للفلوس اللى بتدفع للفيزا دى بتكون للمقدم الرئيسى بس ولا للعائلة كلها وبتكون كام

الزوج والزوجة كل واحد فيهم 490 دولار كندي

الاولاد معفيين

[منى عبدون]

ربنا يكرمك طمنتنى

[Nassarlink]

السلام عليكم عندى استفسار بسيط بالنسبة للفلوس اللى بتدفع للفيزا دى بتكون للمقدم الرئيسى بس ولا للعائلة كلها وبتكون كام

الزوج والزوجة كل واحد فيهم 490 دولار كندي

الاولاد معفيين

ابسط يا د قناوي

يعني اولادك التسعه مش هتدفع عليهم حاجه

:lol:

خلي بالك كلنا هنا ولادك لان ليك فضل علينا كلنا

[qenawy]

العفو نصار بك انتم اهل الفضل

وبعدين برافو عليك عرفت ازاي ان عندي 9 اولاد