رد على إستفساراتكم السريعة عن الهجرة لكندا

[ABO ADAM]

طيب انا لو مقدم لوحدى (مستلم رقم الملف يوليو 2007) وقبل ما يطلبو الابديت اتزوجت وعاوز اقدم للزوجة معى فما هو المطلوب

وهل الزوجة سيطلب منها امتحان ايلتس وفيش وباقى المستندات؟؟

شكرا جزيلا

الفاضل Capitshino

أعتقد مطلوب منك تقدم أوراق زوجتك (صورة الجواز - شهادة الميلاد - عقد الزواج - الشهادات الدراسية - الفيش والتشبيه) مع ورق الأبديت، وكذلك تدفع ال proccessing fees لها ولأي أبناء تريد إضافتهم للطلب

لكن بخصوص امتحان الأيلتس فإعتقد إنه مش مطلوب من الزوجه أساسا سواء قدمتلها معك من البداية أو عند الأبديت

رجاء راجع نسخة رسالة الأبديت اللي وصلت الأخ أبو آدم في موضوع تتبع ملفات فيدرالي القاهرة ولندن قبل فبراير 2008

أفتكر سعادتك هايوصلك جواب الأبديت خلال شهرين على الأكثر وهايكون فيه الأوراق المطلوبة

شكرا جزيلا اخى العزيز وبارك الله فيك

الاخ الععزيز نصيحتى ما تشغلش بالك و كدة كدة كل الفورم هايتملى تانى مع الابديت و ال CIC كاتبين كدة عالسيت

[السيد منير]

السيد الفاضل خالد المسلم

اشكرك علي سرعة الرد برغم من انه ليس ردا كافيا فانا اريد ان اعرف مدة الجوابات من سوريا لمصر قد ايه وهل السي اس كيو بيتبعت في بريد عادى ام مسجل علشان لو مسجل اتصل بيهم اطلب رقمه واسال عنه

بالنسبة لسؤال حضرتك بيطلبوا منك اللاندنج فيز في نفس ظرف الكشف الطبي راح تلاقي جواه طلب الفيز وجواب الدكتور طبعا ممنوع تفتحه ومتدبس فيه لستة باسامى الدكاترة وعناونينهم

في ظرف اسبوع كدة راح يطلبوا منك جوازات السفر

مرة اخري شكرا علي ردك وياريت يا جماعة اللي عنده رد واضح عن استفساري يكتبه وشكرا لكم

الاخ هانى ادوارد الجواب بياخد تقريبا 13 يوم من مصر الى سوريا دة حصل معايا كان ناقصنى ورقة اسمهاavis de transmission

بعتوها يوم 26 مارس وصلت 7 ابريل على صندوق البريد الخاص بى

انا بردة السى اس كيو بتاعتى كانت جاية من كندا وقعدت14 يوم على ما وصلت والاختام اللى كانت عليها بوست كندا (ختم احمر) وختم مكتوب علية مركز حركة رمسيس وعلية ارقام بس مش واضحة اوى وختم تانى علية ارقام بس بردة مش واضحة

دة بالنسبة للوقت

بالنسبة انك تبعت على نسخة من السى اس كيو بالفاكس بيتهيالى السفارة مش هترضى بالصورة عشان توقيع موظف الهجرة لازم يكون اصلى على الورقة مش صورة بالفاكس انت ابعت فاكس بالواقعة على مكتب سوريا وفى نفس الوقت تتبع حركة الجواب فى رمسيس وربنا يسهل ويوصل بسرعة

[maro]

انا بشكر كل القائمين على المنتدى

و كنت عايزة اسال لو فى حد مأدم من سفارة القاهرة فيدرال Simplified process , منذ 31/8/2007 و حطولى FILE NUMBER يوم ما قدمت ............ فى فبراير 2009 ردوا عليا بميل لو عايز تكمل او تسترد فلوسك و منذ ذلك الوقت مافيش اى خاجة

هل يوجد احد فى حالة مشابهة ؟؟؟ ارجو الرد و اى معلومات للاطمئنان

شكرا جدا

[qenawy]

هتصبر كتير يا مارو والحالات المشابهة كتير

انت قدمت علي النظام القديم لبطيء جدا

هتاك موضوع اسمه تتبع حالات اللي مقدمين من مصر قبل فبراير 2008 ستجد رفقاء الدرب

بالتوفيق

[hany edward]

شكرا يا استاذ السيد منير علي ردك

انا كلمت السفارة في سوريا النهاردة الجواب مبعوت عادى مش مسجل اعتقد انه من المستحيل ان اسال علي جواب عادى في بريد رمسيس

المهم ربنا يستر والجواب يوصل

مرة اخري شكرا علي سرعة الرد مع خالص تمنياتى بالتوفيق

[masri]

