نفتقد بعض الأخوة

[لماضة مصرية جدا]

السلام عليكم و رحمة الله و بركاته

مفتقدة دااااااااااااااااااااااااااامو

ربنا يطمنا عليها

دااامو اختفت تااااااانى يا لماضة الظاهر مشغولة فى الجامعة

لكن شيكو طولت الغيبة اوى

فينك ياشيكو ؟؟؟

فتفوتة مختفية بقالها كام يوم بس اكيد معاها علبة بسكوت رمسيس مونساها :rolleyes:

السلام عليكم و رحمة الله و بركاته

من شوية كنت بتكلم مع فتافيتو....هي كويسة و بتسلم علينا كلنا نفر ......نفراية....و بتوصينا كلنا ندعيلها

ربنا يوسع عليها يا رب و يروق بالها

بالنوسبة لبنتنا دامو....يا اوختشي كل ما ااقولها يا خالتي انتي فين تقولي انا موجوده اهه......و تقعد تشاورلي....و تعملي بااااااي...بس انا مش شايفاها

بحس ان احيانا ناس بتخش بس مش بتشارك......و دول ان شاء الله محرومين من اعمال السنة

شيكو برضه و بلته الالوان بتاعتها.....مختفية

يا رب غيابهم يبقي فيه خير ليهم

يجوا بسرعة

بس خلاص

هروح اتمم علي باقي الموجودين و بعدين اخش انام

فوتكم بعافية

[Howayda Ismail]

كنت افتقد الاخت العزيزة فتفوتة والحمد لله اطمأنيت عليها منكم

[Howayda Ismail]

ايه يا بوسى انت فين افتقدناك ولا ده تكتيك للحلقات .

طيب سلمى وامشى

[enjisultan]

يا جماعة ما حدش يعرف اخبار سوسو ار مختفية خالص من فترة واعتقد انها مش بتدخل اساسا خالص لو حد يعرف يبقى يطمنا عليها

[لماضة مصرية جدا]

يا جماعة ما حدش يعرف اخبار سوسو ار مختفية خالص من فترة واعتقد انها مش بتدخل اساسا خالص لو حد يعرف يبقى يطمنا عليها

السلام عليكم و رحمة الله و بركاته

هحط افتقادي علي افتقادك...و يبقي افتقادات كتيرة اوي

أنا كمان مفتقدة سوسوراني.....بس بخمن انها اكيد مشغولة في المذاكرة....مش عارفة مذاكرة ايه علي السن ده (وش عيل بيطلع لسانه..... wst:: )

انا كمان مفتقدة "لولا" جدا.....لؤلؤة الاحساس....غيابها عامل سرسوب هوا في المحاورات

يا رب يكون غيابها خير

ع جنب بقي

مع اني بحدف مداخلات في التوبيك دهوت....بس مفروسة منه

ليه بقي

لان كل حد فينا بيخش يقول انه مفتقد فولان أو بيسال علي علان

لكن يا اخواتي لا انا شفت فولان و لا علان دخل و قال كلمتين في حق الناس اللي سالت عليه او عليهم

يا توري يا هل توري...عشان هما اصلا مبيجوش هنا فمش عارفين مين سال و كده...(وش عيل بيهرش في دماغه بإيديه الاتنين)

و عشان كده انا بقترح ع الادارة الاقتراح التالي

كل شوية يبقوا يجوا يبصوا ع الحتة دي و لما يلاقوا مداخلة خاصة بغياب عضو.....يروحوا بعتينهاله ع صندوق البوسطة بتاعه او بتاعتها او بتاعهم...المهم يبقي فيه تواصل

مش احنا عمالين نفتقد.....لما جالنا اسهال....(يع ايه الالفاظ دي).....و محدش بيرد علينا

هذا و بالله التوفيق

كان معكم

كبير موظفي الغياب و الحضور.....بدولة المحاورات الحرة المستقلة

لماضة بل الهوا طربوشه

فوتكم بعافية

[Howayda Ismail]

كتير من الاخوة والاخوات تغيبوا عن المحاورات لو بسبب الاجازات ان شاء الله اجازة سعيدة والاهل احق بوقتهم

لكن انت فين يابوسى مختفية اولا وحشتينا وثانيا فين الحلقات الجديدة .

