رد على إستفساراتكم السريعة عن الهجرة لكندا

[qenawy]

الاستاذ قناوي :

اريد ان استفسر عن خطوات تسجيل مولود جديد بتورونتو بداية من شهادة الميلاد الي الباسبور الكندي والمدة اللازمة لاستخراجهم وهل يوجد اوراق اخري يجب اني اطلعها للمولدو قبل السفر الي مصر

ولو هسافر بيه مصر هل ممكن اني اطلع شهادة الميلاد المصرية والباسبور المصري بعد نزولنا مصر ولا لازم اطلعهم من السفارة قبل السفر؟

وشكرا

عفوا اخي نور من قال لا ادري فقد افتي

اللي اعرفه انك ممكن تطلع باسبور لابنك من السفارة في كندا عادي وببساطة

ايضا لا يمكن اصدار شهادة ميلاد مصرية لشخص ولد في كندا او اي بلد

هيكتبوا فيها ايه مثلا؟

بشهادة ميلاده الكندية يقدر يطلع الباسبور المصري مادام الاب مصري يخلص الكلام

اقترح عليك تتصل بالسفارة عندك اكيد ردهم هيكون واضح ومريح وبالتوفيق

[Bustami]

ابنك كندي , يدخل مصر عادي , لما توصل مصر تطع شهادة ميلاد بناء على شهادة الميلاد الكندية بعدها تطلع جواز سفر مصري عادي ايه المشكلة , حيكون مكتوب مكان الولادة كندا

بالنسبه لاوراق كندا عادي بردو , المستشفى يدك ورقة تعمل فيها شهادة ميلاد كندية وتقدمها للحكومة عشان ياخد الجواز الكندي خلال شهر بالكتير

[laka]

السلام عليكم.في الحقيقة لكم جزيل الشكر للمساعدة التي تقدمونها وأخص بالدكر الدكتور قناوي.

في الحقيقة لدي سؤال محيرني قرأت بالنسبة لاثبات مهارات اللغة الفرنسية فان السفارة بتقبل tefو الكتور قناوي قال مرة انو لازم delf فأنا مش عارف اي واحد أمتحن لأنى محتاج نقاط الفرنساوي عشان أعدي 67 نقطة.أرجو من اخواني الرد لأني محتار وشكرا مسبقا وجعل الله عملكم في ميزان حسناتكم

[qenawy]

السلام عليكم.في الحقيقة لكم جزيل الشكر للمساعدة التي تقدمونها وأخص بالدكر الدكتور قناوي.

في الحقيقة لدي سؤال محيرني قرأت بالنسبة لاثبات مهارات اللغة الفرنسية فان السفارة بتقبل tefو الكتور قناوي قال مرة انو لازم delf فأنا مش عارف اي واحد أمتحن لأنى محتاج نقاط الفرنساوي عشان أعدي 67 نقطة.أرجو من اخواني الرد لأني محتار وشكرا مسبقا وجعل الله عملكم في ميزان حسناتكم

مضبوط tef

وليس الdelf

يعني غلطة ملحوقة

[newmoslem]

الاخ العزيز د.قناوى:السلام عليكم ورحمة الله وبركاته،،

ادعو الله ان يجزيك على ما تقدم خير الجزاءز

لدى سؤال عن اللاندنج فيزا الخاصه بابنى

فاسمه فى الباسبور يظهر فيه

El-DIN

ولكن وصلت اللاندنج فيزا و يظهر فيها الإسم كما يلى:

ElDIN

وايضا نفس الخطأ على confirmation of permanent residence forms :lol:

والسؤال هل الخطأ ده ممكن يعمل مشكله واحنا مسافرين لعمل اللاندنج ان شاء الله؟

وبارك الله فيك

تم تعديل 1 يناير 2010 بواسطة moheltohamy
حذف بيانات شخصية...

