رد على إستفساراتكم السريعة عن الهجرة لكندا

[henhel]

السلام عليكم

اولا احب اشكر كل الاخوه المشاركين و المؤسسين لهذا المنتى الكريم على جهودهم و حسن نواياهم فى نصح الناس و اسأل الله العظيم ان يبارك لهم فى اعمارهم و ارزاقهم و اولادهم و اخص بالذكر ( قناوى بيه - الدكتور تهامى - ايهاب سالم - مدام دعاء- ......) مش عاوز انسى حد تانى لكن ديه الاسماء اللى فرضت نفسها عليه و اجبرتنى على احترامها و تقديرها.

انا هتم ال27 سنه على شهر 12 الجاى ان شاء الله و باختصار انا خريج كليه تجاره 2003 و الحمد لله ربنا وفقنى فى فرصه سفر لدبى 2006 و طبعا كان عندى هدف من السفر مش احوش قرشين و ارجع لأ على الاقل اوفر حياه كريمه ليه و لاسرتى و بالرغم من قله الموارد الماليه فى ذلك الوقت كان راتبى تقريبا 2000 درهم لكن الحمد لله قدرت انظم راتبى كالاتى 500 درهم اكل و شرب و 500 درهم جمعيه عشان الهدايا و الصاريف لما انزل مصر و 1000 درهم قسط الجامعه حيث اننى قررت انى اعمل ماجيستير . و بالرغم من اللى كان يشوفنى فى الوقت ده يقول عليه مجنون انت واحد راتبك 2000 درهم تعمل ماجيستير هيكلفك 25000 درهم !! و قد كان الحمد لله سجلت فى الجامعه 04/2006 و هى جامعه امريكيه و ليها فرع هنا فى دبى و خلصت الماجيستير 06/2008 و الحمد لله بعد اول سنه من تسجيلى فى الماجيستير بدأت الامور تتحسن كتير و ربنا كرمنى و حاليا انا بفضل الله اولا ثم دعاء الوالدين مدير فى احد اكبر الشركات فى الامارات و اتجوزت كمان

طبعا المقدمه اللى فاتت ديه للعبره اولا و لعل و عسى تنفع حد ممكن يقراها. الغربه مش سهله زى ما ناس كتير فاكرا ان احنا رايحين نعبى اشوله فلوس و نرجع

الغربه نقدر نقسمها لنوعين من الناس :

النوع الاول : نوع بييجى كل همه انه يحوش قرشين و يعد كام سنه يرجع بيهم مصر و انا رافض جدا للمبدأ ده و ده بسبب ان دلوقتى و من تجربه شخصية الفلوس ملهاش اى قيمه فى مصر بمعنى ان اللى هيسافر دلوقتى و يرجه بعد سنتين مثلا و معاه 100 و للا حتى 200 الف جنيه هيبص يلاقيهم زى 20 الف و ملهومش قيمة و ده لان الحياة بتتغير بسرعه جدا و ديه وجهت نظرى الشخصية.

النوع الثانى : و ده اللى بيكون هدفه من السفر او الغربه انه يطور نفسه بنفسه بمعنى ان انا مثلا لو كنت فضلت قاعد فى مصر و قررت انى اطور نفسى و ادرس او اخد ماجيستير مثلا كنت كل يوم هاخد مصروف من بابا و ماما و الله اعلم اصلا كنت هدرس وللا لأ لان اعتقد ان كلكم ادرى بنوعيه الناس اللى كتير بتكون حوالينا اللى بيفضلو يكسرو مجاديف الواحد و يعقدو .

نرجع لموضوعى من حوالى شهر كنت مبحر شويه فى النت و امواجه رمتنى على شواطئ المنتدى ده و بدأت اقرأ مواضيع الاخوة الكرام اللى سبق ذكرهم لدرجه اننى حسيت انى معاهم فى كندا و اننى واحد منهم و حسيت بموده و قرب منهم بالرغم اننى لا عمرى شوفت حد منهم و للا حتى سمعت صوته و ده بسبب اننى حسيت بصدق نواياهم و ان الناس ديه فعلا نضاف من جوه و عاوزين يفيدوا الناس كلها .