[لماضة مصرية جدا]

السلام عليكم و رحمة الله و بركاته

مدام هند علي Hend Ali

ن ساعة ما جت و كتبت في التوبيك دهوت....و بعديها اختفت

يا لهوي....يبقي انا هختفي كمان شوية و لا ايه

ربنا يستر

طمنينا عليكي يا مدام هند

[لماضة مصرية جدا]

السلام عليكم و رحمة الله و بركاته

انا مفتقدة تانت قلب أبيض جدا

ع فكرة انتو بتخوفوني من نزول مصر....هو اللي بينزل مصر.....بيتخطف و لا ايه...(وش واحدة قاعدة توضب الشنطةو محتااااااسة)

[Howayda Ismail]

السلام عليكم و رحمة الله و بركاته

مدام هند علي Hend Ali

ن ساعة ما جت و كتبت في التوبيك دهوت....و بعديها اختفت

يا لهوي....يبقي انا هختفي كمان شوية و لا ايه

ربنا يستر

طمنينا عليكي يا مدام هند

حبيبتى لماضة انا سعيدة جدا بسؤالك عنى وحسيت فعلا ان لى وجود بينكم كان فى ظروف والحمد لله انا بخير

المهم ازيك انت وحشتينى وحشتنى لماضتك وخفة دمك وحشنى المنتدى كله لعل الجميع بخير.

ومصر دايما بتنور باهلها العائدين

[لولا]

[

انا كمان مفتقدة "لولا" جدا.....لؤلؤة الاحساس....غيابها عامل سرسوب هوا في المحاورات

يا رب يكون غيابها خير

مساءك ورد يا لماضه..

لطيف فعلا ان وجودك او غيابك من مكان يكون محسوس او مؤثر عند حد .. امممم بس مش لدرجة يعمل سرسوب هوا :happy:

ميرسي جدا على سؤالك اللطيف ..هى مجرد اجازة قصيره وبطريقه ما احساس غريب بعد تغيرات المحاورات وعدم وجود بانر للمواضيع

مفتقده المحاورات زى لما تفتقدى عزيز لأقصى درجه .. وفى نفس الوقت مش عارفه لسه احس بألفه المشتاق بعد الغياب بالشكل الجديد واحساسي بغياب اعضاء كتير..

حكايه غريبه ..

كنت بحب كمان ادخل المحاورات فأشوف اسماء حتى الناس اللى كانت متواجده خلال اليوم.. ادور على مشاركاتهم

سمعت انك نازله اجازة .. تمنياتى بوقت سعيد

كونى بخير

لولا

[لماضة مصرية جدا]

[

انا كمان مفتقدة "لولا" جدا.....لؤلؤة الاحساس....غيابها عامل سرسوب هوا في المحاورات

يا رب يكون غيابها خير

مساءك ورد يا لماضه..

لطيف فعلا ان وجودك او غيابك من مكان يكون محسوس او مؤثر عند حد .. امممم بس مش لدرجة يعمل سرسوب هوا :happy:

ميرسي جدا على سؤالك اللطيف ..هى مجرد اجازة قصيره وبطريقه ما احساس غريب بعد تغيرات المحاورات وعدم وجود بانر للمواضيع

مفتقده المحاورات زى لما تفتقدى عزيز لأقصى درجه .. وفى نفس الوقت مش عارفه لسه احس بألفه المشتاق بعد الغياب بالشكل الجديد واحساسي بغياب اعضاء كتير..

حكايه غريبه ..

كنت بحب كمان ادخل المحاورات فأشوف اسماء حتى الناس اللى كانت متواجده خلال اليوم.. ادور على مشاركاتهم

سمعت انك نازله اجازة .. تمنياتى بوقت سعيد

كونى بخير

لولا

احلام مستغانمي كتبت

الأشيـآء التيّ فقدناها ,

والأوُطآن التيّ غادرناها ,

والأشخآص الذّين أقتلعوآ منآ

غِيآبهُم لآيعنيّ إختفآئهُم !

إنهًم يتحركون فيّ أعصآب نهايآت أطرآفنّا المبتوُرة

؛يعيشوُن فينّااا

كمآ يعيّش صديقٌ رحلْ ..

ولآ أحد غيرنا يرآهُم !

