أسئلة للشباب والشابات

[Katamando]

أعزائي الشباب

هل نحن شباب

قوي

ضعيف

نص نص

حاول الاجابة تعبيراً عن شباب جيلك وبالتعليل لإجابتك

ملحوظة:

دون التفرع لمواضيع أخرى أو الخوض في السياسة أو الدين

وتقبلوا تحياتي

[Farah]

عندي سؤال

هو سن الشباب من كام لكام

[ابو يوسف]

أعزائي الشباب

هل نحن شباب

يعنى ايه شباب ؟؟؟

[Lancelot]

معلهش يا أستاذ كتامندو ..... ممكن توضح السؤال شوية ...

يعني إيه قوي و ضعيف .... من أي ناحية يعني ...

[crossfield]

وسع يا جدع انت و هو و هى

أنا فهمت كتامندو قصده ايه

شباب آه

ظاهرياً يعنى

لكن أنا شخصياً بحس أوقات ان عندى 40 سنة. ليه؟

يمكن من كتر الهم اللى الواحد شافه (لو فسرت يبقى لازم نتكلم فى سياسة و اقتصاد و اجتماع ...)و انت قافلها علينا يا كتامندو.

يمكن لان الواحد طالع عاقل حبتين و محبكها شويتين و بالتالى كل خطوة دايماً كانت محسوبة و ده غلط وده لأ و ده عيب فمحسش انه استمتع بحاجة زى باقى الشباب .

لكن منكرش ان فى أوقات الواحد بعيد عنكوا بيتفاءل فيها لكن قليلة و بتمر بسرعة.

تقدر تقول شباب نص كم

قصدى نص نص.

[nora]

شباب ........

هذه كلمة كانت توجد في القاموس تعني الحياة والحيوية والانطلاق والامل و المثابرة

ولا يكون لها علاقة اطلاقا بالسن ، فلا يوجد اي صلة بينهما طالما الانسان قادر على الاعطاء وان يمنح البشر الحياة و يبث فيهم روح التفائل .......والأمان...............................

اين نحن في هذا الزمان من هذة المشاعر الرقيقة ........

اين نحن من التفائل والامل وانت في كل يوم تحمل جرح جديد و ألم يكبر ......

اين الامل بين اليأس .....

اين الأمان بين الحروب ......

أين الحيوية بين الضغوط....

اين المثابرة بين تكسير الهمم....

أين العطاء بين الجشع .....

كفاية عرفت بأه الي في سني حاسس بأيه انا اشعر ان عمري 150سنة اي ستة اضعاف سني

يلى بأه بالشفى.......

[إبن مصر]

كاتاماندوووووووووووووووووووووو

فينك يا راجللللل

وحشتنىوالله

المهم ..

احنا شباب قوى وجعان قوى واقويا قوى ..

تمت الاجابه على الاسئله الاجباريه والاختياريه .....

التقدير مضمون

بس سؤال يعنى ولا مؤخذه...............

اى الشباب تريد الحديث عنه شباب السنين ام شباب القلب

فالعمر يعدو بالايام مبتعــــدا عن الشباب والمشيب يقترب

والقوه فى الصبا نطلبها نجدها وفى الكهوله مفقوده ياللعجب

تسأل عن الشباب والقوه يا صاح فلم عند السؤال عنها لم تجب

ابن مصر

[White heart]

Katamando كتب:

حاول الاجابة تعبيراً عن شباب جيلك وبالتعليل لإجابتك

بصراحة يا عزيزى، لقد تخطيت تلك المرحلة، و أختلف محل أقامتى..

و لكننى أستطيع القول بأننى و اكثر من عشرون شاب و شابة، قضينا معا أجمل و أعظم فترة شبابية فى احدى أحياء القاهرة!!