و مع وجود الازمه العالميه اللى مأثرة علينا كلنا بدأت فكره التقديم للهجره تفرض نفسها على تفكيرى و ده من اجل السعى لتأمين مستقبل او حياه افضل و عجبتى كلمه كان احد الاخوةكاتبها اول لما وصل المطار فى كندا و الموظفين اللى هناك بيقلولو welcome in your new country الجمله ديه اثرت فيه جدا ان الواحد يكون عنده وطن يهتم بيه .

و قد كان بالفعل رحت لواحد من المكاتب الاستشاريه المحترمه و اللى ناس اعرفهم قدمو و بالفعل سافرو من خلاله و قدمت فعلا على الهجرة .....

لكن الحاجه اللى عاوز اسألها دلوقتى للناس الخبره اللى معانا هنا فى المنتدى لما رحت المكتب و بالفعل مضيت معاه التعاقد و دفعت جزء من الفيز بتعاعته المسئول اللى هناك قاللى ان اجراءات الهجره حاليا بتاخد من 6 الى 12 شهر و ان الناس اللى قدمت شهر يناير حاليا بيعملو الميديكل دلوقتى !!!! فهل الكلام ده مظبوط؟ صحيح و قاللى كمان مش هتحتاج انتر فيو !!!

انا مش مستعجل و لا حاجه بالعكس انا حتى لسه مقررتش لو جت الموافقه هعمل ايه بس انا قلت اخد رأى الناس الخبرة اللى معانا .

انا طولت عليكم بس انا مش واخد اننى اشارك فى النتديات و يمكن ده اول منتدى يكون ليه مشاركة عليه

[أحمد سيف]

الفاضل henhel

بداية أهلا بك في المنتدى ونتمنى لك التوفيق

فعلا الكلام اللي مكتب الهجره بيقوله لك مظبوط مشوار الهجرة الآن يستغرق بين ستة أشهر وسنه طالما أنك في قائمة المهن المطلوبة ... والكلام ده مذكور في موقع الهجرة الكندي

نصيحتي لك أن تقرأ الموضوعات الموجودة في باب الحياة والهجرة الى كندا في منتدانا وستجد أن المعلومات الموجودة بها أدق وأشمل وأحدث من أية معلومات قد تحصل عليها من أي مكتب هجرة ... وستنقل لك خبرات وتجارب الكثير من الإخوة في مرحلة الهجرة وبعد الوصول

مرة ثانية ... أهلا بك وفي انتظار مزيد من المشاركات

[henhel]

الفاضل henhel

بداية أهلا بك في المنتدى ونتمنى لك التوفيق

فعلا الكلام اللي مكتب الهجره بيقوله لك مظبوط مشوار الهجرة الآن يستغرق بين ستة أشهر وسنه طالما أنك في قائمة المهن المطلوبة ... والكلام ده مذكور في موقع الهجرة الكندي

نصيحتي لك أن تقرأ الموضوعات الموجودة في باب الحياة والهجرة الى كندا في منتدانا وستجد أن المعلومات الموجودة بها أدق وأشمل وأحدث من أية معلومات قد تحصل عليها من أي مكتب هجرة ... وستنقل لك خبرات وتجارب الكثير من الإخوة في مرحلة الهجرة وبعد الوصول

مرة ثانية ... أهلا بك وفي انتظار مزيد من المشاركات

استاذ احب سيف شكرا على الرد السريع و على قبولى بينكم كفرد من افراد المنتدى

[Bustami]

سلام

لو جاء طلب الابديت في شهر 9 2009 , وارسلت الاوراق كلها

وجاء مولود جديد في شهر 1 2010 , اي خلال فترة انتظار المديكال

ما هو الحل

ابعت ورق اضافة المولود في شهر 1 2010

اقول لهم اني زوجتي حامل عند ارسال ورق الابديت في شهر 9 2009

ابعت ورق اضافة المولود مع اوراق المدكال في شهر 2 او 3 2010

[znaty]