[dr vico]

مساء الورد

د.قناوي تحية طيبة و تمنياتي بالتوفيق للجميع .عندي سؤال مرة تانية بخصوص الفرنساوي هل اذا جبت ورقة من المدرسة اللي كنت فيها تقول اني كنت بدرس فرنساوي كلغة اجنبية تانية هل ده ممكن يعطيني درجتين و لا لا؟

شكرا

[masri]

الف شكر يا مدام سمية على الرد و الاهتمام و دية روح الاخوة اللى ميزت المنتدى ده من غيرة و تحديدا بخصوص هجرة كندا

والف حمدالله على سلامة الدكتور قناوى

عزيزتى, بالنسبة لموضوع تفاصيل الالحالة بتاعتى انا ح اكتب الرد بالتنفصيل فى التوبيك بتاع سيادتك عشان ميكونش فى تكرار للكلام

سؤال ....... هو حضرتك عايز تهاجر لاي بلد والسلام؟؟؟؟

نعم ,معظم الناس عايزة تهاجر و السلام .....و انا اوكد لسيادتك ان استراليا تكاد تكون الافضل من كندا فى نمط الحياة و ايضا فى اسلوب الهجرة .., ببساطة لو تتبعنا احصاءات المهاجرين لاستراليا اقل من كندا بكثير و ذلك بسبب تعسفهم الملحوظ فى الايلتس اللى هو 7777 و بدون الرقم ده ماينفعش ,فى حين المحاسبين مطلوب منهم 6666 وده لفترة محدودة جدا قد لاتتجاوز 1/9/ 2009 ,سيدتى , مشكلتنا هنا فى المنتدى مع استراليا ان مافيش معلومتات عنها زى كندا

لازم تكون محدد سبب الهجرة..... لان معظم اللي بيهاجروا لكندا بالذات....علشان تعليم اولادهم والامان والاستقرار

لكن مش علشان يعملوا فلوس ويكونوا نفسهم مثلا.

سيدتى , الموضوع طبعا مش فلوس بس الواحد بيبذل مجهود مضاعف و بيمشى فى اتجاهين عشان لكل طريق ميزة وعيب فى نفس الوقت و لازم الواحد يتعب شويه و يضحى شوية و اللى يختارة ربنا لنا فى الاخر اكيد هوة اللى ح يكون فية الخير ,,,وشكرا جزيلا

وربنا يوفق حضرتك لما فيه الخير :roseop:

[masri]

من فضلكم انا لسة استفسارى قائم

هل ينفع اصدار فيز هجرة على جوازات فيها فيز هجرة لبلد تانية( بدون لاندنج)

ارجو الرد للاهمية

[detective]

دكتور قناوى و الاستاذة نونا مجهود رائع و نبيل جزاكم الله كل خير وجعله فى ميزان حسناتكم و دى كلمة لا توفى حق صاحبها

انا طبيب اسنان و لية قصة طويلة مع كندا. انا راسلت جامعة فى كيبيك و بعتيتلى جواب قبول من سنة تقريبا و كنت عايز اطلع واقدم من هناك بس للاسف اترفضت الفيزا وانا حليا باكرر التجربة بس خوفا من الرفض و ضياع الوقت بفكر فى التقديم من مصر

1 دلوقتى انا عايز اعرف بالنسبة للنظام الجديد هما منزلين لستة بالوظائف بس للاسف طب اسنان مش فيهم ينفع اقدم بوظيفة تانية زى مدير مركز طبى مثلا و فى الحالة دىشهادات الخبرة هعرف اجبها بس من غير شهاداة تامينات

2 وقت البروسيسنج هيبقى اد ايه من مصر (فيدرال) السفارة كاتبة 5 سنين فى 80% من الحالات بس دا كان النظام القديم دلوقتى الوضع ايه؟؟

3 ان سمعت ان النظام الجديد ممكن تاخد الهجرة خلال سنة لو انت فى اللستة بتاعة الوظايف الجديدة

افيدونا افادكم الله و بكرر شكرى على المجهود الرائع

[Mshawky]

ممكن بس بعد اذنكو لنك موضوع كتابه الابليكشن للنسخه الحديثه اللى هى مكونه من 3 ملفات

Application for Permanent Residence in Canada

Schedule 1: Background/Declaration

Additional Family Information

وجزاكم الله كل خير

[newmoslem]

عفوا د.قناوى

لا زال استفسارى قائما , لعلك لاحظت ان ال(داش) غير موجوده فى اللا ندنج فيزا الخاصه بابنى علما بانها موجوده فى اسمه اصلا فى الباسبور