و لا أكذب عليك ان قلت لك اننا قد استمتعنا سويا خلال عدة سنوات مراحلنا الدراسية المختلفة و من خلال احدى النوادى بمعظم أوقاتنا ان لم تكن كلها!!! أتذكر بعض المعارض التى شاركنا بها كل بعمل يدوى مختلف من "شغل أركيت"، "كنافاة أو تريكو"، "رسومات"....الخ...الخ، و عائد تلك المعارض البسيطة الموجة لعمال الخير، أتذكر مشاركتنا فى بعض الأعمال فى احدى الملاجئ بجبل المقطم مرتين اسبوعيا، من تعليم هؤلاء الأطفال مختلف المهارات التى نتقنها، و الترفية عنهم سواء بالغناء أو العزف على بعض الألات الموسيقية، أو الرقص، او انشاء فرق مسرحية للتمثيل، أو قراءة بعض القصص و خلافة (أتذكر جيدا لهفة هؤلاء الأطفال على تلك الأيام لحضورنا، و نظرات السعاة و المرح على وجوهنا جميعا، هم و نحن)، أيضا مشاركتنا لزيارة بعض الأسر "المسكينة" التى تعانى من مشكلات متعددة ..

أتذكر قيامنا بالتمثيل و الغناء على مسرح نادينا، ولم يكن رواد هذا المسرح الا أعضاءة وأهالينا و بعض الزائرين من أحياء أخرى مجاورة...

أتذكر مشاركتنا لبعضنا و مع بعضنا لكل المناسبات السعيدة المختلفة من حفلات عيد ميلاد و حفلات راقصة، و رحلاتنا و مخيماتنا المتعددة للعديد من الشواطئ المصرية، و لن أنسى رحلة شارم فى "الجافى كامب" بكل ما تضمنتة من ألعاب ترفيهية و طهى و اسكتشات كوميدية تنكرية،

أتذكر فريق الكشافة و الجوالة فى نادينا، بل ما زلت اتذكر بعض كلمات أغنية كنا نرددها فى احدى المعسكرات الكشفية و التى لا معنى لها!!

مثل: "هم - صم - جرم - رتسة....النيل جادومبة...النيل جادومبة...

أو اغنية اخرى: "أبو زيد قال لدياب أطلعلى برة...جت الجيوش حلق حوش كوسة الحشو يا زبدة....ضربة بسن الرمح ...رفيعة يا بامية...سل الدماء على الرمال....حمرة يا طماطم...!!!

ما زلت احتفظ بهديتى فى هذة المرحلة "ككشاف مثالى"!!

أتذكر مشاركتنا فى كثير من الأعمال داخل نادينا بل و امامة فى الشارع من تسوية ارض ارض ملعب كرة القدم و الأعتناء بكثير من المزروعات من شجيرات فاكهة و زهور و ريها صيفا و حتى "كنس" الأتربة المتجمعة امام نادينا !!!!

اليوم تزوج بعضهم ببعض و اختاروا البقاء فى بلدنا و هاجر البعض الأخر.

ياااااااااااااااااااااااااااااااةةة كانت أجمل أيام....أعتذر للأطالة.

لا أعلم ان كانت ذكرياتى تلك تصلح كأجابة على تساؤلك يا عزيزى؟

و لكننى فى رأيي الخاص لقد كنا "شباب قوى ..قوى"

[ابو حلاوه]

موضوع رائع

عند بداية دراستي في الكلية منذ 13 سنة كنت اخطط و احلم ببعض المشاريع التي كانت تبدو و همية تماما لمن حولي بل و لأقرب الأقربين مني و كانت مشاريع السفر و الانتقال من بلد لبلد و الدراسة و التحصيل كحقيقة واقعة و كنت اخطط لأشياء اعرف تماما ان ميعادها لم يحن بعد

و بين تعليقات اصدقائي الساخرة و بين مناشدة اهلي ان انتبه للأهم فالأقل اهمية كنت محتار

و الان و بعد كل تلك السنوات اجد ان ما خططه يتحقق و ان كل خطوة انجزها الأن كانت بدايتها و جذورها في تلك الفترة

و ما كان يبدو وهميا تماما اصبح الان اقرب للحقيقة منه للخيال

و مع كل نجاح احققه الأن اتذكر تلك السنوات و اشعر بتلك النشوة و الحماس للخطوة التالية

يا تري مش هو ده الشباب برضة ؟؟؟

[Katamando]

لم يجب أحد من شباب اليوم

وهذا في حد ذاته إجابه كنت أكره أن أستشفها أو أن أقرأها بهذا الوضوح

الله المستعان

[nora]