عزيزى دكتور قناوى

هو ينفع الواحد يقدم على طلب هجرة كندا مع طلب لاوستراليا ولا ايه؟

لان بالنسبة لاستراليا ينفع , لاكن لكندا ....مش عارف !....يا ترى ايه رايك؟

[qenawy]

ينفع مال دي بدي

بس ما تجيبش سيرة لحد

[حسام يوسف]

أنا عندي استفسار من فترة عن مستوى الامن فى كندا

دورت مالقيتش اضافة للنقطة دي

اما انى غلطان

واما حد م الأخوة اللى شافوا كندا يقدروا يفيدونا

مستوى الأمن والامان فى كندا عامل ايه؟

يعنى مثلا فيه فوضى حمل أسلحة نارية زي أمريكا واللى بنشوفه فى الأفلام كدة؟

عذرا للسؤال

لأن العبد لله معندوش فكرة لا عن أمريكا

ولا كندا

ولا الكيبيك تحديدا

ولكم منا كل شكر

تم تعديل 15 أبريل 2009 بواسطة حسام يوسف

[د هشام ابراهيم]

أنا عندي استفسار من فترة عن مستوى الامن فى كندا

دكتورنا العزيز ....كندا ما لهاش دعوة بامريكا خالص في حكاية الجرائم و بالذات الجرائم العنيفة و جرائم الاسلحة النارية

حمل الأسلحة مش مرخص في كندا زاي أمريكا و سيطرة الدولة الفيدرالية و الشرطة أعلي بكتير

مش معناه إن كندا ما فيهاش جرايم .....أكيد فيها طبعا ...ما فيش مجتمع بشري خلي من الجرايم

انما لو بنتكلم علي الأمن و الأمان فكندا عموما آمنة إلي حد كبير .... يعني حتي تورنتو اللي هي مفروض من أعلي معدلات الجريمة في كندا ....آمن من القاهرة ..... في كل حاجة : مرور ... سرقة .... قتل ... تلوث بيئي و سمعي و بصري إلخ

(ملحوظة جانبية آمن بلد شفتها لحد دلوقتي كانت اليابان :cry:)

[حسام يوسف]

الف الف الف شكر يا دكتور هشام على المعلومة والتطمينات دي

ان شاء الله لما أنجح فى الانترفيو وربنا يوفقنى فى الهجرة

أجيبلك زيارة أسوانى معتبرة

الف شكر مرة تانية

[د هشام ابراهيم]

الف الف الف شكر يا دكتور هشام على المعلومة والتطمينات دي

يا أفندم العفو ...ده كفاية ذوق حضرتك و أدبك الجم :cry:

ألف شكر لحضرتك انك أدتني فرصة اشارك في الموضوع القيم ده بحاجة أقدر أتكلم عليها :P

[qenawey]

السلام عليكم يا جدعان

ان شاء الله تكونوا بخير و الدكتور قناوى

انا ارسلت الكشف الطبي اول نوفمبر 2008 وللان لم اتلقي رد.5 شهور ونصف يا جدعان .حد يقوللي سمع بحاجة زىكده.

ان شاء لله زوجتي تضع بعد اسبوعين . انتظر لما يبعتولي واخد الفيز وبعد كده ابعت اضيف المولود ولا اعمل ايه؟

افيدونا جزاكم الله خيرا

[masri]

عزيزى دكتور قناوى

هو ينفع الواحد يقدم على طلب هجرة كندا مع طلب لاوستراليا ولا ايه؟

لان بالنسبة لاستراليا ينفع , لاكن لكندا ....مش عارف !....يا ترى ايه رايك؟

ينفع مال دي بدي

بس ما تجيبش سيرة لحد

يا دكتور قناوى باشا , انا قدمت بالفعل على الاثنين و تقريبا ح يكون نفس البروسيسنج تايم (14-18 شهر)

و بالتالى عند طلب الباسبورات لمنح الفيز (انشاءالله) هل ينفع تمنح فيزتين هجرة على نفس الجواز و لا مينفعش؟؟؟؟؟

حاجة تانية و معلش استحملنى..,هل سفارة كندا بتطلب الجوازات فى توقيت معين ؟ و هل الجوازات بتفضل فى حوزتهم لفترة محددة ولا كل حالة ليها ظروفها

و شكرا

[somayasaleh]

عزيزى دكتور قناوى

هو ينفع الواحد يقدم على طلب هجرة كندا مع طلب لاوستراليا ولا ايه؟

لان بالنسبة لاستراليا ينفع , لاكن لكندا ....مش عارف !....يا ترى ايه رايك؟

ينفع مال دي بدي

بس ما تجيبش سيرة لحد

يا دكتور قناوى باشا , انا قدمت بالفعل على الاثنين و تقريبا ح يكون نفس البروسيسنج تايم (14-18 شهر)