علما بانه عندما وصلنا الورق الخاصباجراء ال medical checkup كان به نفس المشكله و قمنا بالتأكيد على الدكتور اللى عمل لنا ال medical عشان يصلح الاسم فى

الورق لكن الله يسامحه يبدو انه نسى فبالتالى جات الفيزا بالكيفيه دى

والسؤال الآن , هل ال (missing dash ) دى فى اسم الولد ممكن تعمل مشكله عنددخول كندا لعمل اللا ندنج ؟

فى انتظار ردكم , وجزاك الله خيرا

[ابو رقية]

الدكتور العزيز قناوي حفظكم اللة

دكتور اذا ممكن خطوات او برنامج التحضير للامتحان الايلتس بصورة يعرف الواحد من اين يبدا ......

اخذت اجازة من العمل وبدات اذاكر ولكن حياتي كلها اتقلبت فلا اكلم مرتي ولا بناتي وحجزت للامتحان

في شهر7 . الحقيقة يادكتور المصادر كثرت واكثرها على النت والكومبيوتر دوخ الراس ....

ارجو اذا كانت هناك طريقةعمل للتحضير قد ذكرت سابقا ولم اطلع عليها ارجو اعلامي...

وهل ممكن ان تتكرر اسئلة الامتحانات وتاتي نفسها .....

الحقيقة اني بدات اذاكر على الموقع ادناة وبة تمارين كثيرة فهل تنصحني بة وتقبل تحياتي........

Ielts exam preparation

[أحمد سيف]

الدكتور العزيز قناوي حفظكم اللة

دكتور اذا ممكن خطوات او برنامج التحضير للامتحان الايلتس بصورة يعرف الواحد من اين يبدا ......

اخذت اجازة من العمل وبدات اذاكر ولكن حياتي كلها اتقلبت فلا اكلم مرتي ولا بناتي وحجزت للامتحان

في شهر7 . الحقيقة يادكتور المصادر كثرت واكثرها على النت والكومبيوتر دوخ الراس ....

ارجو اذا كانت هناك طريقةعمل للتحضير قد ذكرت سابقا ولم اطلع عليها ارجو اعلامي...

وهل ممكن ان تتكرر اسئلة الامتحانات وتاتي نفسها .....

الحقيقة اني بدات اذاكر على الموقع ادناة وبة تمارين كثيرة فهل تنصحني بة وتقبل تحياتي........

Ielts exam preparation

أخي الفاضل ... امتحان الأيلتس هو امتحان يقيس مهاراتك في اللغة الانجليزية

لذلك فإن أفضل ما يمكنك أن تفعله لزيادة درجاتك فيه هو رفع مستواك في اللغة الانجليزية ... وهذه عملية تستغرق وقتا طويلا ولكنها بالتأكيد الوسيلة الأكثر نجاحا

هناك طريق آخر وهو التدرب علي حل امتحانات شبيهة بالامتحان الأصلي .. ويمكن إذا تدربت على عدد كاف من الامتحانات أن ترفع مستواك بين نصف درجه ودرجه خصوصا في مهارات الاستماع والقراءة

لكن في النهاية هناك حدود معينة للتحسن الذي يمكن أن تحققه بواسطة هذه الطريقة، وستجد أنه بعد حل 10-15 امتحان أن مستواك أصبح ثابتا تقريبا

أنا أنصحك أن تستخدم كتب جامعة كامبردج (6 كتب) لأنها الأقرب لشكل ومستوى الامتحان ... وطبعا عليك ألا تتوقع أن يعيدوا نفس الأسئلة ... وبالتالي لا تتعب نفسك في محاولة حفظ الإجابات

أنا أيضا سأقدم الامتحان بإذن الله في شهر 7 وقد حصلت على كتب كامبردج وبدأت التدرب عليها ... والحمد لله النتائج مشجعة

ولدي أيضا شريطين لمهارات التحدث من كامبريدج أيضا، أسمعهم أثناء قيادة السيارة لكي اتدرب على النطق الصحيح للكلمات