لم يجب أحد من شباب اليوم

وهذا في حد ذاته إجابه كنت أكره أن أستشفها أو أن أقرأها بهذا الوضوح

الله المستعان

يادي المصيبة امال انا اية راجع عمري لتكون مفكرني عديت ال70

[Mohammad Abouzied]

يتسئلني عن شبابي

شوف ياسيدي

اتولد لقيت الثورة وفتحت عيني على عدوان 56

واتحطمت على نكسة 67

ومن 67 اتنقلت الى معسكرات المقاومة الشعبية وفصائل خدمة الجبهة والدفاع المدني حتى دخلت الجيش ومنها الى الاسماعيلية 73 وخرجت من الجيش وبعدها اتجوزت على طول مرة واحدة اجنبية للهرب الى بلاد الافرنجة وطلعت منها حالف بتراب بلدي ان مفيش اجدع منها واتجوزت بنت عمي واشتغلت حر في شركات الاستثمار وزهزهت الدنيا معايا ولكن ارث الماضي الكئيب حطم امالي وحطم امال كل شباب 6 اكتوبر كما كانو يوصفونا وقتها وبعدها ضاع العمر يا ولدي في الجدال الدائر حتى الان وهو عبد الناصر افضل ولا السادات الاشتراكية ام الرأسمالية افضل وفضلنا وقفين على السلم مش عارفين بلدنا رايحة فين ونهرب منها ولا نرجعلها

بس اكيد ها نرجع لما منمان يبني لينا المساكن الابدية ويحقق مشروعه الناجح للمغتربين المصريين

ومش عارف انا شبابي امتى ابتدى وامتى انتهى وصحيح كان فيه غنى لكنه كان غنى الحرب وكان فيه مزيكا ولكنها كانت مزيكت المدافع وكان فيه اصدقاء لكن كانو اصدقاء القروانه حتى تدريبنا في النوادي على الجودو كان بهدف الحرب اصلا

ولا اتمنى ابدا ان يقضي شبابنا نفس فترة شبابهم مثلي وعلشان كدا بكره الحرب وبكره كل من يفكر فيها كا وسيلة

[Lancelot]

لم يجب أحد من شباب اليوم

وهذا في حد ذاته إجابه كنت أكره أن أستشفها أو أن أقرأها بهذا الوضوح

الله المستعان

بما إني من شباب اليوم - علي ما أفتكر يعني - .... فإني أكره أن أخلف إنطباعا سيئا .... لكني للأسف مش فاهم السؤال .... و أكرر ما قلته ...

معلهش يا أستاذ كتامندو ..... ممكن توضح السؤال شوية ...  

يعني إيه قوي و ضعيف .... من أي ناحية يعني ...

[إبن مصر]

توقفت طويلا امام اغنيه غناها محمد صبحى فى مسرحيه انت حر ...

وجدتها تصف عمرى تماما:::

العمر ضاع

ضاع فى الكلام

وكأنى يوم ما اتولدت

باقول يا دنيا الوداع

العمر ضاع

فى يوم حبيت

ويوم مشيت

ويوم وقعت

ويوم ما عدت وقفت

كنت انتهيت

العمر ضاع

فى كده ما عرفش كام

عدا من الاعوام

وكأن الى جرى

رؤى الاحلام

بصيت شمال بصيت يمين

غمضت عين فتحت عين

لحظه صغيره

العمر انقضا

فى يوم ضحكت

ها ها ها

ويوم بكيت

ويوم اكتويت

لكنى ابدا ما ارتويت

ولا اى شىء مما اشتهيت حققت

العمر ضاع

من كتر قلبى ما اكتوى ومما عانيت

من كتر قلبى ما اكتوى ومما عانيت

واسيبكم دلوقتى اقوم امسح دموعى

ابن مصر

[Faro]

أعزائي الشباب

هل نحن شباب  

                    قوي  

                    ضعيف

                    نص نص

وتقبلوا تحياتي

مغـــــــــــــلوب على أمره

[optimistic]

مغـــــــــــــلوب على أمره

لا مغيب

[الباشمهندس ياسر]

شباب وزى الفل بس هى ملطشة معانا شويه

انما مسيرها تروق وتحلى بس شوية صبر

و مش كده وبس

لآ ده احنا رجاله جد وحمل جبااااااااااااااال