سلام

لو جاء طلب الابديت في شهر 9 2009 , وارسلت الاوراق كلها

وجاء مولود جديد في شهر 1 2010 , اي خلال فترة انتظار المديكال

ما هو الحل

ابعت ورق اضافة المولود في شهر 1 2010

اقول لهم اني زوجتي حامل عند ارسال ورق الابديت في شهر 9 2009

ابعت ورق اضافة المولود مع اوراق المدكال في شهر 2 او 3 2010

اخي العزيز البوستامي

ابعت ورق المولود مع الفورم بتاعة وشيك سداد 150 دولار في شهر 1 ان شاء الله علشان يبعتولك ورق مديكال كامل وماتتطعطلش

الوقتي لا معني انك تقولهم حاجة لان لا وجود لطفل رسميا

ولو بعته مع المديكال اوكي بس لازم يبعتولك ورق تاني ليه وفيلم تعطيل

بالتوفيق

[znaty]

بالله عليكم جاوبونى من اصحاب الخبرة فى الابديت هى شهادة الثانوية مطلوبة فى الابديت ولا ما عرفتش اطلعها لانى خريج ازهر والا زهر معقدها لانه مش بيطلعها بالانجليزى بس شهادة الجامعة عادى ترجتمتها واستخرجتها لكن الثانوية لا وعلشان اعملها فى الازهر بصراحة هتتكلف كتير جدا لان اجراءاتها معقدة ارجو الرد من اصحاب الخبرة

مين قالك ان شهادة الثانوية مطلوبه ؟؟

مطلوبة فقط لو انت موش عارف تثبت انك تعلمت 14 سنة مع الدبلوم

لكن البكالوريوس معناه انك حاصل على الثانوية العامة مية في المية وانا ماعرفش واحد قدمها مع الورق بتاعة من اللي خدوا التاشيرة خلاص

بالتوفيق

[znaty]

الاستاذ قناوى والاستاذ منير والاستاذ نصار بعد التحية انا قرات كثيرا على هذا الموقع واريدكم ان تخبرونى ما مجموع درجاتى حاليا انا قدمت اورقى فى اخر اغسطس 2008

الفايل نمبر ضاع ولم يصلنى

خطاب الانتظار وصل فى يناير 2009

وصلنى ايميل يوم 30 - 5 - 2009 بميعاد المقابلة ولكن انا قلق وياريت توضح لى شويه كم من الممكن تكون نقطى وكم احتاج من النقط فى المقابلة ؟

انا حاصل على ليسانس انا وزوجتى

انا و زجتى خبرتنا فى العمل اكثر من اربع سنوات

عمرى 36 سنة وزوجتى 29 سنة

لدى طفلين

ولدى ابن خال مهاجر ومقيم فى كيبك

وارسلت لطلب تقيم شهادات التخرج فى كيبك وارسلو لى رقم الملف

حاصل عل delf حتى مستوى A4

اجيد الفرنسية بشكل 60 %

مستوى زوجتى فى الفرنسية ضعيف

يا سيد قناوى انت فين انا محتاج ردك بسرعة

ارجو الرد على تقيم هذا الملف بالدرجات وكم احتاج من الدرجات فى المقابلة

ارجو افادتى بسرعة

السلام عليكم

ليا صديق قدم قدم اوراق الهجره الي كندا فدرال واخذ الفيل نمبر والموافقه المبدئيه من سدني كندا وهو شخص مقيم بدبي لكن ما حصل الاسكور المطلوب في الايلتس وبعدين نزل من الامارات بسبب الازمه الاقتصاديه وعليه ديون كثيره من هناك

السؤال 1 :هل مميكن ان يقدم هجره الي كيبك ولا يذكر انه كان بالامارات لانه لايستطيع ان يطلب شهاده حسن السير من الامارات؟

السؤال 2:له صديقه لبنانيه تجيد الفرنسيه بطلاقه ومعها ماجستير من فرنسا هل يمكن ان تقدم الهجره الي كيبك وتجعله boy friend or spouse مع العلم انه متجوز؟بس طريقه للوصل لكندا