وإن شاء الله متوقع 7-7.5 في الامتحان

تمنياتي لك بالتوفيق

[masri]

مساء الورد

د.قناوي تحية طيبة و تمنياتي بالتوفيق للجميع .عندي سؤال مرة تانية بخصوص الفرنساوي هل اذا جبت ورقة من المدرسة اللي كنت فيها تقول اني كنت بدرس فرنساوي كلغة اجنبية تانية هل ده ممكن يعطيني درجتين و لا لا؟

شكرا

مرحب يا دكتور

انا م اقدر اد ايه انت متوتر بسبب الموضوع ده

بص يا سيدى ,انا طرحت الموضوع ده قبللك مرارا و تكرارا فى هذا المنتدى و فى اكتر من توبيك و الخلاصة هى الاتى :-

لو انت اسكورك= 67 و عايز ترفع الاسكور بمطالبة بدرجات من الفرنساوى , كدة ممكن تقدم شهادات الثانوى ديه من الصف الاول حتى الثالث الثانوى

لكن لو انت اسكورك 66 زى حالاتى او 65 فمفيش غير ال tef ,(وده امتحان لعين مالوش ماتيريالس ولاحتى ناس بتدرب عليه بالاضافة لتكلفته 1450 جنيه)

يعنى حيطالبوك بامتحان tef و لو قدمت الثانوية او اى شهادات تانية زى الديلف مش ح يعترفوا بيها وبكده حيكون لهم ذريعة فى رفض الطلب

لو فيه راى تانى للاخوة الاعضاء يا ريت يردو علينا عشان الاستفادة تعم الجميع وشكرا

تم تعديل 23 أبريل 2009 بواسطة masri

[أحمد سيف]

يا إخوان أنا ملاحظ إن فيه ناس كثير بتفكر تتعلم فرنساوي من أول وجديد علشان تاخذ كام درجه في سكور الهجره لكندا

مع إني شايف إن لو الواحد حب يحسن مستواه في الانجليزي شويه ده هايكون أسهل وأفيد له بكثير ... طبعا لو ما كانش ناوي يقيم في كيبيك

يعني تحسن في أي مهاره من المهارات الأربعة من متوسط الي مرتفع هايزودك نقطتين ... ولو قدرت تزيد في المهارات كلها هاتاخذ 8 نقاط زياده، وهيا دي نفس النقط اللي هاتاخذها لو مستواك عالي في المهارات الأربعة كلها في الفرنساوي

ده غير إن تحسن مستواك في الانجليزي هايحسن فرصتك في الشغل في كندا بعد ما توصل بإذن الله ... يعني مصلحة من الناحيتين

أنا عن نفسي ناوي آخذ كورسات انجليزي بعد ما آخذ فيزا الهجره (بإذن الله) وقبل ما أروح كندا

[laka]

السلام عليكم،يشهد الله اني قضيت أكثر من يوم و أنا أقرأكل الصفحات التي تجاوزت 200 وذلك حتى لا يكون سؤالي مكررا من جهة وحتى لا أرهق أخي في الله الدكتور قناوي في الرد على موضوع سبق طرحه،فلك مني عزيزي قناوي كل التقدير و الامتنان و الاحترام أيضا على صبرك و لن أضيف أكثر من أن الله لا يضيع أجر من أحسن عملا.كما لا يفوتني أن أشكر كل من أعطى ولو دقيقة من وقته للرد فللجميع جزيل الشكر.

أطلت في المقدمة لعلي أوفي المنتدى الجزء اليسير في الدح لأني لم أجد خيرا ولا أفضل منه في استيفاء كل المعلومات،أقول هذا لأني كنت أحد ضحايا محامي الهجرة الذي نصب علي في أكثر من 1300 دولار ولو كنت عثرت على منتداكم الرائع قبل هذا لما ذهبت نقودي أدراج الرياح.المهم اسف على الاطالة و أرجو من أخي في الله الدكتور قناوي الرد على أسئلتي.

