الدنيا ضلمه والشارع زحام ......

[houssin abo habaga]

الدنيا ضلمه والشارع زحام

والبلد دى مش بلدنا

سامع كلام

سامع فرح

وكأن نيزك م السما

جه ع السطوح

حامل زمرد أو يا قوت

والناس تقول دا قدر

قالوا القدر مفيش كلام

قالوا أشاعه كذب الخبر

وفجأه طالل علينا بطلته

وكأنه واحد م الملوك وحاشيته

يلمعوك

ينكلوك

يبيضوك

يطلعوك بلوك جديد

الصحه عال

ويقولوا دى كانت أشاعه

خلاص يا صاحبى

العضمه كبرت

ومفيش علاج للشيخ كلام

مهما يكتب الكدابين

البكاشين

النقاشين

وينقشوا كحك بعسل

ويعلقوا كل الصور على البيبان

ويطلعوا مليون بيان

فرعون أهه بصحته

راجل عظيم

شوف طلته

الشعر صبغه صبغه طين

والشوارب محلوقين

ويطلع لنا فى الصحف

واحد أفندى م الخرفانين

يشبهوا بالرسل

فوق بقى يا عم تين

خلاص بلدنا خرفت

علشان كده

عايزين حاجه تلمنا

تضمنا كلنا زى أمنا

بدل ما بكره نكون كلنا

م الغرقانين

---------------------

حسن عمران

ألآن نطور الموقف الى عمل مش بس كلام

Omran55.maktoobblog.com

Badralnhar.maktoobblog.com

Omran55.blogspot.com

Dastor76.blogspot.com

تضامنا مع أبراهيم عيسى

:lol: :lol: :lol: :wub:

تم تعديل 30 سبتمبر 2008 بواسطة houssin abo habaga