اخي العزيز

لا انصح بانه يخفي معلومات

يقول انه كان في الامارات بس يقول انه لا يستطيع احضار فيش من هناك لانه فقد حالة الاقامة

الموضوع التاني دة ينساه تماما

هما اصلا بيقبلوا تعدد الزوجات لاما يقبلوا بجيرل فرند على مراته ؟؟؟؟؟؟

وبعدين هيا موش سايبه كدة

في شروط للكومون لوو بارتنر كانهم استغفر الله عايشين مع بعض

بالتوفيق

[paltalkawy]

يا جماعة أنا داخل اسلم على زناتي بس < والله الراجل ده عامل مجهود كبير وربنا يجزيه خير

[somayasaleh]

يا جماعة أنا داخل اسلم على زناتي بس < والله الراجل ده عامل مجهود كبير وربنا يجزيه خير

كلامك حضرتك علي حق.......ما شاء الله عليه :sad:

:110: :110: :110: :110: :110:

وكمان بارك له النجاح في الاليتس

[znaty]

يا جماعة أنا داخل اسلم على زناتي بس < والله الراجل ده عامل مجهود كبير وربنا يجزيه خير

كلامك حضرتك علي حق.......ما شاء الله عليه :sad:

:110: :110: :110: :110: :110:

وكمان بارك له النجاح في الاليتس

جزاكم الله خيرا يا صديقي دة انا نقطة في بحر اخوانا هنا بس ذوقك هو اللي زيادة

اللهم اجعلني خيرا مما يظنون واغفر لي مالا يعلمون

مدام سمية ضحكت من قلبي على الزغروطة

ربنا يبارك فيكي وفي اولادك وزوجك يا رب

بس كان ناقصها عقبال عندك يا ست ام فارووووق علشان تكمل :110: :110:

[محمود الكيميائى]

تم تعديل 2 يوليو 2009 بواسطة محمود الكيميائى

[elsaeham]

السلام عليكم

أنا مقدم على الهجرة وبعتولى الموافقة ولله الحمد

وطالبين إنى أترجم الورق (شهادات ميلاد الولاد و قسيمة الزواج)

فأنا عايز أترجمه فى مركز "معتمد" طبعا :110:

يا ريت اللى هاجر أو خلص الإجراءات دى يفيدنا :sad:

ودمتم :110:

[znaty]

السلام عليكم

أنا مقدم على الهجرة وبعتولى الموافقة ولله الحمد

وطالبين إنى أترجم الورق (شهادات ميلاد الولاد و قسيمة الزواج)

فأنا عايز أترجمه فى مركز "معتمد" طبعا :110:

يا ريت اللى هاجر أو خلص الإجراءات دى يفيدنا :sad:

ودمتم :110:

انت فين الاول؟

لو في مصر ممكن تترجم عند فؤاد نعمة او ممكن زي اخوانا ماعملوا ترجم في وزارة العدل في لاظوغلي

لو في الخليج اي مكتب معتمد لدي الجهات الحكومية هناك (زي ادارات المرور وما شابه ) وممكن تزيد تاكيد بختم الغرفة التجارية لو عاوز

بالتوفيق

[znaty]

اخوانا الاعزاء وجب التنبيه

بالنسبة للي لسة بيجهزوا ورق الابدايت

بروف او فاند

خليك اديات مع حاجتين

المبلغ المطلوب للاسرة لانهم زودوه في الفترة الاخيرة

يعني انا من 3 او 4 شهور كانوا عاوزين منا 12 الف وكسور فوجئت انها بقت 13 الف وكسور

ثانيا سعر الدولار الكندي

الدولار الكندي ولع نار

كان 2,8 ريال سعودي يوم مانا قدمت الوقت 3.5 يعني قرب اوييي على الدولار الامريكي

يعني لو انت مقدم شهادة بنك بعملة مختلفة اتاكد ان سعر الدولار الكندي بالنسبة للعملة دي لسة بيعادل المبلغ المطلوب

بالتوفيق

[mariannawadie]