وفيّ الغُربه يسكنُوننا ,

فَ يزدآد صَقيّع أطرافنا ؛

وننفضْح بهُم برداً !

.....

و انا جيت اعبر عن "ننفضح بهم بردا".....كتبت "سرسوب هوا"...معلشي بقي...

طبعا انا عارفة انك هتقدر الفارق العقلي....تماما

بس اكيد الكلمة اللي مش هتلخبط فيها :blush2:

"مفتقداكي"

اتغلبي علي حالة الغربة بتاعت شكل المنتدي....عارفة بايه....انك تتواجدي اكتر....و هتلاقي نفسك بتتفاعلي تاني...لان المنتدي ...مش بس شكل....المنتدي...ناس....و ارواح...و افكار....اتكلمنا معاهم من غير ما نشوف شكلهم

مستنينك

مساااااكي افتقاد.....أوي

[لماضة مصرية جدا]

السلام عليكم و رحمة الله و بركاته

ع فكرة حاسة ان شكلي بقي عبيط اوي....كل يوم آجي و اكتب في التوبيك دوت....عاملة زي البواب اللي واقف علي باب المحاورات....بس فعلا مفتقدة اوي الناس هنا

النهاردة....مفتقدة اوي روح فتفوتة....و خصوصا لما عملت التوبيك اللي بتقفش فيه كل واحد في المحاورات قاعد يعمل ايه

كمان العضو عكاوي....اللي اسمه مكاوي بس هو مخبي....من ساعة ما شيلنا الفلة بتاعت الجاكوزي و هو مختفي...طب ايه اتشفط مع ميه الجاكوزي

مش عارفة

يا رب يجوا بالسلامة...و يكون غيابهم خير

[مغتربة]

مفتقده ناس كتير جدا

المحاورات عامله زى الاسبوع اللا بيبقى قبل الامتحان فى المدرسه ( او تانى يوم رحله مصر :rolleyes: :rolleyes: )

لما الفصل الى فيه كدا اربعين خمسه و اربعين نسمه بقدره قادر متلقيش حاضر منهم غير تلاته ( غير الاستاذ :wub: :wub: )

انا عارفه انت دا موسم اجازات بس اتمنى تطولوا علينا كده و لم من بعيد لبعيد

بس طمننونا عليكم

تحياتى لكل الحاضر و الغائب و ربنا يجمعنا من تانى على الخير

[engmido]

نفتقد س س وفتفوتة

[Mr MAGED]

من زمان أوي مشفتش عماد ولا كيت كات

يا رب المانع يكون خير ان شاء الله

[hOuSsAm]

عماد

لو تقصد عماد حمدى هو الحمد لله بخير انا مازلت على تواصل معاه فى شغله الجديد فى ابوظبى

بالنسبة لكت كات احتفى فى ظروف غامضة بعد رسالة غريبة ارسلها للمحاورات المفروض اننا نتقابل فى رمضان فى مكة لو هنتقابل هبقى اقولك

تحياتى

[Mr MAGED]

عماد

لو تقصد عماد حمدى هو الحمد لله بخير انا مازلت على تواصل معاه فى شغله الجديد فى ابوظبى

بالنسبة لكت كات احتفى فى ظروف غامضة بعد رسالة غريبة ارسلها للمحاورات المفروض اننا نتقابل فى رمضان فى مكة لو هنتقابل هبقى اقولك

تحياتى

متشكر يا حسام .. ويا ريت تطمني عليهم وتسلملي عليهم

وبما انك من المنصورة وفجدة يبقي الأولي اننا نتقابل الأول .. ولا إيه !!!

تحياتي

تم تعديل 31 يوليو 2010 بواسطة INVESTOR

[hOuSsAm]

الفاضل انفيزتور

بعتلك عالخاص

[قلب ابيض]

افتقد عنبوووو

الباشمهندس ياسر

سوسورانى

بشددددددددددده

حد يعرف حاجه عنهم؟؟؟؟؟؟

[hOuSsAm]

افتقد عنبوووو

عنبو بخير والحمد لله

هو بس عنده شوية برد ومطحون فى الشغل ... ربنا يقويه

بالنسبة للبشمهندس ياسر انا كمان مفتقده جدا

لعل المانع خير