و بالتالى عند طلب الباسبورات لمنح الفيز (انشاءالله) هل ينفع تمنح فيزتين هجرة على نفس الجواز و لا مينفعش؟؟؟؟؟

حاجة تانية و معلش استحملنى..,هل سفارة كندا بتطلب الجوازات فى توقيت معين ؟ و هل الجوازات بتفضل فى حوزتهم لفترة محددة ولا كل حالة ليها ظروفها

و شكرا

اجاوب انا لحد د. قناوي ما يرجع بالسلامة

الفيدرالي الجديد النظام كالاتي

لو حضرتك في اللستة

حصلت علي النقاط المطلوبة

ارسلت لهم الاصول كلها ....لما يطلبوها....مع كشف حساب فالبنك ساري

عملت الميديكال والفيش وارسلت مصاريف الاندنج.....

ارسلوا يطلبوا البسبور علشان الفيزا......في خلال شهر الي ثلاثة اشهر يرجع البسبور بالفيزا

كل حالة تختلف عن التانية الموضوع من ساعة التقديم .....لحد الفيزا..... في النظام الجديد،،،، من ستة ،،،،الي سنة ونصف

سؤال ....... هو حضرتك عايز تهاجر لاي بلد والسلام؟؟؟؟

لازم تكون محدد سبب الهجرة..... لان معظم اللي بيهاجروا لكندا بالذات....علشان تعليم اولادهم والامان والاستقرار

لكن مش علشان يعملوا فلوس ويكونوا نفسهم مثلا.

وربنا يوفق حضرتك لما فيه الخير

[atha]

أنا أريد أن أقدم كيبيك ومعايا دبلومة بعد الليسانس فلازم أجيب تفريدة الدرجات ولا كفايا الشهادة العادية

[خالد المسلم]

السلام عليكم ورحمه الله وبركاته

انا قدمت كيبك وبعد كده قدمت فيدرال فى 5/3/2008

وعملت الكشف الطبى اخر يناير

ودلوقتى دفعت مصاريف اللاندنج فيزه

بس السفاره مش سئلت عنى فى مكان عملى

ولا قبل الكشف الطبى ولا بعد هل ده عادى؟

استفسار تانى

انا الحمد لله دفعت اللاندنج فيزه 6/4/2009

ان شاء الله ممكن يطلبوا الجواز امتى علما انى مقدم كيبك

انا صيدلى وان شاء الله عندى امتحان المعادله فى سبعه اللى جاى

دعواتكم ان التاشيره تجى قبل كده

وجزاكم الله خيرا

[الحازم حسن]

استفساري بخصوص اثبات الخبرة في نظام لستة المهن الجديد كيف يتم اثباتها بالتحديد ؟؟

وايه اخبار الضمان المالي المطلوب

[torontoz]

استفساري بخصوص اثبات الخبرة في نظام لستة المهن الجديد كيف يتم اثباتها بالتحديد ؟؟

وايه اخبار الضمان المالي المطلوب

خطاب تامينات..وو خطاب من جهة العمل..ما انت عارف كل حاجة....مبروك مهنتك اللي وجدتها علي سهوة في الليسته.. wst:: md2: :blink: :lol:

[torontoz]

وايه اخبار الضمان المالي المطلوب

حد يرد علي الباشا..الفيدرال.بس..كيبيك لا وكلا.. wst::

[ابو رقية]

الاخوة الكرام

تحية لكم جميعا , ووفقكم اللة

عندي استفسار ارجو من الاخوة افادتي بة....

وصلتني رسالة من السفارة الكندية بتاريخ 14/03/2009 تطلب فيهاشهادة نتيجة امتحان الايلتس اذا وجدت وكذلك اوراق كشف الراتب الشهري لمدة 3اشهر الماضية. وكذلك اشارو الى بضرورة ارسال شهادة تثبت تسجيلي لامتحان الايلتس القادم ,اذا لم اكن ممتحن فبعثت لهم اوراق الراتب وشهادة تسجيل من المركز البريطاني.

السؤال هو

1 / هل نتيجة امتحان الايلتس ترسل لهم سواء كانت ايجابية او سلبية ؟ خصوصا انهم عرفو موعد الامتحان.

2 / اذاكانت سلبية لا سمح اللة فهل لي الحق باعادة الامتحان اي هل يعطو فرصة اخرى...... اي هل يعلموني بان النقاط غير كافية او يترفض الملف مرة واحدة ,,,

ارجو الافادة ولكم مني ولموقعكم جزيل الشكر والامتنان

اخوكم ابو رقية