[الاخوة الافاضل برجاء الاجابة على سؤالى اذا سمحتم"]

انا صيدلانية و زوجى ايضا فتحت ملف باسمى بالقاهرة فى

اغسطس 2008 و لم يتم الرد بالرفض او الايجاب حتى الان و انا اريد تعديل

الكود الخاص بالوظيفة ليلائم اللستة الجديدة و سؤالى هو

هل يمكن فتح ملف جديد قبل الرد على الاول بالتعديل المناسب ام لازم انتظر جواب الرفض

مع العلم انى اخذت الايلتس و معدية ال 67 نقطة]

و شكرا لتعاونكم

[znaty]

[الاخوة الافاضل برجاء الاجابة على سؤالى اذا سمحتم"]

انا صيدلانية و زوجى ايضا فتحت ملف باسمى بالقاهرة فى

اغسطس 2008 و لم يتم الرد بالرفض او الايجاب حتى الان و انا اريد تعديل

الكود الخاص بالوظيفة ليلائم اللستة الجديدة و سؤالى هو

هل يمكن فتح ملف جديد قبل الرد على الاول بالتعديل المناسب ام لازم انتظر جواب الرفض

مع العلم انى اخذت الايلتس و معدية ال 67 نقطة]

و شكرا لتعاونكم

اقترح اولا انك تبعتي ايميل للسفارة تسالي على حالتك لانك كدة داخلة على سنة والمفروض يكونوا خدوا قرار خلاص وورقك رجع من نوفا سكوتيا للسفارة تاني

من وجهة نظري انك ستني لما الحالة الاولي تخلص علشان مايحصلش كونفيوشن لانهم بيشيكوا بالنك نايم وتاريخ الميلاد

دة الى جانب في سؤال في الفورم بيقول هل قدمت على تاشيرات قبل كدة واترفضت لو اه اشرح الاسباب (هاتجاوبي عليه ازاي في حالة غير محددة )

نقطة تانية

انت موش محتاجة تغيري كود بس ..انت محتاجة تغيري كود وديوتيز كمان في فورم الوورك اكسبيرينس يعني فورم جديدة كليا

يعني تقدمي من جديد بكود مدير صيدلية ومهام نفس الوظيفة من موقع العمل الكندي

وممكن والله يشوفوا الديوتيز اللي انت كاتباها تكون قريبه من مدير صيدلية يعدوها الله اعلم

ابعتي الميل الاول وشوفي الرد

بالتوفيق

[ambition]

سلام عليكم

ازاى ممكن اخد يا جماعه النقطتين بتوع el basic in french

هل محتاج امتحان tef ولا يكفى اخد كورسات فى المركز الثقافى الفرنسى ومشكورين

[znaty]

سلام عليكم

ازاى ممكن اخد يا جماعه النقطتين بتوع el basic in french

هل محتاج امتحان tef ولا يكفى اخد كورسات فى المركز الثقافى الفرنسى ومشكورين

والله يا صديقي لازم تمتحن تيف وتجيب في 2 برانش ليفيل 3 علشان درجتين

او ليفيل 4 في برانش واحد

غير كدة ولا بعترفوا بثانوية عامة والا حتى كونسرفاتوار :rolleyes:

[ebregi]

سؤال عالسريع /\

أنا زوجتي لها بنت خالة (لها إقامة دائمة بكندا) نظرا لزواجها من كندي و أولادها جميعهم كنديون

هل ممكن إضتفة إسم البنت الخالة دي علشان تزود الإسكور و ألا مالوش لازمة أو مش فاليد

طبعا عارفين إني مقدم فيدرالي تاريخ إلإيه أو آر -11/2007

و الأيليتس ربنا كرم فيه و عديت الحمدلله

ومنتظر مع الجميع الأبديت إن شاء الله

شاكريين مهللين

[pharaon]

السلام عليكم

كنت بسال على الفورما بتاعت الجوب اوفر وتاريخها وهل ليها مواصفات معينه او توثيقات معينه

ياريت يا جماعه حد يفيدنى فى الموضوع ده

شكرا