1- أنا خلصت ماجستير علاج طبيعي master in physical rahabilitation في 2006وبعدها اشتغلت سنة ونصف كمندوب مبيعات وسنة في مجال تخصصي.فكم يحسب لي من نقط في الخبرة 15 أو 17؟

2- كيف تحسب نقاط امتحان TEF،ياريت التوضيح لأني معتمد عليها في اتمام 67 نقطة؟

3- هل أكيد أن لائحة الوظائف ستتغير في شهر 11؟واذا كان الجواب بنعم فما هو احتمال رفع تخصصي أي physiotherapist من اللائحة المقبلة؟لأني لاأدري ان كنت سأستطيع في الوقت المتبقي دراسة الانجليزية و الفرنسية بالدرجة الكافية لاجتياز ieltes و tef والحصول على النقاط الكافية.وشكرا واسف على الاطالة.

[مسافرة]

.....

2- كيف تحسب نقاط امتحان TEF،ياريت التوضيح لأني معتمد عليها في اتمام 67 نقطة؟

......

أنا ممكن أرد على سؤال رقم 2 بس ..

نتيجة الTEF بتكون 6 مستويات ( زى الايليتس 9 مستويات ) و المستوى ابتداء من التالت و طالع تحسب لك نقط .. أقل من كده لا يضيف نقط خالص .

المستوى التالت يعتبر basic (لو الفرنساوى لغة تانية ) و يضيف لك نقطة واحدة .. لكن بحد أقصى نقطتين لكل المستويات ال basic فى كل المهارات .

لو مستواك 4 تعتبر intermediate و تاخد نقطتين عن كل مهارة (لو الفرنسى لغة تانية) يعنى حد أقصى 8 نقط و لا يختلف الوضع لو جبت مستوى 5 أو 6 برضه حد أقصى 8 نقط لو لغة تانية.

المستوى 3 توصل له لو جبت أعلى من 40 % من الدرجات

المستوى ال 4 توصل له لو جبت أعلى من 60 % من الدرجات

باقى تعرف انا بتاخد -1 على كل اجابة خطأ .. و 3 درجات للاجابة الصح يعنى المجازفة فى الرد دون تأكد ممكن تنزلك عن مستواك اللى ممكن توصل له

أرجو أن أكون أفدتك ..

[somayasaleh]

دكتور قناوي الفاضل

مساء الفل والورد وال.........الاليتس

ربنا يوفقك في المذاكرة والامتحان...... بس هو يوم ايه في شهر مايو علشان ادعي لك بظهر الغيب؟؟؟

ومساء الربيع

[laka]

ممتن غاية الامتنان لردك،بس لو تكمل الجميل أو أي حد تاني يجاوب باقي أسئلتي.

[masri]

.....

2- كيف تحسب نقاط امتحان TEF،ياريت التوضيح لأني معتمد عليها في اتمام 67 نقطة؟

......

أنا ممكن أرد على سؤال رقم 2 بس ..

نتيجة الTEF بتكون 6 مستويات ( زى الايليتس 9 مستويات ) و المستوى ابتداء من التالت و طالع تحسب لك نقط .. أقل من كده لا يضيف نقط خالص .

المستوى التالت يعتبر basic (لو الفرنساوى لغة تانية ) و يضيف لك نقطة واحدة .. لكن بحد أقصى نقطتين لكل المستويات ال basic فى كل المهارات .

لو مستواك 4 تعتبر intermediate و تاخد نقطتين عن كل مهارة (لو الفرنسى لغة تانية) يعنى حد أقصى 8 نقط و لا يختلف الوضع لو جبت مستوى 5 أو 6 برضه حد أقصى 8 نقط لو لغة تانية.

المستوى 3 توصل له لو جبت أعلى من 40 % من الدرجات

المستوى ال 4 توصل له لو جبت أعلى من 60 % من الدرجات

باقى تعرف انا بتاخد -1 على كل اجابة خطأ .. و 3 درجات للاجابة الصح يعنى المجازفة فى الرد دون تأكد ممكن تنزلك عن مستواك اللى ممكن توصل له

أرجو أن أكون أفدتك ..

استاذة/ مسافرة

بعد التحية

سمعت فى منتدى اخر ان لو انسان تقدم لل tef وحصل على المستوى الثالث فى مهارة واحدة فقط , تحسب له درجة واحدة بجانب الانجلش

فما مدى صحة هذا الكلام؟

شكرا